පාර්ලිමේන්තු මන්ත්‍රී නලීන් බණ්ඩාර මහතා අඛණ්ඩවම පාර්ලිමේන්තුව තුළ අදහස් දැක්වීම හේතුවෙත් තත්ත්වය සමනය කිරීම සඳහා සභාව විනාඩි 10කට කල් තැබීමට කතානායක මහින්ද යාපා අබේවර්ධන මහතා කටයුතු කළේය.

ජනපති ගෝඨාභය රාජපක්ෂ මහතා සිය ධුරයෙන් ඉල්ලා අස්නොවන බව ආණ්ඩු පක්ෂ ප්‍රධාන සංවිධායක ජොන්ස්ටන් ප්‍රනාන්දු මහතා පාර්ලිමේන්තුවට දැනුම් දුන්නේය.

“ඉවසන හැමෝම දුර්වල නෑ, නිහඩ ඔක්කොම බයත් නෑ,බැනුම් අහන හැමෝම වැරදිත් නෑ”

මෙම දින කිහිපය තුළ මන්ත්‍රීවරු පත්ව සිටින පීඩාව තමන් හෙළා දකින බව කථානායක මහින්ද යාපා අබේවර්ධන මහතා පැවැසීය.

පාර්ලිමේන්තු කටයුතු කථානායක මහින්ද යාපා අබේවර්ධන මහතාගේ ප්‍රධානත්වයෙන් ආරම්භ විය. රටේ වත්මන් තත්ත්වය පිළිබඳව අද දිනයේදී විවාදයක් පැවැත්වීමට නියමිතය.

පාර්ලිමේන්තු කටයුතු පවත්වාගෙන යාම සඳහා නියෝජ්‍ය කථානායකධුරයෙන් ඉල්ලා අස්නොවන ලෙස ජනපති ගෝඨාභය රාජපක්ෂ මහතා රන්ජිත් සියඹලාපිටිය මහතා වෙත දන්වා තිබේ.

ශ්‍රී ලංකා යුද්ධ හමුදාවේ යතුරු පැදි කණ්ඩායමේ යතුරු පැදි හතරක් පාර්ලිමේන්තු සංකීර්ණය අවට යොදවා තිබු මාර්ග බාධකය අසලට පැමිණි අවස්ථාවේදී පොලිස් නිලධාරින් දෙදෙනෙකු විසින් ඔවුනට සුදුසු නොවන පරිදි කටයුතු කිරීම සම්බන්ධයෙන් එම සිදුවීම පිළිබඳව විමර්ශනයක් සිදුකොට අදාල පොලිස් නිලධාරින් දෙදෙනා පිළිබඳව විනයානුකූලව කටයුතු කරන ලෙස යුද හමුදාපති ජනරාල් ශවේන්ද්‍ර සිල්වා මහතා පොලිස්පතිතුමාගෙන් ඉල්ලිමක් කර ඇති බව යුද හමුදාව පවසයි.

ඇය රාජපක්ෂ පවුලේ සමීපතම ඥාතීවරියක වන අතර අයථා මුදල් ගණුදෙනු සහ මූලාශ්‍ර ඉදිරිපත් කළ නොහැකි මුදල් වත්කම් සහ උපයා ගැනීම් පිළිබඳව සුප්‍රකට පැනමා පත්‍රිකා වලින් ද පසුගිය දා චෝදනාවට ලක් වී තිබුණි .

මෙම තත්ත්වය තුළ ආසියාවේ බලවත්ම රාජ්‍යය වන චීනයේ ආර්ථික වර්ධන වේගය 5%ක් වනු ඇති බවද ආසියානු සංවර්ධන බැංකුව අපේක්ෂා කර තිබේ.

පෘථිවිය ජීවත්වීමට නොහැකි ලෝකයක් කරා ස්ථිරව ගමන් කරමින් සිටින බව එක්සත් ජාතීන්ගේ සංවිධානය අනතුරු අඟවයි.

හදිසි නීතිය ඉවත් කරමින් ජනපති ගෝඨාභය රාජපක්ෂ මහතා විසින් අතිවිශේෂ ගැසට් නිවේදනයක් නිකුත් කර තිබේ. පසුගියදා ජනපති ගෝඨාභය රාජපක්ෂ මහතාගේ නිවස අසළ ඇතිවූ විරෝධතාවයෙන් පසු රටපුරා හදිසි නීති තත්ත්වයක් ප්‍රකාශයට පත්කිරීමට ජනපතිවරයා කටයුතු කරනු ලැබීය.

