නේටෝ මහ ලේකම් ජෙන්ස් ස්ටෝල්ටන්බර්ග්ට අනුව චීනය විසින් ආරක්ෂාවට පද්ධතිමය අභියෝගයක් ඉදිරිපත් කර ඇති බව කියයි.

වත්මන් අග්‍රාමාත්‍ය මහින්ද රාජපක්ෂ මහතාගේ රුව ඇතුලත් රුපියල් දහසේ මුදල් නෝට්ටුවක් යාපනයේ පිහිටි වෙළඳසැලකට ලබාදුන් පුද්ගලයෙකුට අදාල වෙළඳසැල් හිමිකරුවන් විසින් ඊයේ (05දා) සවස දැඩි විරෝධය පෑමෙන් උණුසුම් තත්වයක් හටගෙන තිබුණි.

හපුතලේ උඩවිහාරගල රක්ෂිතයේ නිධන් හාරමින් සිටි පස්දෙනෙකු ඒ සඳහා යොදාගත් ආයුධ හා සෙසු පූජා භාණ්ඩ ද සමග අද (06දා) අත්අඩංගුවට ගත් බව බණ්ඩාරවෙල කොට්ඨාස අපරාධ විමර්ශන කාර්යංශය පවසයි.

පෙරපාසල නිමාවී නිවසට යමින් සිටි දැරියකගේ හිස මතට රිළවෙකු සොළවමින් සිටි ගසක අත්තක් කඩා වැටිම හේතුවෙන් එම දැරිය අද (06දා) අවාසනාවන්ත ලෙස මියගිය පුවතක් බලන්ගොඩ පින්නවල පොලිස් බල ප්‍රදේශයේ නෙල්ලිවෙල ප්‍රදේශයෙන් වාර්තා වෙන බව පොලිසිය පවසයි.

අද වන විට මේ රටේ තරුණ පරපුර ප්‍රමුඛ කරගත් සාමාන්‍ය සිවිල් ජනතාව රට වෙනුවෙන් වූ තම යුතුකම ඉටුකිරීම සඳහා ස්වෙච්ඡාවෙන්ම පෙරට පැමිණ තිබේ. එය අතිශයින්ම ප්‍රශංසා කළයුතු දෙයකි. ඔවුන් වෙත මුළු මහත් ජාතියේම ගෞරවය හිමිවිය යුතු බව අද (06දා) කොළඹ දී සාධාරණ සමාජයක් සදහා වන ජාතික ව්‍යාපාරයේ සභාපති කරු ජයසූරිය මහතා පවසයි.

අග්‍රාමාත්‍ය මහින්ද රාජපක්ෂ මහතා හා ආණ්ඩු පක්ෂ මන්ත්‍රී කණ්ඩායම අතර හමුවක් හදිසියේ කැඳවා තිබේ. ඉදිරි දේශපාලන කටයුතු පිළිබඳව මෙහිදී සාකච්ඡා පැවැත්වීමට නියමිතව තිබේ.

මෙම පාසල් වාරය සඳහා රජයේ අනුමත පාසල් සඳහා නිවාඩුව අද (06දා) ප්‍රකාශයට පත්කරන බව අධ්‍යාපන අමාත්‍යාංශය කියයි. ඒ අනුව නව පාසල් වාරය ලබන 18දා ආරම්භ වීමට නියමිතව තිබේ.

කොළඹ හා දිවයිනේ විවිධ ප්‍රදේශවල මේ දිනවල පැවැත්වෙන මහජන උද්ඝෝෂණ සහ විරෝධතා පෙළපාලි සඳහා දෙමව්පියන් සහ භාරකරුවන් ඇතුලු විවිධ පාර්ශවයන් විසින් ළමයින් සහභාගි කරගැනීමේ අවස්ථා පිළිබඳව දැකගත හැකි අතර ඒ සම්බන්ධයෙන් ජාතික ළමා ආරක්ෂක අධිකාරියේ විශේෂ අවධානය යොමුවී ඇත.

අමාත්‍ය ජොන්ස්ටන් ප්‍රනාන්දු මහතාගේ කුරුණෑගල පිහිටි කාර්යාලය මේ වන විට විරෝධතාකරුවන් විසින් වටලා ඇති බව වාර්තා වෙයි. එ සඳහා තරුණ තරුණියන් විශාල පිරිසක් එක්ව සිටින බව වාර්තා වෙයි.

