2019දී හඳුන්වා දුන් දුම්වැටි සඳහා බදු අයකිරීමේ සූත්‍රය ක්‍රියාත්මක නොකිරීම හේතුවෙන් රජයට සිදුව ඇති පාඩුව රුපියල් බිලියන 85ක් පමණ වන බව Public Finance LK පවසයි. මේ අනුව 2020 වසරේදී රුපියල් මිලියන 20000 , 2021 වසරේදී රුපියල් මිලියන 28 768 , 2022 වසරේදී රුපියල් මිලියන 35 527ක ආදායමක් මෙසේ රජයට අහිමි වී ඇතැයි එම ආයතතනය පවසයි.

එඩ් හියුසික් සහ ඈන් අලි ඔස්ට්‍රේලියානු ඉතිහාසයේ ප්‍රථම මුස්ලිම් ජාතික අමාත්‍යවරුන් බවට පත්ව සිටින්නේ, පිළිවෙලින් කර්මාන්තය සහ විද්‍යාව සහ මුල් ළමාවිය අධ්‍යාපනය සහ තරුණ අමාත්‍යාංශ භාර ගනිමිනි.

ඇන්තනී නිහාල් ෆොන්සේකා මහතා 2022 මැයි 26 වැනි දින සිට ක්‍රියාත්මක වන පරිදි ශ්‍රී ලංකා මහ බැංකුවේ මුදල් මණ්ඩල සාමාජිකයෙකු ලෙස යළි පත්කර තිබේ. මීට පෙර, ඔහු 2016 ජූලි මාසයේ සිට 2020 මැයි මාසය දක්වා මුදල් මණ්ඩලයෙහි සේවය කළේය.

ජාත්‍යන්තර මූල්‍ය අරමුදල පවසන්නේ, සාර්ථක එන්නත් කිරීමේ ව්‍යාපාරය සහ විචක්ෂණශීලී සාර්ව ආර්ථික කළමනාකරණය සමග එරට මූල්‍ය හා ජංගම ගිණුමේ හිඟය තියුණු ලෙස අඩුවී ඇති අතර, විදේශ සංචිත ස්ථාවර වී ඇති බවයි.

කොළඹ පාරිභෝගික මිල දර්ශකයෙහි වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය 2022 අප්‍රේල් මාසයේ පැවති 29.8% සිට 2022 මැයි මාසයේදී 39.1%ක් දක්වා ඉහළ ගොස් තිබේ.

කොවිඩ්-19 වසංගතය සහ රුසියානු-යුක්රේන ගැටුම හේතුවෙන් ඇති වූ ඉහළ අවදානමක් මධ්‍යයේ ආර්ථිකය ස්ථාවර කිරීම අරමුණු කරගත් ප්‍රතිපත්ති පැකේජයක් විස්තර කරමින් චීනයේ රාජ්‍ය කවුන්සිලය චක්‍රලේඛයක් නිකුත් කළේය.

පසුගිය මැයි 09දා ගෝල්ෆේස් අරගලය භූමියේදී එහි අරගලකරුවන්ට පහරදිමේ සිදුවිම සම්බන්ධයෙන් අද දිනයේදී සැකකරුවන් 06ක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.

රෝගියා 38 හැවිරිදි පුද්ගලයෙකු වන අතර ඔහු මෑතකදී විදේශගත වූයේ දැයි සෞඛ්‍ය බලධාරීන් තවමත් විමර්ශනය කරමින් සිටින බව ඇය පැවසුවාය.

ආණ්ඩුවෙන් ස්වාධීන වූ පක්ෂ 9යේ කණ්ඩායමේ නායකත්වයට විමල් වීරවංශ මන්ත්‍රීවරයා පත්කර තිබේ.

අවම වශයෙන් පුද්ගලයින් 14දෙනෙකු අතුරුදන්ව සිටින බව පර්නාම්බුකෝ ප්‍රාන්තයේ ආපදා කළමනාකරණ මධ්‍යස්ථානය පවසයි.

බණ්ඩාරගම අටුලුගම ෆාතිමා අයීෂා නමැති 9 හැවිරිදි දැරිය ඝාතනය කිරීමේ සිද්ධියේ සැකකරුව ජුනි 01 වනදා දිනය දක්වා රක්ෂිත බන්ධනාගාරගත කර තිබේ.

