අද මධ්‍යම රාත්‍රියේ සිට ක්‍රියාත්මක වන පරිදි කිලෝග්‍රෑම් 12.5 ක ගෘහස්ත ගෑස් සිලින්ඩරයක මිල රුපියල් 1,257 කින් ඉහළ දැමීමට ලිට්‍රෝ ගෑස් සමාගම තීරණය කර ති​බේ. ඒ අනුව එහි නව මිල වන්නේ රුපියල් 2,750 ක් වෙයි.

රටේ පැන නැගී ඇති කොවිඩ් වසංගතය හේතුවෙන් උත්සවශාලා සහ ආහාර සැලසුම් කර්මාන්තය විශාල වශයෙන් අර්බුදයකට මුහුණපා සිටින බැවින් මෙම ක්ෂේත්‍රයේ නිරත ලක්ෂ 15 ක් පමණ වන පිරිස ගැන සිතා අවම වශයෙන් 150 ක සීමාව යටතේ හෝ උත්සව පැවැත්වීම පිනිස අවස්ථාව සලසා දෙන ලෙසට රජයෙන් ඉල්ලා සිටින බව සමස්ත ලංකා උත්සවශාලා හා ආහාර සැලසුම්කරුවන්ගේ සංගමයෙහි සභාපති අතුල කළුආරච්චි මහතා පැවසීය.

නිව් සවුත් වේල්ස් ප්‍රාන්ත මහ ඇමති ඩොමිනික් පෙරොටෙට් ප්‍රාන්ත අගනුවර සිඩ්නි හිදී මාධ්‍යවේදීන් අමතමින් කියා සිටියේ තමා මෙය නිදහස් දිනයක් සේ දකින බවයි.

මහරගම අපේක්ෂා රෝහලේ ප්‍රතිකාර ලබන දරුවන් සදහා කොරෝනා මර්දන එන්නත් ලබාදීම සිදුකෙරෙන අතර මේ වනවිට කිසිදු සංකූලතාවක් වාර්තාවී නැති බව විශේෂඥ වෛද්‍ය සමන්මලී ගුණසේකර මහත්මිය පවසයි.

මෙරට කෘෂිකර්මාන්තය මෑත ඉතිහාසයේ මුහුණදුන් දරුණුතම ඛේදවාචකයට මුහුණදෙමින් සිටින බව හිටපු ජනාධිපති මෛත්‍රීපාල සිරිසේන පවසා සිටියි.

හෙම්රින් ප්‍රදේශයේ මැතිවරණ මධ්‍යස්ථානයකදී නාඳුනන ප්‍රහාරකයින් ආරක්ෂක නිලධාරීන්ට වෙඩි තැබීමෙන් එක් අයෙකු මියගොස් තවත් පුද්ගලයෙකු තුවාල ලබා ඇති බවද වාර්තා වේ.

විශේෂ කාර්ය බලකා මූලස්ථාන කඳවුරේ විශේෂ මෙහෙයුම් ඒකකයේ නිලධාරීන්ට ගම්පහ ප්‍රදේශයේ නිවසක ගිණි අවියක් ඇති බවට ලද බුද්ධි තොරතුරකට අනුව නිලධාරීන් කණ්ඩායමක් විසින් අද දින ගම්පහ පොලිස් වසමේ ගම්පහ ප්‍රදේශයේ දී වැටලීමක් සිදුකර ඇත.

අද (10) දිනට යෙදී ඇති ශ්‍රී ලංකා යුද්ධ හමුදාවේ 72 වන සංවත්සරය වෙනුවෙන් අනුරාධපුර, සාලියපුර ගජබා රෙජිමේන්තු මූලස්ථානයේදී ප්‍රධාන උත්සවය පැවැත්වුණි. ශ්‍රී ලංකා යුද්ධ හමුදාව 1949 අංක 17 දරණ යුද්ධ හමුදා පනතට අනුව ස්ථාපිත කෙරිණි. රටේ ආරක්ෂාව උදෙසා විශාල කාර්යභාරයක් ඉටුකළ ශ්‍රී ලංකා යුද්ධ හමුදාව පාබල, ආධාරක සහ සේවා රෙජිමේන්තු 25කින් සමන්විත වේ.