ගෑස් නොමැතිව පැය 10 ක පමණ කාලයක් පෝලිමේ රැඳී සිටීමෙන් උරණවූ ගැස් පාරිභෝගිකයින් පිරිසක් අද (06දා) පස්වරුවේ පානදුර රන්කොත් විහාරය ඉදිරිපිට මාර්ගය ගෑස් සිලින්ඩර යොදා වසා දමා විරෝධතාවයක නිරත වූහ.

රට මේ වන විට මුහුණ දෙන තත්ත්වයෙන් ගොඩඒමට නම් පාර්ලිමේන්තු මන්ත්‍රී, ආචාර්ය හර්ෂද සිල්වා මහතා ජනපතිධුරයට පත්කරන ලෙස පාර්ලිමේන්තු මන්ත්‍රී හරීන් ප්‍රනාන්දු මහතා පවසයි.

ජනතා වරම අනුව ජනපති ගෝඨාභය රාජපක්ෂ මහතාට අවුරුදු 5ක කාලසීමාවක් පවතින බව හිටපු අමාත්‍ය රෝහිත අබේගුණවර්ධන මහතා පැවැසීය.

ඩීසල් ඉන්ධන රැගත් ධාවනය වෙමින් තිබු බවුසරයක් නොර්වුඩ් මංසන්ධියේදි ධාවනය කිරිමට ඉඩ ලබානොදි අවහිර කිරිමේ චෝදනාව යටතේ නොර්වුඩ් පොලිසිය විසින් අත්අඩංගුවට ගත් සැකකරුවන් දෙදෙනෙක් අද (06දා) හැටන් දිසා විනිසුරු සහ මහෙස්ත්‍රාත් ෆරිඩ්ඩින් මහතා වෙත ඉදිරිපත් කිරිමෙන් අනතුරුව සැකකරුවන් දෙදෙනා ලබන 08දා දක්වා රක්ෂිත බන්ධනාගාර ගත කිරිමට මහෙස්ත්‍රාත්වරයා නියෝග කලහ.

මහ බැංකුව නිකුත් කළ නවතම විනිමය අනුපාත අනුව ඩොලරයක විකුණුම් මිල රුපියල් 308.4ක් දක්වා ඉහළ ගොස් තිබේ.මෙය ඇමෙරිකානු ඩොලරයක් සඳහා මහ බැංකුව නිකුත් කළ වැඩිම අගය වෙයි. මේ අතර ඩොලරයක ගැණුම් මිල රුපියල් 298.1ක් විය.

කහවත්ත වටාපොත මාර්ගයේ දි පුද්ගලික බස් රථයක් අඩි 150 ක ප්‍රපාතයකට පෙරළිමෙන් තිදෙනකුට තුවාල සිදුවි කහවත්ත මුලික රෝහලට ඇතුළත් කර තිබේ .

ඒක තමයි අපේ පක්ෂයේ වැඩේ. ඔයගොල්ලෝ හිතවනද මේ නිකම් මෝඩ කමට බෙල්ල දෙන්න යනවා කියලා. මම පාර්ලිමේන්තුවෙන් එළියට යන්න පෙර දැනුම් දුන්නා මම එළියට එනවා කියලා. අපේ සහෝදරවරු කිහිප දෙනෙක් හිටියා. මම හෙටත් එහෙම කරනවා. ලාභෙට අපේ ජීවිත බිලි දෙන්නේ නෑ.

මේ වසරේ මුල් කාර්තුවේදී ඇමෙරිකානු ඩොලර් මිලියන 1,412ක ආයෝජන යෝජනා 33ක් ලැබී ඇති බව ආයෝජන මණ්ඩලය අද (06දා) සඳහන් කරයි .

වත්මන් නීතිපතිවරයා කටයුතු කරන ආකාරයට විරෝධය දැක්වීමක් ලෙස ඔහුට එරෙහිව පාර්ලිමේන්තුවට දෝෂාභියෝගයක් ඉදිරිපත් කිරීමට කටයුතු කරන බව අමාත්‍ය විජයදාස රාජපක්ෂ මහතා පැවැසීය.

ප්‍රසම්පාදන ක්‍රියාවලියෙන් බැහැරව වාහනයක් මිලදී ගැනීම සම්බන්ධයෙන් වූ බහින්බස් වීමක් දුරදිග යාමෙන් උදෑසන ආහාරයට ලබා දී තිබූ පාන් කැබැල්ලකින් නාගරික මන්ත්‍රී නිශාන්ත විමල චන්ද්‍ර මහතා උප සභාපති සුනිල් පියරත්න මහතාට පහර දීමත් සමඟ අද (06දා) පැවති මහරගම නගර සභාවේ මාසික මහා සභා රැස්වීම උණුසුම් මුහුණුවරක් ගත්තේය.

