බලපත්‍ර නොමැති බව සඳහන් කරමින් මීට වසර 06කට පෙර අත්අඩංගුවට ගෙන වනජීවී දෙපාර්තමේන්තුව භාරයේ රඳවා සිටි ’දෙව්මිණි’ සහ ’වස්තු’ යන අලි පැටවුන් දෙදෙනා ඔවුන්ගේ හිමිකරුවන්ට මුදාහරින ලෙස කොළඹ මහාධිකරණ විනිසුරු දමිත් තොටවත්ත මහතා අද (24දා) නියම කළේය.

භූ විද්‍යා සමීක්ෂණ හා පතල් කාර්යංශය මගින් රාජ්‍ය භාණ්ඩාගාරයට අය විය යුතු රාජ්‍යභාග පසුගිය වසර ගණනාව පුරාම නිසි පරිදි සම්ප්‍රේෂණය වී නොමැති බවත්, එය නිසි පරිදි සිදු කිරීමට ක්‍රියාමාර්ග ගතයුතු බවත් කෝප් කමිටුවේ සභාපති පාර්ලිමේන්තු මන්ත්‍රී මහාචාර්ය චරිත හේරත් මහතා ප්‍රකාශ කළේය.

සංවිධානාත්මක අපරාධ කල්ලි සාමාජිකයෙකු වන දෙමටගොඩ රුවන් නමැත්තාට අයත් බව පැවසෙන මීගමුව, දකුණු පිටිපන මුහුදු වෙරළට මායිම්ව පිහිටි ලක්‍ෂ 3,000ක් පමණ වටිනා ඉඩමක් සහ වැඩ අවසන් නොකළ සුඛෝපභෝගී නිවස විශේෂ කාර්ය බළකාය සහ අපරාධ විමර්ශන දෙපාර්තමේන්තුවේ නීතිවිරෝධී වත්කම් හෝ දේපල විමර්ශන කොට්ඨාසයේ නිලධාරීන්ගේ විසින් අද (24දා) දින වටලන ලදී.

2015 වසරේ පැවැති ජනාධිපතිවරණයේ විපක්ෂයේ පොදු අපේක්ෂකයා වශයෙන් ඉදිරිපත් වූ මෛත්‍රීපාල සිරිසේන මහතාගේ කහවත්තේ දේශපාලන රැලියකට වෙඩි තබා පුද්ගලයෙකු මරා දැමීම සම්බන්ධයෙන් තමන්ට නියම කළ මරණීය දණ්ඩනයෙන් නිදහස් කරන්නැයි ඉල්ලා පොදුජන එක්සත් පෙරමුණේ පාර්ලිමේන්තු මන්ත්‍රී ප්‍රේමලාල් ජයසේකර හෙවත් ’චොකා මල්ලී’ ඇතුළු විත්තිකරුවන් තිදෙනෙකු විසින් ඉදිරිපත් කර තිබූ අභියාචනයේ තීන්දුව ලබන මාර්තු 31 වැනිදා ප්‍රකාශයට පත් කරන බව අභියාචනාධිකරණය අද (24දා) දැනුම් දුන්නේය

සේවයේ යෙදී සිටියදී සිදුවන හදිසි අනතුරු හේතුවෙන් අගතියට පත්වන සේවකයන්ට මරණයකදී හෝ පූර්ණ බෙලහීනතාවකදී දැනට ගෙවන උපරිම වන්දි ප්‍රමාණය වන රු 550,000 ක මුදල, රු 2,000,000 (විසි ලක්ෂය) දක්වා වැඩි කිරීම මෙමගින් සිදුවේ.

අසම්පූර්ණ නිල ඇඳුමින් සැරසී එනම් සෙරෙප්පු දෙකක් පැළඳ රථවවාහන රාජකාරියක නිරතවීම සම්බන්‍ධයෙන් විනය පරීක්‍ෂණයක් පවත්වා තීරණයක් ගන්නා තෙක් ඇඹිලිපිටිය පොලීසියේ රථවාහන රාජකාරීයේ යෙදුන පොලිස් සැරයන්වරයෙකුගේ සේවය තාවකාලිකව තහනම් කළ බව උසස් පොලිස් නිලධාරියෙක් පැවසුවේය.

වර්ථමානයේ පෙට්‍රල් 92 දින 10ට, පෙට්‍රල් 95 දින 40ට, ලංකා ඔටෝ ඩීසල් දින 08ට සහ සුපර් ඩීසල් දින 08 රජය සතුව තොග පවතින බවත් එමෙන්ම ඉදිරියේදී ඉන්ධන තොග ලැබීමට නියමිත බවත් ඊට පිළිතුරු ලබා දෙමින් අමාත්‍යවරයා පැවසීය.

