බදුල්ල දුම්රියපොල පාලමට යටින් දිවෙන එම්.ඩී. සුගතදාස මාවතේ දී අද (29දා) ත්‍රීරෝද රථයක් හා පෞද්ගලික බස් රථයක් මුහුණට මුහුණ ගැටී සිදු වූ අනතුරින් ත්‍රී රෝද රථයේ ගමන් ගත් පුද්ගලයෙකු තුවාල ලබා ඇති අතර ත්‍රී රෝද රථයට බරපතල හානි සිදුව ඇතැයි පොලීසිය පවසයි.

මධ්‍යම කදුකරයේ බටහිර බැවුම් ප්‍රදේශවල මේ දිනවල පවතින අධික වියළි කාලගුණයත් සමග කොත්මලේ ජලාශයේ ජල ධාරිතාව තවදුරටත් පහල බසිමින් පවතින බව එම ජලාශය භාර ඉංජිනේරුවරුන් පැවසිය.

පාකිස්තාන අග්‍රාමාත්‍ය ඉම්රන් ඛාන්ගේ පාලනය සම්බන්ධයෙන් විශාල කඩයිමක් පැමිණ තිබේ. ඒ ඔහුට එරෙහිව විපක්ෂය විසින් ගෙන එන ආ විශ්වාසභංගයේ ඡන්ද විමසීම එළැඹෙන 31දාට යෙදී තිබීම හේතුවෙන්

ශ්‍රී ලංකා නාවික හමුදාව ඩෙල්ෆ්ට් දූපතට දකුණු දෙසින් වූ මුහුදු තීරයේ සිදුකළ මුර සංචාරයකදී, මෙරට මුහුදු සීමාව තුළට ඇතුළු වී අනවසර ධීවර කටයුතුවල නිරතව සිටි ඉන්දීය ට්‍රෝලර් යාත්‍රාවක් සමඟ ඉන්දීය ජාතික ධීවරයින් සිව් දෙනෙකු ඊයේ (28දා) රාත්‍රියේ නාවික හමුදා භාරයට ගැනීමට කටයුතු කෙරිණි.

සියලු කොටස් මිල දර්ශකය සියයට පහකින් කඩා වැටීම හේතුවෙන් කොටස් වෙළඳපොළ කටයුතු පැය භාගයකට අත්හිටුවීමට කොළඹ කොටස් හුවමාරුව තීරණය කර තිබේ.

“ශ්‍රී ලංකා නිදහස් පක්ෂය තීරණය කරන්න ඕන කොතනද හරියට හිට ගන්නේ කියලා. ඒ අයට අවස්ථාවක් තියෙනවා. ඕනනම් ආණ්ඩුවේ ඉදලා වැනසෙන්න අවස්ථාව තියෙනවා. ශ්‍රී ලංකා නිදහස් පක්ෂය දෙලොවක් අතර ඉන්නේ. මාලු කනවද මස් කනවද කියලා කල්පනා කරන මීයා වගේ අන්තිමට බෙල්ල කැපිලා යනකම් දන්නේ නෑ.”

බදුල්ල -පස්සර මාර්ගයේ 5 කණුව ප්‍රදේශයේදී ගිලන්රථයක ගැටනු කාන්තාවක් බරපතල තුවාල ලබා බදුල්ල මහ රෝහලට ඇතුලත්කර ඇතැයි බදුල්ල පොලිසිය පවසයි .

ඉන්දියාව තුළ පසුගිය දින 8 තුළ හත්වැනි වරටත් ඉන්ධන මිල ඉහළ දැමීමට ඉන්දියාව කටයුතු කර තිබේ. මේ අනුව ඉන්දියාවේ දිල්ලිහි පෙට්‍රල් ලීටරයක මිල ඉන්දීය රුපියල් 100 සීමාව ඉක්මවා ගොස් තිබේ. පෙට්‍රල් ලීටරයක මිල ඉන්දීය සත 80කින් හා ඩීසල් ලීටරයක මිල ඉන්දිය ශත 70කින් ඉහළ දැමීමට අඟහරුවාදා කටයුතු කර තිබේ.

මිතුරන් තිදෙනකු සමග දිය නෑමට ගොස් දින තුනක් තිස්සේ අතුරුදහන් ව සිටි 15 හැවිරිදි පාසල් සිසුවාගේ මරණය ගැන තොරතුරු වසන් කිරිම සම්බන්ධව එම පාසල් සිසුන් තිදෙනා පැල්මඩුල්ල පොලිසිය විසින් අත්අඩංගුවට ගෙන තිබේ .

