ලේඛක කසුන් මහේන්ද්‍ර හීනටිගල මහතා අතුරුගිරිය පොලිසිය මගින් අත්අඩංගුවට ගැනීමේ සිද්ධියේ සිදුකෙරෙන විමර්ශනයට අදාළව උප පොලිස් පරීක්ෂකවරයෙකු ඇතුළු තිදෙනකු තාවකාලිකව මිරිහාන මූලස්ථාන පොලිසිය වෙත මාරු කරනු ලැබූ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග මහතා පැවසීය.

මෙම පැය 24 කාලයෙහිදී සිදු වූ රිය අනතුරු 10 න් පුද්ගල මරණ 13ක් සිදුව තිබෙන බවද පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ බුද්ධික මනතුංග මහතා සඳහන් කළේය.මෙම අනතුරු 10 ප්‍රධාන නගර ආශ්‍රිතව සිදුව තිබෙන බවත් මිය ගිය 13 දෙනා සැලකීමේදි 04 දෙනෙකු පදිකයන් බවත් ඔහු කියා සිටියේය.

ගෙවී ගිය සතියෙහි ඖෂධ පහක් ප්‍රමිතියෙන් තොර වීම නිසා භාවිතයෙන් ඉවත් කර තිබෙන බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිතිය සඳහන් කරයි.

පසුගිය දිනවල මගී ප්‍රවාහන බස් රථ ඇතුළු අනෙකුත් වාහනවලින් සිදුවූ රිය අනතුරු සැලකිල්ලට ගනිමින් දිගින් දිගටම එවැනි අනතුරු සිදුවීම අවම කර ගැනීම සඳහා වැඩබලන පොලිස්පතිතුමාගේ උපදෙස් අනුව හෙට සිට උත්සව සමය අවසන් වන තුරු දිවයින පුරා රථවාහන මෙහෙයමුවක් ක්‍රියාත්ක බව පොලිස් මූලස්ථානය පවසයි.

සහල් කිලෝග්‍රෑම් එකක් සඳහා පනවා තිබෙන රුපියල් 65ක බද්ධ අඩු කර ජනතාවට සහන ලබා දීමට ආණ්ඩුව කටයුතු කළ යුතු බව සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා පැවසීය.

හැටන් මල්ලිඅප්පුව ප්‍රදේශයේ (21) දින සිදු වු පෞද්ගලික බස් රථ අනතුරෙන් තුවාල ලබා දික්ඔය මුලික රෝහලේ පොලිස් ආරක්ෂා මැද නේවාසිකව ප්‍රතිකාර ලබමින් සිටි බස් රථයේ රියදුරු මේ මස (26) දින දක්වා රක්ෂිත බන්ධනාගාර ගත කරන ලෙසට හැටන් මහෙස්ත්‍රාත් අධිකරණයේ වැඩ බලන මහෙස්ත්‍රාත් එස්.රාම්මුර්ති මහතා (22) දින නියෝග කළේය.

සියලු වෛද්‍යවරුන්ගේ අනිවාර්යය විශ්‍රාම ගැන්වීමේ වයස් සීමාව අවුරුදු 63ක් විය යුතු බව ප්‍රකාශයට පත් කරමින් අති විශේෂ ගැසට් නිවේදනයක් නිකුත් කර තිබේ.

බෙන්තොට රජයේ රෝහලේ හදිසි ප්‍රතිකාර අංශයේ තිබියදී ඉකුත් 18 දා රාත්‍රියේ කිසිවෙකු විසින් සොරකම් කරගෙන ගිය රුපියල් දෙලක්ෂ විසිපන්දාහක් පමණ වටිනා ඊ.සී.ජී.යන්ත්‍රය සහ තවත් වෛද්‍ය මාපකයක් අද (22 ) අලුයම බෙන්තොට රෝහල ඉදිරිපිට බිමදමා ගොස් තිබියදී සොයාගත් බව බෙන්තොට පොලීසිය කියයි.

ජෝ රූට් නැවතත් එංගලන්ත එක්දින සංචිතයට කැඳවීමට තීරණය කර තිබේ.

පාලවිය කල්පිටිය ප්‍රධාන මාර්ගයේ කුරක්කන්හේන ප්‍රදේශයේ දී 21 දින රාත්‍රියේ මුර සංචාරයේ යෙදී සිටි කල්පිටිය පොලිසිය මගින් සැක කටයුතු කන්ටේනර් රථයක් අත් අඩංගුවට ගත් බව කල්පිටිය පොලිසිය පවසයි.එම කන්ටේරය හැර එහි ඇති දෑ පරීක්ෂා කිරීමරට අවශ්‍ය බැව් රියදුරුට පැවසුවද,රියදුරු එය ප්‍රතික්ෂේප කිරීම නිසා මෙසේ අත් අඩංගුවට ගත් බැව් පොලිසිය වැඩි දුරටත් පවසයි.

