බදුල්ල හිදගොඩ අයි,ඕ,සී ඉන්ධන පිරවුම් හළට අද (28දා) අළුයම් කාලයේදි පැමිණි අයෙකුට ඉන්ධන නොදුන්නැයි කියන සිද්ධියකට සේවකයින්ට ගිනි අවියක් පෙන්වා තර්ජනය කර අහසට වෙඩි තබා පලාගිය පුද්ගලයෙකු ගිනි අවිය සමග අත්අඩංගුවට ගත් බව පොලිසිය පවසයි.

මෙම සතියේ, එක්සත් ජනපද හමුදාව 2019 සිට ප්‍රථම වතාවට දකුණු කොරියාවෙහි ස්ථානගත කර ඇති අධි තාක්ෂණයෙන් යුතු අපාචේ හෙලිකොප්ටර් භාවිත කරමින් සජීවී-වෙඩි අභ්‍යාස පැවැත්වීය.

කැස්බෑව ඩිපෝවට ඉන්ධන රැගෙන ආ බවුසරයේ රියදුරුට හා සහායකයාට එම ඩිපෝව තුළදී පුද්ගලයන් දෙදෙනෙකු සිදුකළ පහරදීමකින් තුවාල ලබා රෝහල් ගතකර ඇතැයි කැස්බෑව පොලිසිය පවසයි.

පිලිපීනයේ අබ්‍රා පළාතට බලපෑ දරුණු භූ මිකම්පාවෙන් පීඩාවට පත් ප්‍රදේශ නිරීක්ෂණයට එරට ජනාධිපති ෆර්ඩිනැන්ඩ් මාර්කෝස් එරට අනෙකුත් රාජ්‍ය නිලධාරීන් සමග පැමිණ තිබේ.

පාර්ලිමේන්තුවේ ආණ්ඩු පක්ෂයේ නියෝජ්‍ය සංවිධායකවරුන් සහ සහකාර සංවිධායකවරුන්ට ඊට අදාළ පත්වීම් ලිපි අග්‍රාමාත්‍ය දිනේෂ් ගුණවර්ධන මහතා අතින් ඊයේ (27) පාර්ලිමේන්තුවේ අග්‍රාමාත්‍ය කාර්යාලයේදී පිරිනැමිණි.

මොරටුව සොයිසාරාම විහාරයේ වැඩ විසු සාමනේර හිමි නමක් රඹුටන් ඇටයක් සිරවී දකුණු කොළඹ ශික්ෂණ රෝහලට ඇතුලත් කිරීමෙන් පසු අපවත් වී ඇතැයි සොයිසාරාම මහ විහාරයේ විහාරාධිපති දොඩම් පහල සුගුණ නාහිමියන් පැවසීය.

දක්ෂිණ අධිවේගී මාර්ගය හරහා අනාරක්ෂිත ලෙස බලපත්‍ර නොමැතිව ප්‍රවාහනය කරමින් තිබු ඩිසල් ලීටර් 1500ක් පිරවූ බැරල් 15ක් සමඟ සැකකරුවන් දෙදෙනෙකු අත්අඩංගුවට ගැනීමට දක්ෂිණ අධිවේගී අන්තර් හුවමාරු පොලිස් ඒකකයේ හම්බන්තොට මාගම්පුර පිවසුමේ නිලධාරීන් සමත්වී තිබෙනවා.

වාහන රාශියක් ඇති ව්‍යාපාර සඳහා ජාතික ඉන්ධන බලපත්‍රයට ලියාපදිංචි වීමේ අවස්ථාව මේ වන විට ලැබී ඇතැයි විදුලි බල හා බලශක්ති අමාත්‍ය කංචන විජේසේකර මහතා කියයි.

එප්පාවල කටියාව යාය 07, පොකුණුගම ප්‍රදේශයේදී තියුණු ආයුධයකින් පහරදී පුද්ගලයකු ඝාතනය කර ඇතැයි කටියාව ප්‍රියංකරගම පොලීසිය පවසයි.

තමන් ඇමතිකමක් භාර ගැනීමට සූදානම් බවට ඇතැම් මාධ්‍ය තුළ වාර්තා වූ තොරතුරු අසත්‍ය බව පාර්ලිමේන්තු මන්ත්‍රි, ආචර්ය හර්ෂ ද සිල්වා මහතා පවසයි.