දකුණු පළාතේ ඉඩමක් විකිණීමට පුවත්පතක පළ කර තිබූ දැන්වීමක දුරකථන අංකයකට ඇමතුමක් ලබාදී, එම ඉඩම මිලදී ගන්නා බවට හිතවත්කමක් ඇති කර ගෙන එම ඉඩම් හිමිකාර විශ්‍රාමික ගුරුවරිය අනුරාධපුරයට ගෙන්වා රුපියල් ලක්ෂ දහයකට වැඩි මුදලක් රැගෙන පළා ගිය පියෙකු සහ පුතෙකු අත්අඩංගුවට ගැනීමට ඊයේ (28දා) විමර්ශන ආරම්භ කල බව අනුරාධපුර මූලස්ථාන පොලීසිය පවසයි.

ඖෂධ හා උපකරණ හිඟවීම හේතුවෙන් තාවකාලිකව නවතා දමා ඇති පේරාදෙණිය ශික්ෂණ රෝහලේ සැත්කම් නැවත ආරම්භ කිරීම වෙනුවෙන් ඉන්දියාව මැදිහත්ව තිබේ.

මාර්ග රිය අනතුරු හේතුවෙන් දිනකට අට දෙනෙකු මියගොස් අසූ දෙනකු පමණ තුවාල ලබන බවත් 2030 වන විට රිය අනතුරු වලින් එක් පුද්ගලයෙකු හෝ මිය නොයන තත්ත්වයට පත් කිරිම තම ආයතනයේ අරමුණ බවත් ඒ සඳහා අවශ්‍ය සැලසුම් මේ වන විට දියත් කරමින් සිටින බවත් ජාතික ප්‍රවාහන වෛද්‍ය ආයතනයේ සභාපති වෛද්‍ය ශවීන්ද්‍ර ගමගේ මහතා පැවසීය .

2022 පෙබරවාරි 27 සිට මාර්තු 28 දක්වා මාසයක කාලය තුල මහ බැංකුව විසින් රු. මිලියන 216,470 ක් අච්චු ගසා ඇති බව හිටපු ආණ්ඩුකාර , ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ රජිත් කීර්ති තෙන්නකෝන් මහතා පවසයි.

කොණ්ඩේ පීරලා එන්න. ෂර්ට් එක මැදලා නෑ. හරියට රැවුල බාලා නෑ. ඊට පස්සේ ඇවිල්ලා කථා කරන්න. මන්ත්‍රීවරයෙක් ලෙස මට බැන්නට කමක් නෑ. ඒත් හොඳට එන්න ඕන නේද? මුළු පාර්ලිමේන්තුවේම තත්ත්වේ නැති වෙනවා මේකෙන්. මම මෙයා හොඳට දන්නවා. මමයි මෙයාව හැදුවේ දේශපාලනයට ගෙනල්ලා. කොණ්ඩේ පීරන්න හොඳට, ෂර්ට් එක මදින්න. හොඳ අත්දෙක දිග ෂර්ට් එකක් අදින්න. රැවුල හරියට බාන්න. මූණ හෝදගෙන එන්න. එතකොට අපි කියන්නම්.

වාද්දුව මොරොන්තුඩුව පාරේ නවතා තිබූ යතුරුපැදියක් අද (29දා) උදෑසන ගිනිගෙන දැවී ඇතැයි වාද්දුව පොලිසිය පවසයි.

“මගේ ධුර කාලය අවසන් වන තුරු මම රටේ අග්‍රාමාත්‍යවරයා ලෙස කටයුතු කරන අතරම ඉදිරි මැතිවරණ වලිනුත් අපි ජයග්‍රහණය කරනවා. මට තව ටික කාලයක් තියෙනවා. මම වහාම විශ්‍රාම යන්නේ නැහැ. ජාතික ආණ්‌ඩුවක්‌ ගැන කියන කතා ඔක්කොම බොරු” ඔහු පවසා තිබේ.

රටේ වත්මන් අර්බුදයට යම් අස්වැසිල්ලක් ලබාදෙමින්,මන්නාරම අඩම්පන් පොලිස් ගොවියෝ සිය අක්කරයක කුඹුරේ කීරි සම්බා අස්වැන්න ඊයේ (28දා) නෙලා ගනු ලැබූහ.

ලෝකයේ අධි උද්ධමනයක් ඇති රටවල් අතර ශ්‍රී ලංකාව ලෝකයෙන්ම හය වැනි ස්ථානයට පත්ව තිබේ. ඒ අනුව ආසියාවේ ඉහළම උද්ධමනයක් ඇති රට බවට ශ්‍රී ලංකාව පත්ව තිබේ.