යළිත් අමාත්‍යධුර භාර ගන්නා ලෙස ජනපති ගෝඨාභය රාජපක්ෂ මහතා කළ ආරාධනය ශ්‍රී ලංකා නිදහස් පක්ෂය විසින් ප්‍රතික්ෂේප කර තිබේ.

ඩුබායි හී ෂැංග්‍රී-ලා හෝටලයේ දී පසුගිය මාර්තු 28දා පැවැති “ග්ලෝබල් පෝට් ෆෝරම් 2021” (GPF) සම්මාන උළෙලේ දී ශ්‍රී ලංකා වරාය අධිකාරියට ද සුවිශේෂී සම්මාන දෙකක් හිමිවිය. “2021 වසරේ වරාය අධිකාරිය” සහ “2021 වසරේ හොඳම රාජ්‍යය බහලූ පර්යන්තය” යන සම්මාන දෙක ශ්‍රී ලංකා වරාය අධිකාරියට හිමි විය

දිවයින පුරා රජයේ රෝහල්වල විශාල වශයෙන් ඖෂධ හිඟයක් පවතින බවත් ගම්පහ දිස්ත්‍රික් මහ රෝහලෙහි පමණක් ඖෂධ වර්ග 25 ක පමණ හිඟයක් පවතින බවත් රජයේ වෛද්‍ය නිලධාරීන්ගේ සංගමයේ ගම්පහ රෝහල් ශාඛාවෙහි ලේකම් වෛද්‍ය තිලක් පෙරේරා මහතා පැවති මාධ්‍ය හමුවකදී පැවසීය.

යාපනය පොලිස් බල ප්‍රදේශයේ පාසෙයිඌර් ප්‍රදේශයේ ඊයේ (05දා) සවස නිවසක ඇති වූ ගින්නක් හේතුවෙන් නිවස සම්පූරණයෙන්ම විනාශ වී ඇති බවට පොලීසිය පවසයි.

’’අපි ලාභෙට මැරෙන්න සූදානම් නෑ. ඉපදෙන්නෙත් මැරෙන්නෙත් එක පාරයි. මෙහෙම ගියොත් විනාශයක් වෙන්නේ. අපිත් බය නෑ’’

මාරවිල මූදුකටුව ඉන්ධන හලට දින 13 කින් ඩිසල් නොලැබිමට විරෝධය පා අද (6දා) උදෑසන සිට කොළඹ හලාවත මාර්ගය මූදුකටුව ඉන්ධන හල අසලින් වසා දමා ඇති බව මාරවිල පොලිසිය පවසයි.

පාර්ලිමේන්තුව තුළ විපක්ෂය විරෝධතා පුවරු ඔසවාගෙන විරෝධතාවක නිරත විය. මෙහිදී සජබ මන්ත්‍රීවරුන් කපුටු කාක් කාක්, බැසිල්, බැසිල්, බැසිල් ලෙස උස්හඩින් ප්‍රකාශ කළේය.

පොළොන්නරුව ජල ගැලුම් නිම්න ජාතික වනෝද්‍යානයේ මනම්පිටිය කරපොල විල්ලුවට නුදුරින් අද (6දා) අලුයම නිධන් හාරමින් සිටි තිදෙනෙකු, අත්ටැක්ටර්යක් ජෙනරේටරයක්, ඇතුළු නිධන් හැරීමට යොදා ගත් භාණ්ඩ රැසක් සමග අත්අඩංගුවට ගත් බව පොළොන්නරුව වනජීවී කාර්යාලය පවසයි.

පානදුර ශ්‍රී සුමංගල බාලිකා විදුහලේ සංගීත කාමරය කඩා රුපියල් ලක්ෂ පහකට අධික වටිනාකමකින් යුත් සංගීත භාණ්ඩ සොරකම් කල පුද්ගලයෙකු ඊයේ (05දා) රාත්‍රි අත්අඩංගුවට ගත්බව පානදුර දකුණ පොලිසිය පවසයි .

පරිසර අමාත්‍යාංශයට අයත් GSMB-TS පුද්ගලික සමාගම විසින් මේ දිනවල මුලතිව් දිස්ත්‍රික්කයේ වැව් 75ක් ආශ්‍රිතව සුහුරු වාරි ව්‍යාපෘතිය යටතේ ඉංජිනේරුමය සමීක්ෂණයක් සිදු කරනු ලබයි.