පාර්ලිමේන්තුවේ ඊයේ (07දා) සම්මත වූ අධිභාර බද්ද පනත් කෙටුම්පතට කථානායක මහින්ද යාපා අබේවර්ධන මහතා සිය සහතිකය අද (8දා) සටහන් කළේය.

එළඹෙන අලුත් අවුරුදු සමයේ කොළඹ සහ තදාසන්න ප්‍රදේශවල සිට දුරබැහැර ගම්බිම් බලා යන සහ එන මගීන් වෙනුවෙන්, ශ්‍රී ලංකා ගමනා ගමන මණ්ඩලය, ජාතික ගමනා ගමන කොමිෂන් සභාව, මාර්ගස්ථ මගී ප්‍රවාහන අධිකාරීන් වලට අයත් බස් රථ සහ ශ්‍රී ලංකා දුම්රිය දෙපාර්තමේන්තුව එක් කරගනිමින් ප්‍රවාහන අමාත්‍යාංශය විසින් විශේෂ ප්‍රවාහන සැලැස්මක් සකස්කර ඇත.

රුසියානු ජාතිකයෙකුට කුරුඳු පොල්ලකින් පහරදි තුවාල සිදු කල බව කියන දෙදෙනෙකු අත්අඩංගුවට ගත් බව අහංගම පොලිසිය පවසයි.

වර්තමානයේ රට තුළ උද්ගත වී ඇති ආර්ථික හා සාමාජීය අර්බුදකාරි ජනජිවිතය සාමාන්‍ය තත්වයට පත් වන තුරු නැගෙනහිර පළාත් සභාව විසින් සිදු කරන මූල්‍යමය වියදම් වහාම ක්‍රියාත්මක වන පරිදි අවම කරන්නැයි නැගෙනහිර පළාත් ආණ්ඩුකාර අනුරාධා යහම්පත් මහත්මිය නියෝග කළාය.

රසායනික ද්‍රව්‍ය භාවිතා කොට නිවැසියන් නිදි ගන්වා දඹුල්ල මිරිස්ගෝනියාව හන්දිය ප්‍රදේශයේ ව්‍යාපාරිකයෙකුගේ නිවසකට අද (08දා) අලුයම ඇතුළු වූ කොල්ලකරුවන් පිරිසක් එහි තිබූ මුදල් රන් භාණ්ඩ සහ මෝටර් රථයක් කොල්ලකා පලාගොස් ඇතැයි දඹුල්ල පොලිසිය කියයි.

බදුල්ල දිස්ත්‍රික්කයේ ශ්‍රී ලංකා පොදුජන පෙරමුණේ ජානක තිස්ස කුට්ටිආරච්චි සහ එම දිස්ත්‍රික්කයේ සමගි ජන බලවේගයේ චමින්ද විජේසිරි යන මන්ත්‍රීවරුන් පාර්ලිමේන්තුවෙන් ඉවත් කරන ලෙස කතානායක මහින්ද යාපා අබේවර්ධන මහතා පාර්ලිමේන්තුවේදී වේත්‍රධාරීවරයාට උපදෙස් දුන්නේය .

අලුත් අවුරුද්ද ඉලක්ක කරගෙන වගා කල එළවලු අස්වැන්න දිවයිනේ විවිධ ප්‍රදේශවලින් ගොවි මහතුන් විසින් දඹුල්ල ආර්ථික මධ්‍යස්ථානයට රැගෙන ආවාද ඒවා අලෙවි කර ගැනීමට වෙළඳුන් නොපැමිණීම නිසා අද (08දා) ගොවීහු දැඩි අසීරුතාවයකට පත්ව සිටියහ .

දෙහිවල සත්වෝද්‍යානය වසා දමන ලෙසත් එහි සිටින සතුන් රිදියගම හා පින්නවල එළිමහන් සත්වෝද්‍යාන වෙත යොමුකරන ලෙසත් සඳහන් කරමින් සතුන් හා සොබාදහම සඳහා යුක්තිය සංවිධානය විෂයභාර අමාත්‍යවරයා වෙත පෙත්සමක් ඉදිරිපත් කිරීමට සැලසුම් කර තිබේ.

දිවයිනට නැගෙනහිර දෙසින් පහළ වායුගෝලයේ පවතින කැළඹිලි ස්වභාවය නිසා අද (08දා), හෙට (09දා) හා අනිද්දා(10දා) යන දිනවල දිවයිනේ බොහෝ ප්‍රදේශවල වැසි තත්ත්වය ඉහළ යා හැකිබව කාලගුණ විද්‍යාදෙපාර්තමේන්තුව සඳහන් කරයි.