අතුරුගිරිය පොලිසිය මගින් හබරකඩ ප්‍රදේශයේදී කසුන් මහේන්ද්‍ර හීනටිගල නමැති ලේඛකයා අත්අඩංගුවට ගැනීමේදී නෛතික ප්‍රතිපාදනය උල්ලංඝනය කර ඇත්දැයි විමර්ශනය කිරීම සඳහා කොළඹ දකුණ දිශාව භාර නියෝජ්‍ය පොලිස්පති වරයාගේ ප්‍රධානත්වයෙන් විමර්ශනයක් ආරම්භ කර ඇතැයි බස්නාහිර පළාත භාර ජේෂ්ඨ නියෝජ්‍ය පොලිස්පති කාර්යාලය පවසයි.

රාජ්‍ය නිලධාරීන්ට රජය මගින් ලබා දී තිබූ යතුරු පැදියක් සොරාගෙන ඊට ව්‍යාජ අංක තහඩුවක් සවිකොට එය භාවිතා කරමින් දිවයිනේ පොලිස් වසම් පහළවක නිවෙස් වලට ඇතුළු වී එහි නිවැසියන්ට තියුණු ආයුධ පෙන්වා බිය ගන්වා මරණීය තර්ජනය කොට රුපියල් කෝටි එක හමාරකට අධික වටිනාකමින් යුත් රන් භාන්ඩ හා දේපළ කොල්ල කෑ දෙදෙනෙකු හෙරොයින් ග්‍රෑම් පහක් සමග අත්අඩංගුවට ගත් බව අතුරුගිරිය පොලීසිය පවසයි.

මෙරටේ පාරිභෝගික ජනතාව මෙන්ම වෙළද ව්‍යාපාරිකයින් මුහුණපා ඇති සහල් ගැටලුවට තමන්ට විසදුම් ලබාදිය හැකි බවත් ඒ සඳහා රජය සහාය ලබා දෙන්නේනම් ඉදිරියේදී මෙරටේ සහල් අර්බුදයක් ඇති නොවීමට කටයුතු කරන බව පොළොන්නරුව දිස්ත්‍රීක් සුළු හා මධ්‍ය පරිමාණ පුබුදු සහල් නිෂ්පාදකයින්ගේ සංගමය පවසයි.

ඉන්දියාවෙන් අධි බලැති විදුලි රැහැන් පද්ධතියක් ගෙන ඒම ගැන ආණ්ඩුවේ ස්ථාවරය ප්‍රකාශ කළ යුතු බව විදුලිය පාවිච්චි කරන්නන්ගේ සංගමයේ සභාපති එම්.ඩී.ආර්.අතුල මහතා පැවසීය.

දඹගල්ල පොලිස් වසමට අයත් දැලිවපාර පිටතලාව පදිංචි දෙදරු පියෙකු බිරිඳ රටයෑමට සූදානම්වීම පිළිබඳව සිත්තැවුලට පත්වී ඊයේ (21) වෙනිදා වසබී සියදිවි හානිකරගෙන ඇතැයි දඹගල්ල පොලීසිය පවසයි.

මාර්ගයේ ගමන් ගත් පුද්ගලයකු දෙමටගොඩ පොලිසියේ ස්ථානාධිපති ප්‍රධාන පොලිස් පරීක්ෂක කපිල බණ්ඩාර මහතා වෙත ලබා දුන් තොරතුරක් අනුව වහා ක්‍රියාත්මක වූ ඒ මහතා පොලිස් කාන්තාවක් සමග එම ස්ථානයට ගොස් සිදු කළ පරික්ෂාවේදී රෙදි කැබැල්ලක ඔතන ලද බිලිදිය දැක ඇත.

මහජන චීන විමුක්ති යුද නාවික හමුදාවේ (Chinese People’s Liberation Army Navy) ‘Peace Ark’ රෝහල් නෞකාව නිල සංචාරයක් සඳහා ඊයේ කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

සහල් මේට්‍රික් ටොන් පන්ලක්ෂ පනස් දහසකට ආසන්න සහල් ගබඩා කල හැකි සතොස හා වී අලෙවි මණ්ඩලය සතු ගබඩා පහසුකම් පවතින බවත් ඉන් මේ වන විට තුන් ලක්ෂ පනස්දහසක් පමණ සහල් තොග ගබඩා කල හැකි තත්ත්වයේ ගබඩා පවතින බවත් ඒ අනුව සතොස , වී අලෙවි මණ්ඩලය සහ සමූපකාර ආයතන ඒකාබද්ධව වී මිලදී ගැනීමේ ක්‍රියාවලිය ඉදිරියේදී ආරම්භ කරන බව වෙළඳ හා වාණිජ අමාත්‍ය වසන්ත සමරසිංහ මහතා පැවසීය.

