මුදල් ඔට්ටුවට බූරුවා ගැසූ ගැහැණුන් සිව් දෙනෙකු ඊයේ ( 20) රෑ අම්බලන්ගොඩ කුලීගොඩදී සැකපිට ප්‍රශ්න කිරීම සඳහා අත්අඩංගුවට ගත් බව අම්බලන්ගොඩ පොලීසිය කියයි.

රටින් ගෙන්වන හාල් පරිභෝජනය කරනවාට වඩා ශ්‍රී ලංකාවේ ගොවි ජනතාව නිපදවන හාල් පරිභෝජනය කිරීම සෞඛ්‍යයට හිතකර බව කෘෂිකර්ම අමාත්‍ය මහින්ද අමරවීර මහතා පාර්ලිමේන්තුවේදී පැවැසීය.

ත්‍රි පෝෂවල පිළිකාකාරක ඇති බවට පළවන වාර්තා අසත්‍ය බව සෞඛ්‍ය අමාත්‍ය කෙහෙළිය රඹුක්වැල්ල මහතා පැවැසිය. පාර්ලිමේන්තුවේදී ප්‍රකාශයක් කරමින් ඔහු මේ බව පැවැසීය.

දරුවන්ගේ මන්දපෝෂණය සම්බන්ධයෙන් යුනිසෙෆ් ආයතනය මීට පෙර නිකුත් කළ වාර්තා සම්බන්ධයෙන් ඔවුන් කනගාටුව ප්‍රකාශ කළ බව සෞඛ්‍ය අමාත්‍ය කෙහෙළිය රඹුක්වැල්ල මහතා පැවැසීය.

ජාත්‍යන්තරය තුළ දැඩි අවධානයක් යොමුවූ චීනයේ පර්යේෂණ නෞකාව යළිත් චීනයේ ජියෑන්ෂු වරායට සඳුදා දිනයේදී ළඟා වී තිබේ. මෙම නෞකාව පසුගිය මාසයේදී ශ්‍රි ලංකාවට පැමිණි අතර එය ජාත්‍යන්තර තුළ වඩාත් අවධානය දිනාගත් ප්‍රවෘත්තියක් බවටද පත්විය.

ජනාධිපතිවරයාගේ මෙම පැමිණීම වෙනුවෙන් කටුනායක ගුවන් තොටුපළ තුළත් ඒ අවට ප්‍රදේශය තුළත් කොළඹ කටුනායක අධිවේගී මාර්ගය දෙපසත් සහ ගුවන් ධාවන පථය අවටත් ආරක්ෂාව දැඩි ලෙස තර කර තිබුණි .

ගල්ගමුව, ට්‍රැක් 5 ප්‍ර දේශයේදී ්උදැල්ලකින් පහරදී පුද්ගලයන් දෙදෙනෙක් ඝාතනය කර ඇතැයි පොලීසිය කියයි. අවුරුදු 16ක් හා 67ක් වන අඹන්පොල හා ගල්ගමුව පදිංචිකරුවන් දෙදෙනෙක් මෙසේ ජීවිතක්ෂයට පත්ව තිබේ.

නව විදුලි ගාස්තු සංශෝධනය හේතුවෙන් ආගමික සිද්ධස්ථාන මුහුණදෙන දැඩි දුෂ්කරතාවට පිළිබඳව ජනාධිපතිවරයා දැනුවත් කරමින් ත්‍රෛනිකායික මහ නාහිමිවරුන් විසින් කාබද්ධ ලිපියක් යොමුකොට තිබේ.

මෙම අවස්ථාව සඳහා ලැබුණු නිල ආරාධනය අනුව ශ්‍රී ලංකා ජනාධිපති රනිල් වික්‍රමසිංහ මහතා සමග නිල දූත පිරිසට එක් වූයේ ජනාධිපති පෞද්ගලික ලේකම් සැන්ඩ්‍රා පෙරේරා සහ ජාත්‍යන්තර සබඳතා පිළිබඳ ජනාධිපති අධ්‍යක්ෂ දිනුක් කොළඹගේ යන මහත්ම මහත්මීහු පමණි. ඊට අමතරව ජනාධිපතිතුමාගේ නිල වෛද්‍යවරයා මීට සහභාගී විය. ජනාධිපතිතුමාගේ භාර්යාව මහාචාර්ය මෛත්‍රී වික්‍රමසිංහ මහත්මිය මේ සඳහා එක් වූයේ එතුමියගේ පෞද්ගලික වියදමින් වන අතර, දේශගුණික විපර්යාස පිළිබඳ ජනාධිපති උපදේශක සහ එක්

අද වන විට පාසල් දැරියන්ගේ සනීපාරක්ෂාව පිළිබඳ ප්‍රශ්නය බරපතළ ලෙස ඉස්මතු වී ඇති බවත්, බොහෝ දැරියන් පාසල් නොඑන තත්ත්වයක් හටගෙන ඇති බවත් විපක්ෂ නායක සජිත් ප්‍රේමදාස මහතා මහතා අද (20) පාර්ලිමේන්තුවේදී පැවසීය.