වස්කඩුවේ ලී මෝලක ඊයේ (27දා) මධ්‍යම රාත්‍රියේ හටගත් ගින්නකින් විදෙස් රටවලට ආනයනය කිරීමට සූදානම් කරන ලද පැලට් ලෑලි විශාල ප්‍රමාණයක් විනාශ වී ඇතැයි කළුතර උතුර පොලිසිය පවසයි.

විදේශ රැකියා ලබාදෙන මුවාවෙන් රුපියල් ලක්ෂ 12 කට අධික මුදලක් වංචාකිරීම සම්බන්ධයෙන් නඩු කටයුතු පවතිද්දී අධිකරණය මගහැර ඩුබායි රාජ්‍යයට පලාගොස් සිට දිවයිනට පැමිණෙමින් සිටී පුද්ගලයෙකු කටුනායක ජාත්‍යන්තර ගුවන්තොටුපලේ දී අත්අඩංගුවට ගත්බව පානදුර විශේෂ අපරාධ විමර්ශන ඒකකය පවසයි .

මහනුවර ඓතිහාසික ඇසළ පෙරහර මංගල්‍යය සඳහා කප් සිටුවීමේ මංගල්‍යය ජූලි මස 29 දින අළුයම තුනයි තුනට යෙදෙන සුබ මොහොතින් සිව් මහා දේවාලයන්හි දී සිදුකරන බව වන දියවඩන නිළමේ ප්‍රදීප් නිලංග දෑල මහතා පවසයි.

මහඔය ගොවිජන සේවා කාර්යාලය මගින් මහඔය ප්‍ර දේශයේ ගොවීන්ට ලබාදීම සඳහා ගොවි සංවිධාන වෙත නිකුත් කරන ලද යූරියා පොහොර තොගයක් ගොවින්ට ලබා නොදී වෙනත් පුද්ගලයන්ට අලෙවි කිරීමට සම්බන්ධව පුද්ගලයන් 5ක් අත්අඩංගුට ගත් බව පොලීසිය කියයි.

රත්මලාන, සිල්වා මාවත ප්‍ර දේශයේදී නිවසකට ඇතුළු වූ පුද්ගලයන් දෙදෙනෙකු විසින් නිවසේ සිටි පුද්ගලයෙකුට ගිනි අවියකින් වෙඩි තබා පළාගොස් ඇතැයි පොලීසිය කියයි.

ජාතික ඉන්ධන බලපත්‍රය හරහා ඉන්ධන බෙදා හැරීමට සාර්ථක වර්ධනයක් අත්කරගෙන ඇතැයි විදුලි බල හා බලශක්ති අමාත්‍ය කංචන විජේසේකර මහතා පවසයි.

ගෝඨාගෝගම හා අන්තර් විශ්වවිද්‍යාල ශිෂ්‍ය බල මණ්ඩලයේ ක්‍රියාකාරී සාමාජිකයෙක් වූ වේරංග පුෂ්පික අත්අංඩංගුවට ගත් බව පොලිසිය පවසයි.කොළඹ දකුණ අපරාධ කොට්ඨාසය විසින් රාජ්‍ය දේපළවලට හානි කිරීමේ චෝදනා යටතේ ඔහු අත්අඩංගුවට ගෙන තිබේ.

අද (27දා) සවස් කාලයේදී අම්බලන්ගොඩ පොලිස් වසමේ ගලගොඩ ප්‍ර දේශයේදී යතුරු පැදියකින් පැමිණි නාඳුනන පුද්ගලයෙකු විසින් සිදුකළ වෙඩි තැබිමකින් පුද්ගලයන් දෙදෙනෙක් ජීවිතක්ෂයට පත්ව ඇතැයි පොලීසිය කියයි.

ශ්‍රී ලංකාව චීනය සමඟ ණය ප්‍රතිව්‍යුහගත කිරීමේ සාකච්ඡා ආරම්භ කළ යුතු බව ජාත්‍යන්තර මූල්‍ය අරමුදල පවසයි.

අරගලයේ නිරතව සිටි තරුණයන්ගේ ඉල්ලීම වුයේ රටේ ක්‍රමය වෙනස් කිරීමයි. එය අපිත් පිළිගන්නවා යැයි ජනාධිපති රනිල් වික්‍රමසිංහ මහතා ප්‍රකාශ කළේය.

වැඩබන ජනපතිලෙස රනිල් වික්‍රමසිංහ මහතා කටයුතු කරමින් සිටින අවස්ථාවේදී මහජන ආරක්ෂක පනත යටතේ පැනවූ හදිසි නීතිය අද (27දා) පාර්ලිමේන්තුවේ වැඩි ඡන්ද 57කින් සම්මත විය. පනතට පක්ෂව ඡන්ද 120ක් ලැබුණ අතර විපක්ෂව ඡන්ය 63ක් ලැබුණි.

