ශ්‍රී ලංකා තුළ සිටින විදේශිකයින් ලබාගෙන ඇති සියලුම වර්ගයේ වීසාවල වලංගු කාලය හෙට ‍(08) සිට‍ සැප්තැම්බර් 07 වනදා දක්වා දින 30කින් දීර්ඝ කිරීමට ආගමන හා විගමන දෙපාර්තමේන්තුව පියවර ගෙන තිබේ.

තලවාකැලේ ශා/කුම්බස් වතුයායේ හා තේ පරික්ෂනාගාරයේ (T.R.I.) කරන ලද පි. සි. ආර්. පරික්ෂාවලදි ගැබිනි මව්වරුන් දෙදෙනකු ඇතුළු 66 දෙනෙකු කොවිඩ් ආසාදිතයන් බවට හදුනා ගෙන ඇති බව ලිදුල සෞඛ්‍ය වෛද්‍ය කාර්යාලයේ නිලධාරියකු පවසන ලදි.

නස්රාල්ලාගේ මෙම අදහස් පළ වූයේ හිස්බුල්ලා සංවිධානය සහ ඊශ්‍රායල් හමුදාව මේ සතියේ දේශසීමා හරහා වෙඩි හුවමාරු කර ගැනීමෙන් පසුවය.

බස්නාහිර සහ සබරගමුව පළාත්වල හා මහනුවර ,නුවරඑළිය ,ගාල්ල සහ මාතර දිස්ත්‍රික්කවල ඇතැම් ස්ථානවලට හෙට දිනයේදි වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරයි.

ඊයේ (06) දිනය තුළ කොරෝනා ආසාදිත මරණ 98 ක් සිදු වී ඇති බව සෞඛ්‍ය අධ්‍යක්ෂක ජනරාල්වරයා තහවුරු කර ති​බේ. ඒ අනුව මෙරට කොරෝනා ආසාදිතව මියගිය සමස්ත සංඛ්‍යාව 5,017 ක් දක්වා ඉහළ ගොස් ති​බේ.

එක්සත් ජනපදයෙන් සහ ඉන්දියාවෙන් පිටත වසංගතයෙන් ලොව තුන්වෙනුව නරකම තත්ත්වය බ්‍රසීලයෙන් වාර්තා වූ අතර, එරට එක්සත් ජනපදයෙන් පසුව වැඩිම කොවිඩ්-19 මරණ සංඛ්‍යාවද වාර්තා වෙයි.

රටේ කිරිපිටි හා ගෑස් හිගයක් ඇතිවෙලා තියෙන්නේ ඒවායේ මිල වැඩි කිරීමට රජය ඉඩ නොදුන් නිසා බව වෙළද අමාත්‍ය බන්දුල ගුණවර්ධන මහතා අද (7දා) පස්වරුවේදී කීවේය

කොළඹ නගරයේ වෙසෙන අවුරුදු 30ට වැඩි යම්කිසි පුද්ගලයෙක් කොවිඩ් එන්නත් මාත්‍රාවක් හෝ ලබාගෙන නොමැති නම් සුගතදාස ගෘහස්ත ක්‍රීඩාංගණයට ගොස් එන්නත් ලබාගැනීමට හැකි බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

එක්සත් ජනපදයේ B-52 ස්ට්රැටෝෆෝර්ට්රෙස් බෝම්බ හෙළන යානා උතුරු ඇෆ්ගනිස්ථානයේ ජව්ස්ජාන් පළාතේ අගනුවර වන ෂෙබර්ගන්හි සිටින තලේබාන් සටන්කරුවන් වෙත ගුවන් ප්‍රහාරයක් එල්ල කර තිබේ.

මස්කෙලිය කැනියොන් ජලාශයේ පාවෙමින් තිබු හොදින් වැඩුණු කදුකර කොටියෙකුගේ මල සිරුරක් ඊයේ දින පස්වරුවේ සොයාගත් බව නල්ලතන්නිය වනජිවි කාර්යාලයේ වන සත්ව අඩවි ආරක්ෂක ප්‍රභාෂ් කරුණතිලක මහතා පැවසිය.