රුසියානු නායකයා විදේශයන්හි ඇති තම රටේ වත්කම් අත්පත් කර ගැනීම ගැන ප්‍රතිචාර දැක්වීමක් සිදුකරමින් මෙම අනතුරු ඇඟවීම කරයි.

ජනාධිපති ගෝඨාභය රාජපක්ෂ මහතාගේ මිරිහානේ පිහිටි පෞද්ගලික නිවස ඉදිරිපිටදී කලහකාරීව හැසිරීම හා දේපල වලට අලාභ හානි සිදු කළේ යැයි කියන සිද්ධියක් සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි සැකකරුවන් තිස් එක් දෙනෙකු නුගේගොඩ මහේස්ත්‍රාත් අධිකරණයට (05) දා ඉදිරිපත් කිරීමෙන් අනතුරුව ඇප මත මුදාහැරීමට නුගේගොඩ ප්‍රධාන මහෙස්ත්‍රාත් ප්‍රසන්න අල්විස් මහතා නියෝග කළේය .

තෙදින රැස්වීම අන්තර්ජාලය හරහා පැවැත්වුනු අතර ජාත්‍යන්තර විශේෂඥයන් 21දෙනෙකු සහභාගී වූ අතර, ඔවුන් TCM ප්‍රතිකාරයට අදාළ සසම්භාවී පාලිත පරීක්ෂණ 12ක ප්‍රතිඵල සමාලෝචනය කර පසුව මෙම වාර්තාව සකස් කර තිබුණි.

කෝවිඩ් 19 ආසාදිත මරණ කිසිවක් ඊයේ (4දා) වාර්තා නොවූ බව සෞඛ්‍ය සේවා අධ්‍යක්ෂ ජනරාල්වරයා අද (05දා) තහවුරු කර තිබේ.

යුක්රේනය සමග සාකච්ඡා මේසයේ අවංකව කටයුතු කිරීමට රුසියාව සූදානම් බව රුසියානු විදේශ අමාත්‍ය සර්ජි ලැව්රොව් පවසයි.

දරාගත නොහැකි අයුරින් බඩු මිල ඉහළ ගොස් අත්‍යවශ්‍ය භාණ්ඩ හිඟ වීම හේතුවෙන් මේ රටේ දුක් විඳින අසරණ ජනතාව ඉන් මුදවා දෙන ලෙසට බල කරමින් ශ්‍රී ලංකා භික්ෂු විශ්වවිද්‍යාලයේ භික්ෂූන් වහන්සේලා විශාල පිරිසක් අද (5දා) දැවැන්ත උද්ඝෝෂණයක නිරත වූහ.

ඉන්ධන , ගෑස් , සහ විදුලිය අර්බුදයට මෙන්ම අත්‍යාවශ්‍ය භාණ්ඩවල පවතින අධික මිළ ගණන් වලට විරෝධය දක්වමින් මහනුවර ජාතික රෝහලේ වෛද්‍ය හෙද සහ කණිෂ්ඨ මණ්ඩලය ඇතුළු සියලු සේවක සේවිකාවන් අද (05දා) උද්ඝෝෂණයක නිරත වුහ.

ඉන්ධන ලබාගැනීම සඳහා දින තුනක් පෝලිම්වල වාහන රඳවා ගෙන සිටියත් අද දිනයෙත් ඉන්ධන නොලැබුන බව පවසමින් බස් හා ලොරි රථ වල සේවකයන් පිරිසක් බදුල්ල මයිලගස්තැන්න පිහිටි (සිලෝන් පෙට්රෝලියම් ස්ටෝරේජ් මිනරල් ලිමිටඩ්) ඉන්ධන තොග ගබඩාවේ ඉදිරි දොරටුව අවහිර කරමින් අද (5දා) සවස උද්ගෝෂණයක නිරත විය.

බලපත්‍රයක් රහිතව ව්‍යාජ විදේශ රැකියා ඒජන්සි ආයතනයක් පවත්වාගෙන යමින් පෙර විගමණික පුහුණුව සඳහා ශ්‍රී ලංකා විදේශ සේවා නියුක්ති කාර්යාංශයේ පන්නිපිටිය පුහුණු මධ්‍යස්ථානයේ ලියාපදිංචි කිරීමට තරුණයින් පිරිසක් කැඳවාගෙන ආ පුද්ගලයෙකු විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිළධාරීන් විසින් අත්අඩංගුවට ගෙන ඇත.

