මාතර නගරයේ පැවති ගුරු විදුහල්පති විරෝධතාවක් අතරතුර නිරෝධායන නීති උල්ලංඝනය කිරිමේ චෝදනාව මත සමඟි ජන බලවේගය නියෝජනය කරන හිටපු දකුණු පළාත් සභා මන්ත්‍රී රංජිත් මුණසිංහ අත්අඩංගුවට ගෙන තිබේ.

බෙහෙවින් බෝවන ඩෙල්ටා ප්‍රභේදය ව්‍යාප්ත වීම හේතුවෙන් වර්තමාන වැඩිවීම බොහෝදුරට එක්සත් ජනපදය තුළ එන්නත් නොකළ ජනගහනය අතර පැතිර යන බව සඳහන් වෙයි.

කොවිඩ් මර්දන එන්නතේ පළමු මාත්‍රාව ලබා නොගත් බස්නාහිර පළාතේ වයස අවුරුදු 60 ට වැඩි හා බරපතල රෝගාබාද ඇති ජනතාවට ලබන අඟහරුවාදා (10) දින සිට දින තුනක් තුළ එන්නත්කරණය සිදු කිරීමට නියමිතව ඇ​ත.

කොරෝනා ව්‍යසනයේ දැන් තියෙන තත්ත්වය මත රට මුළුමනින්ම විවෘත යාමට නොහැකි බවත් කොරෝනා වසංගතය ව්‍යාප්තවූයේ එන්නත් කරණයේ ප්‍රමාදය නිසා වූවක් බවත් පාර්ලිමේන්තු මන්ත්‍රී තිස්ස අත්තනායක මහතා අද (8) බද්දෙගමදී කීවේය.

හම්බන්තොට වරාය හා මත්තල ගුවන්තොටුපොළ කේන්ද්‍ර කරගෙන කෘෂි නිෂ්පාදන හුවමාරු කේන්ද්‍රස්ථානයක් ආරම්භ කිරීමට රජය පියවර ගෙන ඇතැයි වෙළෙඳ අමාත්‍යාංශය සඳහන් කරයි.

කොවිඩ් කාර්ය සාධක බලකායට කොවිඩ් පාලනය කිරීමට නොහැකි බවත් ඒ අනුව කොවිඩ් මර්දනය සඳහා වහාම විශේෂඥ වෛද්‍යවරුන්ගෙන් සමන්විත කමිටුවක් රජය විසින් ස්ථාපිත කළ යුතු බව​ට එක්සත් ජාතික පක්ෂ නායක, පාර්ලිමේන්තු මන්ත්‍රී රනිල් වික්‍රමසිංහ පවසයි.

මඩකලපුව දිස්ත්‍රික්කයේ ප්‍රදේශ කිහිපයක නිවාස සංවර්ධන ව්‍යාපෘති සාර්ථක ලෙසින් ක්‍රියාත්මක බව රාජ්‍ය අමාත්‍ය සතාසිවම් වියාලේන්ද්‍රන් මහතා පවසනවා.

ශ්‍රී ලංකාවෙන් මෙතෙක් වාර්තා වී ඇති සමස්ත කොවිඩ් ආසාදිතයින්ගෙන් 45,000ක පමණ පිරිසක් ළමුන් බව රිජ්වේ ආර්යා ළමා රෝහලේ විශේෂඥ වෛද්‍ය නලීන් කිතුල්වත්ත සඳහන් කර සිටියි.

ලබන වසර සඳහා ද වාහන ආනයනය කිරීම තහනම් කිරීමට රජය තීරණය කර බවත් 2022 වසර වෙනුවෙන් නොවැම්බර් මාසයේදී ඉදිරිපත් කෙරෙන අයවැය සඳහා අමාත්‍යාංශ සඳහා ප්‍රතිපාදන සකස් කිරීම සඳහා දැඩි මාර්ගෝපදේශන නිකුත් කළ බවත් උසස් භාණ්ඩාගාර නිලධාරියෙක් සන්ඩේ ටයිම්ස් පුවත්පතට සඳහන් කර තිබේ.

හිටපු ජනපතිනී චන්ද්‍රිකා බණ්ඩාරනායක කුමාරතුංග මහත්මියගේ පුත් විමුක්ති කුමාරතුංග මහතා ශ්‍රී ලංකාවේ දේශපාලනයට එන බවට වාර්තාවන තොරතුරු අසත්‍ය බව හිටපු ජනපතිනිය සඳහන් කරයි.