සෞඛ්‍ය අමාත්‍ය කෙහෙළිය රඹුක්වැල්ල මහතාගේ කිරුළපන සරණ පාරේ පිහිටි නිවසේ හිඟ විදුලි බිල වන රුපියල් 12,056,803.38 (එක්කෝටි විසි ලක්ෂ පනස් හය දහස් අටසිය තුනයි සත තිස් අටක) මුදල ගෙවා දමන ලෙස ලංකා විදුලි බල මණ්ඩලය අමාත්‍යවරයාට දැනුම් දී තිබේ.

හික්කඩුව සංචාරක අවන්හලකට අනවසරයෙන් ඇතුලු වී පහරදීමට සම්බන්ධ සැකකරුවන් සිව්දෙනෙකු අත්අඩංගුවට ගෙන රක්ෂිත බන්ධනාගාරගත කිරීමට ගාල්ල මහාධිකරණය විසින් නියෝග කර තිබේ.

ඉදිරි මාස හය ඇතුළත වත්මන් ආර්ථික අර්බුදයෙන් ගොඩ ඒමට රටට හැකිවන බව සංචාරක අමාත්‍ය ප්‍රසන්න රණතුංග මහතා පවසයි. රට තුළ ඇති සියලු ප්‍රශ්න වලට විසදුම් ලබාදීමට රජය කටයුතු කරමින් සිටින බවත්, මේ රට පවතින අර්බුදයෙන් ගොඩ ගත හැක්කේ වත්මන් ආණ්ඩුවට පමණක් බවත් ඇමතිවරයා පෙන්වා දෙයි.

පාර්ලිමේන්තුව තුළට ගෙන ඒමට අනුමත උපකරණ ලේඛණයෙන් පරිභාහිර උපකරණ ගෙන ඒම මුළු පාර්ලිමේන්තුවේම ආරක්ෂාවට තර්ජනයක් මතුවන බව සභානායක සහ අධ්‍යාපන අමාත්‍ය දිනේෂ් ගුණවර්ධන මහතා සඳහන් කරයි.

කොළඹ ඇතුළු රටපුරා සංවර්ධන ව්‍යාපෘති ක්‍රියාත්මක කිරීමේ දී ජාතික සැලැස්මට අදාළව ක්‍රියාත්මක කරන්නැයි අග්‍රාමාත්‍ය මහින්ද රාජපක්ෂ මහතා නාගරික සංවර්ධන හා නිවාස අමාත්‍යාංශයේ නිලධාරීන්ට ඊයේ (23) පස්වරුවේ උපදෙස් දුන්නේය.

රුසියානු ජනපති වැලැඩ්මීර් පුටින් යුක්රේනය ආක්‍රමණය කිරීමට තීරණය කිරීමත් සමග රුසියාවට එරෙහිව දරුණු සම්බාධක පැනවීමට ජාත්‍යන්තර සංවිධාන හා රටවල් තීරණය කර තිබේ.

ජ්‍යෙෂ්ඨ මාධ්‍යවේදී බන්දුල පද්මකුමාර මහතා අභාවප්‍රාප්ත වී තිබේ. බන්දුල පද්මකුමාර මහතා ’මුල් පිටුව’ වැඩසටහනින් රූපවාහිනිය තුළ පත්තර කියවීමේ කලාව හඳුන්වාදුන්නේය.

රත්මලාන යාන්ත්‍රික ඉංජිනේරු කර්මාන්තශාලාවේ සේවක ගැටලු විසඳීමට කොමිසමක් පත් කරන ලෙස ජනාධිපති ගෝඨාභය රාජපක්ෂ මහතා ප්‍රවාහන අමාත්‍ය පවිත්‍රා වන්නිආරච්චි මහත්මියට උපදෙස් දෙයි.

15 හැවිරිදි දැරියක් හත් මසක ගැබිණියක් කල 15 හැවිරිදි පාසල් සිසුවෙක් අත්අඩංගුවට ගත් බව නවගමුව පොලීසිය සඳහන් කරයි.

වරකාපොල පාසලක මුරකරුවෙක් ලෙස සේවය කළ පුද්ගලයෙකුගේ මළ සිරුරක් මායින්නොලුව ප්‍ර දේශයේ පාලමක් යට තිබියදි සොයාගත් බව පොලීසිය පවසයි.

දෙමළ සන්ධාන පාර්ලිමේන්තු මන්ත්‍රීවරු පිරිසක් ජනාධිපති කාර්යාලය ඉදිරිපිට රැස්ව විරෝධතාවක යෙදෙමින් සිටින බව ජනපති මාධ්‍ය අංශය කියයි. ඔවුන් ජනාධිපතිවරයා හමු වී සංදේශයක් භාර දීමට පැමිණ ඇති බව සඳහන් කළත්

යාපනය කෝවිලන් මුහුදු තීරයට අනවසරයෙන් ඇතුලුවී මසුන් අල්ලමින් සිටි ඉන්දීය ට්‍රෝලර් යාත්‍රා 02 ක සිටි ඉන්දීය ධීවරයින් 22 දෙනෙකු ඊයේ (23) රාත්‍රියේ අත්අඩංගුවට ගත් බවට නාවික හමුදාව පවසයි.