මෙම ගුවන් යානය මැන්සලින්ස්ක් නගරයේ පිහිටි ගුවන් යානා සමාජයකට අයත් වූවක් බව කියයි. පැරෂුට්කරුවන් පුහුණුව සඳහා එම යානය භාවිතා කරන අතර, එවැනි පුහුණු සැසියකදී මෙම අනතුර සිදුව ඇත.

ගුරු විදුහල්පති වැටුප් විෂමතා ඇතුළු ගැටලු සම්බන්ධයෙන් හෙට දිනයේ දී අග්‍රාමාත්‍යවරයා සමග පැවැත්වීමට නියමිතව තිබූ සාකච්ඡාව නොපැවැත්වෙන බව ගුරු විදුහල්පති වෘත්තිය සමිති පවසයි.

2021 පන්දුවාර විස්සයි විස්ස ලෝක කුසලාන ක්‍රිකට් තරගාවලිය සදහා වන ශ්‍රී ලංකා අවසන් සංචිතය අද ප්‍රකාශයට පත් කෙරිණි.

කිම් මේ බව කියා සිටියේ කොරියානු කම්කරු පක්ෂය පිහිටුවා 76 වැනි සංවත්සරය නිමිත්තෙන් පැවති උත්සවයකදීය.

ඉකුත් කාලය තුළ බස්නාහිර පළාතේ සහ දිවයිනේ බොහෝ ප්‍රදේශවල සිදුවූ සංවිධානාත්මක අපරාධ හා පාතාල කල්ලි ක්‍රියාකාරීත්වය අද වනවිට අවම වී ඇති බව බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පවසයි.

මහනුවර දළදා මාළිගාවේ දියවඩන නිළමේවරයාට එරෙහිව චෝදනා 43 කින් යුතු ලිඛිත පැමිණිල්ලක් මහනුවර කොට්ඨාස භාර ජ්‍යෙෂ්ඨ පොලිස් අධිකාරි සී . කේ . රත්නායක මහතාට භාර දී තිබේ .

වාහන ලියාපදිංචිය, රියැදුරු බලපත්‍ර නිකුත් කිරීම සහ වාහන පැවරීම වැනි එක්දින සේවා තවත් ව්‍යාප්ත කරන්නැයි ප්‍රවාහන අමාත්‍ය පවිත්‍රා වන්නිආරච්චි මහත්මිය මෝටර් රථ දෙපාර්තමේන්තුවේ විශේෂ ප්‍රගති සමාලෝචන රැස්වීමට එක්වෙමින් එහි නිලධාරීන්ට උපදෙස් දී තිබේ.

කුමන පාර්ශව කුමන චෝදනා කළද රටේ ජෛව සුරක්ෂිතතාව ආරක්ෂා කර ගනිමින් කෘෂිකර්මාන්තය නගා සිටුවීම සදහා රජය කටයුතු කර ඇති බව අමාත්‍ය මහින්දානන්ද අලුත්ගමගේ මහතා පවසනවා.

දුර ගමන් සේවා බස් රථ ධාවනය සදහා ප්‍රායෝගික වැඩපිළිවෙළක් කඩිනමින් සකස් කරන ලෙස පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා ඉල්ලීමක් කරනවා.

නිදහසට කරුණු කියන්නේ නැහැ. එක නීතියක්, එක රටක් යටතේ දූෂණයෙන් තොරව, නිවැරදිව ඉදිරියට යාමට සහාය දෙන්නැයි ජනාධිපති ගෝඨාභය රාජපක්ෂ සමස්ත රට වැසියන්ගෙන් ඉල්ලා සිටී.

ඉතිහාසයේ ප්‍රථමවරට (1950 මහ බැංකුව පිහිටුවීමෙන් පසු) ශ්‍රී ලංකා මහ බැංකුව සතු ශුද්ධ විදේශ වත්කම් (සෘණ) මට්ටමට කඩාවැටී ඇති බවත් නිල සංචිත ප්‍රමාණයද පසුගිය වසර 11 ක කාලය තුළ අවම අගය වාර්තා කර ඇති බවත් පාර්ලිමේන්තු මන්ත්‍රී පාඨලී චම්පික රණවක මහතා පවසයි.