ජපාන රජය විසින් ශ්‍රී ලංකාවට පරිත්‍යාග කළ ඔක්ස්ෆර්ඩ් ඇස්ට්‍රාසෙනිකා එන්නත් මාත්‍රා 728,000 ක් රැගත් ශ්‍රී ලන්කන් ගුවන් සේවයේ ගුවන් යානය 08/07 දින සවස කටුනායක ගුවන් තොටුපළ වෙත පැමිණ ඇති බව ගුවන් තොටුපළ කාර්යය භාර නිලධාරීවරයා පැවසීය .

පිටකොටුව වේල්ලවීදිය ප්‍රදේශයේ ප්ලාස්ටික් හා ඇලුමිනියම් භාණ්ඩ අලෙවි කරන ගොඩනැගිල්ලක හටගත් ගින්න මේ වනවිට පාලනය කර තිබෙනවා.

කොවිඩ් 19 වසංගත තත්ත්වය නිසා පසුගිය කාලයේ පාර්ලිමේන්තුව නියමිත ලෙස රැස්වීමට නොහැකි වීම හේතුවෙන්, ආණ්ඩුව වෙනුවෙන් පිළිතුරු දීමට නොහැකි වූ ප්‍රශ්න සඳහා අවස්ථාව ලබාදීමට, 2021 සැප්තැම්බර් 06 සහ සැප්තැම්බර් 27, විශේෂ පාර්ලිමේන්තු දින ලෙස ප්‍රකාශයට පත් කිරීමට අගෝස්තු 05 දින රැස්වූ පාර්ලිමේන්තු කටයුතු පිළිබඳ කාරක සභාවේදී තීරණය වූ බව, සභානායක, විදේශ කටයුතු අමාත්‍ය දිනේෂ් ගුණවර්ධන මහතා ප්‍රකාශ කරයි.

ශ්‍රී ලංකාවේ මේ වන විට පවතින විදෙස් සංචිතය ඇමෙරිකානු ඩොලර් බිලියන 2.8ක් බව ඔහු පෙන්වා දෙයි. මෙයින් ඩොලර් මිලියන 400ක් රන් සංචිත බවත් මුදල් වලින් පවතින්නේ ඩොලර් බිලියන 2.4ක් බවද ඔහු පෙන්වා දෙයි.

කොරෝනා වෛරසය ගර්භණී මවුවරුන්ට ආසාදනය වීමේ ඉහළ යාමක් ඉකුත් සති 3 තුළ පෙන්නුම් කරන බව සෞඛ්‍ය අමාත්‍යාංශය පවසනවා.

ලෝකය පුරා වේගයෙන් ව්‍යාප්තවන ඩෙල්ටා කොවිඩ් ප්‍රභේදයට එරෙහිව භාවිත කළ හැකි එන්නතක් නිපදවීම වෙනුවෙන් චීනය ගන්නා උත්සාහයන්හි ප්‍රගතියක් ඇතිව තිබේ.

ලෝකයේ සෙසු රටවල් මෙන්ම ශ්‍රී ලංකාවෙන් කොවිඩ් 19 ඩෙල්ටා ප්‍ර භේදය වේගයෙන් ව්‍යාප්ත වෙමින් පවතින බවත් සෑම ප්‍රද්ගලයෙක්ම රෝගයට ගොදුරු වමේ අවදානමට මුහුණ දී ඇති බවත් රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක මහතා නිවේදනයක් නිකුත් කරමින් පවසයි.

ඇස්ට්‍රාසෙනෙකා එන්නතෙහි දෙවන මාත්‍රාව කොළඹ ස්ථාන තුනකදී ලබාදීම අදින් අවසන් වනවා.