යුක්රේනයේ රුසියානු හමුදා මෙහෙයුම නුදුරු අනාගතයේ දී අවසන් වනු ඇතැයි මොස්කව් බලාපොරොත්තු වෙයි. නමුත් එය සිදුවන ආකාරය ගැන රුසියාව කිව්වේ කුමක්ද?

නව කැබිනට් මණ්ඩලයේ මුදල් අමාත්‍යවරයා ලෙස අග්‍රාමාත්‍ය මහින්ද රාජපක්ෂ මහතා පත් කිරීමට නියමිත බවද රජයේ අභ්‍යන්තර ආරංචි මාර්ග සඳහන් කරයි. එමෙන්ම මහජන ආරක්ෂක අමාත්‍ය ධුරයේ කටයුතු කළ සරත් වීරසේකර මහතාට එම අමාත්‍ය ධුරය ලබා නොදීමට තීරණය කර ඇති බවද වාර්තා වේ.

මුඛ ආවරණ ඉවත් කිරීම සහ ගෘහස්ථව එක්රැස්වීම සඳහා වන සීමාවන් ඉවත් කිරීම මෙන්ම ප්‍රතිශක්තිය අඩුවීමක් සිදුවී තිබීම යන සියලු කාරණා ආසාදිතයන් යළි වැඩිවීමට හේතුව බව වෛද්‍ය ඇන්තනී ෆවුසි පවසයි.

රාජ්‍ය සේවය තුළ විශාල ලිපි ද්‍රව්‍ය හිඟයක් ඇතිවෙමින් තිබෙනබවත්, මේ නිසා රාජ්‍ය සේවයේ වැඩකටයුතු සිදුකිරීමේදී විවිධ බාධාවන් ඇතිවෙමින් තිබෙන බවත් රාජ්‍ය පළාත් රාජ්‍ය රජයේ වෘත්තීය සමිති සන්ධානය සඳහන් කරයි.

ඊශ්‍රායලය පුරා මේ දිනවල මෙවැනි ප්‍රචණ්ඩත්වයක් මතුවෙමින් තිබෙන අතර, මීට පෙර සිදුවූ වෙඩි තැබීම් සහ මනුෂ්‍ය ඝාතනවල වගකීම IS ඉස්ලාම් රාජ්‍ය ත්‍රස්තයන් භාරගැනීම තුළ මේ වනවිට එරට සාමාන්‍ය ජනජීවිතයට දැඩි තර්ජනයක් එල්ල වී තිබේ.

ශ්‍රී ලංකා මහ බැංකුවේ නව අධිපතිවරයා ලෙස ආචාර්ය නන්දලාල් වීරසිංහ මහතා සහ මුදල් අමාත්‍යාංශයේ නව ලේකම්වරයා ලෙස කේ.එම්.එම්. සිරිවර්ධන මහතා පත් කෙරේ.

ජපානය රටවල් 106ක අනේවාසික විදේශිකයන්ට ජපානය වෙත ඇතුළු වීමට අවසර දෙන බව එරට රජයේ ආරංචි මාර්ග උපුටා දක්වමින් විදෙස් වාර්තා පවසයි.

පාලනය කරගත නොහැකි ස්වභාවික විපත් නිසා 2021 යල කන්නයේ වී, බඩඉරිඟු, සෝයා, අර්තාපල්, ලොකු ළූණු හා මිරිස් වගාවන්ට සිදු වූ හානි වෙනුවෙන් ගොවීන්ට වන්දි ගෙවීමට කෘෂිකාර්මික හා ගොවිජන රක්ෂණ මණ්ඩලය පියවර ගෙන ඇති බව එහි අධ්යවක්ෂ ජනරාල් පණ්ඩුක වීරසිංහ මහතා පවසයි.

ප්‍රංශය වයස අවුරුදු 60ට වැඩි පුද්ගලයන් සඳහා සිව්වැනි කොවිඩ්-19 එන්නත් මාත්‍රාව ලබාදෙන බව ප්‍රංශ සෞඛ්‍ය අමාත්‍ය ඔලිවියර් වේරන් පවසයි.

සමාජ මාධ්‍ය හරහා ජනතාව කුපිතවන ආකාරයට වෛරි ප්‍රකාශ පළකිරිමේ සිද්ධියක් සම්බන්ධයෙන් නාගොඩ පොලිසිය විසින් ඊයේ (06දා) අත්අඩංගුවට ගත් පුද්ගලයා මෙම මස 18දා දක්වා රක්ෂිත බන්ධනාගාර ගත කරන ලෙස බද්දේගම මහේස්ත්‍රාත් එච්. එම්. එස්. බණ්ඩාර මහතා නියෝග කළේය.