ඉදිරි මැතිවරණවලදීත් මෙරට දේශපාලනයේ තීරණාත්මක සාධකය බවට ශ්‍රී ලංකා පොදුජන පෙරමුණ පත්වන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය.

යල කන්නයේ වී වගාව අවසන් කළ අම්පාර, මඩකලපුව, මුලතිව්, යාපනය, අනුරාධපුර, හා මොණරාගලට මහ කන්නය සඳහා අවශ්‍ය යුරියා පොහොර කඩිනමින් යැවීමට පියවර ගන්නා ලෙස කෘෂිකර්ම, වනජීවි හා වනසම්පත් සංවර්ධන අමාත්‍ය මහින්ද අමරවීර මහතා අද (20) අමාත්‍යාංශයේ නිලධාරින්ට උපදෙස් දුන්නේය.

යාපනය දිස්ත්‍රික්කයේ තරුණ සමාජය තුළ මත්ද්‍රව්‍ය භාවිතය දරුණු අයුරින් ඉහල ගොස් ඇති බවත් ගෙවුනු මාස 03 ක කාලය තුලදී පුද්ගලයින් 10 දෙනෙකු මිය ගොස් ඇතැයි රෝහල් වාර්තාවලින් අනාවරණය වන බවත් යාපනය පොලීසිය පවසයි.

සමෘද්ධිමත් ජාතියක් වීමට එකට එක්ව බංකොලොත්භාවයට එරෙහිව සටන් කළ යුතු බව බ්‍රිතාන්‍යයේ ශ්‍රී ලාංකික ඩයස්පෝරාව සමඟ ඊයේ (19) පැවති හමුවකදී ජනාධිපති රනිල් වික්‍රමසිංහ මහතා අවධාරණය කළේය.

විදුලිබිල සංශෝධනයෙන් පසු මෙරට තිබෙන ආගමික සිද්ධස්ථාන 48,000 අතුරින් සිද්ධස්ථාන 36,000ක් විදුලි බිල ලෙස උපරිම ගෙවනු ලබන්නේ රැපියල් 3990ක් බවත්, කෙසේ වෙතත් ඉහළ විදුලි බිලක් ලැබෙන ආගමික සිද්ධස්ථාන 12,000ක් තිබෙන බවට තමා පිළිගන්නා බවත් විදුලිබල හා බලශක්ති අමාත්‍ය කංචන විජේසේකර මහතා පැවසීය.

2019 නොවැම්බර් සිට වර්ථමානය දක්වා රටේ ආර්ථික පසුබෑම සොයා බලා පාර්ලිමේන්තුවට වාර්තා කිරීම සඳහා පාර්ලිමේන්තු විශේෂ කාරක සභාවක් පිහිටුවන ලෙස ඉල්ලමින් විපක්ෂයේ මන්ත්‍රීවරැන් කථානායක මහින්ද යාපා අබේවර්ධන මහතාට ලිපියක් යොමු කර තිබේ.

දෙවැනි එළිසබෙත් මහ රැජිණගේ අවමංගල්‍යයට සහභාගිවීම සඳහා ලන්ඩනයට පැමිණි ලෝක නායකයන් සහ තෙවැනි චාල්ස් රජු අතර හමුවක් 18 දා බකිංහැම් මාළිගයේ දී පැවැත්විණි.

COVID-19 හෝ උණ රෝගයට නිරාවරණය වී ඇත්දැයි පරිශීලකයින්ට දැන ගැනීමට ඉඩ සලසන නව මුව ආවරණයක් චීන පර්යේෂකයන් විසින් නිපදවා තිබේ. මුහුණු ආවරණ භාවිතය පහත වැටෙන විට සහ තවත් රටවල් වෛරස් සීමා ලිහිල් කරන විට පවා අවදානමට ලක්විය හැකි ජනගහනයට උපකාර කිරීම මෙම නව නිර්මාණයේ අපේක්ෂාවයි.