කොවිඩ් අවදානමත් සමග රජයේ සේවයේ නියුතු රාජ්‍ය සේවකයන්ගේ ආරක්ෂාව උදෙසා රජය විවිධ චක්‍රණලේඛන නිකුත් කලත් මෙරට රජයේ සේවයේ නියුතු දෘශ්‍ය ආබාධ සහිත රාජ්‍ය සේවකයන් 2000 ක් එම කිසිදු චක්‍රලේඛණයක් මගින් ආවරණය නොවන බව ශ්‍රී ලංකා ජාතික දෘශ්‍යාබාධිත සම්මේලනයේ ප්‍රධාන ලේකම් සහ ආබාධ සහිත පුද්ගල සංවිධාන ඒකාබද්ධ පෙරමුණේ සහකාර ලේකම් ප්‍රසන්න වික්‍රමසිංහ මහතා පවසයි .

යාපනය පේදුරුතුව ප්‍රදේශයේ පිහිටි හින්දු කොවිල් දෙකක භාරකාර මණ්ඩලයන් විසින් නිරෝධායන නීති උල්ලංඝනය කරමින් පූජාවන් පැවත්වීම හේතුවෙන් අද (08) සිට දින 14 ක කාලයක් වසා තැබීමට පියවර ගත් බව පේදුරුතුඩුව සෞඛ්‍ය නිලධාරී කාර්යාලය පවසයි.

රාගම ශික්ෂණ රෝහලේ දැනට ඇති කොවිඩ් මෘත දේහ ආදාහනය කිරීම සහ නැවත ප්‍රමාදයන් සිදු නොවන පරිදි අවශ්‍ය ක්‍රියාමාර්ග ගැනීම සඳහා වන සාකච්ඡාවක් රාජ්‍ය අමාත්‍ය නිමල් ලන්සා මහතාගේ ප්‍රධානත්වයෙන් පැවැත්වුණා.

මහනුවර ඓතිහාසික දළදා පෙරහර ආරම්භ වීමට පෙර සිදු කෙරෙන චාරිත්‍රයක් වන සිව් මහා දේවාලයන්හි කප් සිටුවීම සඳහා අවශ්‍ය කප්රුක අලූත් නුවර දේවාලයේ සිට රැගෙන ඒම අද (08 ) මහනුවරට ඇදහැලුණු ධාරානිපාත වර්ෂාව මධ්‍යයේ සිදු කෙරුණි .

මේ වන විට දිවයින පුරා පවුල් සෞඛ්‍ය සේවා නිලධාරීන් 500 -600 ත් අතර සංඛ්‍යාවක් කෝවිඩ් 19 ආසාදනය වී ඇති බව රජයේ පවුල් සෞඛ්‍ය සේවා නිලධාරීන්ගේ සංගමයේ සභාපතිනි දේවිකා කොඩිතුවක්කු මහත්මිය සඳහන් කළාය.

පානදුර මූලික රෝහලේ ගොඩගැසී තිබූ කොවීඩ් මළසිරුරු සියල්ල අද දින ආදාහනය කර අවසන් කරන බව රෝහලේ වෛද්‍ය අධිකාරී ඉන්ද්‍රානි ගොඩකන්ද මහත්මිය පැවසුවාය.

දේශීය වෙලදපොළේ රතු පරිප්පු සහ සිනි මිල සතියක් තුළ රු 10 කින් ඉහළ ගොස් ඇති බව පරිප්පු සහ සිල්ලර තොග වෙළදුන් කියා සිටියි.

ඉදිරි මාසයක කාලය අතිශයින්ම තීරණාත්මක නිසාවෙන් රජය විසින් පනවා ඇති සෞඛ්‍ය නිර්දේශයන් දැඩි දෙන අනුගමනය කරන්නැයි කොවිඩ් - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථාන ප්‍රධානී , ආරක්ෂක මාණ්ඩලික ප්‍රධානී සහ යුද්ධ හමුදාධිපති ජෙනරල් ශවේන්ද්‍ර සිල්වා මහජනතාවගේන් ඉල්ලා සිටියේය. එසේම කොවිඩ් වෛරසයට එරෙහි ප්‍රතිශක්තීකරණ එන්නත් කිසිදු මාත්‍රාවක් ලබානොගත් අයවළුන් සිටීනම් හැකි ඉක්මනින් එන්නත බාගන්නා ලෙසත් යුද්ධ හමුදාධිපතිතුමන් ප්‍රකාශ කලේය.

ළමයින් සම්බන්ධ අසභ්‍ය දර්ශන ඇතුළත් විඩියෝ පට සහ ජායාරූප අන්තර්ජාලයට එක් කළ තවත් දස දෙනෙකු හදුනාගෙන ඇති අතර ඔවුන් සොයා විමර්ශන ක්‍රියාත්මක බව පොලිස් මාධ්‍ය ප්‍රකාක ජ්‍යෙෂ්ඨ නි.පොලිස්පති අජිත් රෝහණ ප්‍රකාශ කළේය.