දෙහිවල සත්වෝද්‍යානය ඇතුළු අනෙකුත් සත්වෝද්‍යාන වල සිටින සතුන්ට දිනපතා ආහාර සැපයීමට අවශ්‍ය මුදල් නැතැයි සත්වෝද්‍යාන දෙපාර්මේන්තුවේ නිලධාරීන් කෘෂිකර්ම, වනජීවී හා වන සම්පත් සංරක්ෂණ අමාත්‍ය මහින්ද අමරවීර මහතාට පවසා තිබේ.

අධිකරණයට අපහාස කිරීමේ චෝදනාවට වැලිකඩ බන්ධනාගාරයේ සිරදඩුවම් විඳින හිටපු පාර්ලිමේන්තු මන්ත්‍රී රංජන් රාමනායක මහතා විවෘතවිශ්ව විද්‍යාලයේ ශාස්ත්‍රවේදී තරුණ කටයුතු හා ප්‍රජා සංවර්ධන උපාධි පාඨමාලාවේ පළමු වසර අවසාන පරික්ෂණයට ලබන ජුනි මස 4 වැනිදා පෙනීසිටින බව බන්ධනාගාර කොමසාරිස් චන්දන ඒකනායක මහතා සඳහන් කළේය.

ගෑස් සිලින්ඩර 50,000ක් හෙට (1දා) බෙදාහරින බව ලිට්‍රෝ සමාගම පවසයි. ගෑස් බෙදාහැරීම සඳහා ජනතාවගේ සහයෝගය මේ අවස්ථාවේදී ඉතාම වැදගත් බවත් ගෑස් බෙදාහරින ලොර් රථවල රියදුරන්ට සහ සහයකයින්ට බාධා නොකරන ලෙස ඉල්ලා සිටින බවත් ලිට්‍රෝ සමාගම සඳහන් කරයි.

බංග්ලාදේශ රජය මගින් මෙරට සෞඛ්‍ය ක්ෂේත්‍රයට ඇමරිකානු ඩොලර් මිලියන 2.2 ක ඖෂධ තොගයක් මෙරටට පරිත්‍යාග කිරීම අද (31දා) සෞඛ්‍ය අමාත්‍යංශයේදී බංග්ලාදේශ මහකොමසාරිස් තරීක් එම්.ඩී.අරිෆුල් ස්ලාම් මහතා අතින් සිදු කෙරිණි.

එකතු කළ අගය මත බද්ද (වැට්) 8% සිට 12% දක්වාත්, විදුලි සංදේශ බද්ද 11.25% සිට 15% දක්වාත් වැඩි කිරීමට මෙසේ යෝජනා කර ඇත.

අමාත්‍ය මණ්ඩලයේ විෂයයන්, කාර්යයන්, දෙපාර්තමේන්තු, රාජ්‍ය සංස්ථා, ව්‍යවස්ථාපිත ආයතන ඇතුළත් ගැසට් පත්‍රය ජනාධිපති ගෝඨාභය රාජපක්ෂ මහතා විසින් අද(31දා) නිකුත් කරනු ලැබීය.

රටතුළ පවතින ඉන්ධන අර්බුදය හමුවේ උතුරේ දුපත් ආශ්‍රිත ජීවත්වන ජනතාවට අවශ්‍ය භූමිතෙල් ලබාදීමට ඉන්දීයාව පියවරගෙන ඇත.ඒ අනුව ඉන්දීය රජයෙන් ලබාදෙන ලද භූමිතෙල් ඉන්ධන තොගයක් උතුරේ දුපත් ආශ්‍රීත ජනතාවට බෙදා දීම ධීවර අමාත්‍ය ඩග්ලස් දේවානන්දා මහතාගේ හා ඉන්දීය නියෝජ්‍ය තානාපති රාකේෂ් නඩරාජ් යන මහත්වරුන්ගේ ප්‍රධානත්වයෙන් පැවැත්විණි.