කොවිඩ් ආසාදනය වී කොළඹ පෞද්ගලික රෝහලක ප්‍රතිකාර ලබමින් සිටින ප්‍රවීණ ගායක මෙන්ම ජිප්සීස් සංගීත කණ්ඩායමේ නායක සුනිල් පෙරේරා මේ වන විට ක්‍රමයෙන් සුවය ලබමින් සිටියි.

ජනාධිපතිතුමාගේ නම භාවිතා කර රජයේ රැකියා ලබාදෙන පවසා මුදල් වංචා කළ පුද්ගලයෙකු කොළඹ සංවිධානාත්මක අපරාධ විමර්ශන අංශය මගින් අත්අඩංගුවට ගෙන තිබෙනවා.

ගතවු දිනයේ බස්නාහිර පළාතෙන් පමණක් කොවිඩ් -19 ආසාදිතයින් 1,273 දෙනෙකු හඳුනාගෙන තිබේ.

පවතින කොරෝනා තත්ත්ව​ය නිසාවෙන් මහනුවර සිට කොළඹට පැමිණි ගුරු - විදුහල්පති පාගමන පස්යාල ප්‍රදේශයෙන් නැවත්වීමට වෘත්තීය සමිති තීරණය කර ති​බේ.

ශ්‍රී ලංකා වරාය අධිකාරියේ සේවකයන් සංඛ්‍යාව 9000ක් පමණ බවත් එයින් කොවිඩ් ආසාදනය වී ඇත්තේ සේවකයන් 31කට බවත් වරාය අධිකාරිය පවසයි.

කොරියාවේ ධීවර, ඉදිකිරීම් හා කර්මාන්ත අංශ සඳහා පමණක් දැනට සේවකයන් යොමුකරන අතර කෘෂිකර්ම අංශයේ රැකියා ලැබීමට නියමිතව ඇත්තේ අලුතිනි.

ආනයනික කිරිපිටි ඇනවුම් කිරීම අත්හිටුවා ඇති බව ආනයනික සමාගම් පවසයි. ආනයනය කිරිපිටි සඳහා ඉල්ලා සිටින මිල වැඩිවීම මෙතෙක් පාරි​භෝගික අධිකාරියෙන් හෝ වෙළඳ අමාත්‍යාංශයෙන් හෝ ලබා නොදීම නිසා සමාගම් ලබන අධික පාඩුව නතර කර ගැනීමේ අරමුණින් කිරිපිටි ඇනවුම් කිරීම අත්හිටුවීමට තීරණය කල බව එම සමාගම් පවසා සිටින බවට ඉරිදා ලංකාදීප වාර්තා කර සිටියි.

එන්නත්කරණය සඳහා මධ්‍යස්ථාන වෙත යොමු විය නොහැකි පුද්ගලයින් සඳහා නිවෙස් වෙත ගොස් එන්නත්කරණය කිරීමට පියවර ගෙන තිබෙන බව රාජ්‍ය අමාත්‍ය විශේෂඥ වෛද්‍ය සුදර්ශණි ප්‍රනාන්දුපුල්ලේ සඳහන් කර සිටියි.

ගල්ගමුව පොලිස් වසමේ නිවසක් පරික්ෂාවට ලක්කිරීමේදී මළ සිරුරු තුනක් හමුව ඇති බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා කියයි.

නිරෝධායන නීති උල්ලංඝනය කිරීම සම්බන්ධයෙන් ගතවූ පැය විසිහතර තුළ පුද්ගලයන් 94 ක් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහණ සඳහන් කර සිටියි.

ළමුන්ගේ අසභ්‍ය වීඩියෝ පට හා ඡායාරූප 500ක් අන්තර්ජාලයට මුදා හැරීම සම්බන්ධයෙන් බඩල්කුඹුර ප්‍රදේශයේ පුද්ගලයෙක් අද අලුයම් කාලයේදී අත්අඩංගුවට ගත් බව පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී අජිත් රෝහණ මහතා පවසයි.