සංගීත සංදර්ශන පවත්වා ණය වූ රුපියල් ලක්ෂ 25 පියවා ගැනීමට නතර කර තිබු ගංජා ජාවාරම පටන්ගත් අයෙක් ගංජා ග්රෑම් 500ක් සමග කරන්දෙණිය මහගොඩදී සැකපිට ප්‍රශ්න කිරීම සදහා අද (7දා)අත් අඩංගුවට ගත් බව කරන්දෙණිය පොලිසිය පවසයි.

වර්තමානයේ රටේ උද්ගතව තිබෙන අර්බුද සඳහා පැවැත්වෙන විවාදයේදී ඊට මුහුණ දීම සඳහා සාධනීය අදහස් දැක්වීම හා විසඳුම් ඉදිරිපත් කිරීම ඉතා විරල වීම කණගාටුවට කරුණක් බව කථානායක මහින්ද යාපා අබේවර්ධන මහතා පැවසීය.

පාලනය කරගත නොහැකි ස්වභාවික විපත් නිසා 2021 යල කන්නයේ වී, බඩඉරිඟු, සෝයා, අර්තාපල්, ලොකු ළූණු හා මිරිස් වගාවන්ට සිදු වූ හානි වෙනුවෙන් ගොවීන්ට වන්දි ගෙවීමට කෘෂිකාර්මික හා ගොවිජන රක්ෂණ මණ්ඩලය පියවර ගෙන ඇති බව එහි අධ්‍යක්ෂ ජනරාල් පණ්ඩුක වීරසිංහ මහතා පවසයි.

ශ්‍රී ලංකා මහ බැංකුවේ හිටපු ජ්‍යෙෂ්ඨ නියෝජ්‍ය අධිපතිවරයෙක් වෙන ආචාර්ය පී නන්දලාල් වීරසිංහ මහතා අද පස්වරුවේ දිවයිනට පැමිණියේය.

රට තුල පැවති ඇඳිරි නීතිය තත්ත්වය නිසා පැවැත් වීමට නොහැකි වූ දහම් පාසල් 06 -10 ශ්‍රේණි විභාගය අප්‍රේල් මස 24දා පැවැත් වීමට කටයුතු යොදා ඇති බව බෞද්ධ කටයුතු පිළිබඳ දෙපාරතමේන්තුව පවසයි.

මහ බැංකුව විසින් අද (07දා) නිකුත් කළ නිල විනිමය අනුපාත අනුව ඇමෙරිකානු ඩොලරයක විකුණුම් රුපියල් 319.9ක් බව ප්‍රකාශයට පත්කර තිබේ. එසේම ඇමෙරිකානු ඩොලරයක ගැණුම් මිල ලෙස රුපියල් 309.3ක් ලෙස සටහන්ව තිබේ.

අධ්‍යාපනය, සෞඛ්‍ය හා රටේ ආර්ථිකය කඩා වැටී තිබෙන අවස්ථාවක පාලකයන් නිහඬ ප්‍රතිපත්තියක් අනුගමනය කරන බවත්, මේ හේතුවෙන් පීඩිත ජනතාවට අවශ්‍ය පහසුකම් කඩිනමින් සලසා දෙන ලෙස රජයට බල කරමින් රජරට විශ්ව විශ්වවිද්‍යාල වෛද්‍ය ශිෂ්‍ය සංගමය අද ( 7දා) අනුරාධපුර නගරයේ දී දැවැන්ත උද්ඝෝෂණ ව්‍යාපාරයක නිරත වූහ.

සිංහල හා හින්දු අලුත් අවුරුද්ද නිමිත්තෙන් එළැඹෙන 11 දා 12 දා රජයේ නිවාඩු ලෙස ප්‍රකාශයට පත්කිරීමට රජය තීරණය කර තිබේ. මේ සඳහා වන චක්‍රලේඛ්‍ය රාජ්‍ය පරිපාලන අමාත්‍යාංශය විසින් නිකුත් කර තිබේ.

කෑගල්ල ප්‍රදේශයේ තරුණ පිරිස් විසින් සංවිධානය කරන ලද උද්ඝෝෂණයක් අද (7දා) කෑගල්ල නගරයේ පැවැත්විණි. මෙම උද්ඝෝෂණයට විශ්ව විද්‍යාල සිසුන් කෑගල්ල නගරයේ පාසල්වල සිසු සිසුවියන් 1000 ට අධික පිරිසක් එක්ව සිටි අයුරු දක්නට ලැබුණි.

තණමල්විල - උඩවලව මාර්ගයේ බෝදාගමදී ත්‍රීරෝද රථයක් හා කුඩා ලොරියක් ගැටීමෙන් තිදෙනෙකු මියගොස් තිබේ. මෙසේ මියගොස් ඇත්තේ ත්‍රීරෝද රථයේ ගමන් ගත් එකම පවුලේ මව, පියා සහ දියණිය වේ.