රාජ්‍ය ආයතනවල හදිසි නිරීක්ෂණ චාරිකාවලට එක්වීමේ ජනපතිවරයාගේ වැඩ පිළිවෙළ යටතේ ඔහු මේ වන විට දුම්රිය දෙපාර්තමේන්තුවේ රත්මලාන වැඩපොළේ නිරීක්ෂණ චාරිකාවට එක්ව තිබේ.

අද පැවැති පාර්ලිමේන්තු සැසිවාරයේදී විදුලි කප්පාදුවට විරෝධය දක්වමින් විපක්ෂය විදුලි පන්දම් (ටෝච්) රැගෙන සභා ගර්භයට පැමිණ තිබුණි.

ලෝකය වහා ක්‍රියාත්මක විය යුතුය. යුරෝපයේ සහ ලෝකයේ අනාගතය අනතුරේ. කළ යුතු ලැයිස්තුව: 1. SWIFT ඇතුළුව දැන් රුසියාවට විනාශකාරී සම්බාධක 2. සෑම ආකාරයකින්ම, සියලු ආකෘතිවලින් රුසියාව සම්පූර්ණයෙන්ම හුදකලා කරන්න 3. යුක්රේනය සඳහා ආයුධ, උපකරණ 4. මූල්‍ය ආධාර 5. මානුෂීය ආධාර

’පුටින් යුක්රේනයට පූර්ණ පරිමාණ ආක්‍රමණයක් දියත් කර ඇත. සාමකාමී යුක්රේන නගර වල පිපිරීම් ඇතිවෙනවා. මේක ආක්‍රමණික යුද්ධයක්. යුක්රේනය තමන්ව ආරක්ෂා කර ජය ගනු ඇත. ලෝකයට පුටින් නැවැත්විය හැකි අතර කළ යුතුය. දැන් ක්‍රියා කිරීමට කාලයයි.’ යැයි යුක්රේන විදේශ අමාත්‍යවරයා පවසයි.

2014 වසරෙන් පසුව ලෝක වෙළඳපොළේ බොරතෙල් බැරයක මිල පළමු වතාවට ඩොලර් 100 ඉක්මවා ගොස් තිබේ. එ අනුව බ්‍රෙන්ට් බොරතෙල් දර්ශකය අනුව බොරතෙල් බැරයලක මිල ඇමෙරිකානු ඩොලර් 101. 5ක් දක්වා අද දිනයේදී ඉහළ ගොස් තිබේ.

ඊයේ (23දා) සිදුවූ මාරක රිය අනතුරු 8කින් පුද්ගලයන් 08ක් මියගොස් ඇතැයි පොලීසිය පවසයි.

ආණ්ඩුවේ හවුල්කාර දේශපාලන පක්ෂ හා සංවිධාන වන නායකයන් හා ශ්‍රී ලංකා නිදහස් පක්ෂයේ නායක මෛත්‍රීපාල සිරිසේන මහතා අතර සාකච්ඡාවක් ඊයේ (23දා) පවත්වා ඇති බව වාර්තා වේ.

රුසියානු ජනාධිපති ව්ලැඩිමීර් පුටින් විසින් ඩොන්බාස් කලාපයේ විශේෂ හමුදා මෙහෙයුමක් ප්‍රකාශයට පත් කර ඇති බව විදෙස් වාර්තා පවසයි.

රට තුළ විශාල විදුලි අර්බුදයක් ඇති වී තිබියදී සූර්ය කෝෂ හරහා විදුලිය නිෂ්පාදනය කිරීමට අවසර ඉල්ලා විදුලිබල අමාත්‍යාංශයට ඉදිරිපත් කර තිබෙන අයදුම් පත් 1,200ක පමණ ප්‍රමාණයෙන් කිසිදු අයදුම් පත්‍රයකට තවමත් අවසර ලබාදී නොමැති බව කුඩා හා මධ්‍ය පරිමාණ කර්මාන්ත කරුවන්ගේ සංගමය සඳහන් කරයි.

බලාගාර සඳහා ඉන්ධන නොමැති වීම නිසා ඊයේ (23දා) දිනයේ A, B සහ C යන කලාපවලට පැය 4යි විනාඩි 40ක්ද, සෙසු කලාපවලට පැය 4යි විනාඩි 30ක්ද, විදුලිය විසන්ධි කිරීම සිදුවිය.