ආණමඩුව වටුවත්තෑව වැව ආසන්නයේ ඉඩමක දී වසරකට පෙර අභිරහස් ලෙස ඝාතනය කර වලදමා තිබු විදේශ ගත ව්‍යාපාරිකයකුගේ සිරුර ඊයේ (4දා) රාත්‍රියේ ගොඩගෙැනිමෙන් පසුව එය පශ්චාත් මරණ පරික්ෂණය සදහා පුත්තලම අධිකරණ වෛද්‍ය නිළධාරි වෙත රැගෙන යාමට ආණමඩුව මහෙස්ත්‍රාත් නිමේෂීකා පටබැදිගේ මහත්මිය අපරාධ පරික්ෂණ දෙපාර්තුමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන කොඨඨාශයට නියෝග කෙරුණී.

ධීවර අමාත්‍ය ඩග්ලස් දේවානන්ද මහතාගේ යාපනය පලාලි මාර්ගයේ පිහිටි ඊ.පී.ඩී.පී. ප්‍රධාන කාර්යාලය ඉදිරිපිට දැවැන්ත විරෝධතාවක් පැවැත්විණි.

රටේ පවතින ජිවන වියදම ඉහල යාම , ඩිසල් , ගැස් , විදුලි කප්පාදුව , සෞඛ්‍ය සේවයට අවශ්‍ය ඖෂධ ඇතුළු පහසුකම් ගණනාවක් නැතිවිම යන කරුණු ගණනාවක් මුල් කර ගනිමින් නුවරඑලිය මහ රෝහලේ හෙදියන් ,කණිෂ්ඨ කාර්ය මණ්ඩලයේ සේවකයන් අද (05දා) දින උද්ඝෝෂණයක නිරත විය.

මහ පොළවේ මතය පාර්ලිමේන්තුව තුල ක්‍රියාත්මක විය යුතු බවත්, ඒ අනුව ජනාධිපති ගෝඨාභය රාජපක්ෂ මහතා ප්‍රමුඛ සමස්ථ ආණ්ඩුව ඉල්ලා අස්වීමට කටයුතු කළ යුතු බවත් විපක්ෂනායක සජිත් ප්‍රේමදාස මහතා පැවසීය. පාර්ලිමේන්තුවේදී අද (05දා) අදහස් පළ කරමින් හෙතෙම මේ බව සඳහන් කළේය.

සුපිරි ඩීසල් නොමැතිවීමෙන් කළුතර දිස්ත්‍රික්කයේ රෝහල් ගණනාවක ගිලන්රථ ගරාජයන් තුල ගාල් කර තැබීමට සිදුවී ඇති බව එම රෝහල් බලධාරීන් පවසයි.

පාර්ලිමේන්තුව හෙට පෙ.ව. 10.00තෙක් කල් තැබීමට තීීරණය කෙරිණි. අද පෙරවරුවේ පාර්ලිමේන්තුවේ ඇතිවූ තත්ත්වයෙන් පසුව කැඳවූ පක්ෂ නායක රැස්වීමේදී මෙම තීරණය ගැණින.

පාර්ලිමේන්තු සැසිය පැවැත්වූ අද දිනයේ (05) පාර්ලිමේන්තුව අවට පැවති විරෝධතාවයත් සමග විරෝධතාකරුවන් විසින් මේ වනවිට පාර්ලිමේන්තුවේ පිවිසුම් මාර්ගයන් අවහිර කර තිබේ.

ගාමිණී ලොකුගේ මහතාගේ නිවස ඉදිරිපිට ඊයේ (04දා) සවස රැස්වූ පිරිස රෑ බෝ වත්ම නිවස දෙසට ගල් මුල් ප්‍රහාර එල්ල කරමින් කලහාකාරි ලෙස හැසිරෙන්නට වීමත් සමගම පොලිස් කැරලි මර්දන ඒකකය නිලධාරීන් මෙන්ම පොලිස් විශේෂ කාර්ය බලකායේ නිලධාරීන් කැඳවීමට පියවර ගත්හ.

පාර්ලිමේන්තුව තුළ බහුතරය පෙන්වන ලෙස ආණ්ඩු පක්ෂය විසින් විපක්ෂයට අභියෝගයක් කළේය. රාජ්‍ය අමාත්‍ය කාංචන විජේසේකර මහතාද පාර්ලිමේන්තුවේදී අදහස් දක්වමින් සඳහන් කළේ හැකිනම් පාර්ලිමේන්තුවේ බහුතරය පෙන්වන ලෙසයි.