කොළඹ දිස්ත්‍රික්කය පුරා යළි ඩෙංගු හිස එසවීම හේතුවෙන් මදුරු ගහනය වැඩි පරිශ්‍ර හදුනා ගැනීම සදහා ඩ්‍රෝන තාක්ෂණය යොදාගනිමින් විශේෂ මෙහෙයුමක් අද සිදුකෙරුණා.

ආසාදිතයන් හා මරණ අඩුවීමේ ප්‍රවණතාවයක් පෙන්නුම් කරන හෙයින් කොවිඩ් අවධානම පහව ගොස් ඇති බවට වැරදි අදහස් ඇති කර නොගන්නා ලෙ​ස ඖෂධ නිෂ්පාදන, සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන පවසා සිටියි.

විෂය ගැන මෙලෝ හසරක් දන්​නේ නැති කෙනෙක් රටේ නායකයා වුණාම රට අරාජික වෙන බවත් මෙතෙක් පැවති කිසිදු රජයක් නොගත් තීන්දු තීරණ රැසක් මේ ආණ්ඩුව අරගෙන තිබෙන බවත් ගාලු දිස්ත්‍රික් පාර්ලිමේන්තු මන්ත්‍රී ගයන්ත කරුණාතිලක මහතා අද (10) පැවසීය.

මෙරට කොවිඩ් ප්‍රතිශක්තිකරණ වැඩසටහනට අදාළව ඊයේ පුද්ගලයින් 117,587 දෙනෙකුට ඊයේ දිනයේ එන්නත් ලබා දි තිබේ.

පිටරටින් ගෙන්වන සහල් තොගයක් අද කොළඹ වරායට ළගාවීමට නියමිත බ​ව වෙළෙඳ අමාත්‍ය බන්දුල ගුණවර්ධන මහතා පවසයි.

බලාපොරොත්තු රැසක් සමගින් වත්මන් පාලනය කෙරෙහි ජනතාව තැබූ විශ්වාසය වඩා පළුදු වී ඇත්තේ ’’බලාපොරොත්තු වූ දේවල් නොකරන නිසාම නොව, බලාපොරොත්තු නොවූ දේවල් කරන නිසා ය’’. දිගින් දිගටම එයම සිදුවෙද්දී ජනතාව තුළ හටගන්නා අවිශ්වාසය සහ අපේක්ෂාභංගත්වය පරදවමින් ඉක්මනින් විශ්වාසය තහවුරු කළ යුතුව ඇත.

විශේෂ කාර්ය බලකායට ලබා දුන් බුද්ධි තොරතුරකට අනුව මීරිගම පොලිස් වසමේ ස්ථානයක බලපත්‍ර නොමැතිව, නීති විරෝධීව පුපුරණ ද්‍රව්‍ය ගබඩා කිරීම සම්බන්ධව මීරිගම ප්‍රදේශයේ පදිංචි වයස අවුරුදු 39 ක පුද්ගලයෙකු අත්අඩංගුවට ගෙන ඇත.

ශ්‍රී ලංකා යුද හමුදාවේ 72 වන සංවත්සරය අදට (10) යෙදී ති​බේ. ඒ හේතුවෙන් යුද හමුදා 72 වන සංවත්සරයට සමගාමීව නිලධාරින් 567 දෙනකු සහ සෙසු නිලයින් 10,369 දෙනෙකුට උසස්වීම් ලබාදීමට කටයුතු කරන බව යුද හමුදාපති ජෙනරාල් ශවේන්ද්‍ර සිල්වා සඳහන් කර සිටියි.

කෝප් හෙවත් පොදු ව්‍යවහාර කාරක සභාව ඉදිරිපත් කළ වාර්තා සම්බන්ධයෙන් විශේෂ පාර්ලිමේන්තු විවාදයක් ලබන 22 වනදා පැවැත්විමට පාර්ලිමේන්තු කටයුතු පිළිබද කාරක සභාව තිරණය කර තිබේ.

අද (10) දිවයින පුරා පිහිටි මධ්‍යස්ථාන 107දී කොවිඩ් මර්දන එන්නත්කරණ කටයුතු සිදුකෙරෙන බව සෞඛ්‍ය අමාත්‍යංශය පවසා සිටියි.