කෝවිඩ් ව්‍යාප්තිය සැලකිල්ලට ගනිමින් තැපැල් දෙපාර්තමේන්තුවේ කටයුතු යළි සීමා කිරීමට තීරණය කර තිබේ. ඒ අනුව දින 4 ක් පමණක් සේවා කටයුතු සිදු කරන බව නියෝජ්‍ය තැපැල්පති රාජිත රණසිංහ මහතා සඳහන් කර සිටියි.

වව්නියාව මරදන්කුලම් මුරුගන්ඌර් ප්‍රදේශයේදී නිවසක් තුළ මාස 06 ක් වයසැති බිළිඳා සහ පෙම්වතියගේ ගෙල මිරිකා ඝාතනය කොට නිවසේම පුලුස්සා දැමූ පුදගලයෙකු වසර 06 කට පසුව අද (08) දින අත්අත්අඩංගුව ගත් බවට වව්නියාව කොට්ඨාශ අපරාධ විමර්ශන අංශය පවසයි.

රුපියල් හත් හත්ලක්ෂ පනස් දහසකට ආසන්න වටිනාකමින් යුත් , අයිස් මත්ද්‍රව්‍ය සහ හෙරොයින් තොගයක් සමඟ , ශ්‍රී ජයවර්ධනපුර කෝට්ටේ නගර සභාවේ කම්කරුවෙකු අත්අඩංගුවට ගත් බව වැලිකඩ පොලීසිය පවසයි .

ශ්‍රී ලංකාවේ පුද්ගලයන් ලක්ෂ 27කට අධික ප්‍රමාණයකට එන්නත්කරණය අවසන් කර තිබේ.ඒ අනුව පුද්ගලයන් 2778714ක් වෙත කුමන හෝ එන්නතක මාත්‍රා දෙකම ලැබී තිබේ. මේ අතරින් වැඩිම පිරිසකට ලැබී ඇත්තේ චීනයේ සයිනොෆාම් එන්නතයි.

ලාෆ් සමාගම ගෘහස්ත ගෑස් වෙළඳපොළට නිකුත් නොරන්නේ නම් පාරිභෝගිකයන් එම ගෑස් සිලින්ඩර ලබාගැනීම වෙනුවෙන් ගෙවූ තැන්පත් මුදල් ආපසු පාරිභොගිකයන් වෙත ගෙවීමට කටයුතු කරන්නැය පාරිභෝගික අයිතීන් සුරැකීමේ ජාතික ව්‍යාපාරය සඳහන් කරයි.

නිරෝධායන නීති උල්ලංඝනය කිරීම සම්බන්ධයෙන් ගතවූ පැය විසිහතර තුළ පුද්ගලයන් 118 ක් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහණ සඳහන් කර සිටියි.

නිව් සවුත් වේල්ස් හි පුද්ගලයින් 362දෙනෙකු රෝහල් ගත කර ඇති අතර 58දෙනෙකු දැඩි සත්කාර ඒකකයේ සිටිති. දැඩි සත්කාර ඒකකයේ සිටි පුද්ගලයින්ගෙන් 54 දෙනෙකුම එන්නත් ලබාගෙන නොමැති අය බවද කියයි.

කොවිඩ් එන්නත් එක මාත්‍රාවක් හෝ ලබා නොගත් කොළඹ ප්‍රදේශයේ ජනතාවට අද (08) දිනයේත් උදැසන 9.00 සිට කොළඹ සුගතදාස ගෘහස්ත ක්‍රීඩාංගනයේ දී එන්නත් ලබා දීමේ වැඩසටහනක් ක්‍රියාත්මක වන බව සෞඛ්‍ය අංශ සඳහන් කර සිටියි.

ප්‍රදේශ කිහිපයකට අද (08) දිනය තුළ මි.මී 100 ඉක්මවු තද වැසි ඇති විය හැකිය.

චීනයේ නිෂ්පාදිත ’’ සයිනොෆාම් ’’ එන්නත් , තවත් මාත්‍රා දශ ලක්ෂ අසූ දහසක් රැගෙන , බෙයිජිං නුවර සිට ශ්‍රී ලන්කන් ගුවන් සේවයේ විශේෂ භාණ්ඩ ප්‍රවාහන ගුවන් යානයක්අද දින අලුයම කටුනායක ගුවන් තොටුපළ වෙත පැමිණ ඇති බව ගුවන් තොටුපළ කාර්යය භාර නිලධාරීවරයා පැවසීය .