අම්පාර දිස්ත්‍රික්කයේ අක්කරපත්තුව පොලිස් බල ප්‍රදේශ්යේ දීඝවාපි පල්ලචේන ප්‍රදේශයේ විදුලිය සැර වැදීම නිසා ඇතෙකු මියගොස් තිබේ. මෙම ගම්මනායේ වැසියෙකු විසින් තම ඉඩමේ ආරක්ෂාව සදහා මෙම අනවසර විදුලිරැහැන් ඇද ඇති රාත්‍රි කාලයේ මෙම ප්‍රදේශයේ සැරි සරමින් සිටි ඇතා මෙම විදුලිරැහැනේ ගැටී මියගොස් තිබේ.

වී මෙට්‍රික් ටොන් ලක්ෂයක් යල කන්නයේ අස්වැන්නෙන් මිල දී ගැනීමට වී අලෙවි මණ්ඩලය සැලසුම් කර ඇති බව කෘෂිකර්ම අමාත්‍යාංශය පවසයි.

වර්තමාන පාලනයට සමාජය තුළ සුජාත භාවය තිබුනද නොතිබුණද මෙම පාලනය නීත්‍යානුකූල සහ ව්‍යවස්ථානුකූල පාලනයක් බවත්, කවරුන් අකමැති වුවද රට පාලනය කරනුයේ එම පාලකයන් විසින් බවත් ස්වාධීන වූ කණ්ඩායම නියෝජනය කරන පාර්ලිමේන්තු මන්ත්‍රී විමල් වීරවංශ මහතා පැවසීය.

ශ්‍රී ලංකා අග්‍රාමාත්‍යවරයා ලෙස වැඩ භාරගත් නව අග්‍රාමාත්‍ය දිනේෂ් ගුණවර්ධන මහතා වෙත චීන අග්‍රාමාත්‍ය ලී කෙකියැං මහතා දිනේෂ් ගුණවර්ධන මහතාට සුබපැතුම් එක් කරමින් පණිවිඩයක් යොමුකර තිබේ.

ජනපති රනිල් වික්‍රමසිංහ මහතා ජනපති ලේකම් කාර්යල‌යේ සිට සිය රාජකාරී කටයුතු ආරම්භ කර තිබේ. මේ අනුව ජනපතිවරයා හා ශ්‍රී ලංකාවේ ඇමෙරිකානු තානාපති ජූලි චුංග් මහත්මිය අතර හමුවක්ද ජනපති ලේකම් කාර්යාලයේදී අද (27දා) පවත්වා තිබේ.

ජනාධිපති රනිල් වික්‍රමසිංහ මහතා දිවුරුම් දුන් අවස්ථාවේ දුටු රිදී රේඛාව පැය 24ක් යන්නට පෙර අන්ත අන්ධකාරයක් බවට පත් වූ බව විපක්ෂනායක සජිත් ප්‍රේමදාස මහතා පැවසීය.

ජාත්‍යන්තර මූල්‍ය අරමුදලෙන් ඩොලර් බිලියන 4.5 ක ණය පහසුකම් ඉල්ලා ඇති බව බංග්ලාදේශයේ ස්ටාර් පුවත්පත වාර්තා කරයි. පාකිස්තානය සහ ශ්‍රී ලංකාවෙන් අනතුරුව ජාත්‍යන්තර මූල්‍ය අරමුදලින් ණය පහසුකම් ඉල්ලා ඇති දකුණු ආසියාවේ තෙවැනි රට බවට මේ වන විට බංග්ලාදේශය පත්ව තිබේ.

සංවිධානාත්මක අපරාධ හා මත්ද්‍රව්‍ය ජාලය මෙහෙයවන නායකයෙකු වන සින්නයියා ගුණසේකරම් නොහොත් කිඹුලාඇලේ ගුණා ගෙ ප්‍රධාන ගෝලයන් දෙදෙනෙකු වන එකම පවුලේ සහෝදරයන් දෙදෙනෙකු රුපියල් ලක්ෂ 8 කට ආසන්න වටිනා හොරයින් මත්කුඩු තොගයක් සමග අත්අඩංගුවට ගත් බව පොලිස් විශේෂ කාර්ය බළකාය පවසයි.