(Exclusive/Update) ඖෂධ හා උපකරණ හිඟවීම හේතුවෙන් තාවකාලිකව නවතා දමා ඇති පේරාදෙණිය ශික්ෂණ රෝහලේ සැත්කම් නැවත ආරම්භ කිරීම වෙනුවෙන් ඉන්දියාව මැදිහත්ව තිබේ.

ස්ටෙන්ට්, අක්ෂි කාච ඇතුළු වෛද්‍ය උපකරණ කිහිපයක උපරිම සිල්ලර මිල ඉහළ දමමින් සෞඛ්‍ය අමාත්‍යාංශය විසින් අතිවිශේෂ ගැසට් පත්‍රයක් නිකුත් කර තිබේ.

රුසියාව න්‍යෂ්ටික අවි භාවිත කරන්නේ තම රාජ්‍යයේ පැවැත්ම තර්ජනයට ලක්වන අවස්ථාවකදී ඊට එරෙහිව පමණක් බව ක්‍රෙම්ලීනය පවසයි.

ජනතාවගේ පීඩනය හඳුනාගත හැකි සංවේදී මැති ඇමතිවරුන් ශ්‍රී ලංකා පොදුජන පෙරමුණේ සිටින්නේ නම් ආණ්ඩුවෙන් ඉවත්වන ලෙස ඔවුන්ට ආරාධනා කරන බව සමගි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා පැවසීය.

සජීව රූපවාහිනී සම්මුඛ සාකච්ඡාවකදී නගරාධිපති වඩිම් බොයිචෙන්කෝ පැවසුවේ, ’’සියල්ල අපගේ බලයේ නැහැ. අවාසනාවකට අද අපි ඉන්නේ ආක්‍රමණිකයන්ගේ අතේ.’’ යනුවෙනි.

පසුගිය මාසයේ දී සෞඛ්‍ය සේවකයන් සඳහා ගෙවනු ලබන වැටුප් ලබා දීමේදී රෝහල් රැසක සෞඛ්‍ය සේවකයන් සඳහා අතිකාල සහ වෙනත් දීමනා හැර මූලික වැටූප පමණක් ගෙවීමට කටයුතු කර ඇතැයි වාර්තා වෙයි.

මධ්‍යම ඊශ්‍රායලයේදී තුවක්කුකරුවන් දෙදෙනෙකු විසින් පොලිස් නිලධාරීන් දෙදෙනෙකු වෙඩි තබා ඝාතනය කිරීමෙන් පසු ජිහාඩ් ත්‍රස්ත කණ්ඩායම එහි වගකීම භාරගෙන තිබේ.

රුපියල බාල්දුවීම හේතුවෙන් ඇමෙරිකානු ඩොලරය රුපියල් හාරසිය පනහට ආසන්නවීම වැළැක්විය නොහැකි බව ශ්‍රී ලංකා වයඹ විශ්ව විද්‍යාලයේ ව්‍යාපාර අධ්‍යන අංශයේ ජ්‍යෙෂ්ඨ මහාර්ය අමින්ද මෙත්සිල පෙරේරා මහතා පැවසීය.

රුසියාව සහ ඉන්දියාව අතර වෙළෙඳාමේදී සෘජු රුපියල්-රූබල් ගෙවීමට ඉඩ සලසන පද්ධතියක් මේ සතියේ දියත් වීමත් සමග, රුසියාවෙන් බලශක්ති (තෙල්) වෙනත් භාණ්ඩ පහසුවෙන් මිලදී ගැනීමට ඉන්දියාවට හැකිවනවා සේම, ඉන්දියානු අපනයන සඳහාද වැඩි ඉඩක් සමග රුසියානු සම්බාධකවලින් ඉන්දියාවටද ආර්ථික ලාභ ලැබීමට මග පෑදෙයි.

කොළඹ සහ තදාසන්න ප්‍රදේශ වල සිට අපහසුතාවකින් තොරව සිංහලහාහින්දු අලුත් අවුරුද්දට ගම්බිම් බලා යන ජනතාවගේ පහසුව පිණිසපොදු බස් සේවාවක් යෙදවීමට ජාතික ගමනාගමන කොමිෂන් සභාව සැලසුම් කර ඇත.

එලොන් මස්ක් ට්විටර් පණිවුඩයක් මගින් නව සමාජ මාධ්‍ය වේදිකාවක් නිර්මාණය කිරීම සඳහා ’’බරපතල අදහසක්’’ ඇතිවී තිබෙන බව පවසයි.