හිටපු පාර්ලිමේන්තු මන්ත්‍රී දුමින්ද සිල්වා මහතාට ජනාධිපති පොදු සමාව යටතේ නිදහස ලබාදීමට ගත් තීරණය වහාම ක්‍රියාත්මක වන පරිදි වළකාලමින් ශ්‍රේෂ්ඨාධිකරණය අද (31දා) අතුරු නියෝගයක් නිකුත් කර තිබේ.

මෙරට පවතින ආහාර හිඟය නිසා දරුවන්ගේ මන්දපෝෂණය සීඝ්‍රයෙන් වැඩිවෙමින් පවතින බව කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පැවැසීය.

රාජ්‍ය තාන්ත්‍රික ව්‍යාජ ගුවන් ගමන් බලපත්‍රයක් ළඟ තබා ගැනීමට වරදකරු වූ ශෂී වීරවංශ මහත්මිය රුපියල් 50,000ක මුදල් ඇපයක් සහ රුපියල් ලක්ෂ 50ක් බැගින් වූ ශරීර ඇප දෙකක් මත මුදා හැරීමට කොළඹ ප්‍රධාන මහේස්ත්‍රාත් නන්දන අමරසිංහ මහතා අද (31දා) නියෝග කළේය.

වැඩබලන ආරක්ෂක මාණ්ඩලික ප්‍රධානි ධුරයේ කටයුතු කළ ජෙනරාල් ශවේන්ද්‍ර සිල්වා මහතා හෙට(01දා) සිට ආරක්ෂක මාණ්ඩලික ප්‍රධානි ධූරයට පත් කෙරේ.

මේජර් ජෙනරාල් විකුම් ලියනගේ මහතා ශ්‍රී ලංකාවේ 24වන යුද හමුදාපතිවරයා ලෙස ජනාධිපති ගෝඨාභය රාජපක්ෂ මහතා විසින් පත් කෙරිණි.

ඉන්දීය ණය සහන යටතේ තවත් ඩීසල් මෙට්‍රික්ටොන් 40,000 ක් රැගත් නෞකාවක් කොළඹට ළගා වී ඇති බව ඉන්දීය මහ කොමසාරිස් කාර්යාලය සඳහන් කරයි

පියෙකු සහ දියණියක් දකුණු කළුතර පලාතොට ප්‍රදේශයේ නිවසක් තුළ හිටිහැටියේ මිය ගොස් ඇතැයි දකුණු කළුතර පොලීසිය පවසයි.

පවතින භූමි තෙල් හිගය හේතුවෙන් මෙරට උළු කර්මාන්තය කඩා වැටී ඇති බවත් මේ වන විට රටෙහි පවතින උළු කර්මාන්තශාලා 225 ක් අතුරින් කම්හල් 200 ක් පමණ වැසී යන තත්ත්වයට පත්ව ඇති බවත් සමස්ත ලංකා මැටි සෙවිලි උළු නිෂ්පාදකයින්ගේ සංගමය පවසයි.

ඉන්දියාවේ තමිල්නාඩුවෙන් එවන ලද ආධාර රැගත් විශේෂ භාණ්ඩ දුම්රියක් අද (31දා) උදෑසන යාපනය දුම්රිය ස්ථානයට ලඟා වූ බවට යාපනය දිසාපති කේ. මහේෂණ් මහතා පැවසීය.

රාජ්‍ය සේවා බාධාවකින් තොරව පවත්වාගෙනයාමට අවශ්‍ය අරමුදල් සපයාගැනීමට සහ ආර්ථික අර්බුධකාරී තත්ත්වය හේතුවෙන් පීඩාවට පත් ජනතාවට සහන සැලසීමට සඳහා පාර්ලිමේන්තුවට පරිපූරක ඇස්තමේන්තුවක් ඉදිරිපත් කිරීමට අග්‍රාමාත්‍ය රනිල් වික්‍රමසිංහ මහතා ඉදිරිපත් කළ යෝජනාවකට අමාත්‍ය මණ්ඩල අනුමැතිය හිමිව තිබේ.

තද වැසි තත්වය නිසා ගංගා හතරක ජල මට්ටම ඉහළ ගොස් ඇතැයි වාරිමාර්ග දෙපාර්තමේන්තුව සඳහන් කරයි .