උළුක්කුලම, පාවක්කුලම ප්‍ර දේශයේදි කිඹුල් ප්‍රහාරයකටලක්වූ කාන්තාවක් ඊයේ උදෑසන කාලයේදි ජිවිතක්ෂයට පත්ව ඇති බව පොලිසිය පවසයි. අවුරුදු 67ක් වන කාන්තාවක් මෙසේ ජිවිතක්ෂයට පත්ව තිබේ.

සිංහරාජ වනාන්තරයේ කලවාන කුඩව පිවිසුම තුළ දුර්ලභ ඝනයේ දේශීය ඖෂධ පෑලෑටි එකතු කර රැගෙන යාම සදහා ළග තබාගෙන සිටි ජපන් ජාතිකයකු ඊයේ (21) අත්අඩංගුවට ගත් බව කලවාන අඩවි වන කාර්‍යාලය පැවසිය.

අප රටේ රාජ්‍ය සේවය විධිමත් රාජ්‍ය යාන්ත්‍රණයක් බවට පත් කර ගැනීමේ අභියෝගය අප ඉදිරියේ පවතින බව ජනාධිපති අනුර කුමාර දිසානායක මහතා පැවසීය.

කොළඹ සිට තෙල්දෙනිය දක්වා ධාවනය වු ලංගම බස් රථයක් කඩුගන්නාව ඩෝසන් කුළුන අසල ආසන්නයේ ඇති විශාල ගසක හැපි තුවාලකරුවන් 6 දෙනෙකු මහනුවර රෝහලට ඇතුලත් කල බව කඩුගන්නාව පොලිසිය පවසයි.

හැටන් සිට මහනුවර දක්වා ධාවනය වූ මගි ප්‍රවාහන පෞද්ගලික බස් රථයක් හැටන්හිදි මාර්ගයෙන් ඉවතට පැන තේ වත්තකට පෙරළීමෙන් සිදුවූ අනතුරිකින් එම බස් රථයේ ගමන් කළ තිදෙනෙක් ජිවිතක්ෂයට පත්ව තිබේ.

මෙරට මූල්‍ය පද්ධතියේ ස්ථාවරත්වයට අවදානම් එල්ල කරමින් සීඝ්‍රයෙන් ඉහළ යන තහනම් යෝජනා ක්‍රමවලින් මහජනයා ආරක්ෂා කර ගැනීම සඳහා 2011 සිට මේ දක්වා එවැනි යෝජනා ක්‍රම පවත්වාගෙන ගිය ආයතන 20 කට එරෙහිව විමර්ශනය කර අධිකරණ ක්‍රියාමාර්ග ඇතුළු නීතිමය පියවර ගෙන ඇති බව ශ්‍රී ලංකා මහ බැංකුවේ මූල්‍ය පාරිභෝගික සබඳතා දෙපාර්තමේන්තුව නිවේදනයක් නිකුත් කරමින් පවසයි.

පළාත් පාලන මැතිවරණය ලබන වසරේ සිංහල හා හින්දු අලුත් අවුරුද්දට පෙර පවත්වන බවත් පළාත් සභා මැතිවරණය ලබන වසර ඇතුළත පවත්වන බවත් ජනපති අනුර කුමාර දිසානායක මහතා පැවැසිය.

ශ්‍රී ලංකාවේ ණය ශ්‍රේණිගත කිරිම ඉහළ නැංවිමට ෆිච් රේටින් ආයතනය කටයතු කර තිබේ. මේ අනුව දිගුකාලීන විදේශ මුදල් නිකුත් කරන්නන්ගේ ශ්‍රේණිගත කිරීම CCC සෘණ මට්ටමේ සිට CCC ධන මට්ටම දක්වා ඉහළ නැංවිමට එම ආයතනය කටයුතු කර තිබේ.

පෞද්ගලික ආනයනකරුවන්ට සහල් ආනයනය කිරීම සඳහා ලබාදුන් අවසරය 2025 වසරේ ජනවාරි මස 10වනදා දක්වා දීර්ඝ කිරීමට රජය තීරණය කර ඇති බව වාර්තා වෙයි.

රුපියල් කෝටි පහක් පමණ වටිනා ජංගම දුරකථන ඇතුළු විද්‍යුත් සන්නිවේදන උපකරණ තොගයක් සමග ඒවා නීතිවිරෝධී ලෙස මෙරටට රැගෙන ආ ගුවන් මගීන් තිදෙනකු 12/20 දින කටුනායක ගුවන් තොටුපොළ රේගු නිලධාරීන් විසින් අත් අඩංගුවට ගෙන තිබේ.

ශ්‍රී ලංකා ක්‍රිකට් ඡන්දය හිමි සාමාජිකයන්ගේ සංඛ්‍යාව 147 සිට 60 දක්වා සැලකිය යුතු ප්‍රමාණයකින් අඩුකිරීමට ශ්‍රි ලංකා ක්‍රිකට් ආයතනයේ අද පැවැත්වූ විශේෂ මහා රැස්විමේදි අනුමැතිය ලබාදී තිබේ.‍