දේශපාලන මූලෝපායක් වෙනුයට දේශපාලන කූටෝපායක් ලෙස ජාතික සභාව යන සංකල්පය අපයෝජනය කරන බවත්, එමෙන්ම මෙම යෝජනාව තුළ පාර්ලිමේන්තුවේ ස්වාධීන වූ කණ්ඩායම් මගහැරීම සඳහා නිරැවත් කුමන්ත්‍රණයක් ක්‍රියාත්මක වන බවත් ශ්‍රී ලංකා පොදුජන පෙරමුණේ ස්වාධීන වූ කණ්ඩායම නියෝජනය කරන පාර්ලිමේන්තු මන්ත්‍රී ඩලස් අලහප්පෙරැම මහතා පැවසීය.

ශ්‍රී ලංකා ක්‍රිකට් හි ’’ක්‍රිකට් අධ්‍යක්ෂ’’ ලෙස කටයුතු කළ ටොම් මූඩි මහතා හා පවතිනකොන්ත්‍රාත්තුව වහාම ක්‍රියාත්මක වන පරිදි අවසන් කිරීමට අන්‍යෝන්‍ය වශයෙන් එකඟ විය.

ඉදිරිපත් කර තිබෙන ජාතික සභාව පිහිටුවීමේ යෝජනාව වර්ථමාන ආණ්ඩුවට එල්ල වී තිබෙන තර්ජනයන් සහ අභියෝගයන් ජාත්‍යන්තර හමුවේ සහ ජාතික වශයෙන් සමනය කර ගැනීම සඳහා අටවන ලද ඇටවිල්ලක් පමණක් බව ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා පැවසීය.

පළාත් පාලන මැතිවරණය සම්බන්ධයෙන් කටයුතු කරන්නේ, අනුගමනය කළ යුතු පිළිවෙත් අනුව නීත්‍යානුකූලව බවත්, නීතියෙන් පිට කිසිවක් නොකරන බවත්, අග්‍රාමාත්‍ය සහ රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍ය දිනේෂ් ගුණවර්ධන මහතා ප්‍රකාශ කළේය.

පාසල් දැරියන් සහ කාන්තාවන් මුහුණ දෙන සනීපාරක්ෂක තුවා සම්බන්ධයෙන් වන ගැටලුවට මෙම සතියේ විසඳුම් ලබා දීමට කටයුතු කරන බව වෙළඳ අමාත්‍ය නලීන් ප්‍රනාන්දු මහතා පැවසීය.

ජාතික සභාව පිහිටුවීමට අදාළ යෝජනාව අගමැති දිනේෂ් ගුණවර්ධන මහතා විසින් අද (20දා) පාර්ලිමේන්තුවට ඉදිරිපත් කරනු ලැබීය.

වතු නිවාසවල ජීවත්වන සියලුම දෙනාට නිවාස ඉදිකර දීමට රජය කටයුතු කරන බව ආණ්ඩු පක්ෂයේ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අද (20දා) පාර්ලිමේන්තුවේදී පැවසීය.

මෙම වසරේ ගත වූ මාස අටක කාලය තුළ අලුතින් ත්‍රිරෝද රථ ලියාපදිංචි කර ඇත්තේ 19 ක් පමණක් බව මෝටර් රථ ප්‍රවාහන කොමසාරිස් ජනරාල් නිශාන්ත වීරසිංහ මහතා පවසයි.

එක්සත් ජාතීන්ගේ 77 වන මහා සමුළුවට සමගාමීව එක්සත් ජනපදයේ නිව්යෝක්හි පැවැත්වෙන අධ්‍යාපන පරිවර්තන සමුළුවට ශ්‍රී ලංකාව නියෝජනය කරමින් අධ්‍යාපන අමාත්‍ය ආචාර් ය සුසිල් ප්‍රේමජයන්ත මහතා එක්විය.

විදේශගතව සැඟව සිටින බව කියන ප්‍රධාන පෙලේ මත්කුඩු ජාවාරම්කරුවෙකු වන පානදුර සලිදු නමැත්තාගේ ජාවාරමට අයත් මත්කුඩු පැකට් කිරීමේ මධ්‍යස්ථානයක් ලෙස පවත්වාගෙන ගිය නිවසක් වටලා රුපියල් ලක්ෂ තිහකට අධික වටිනාකමකින් යුත් හෙරොයින් මත්කුඩු , ජාවාරම් මුදල් එක්ලක්ෂ පනස් හයදහසක් ,ඇසුරුම් කඩදාසි සහ විද්යුත් තරාදි ඇතුළු උපකරණ සමග අඹු සැමි යුවලක් අත්අඩංගුවට ගත්බව අලුබෝමුල්ල පොලිසිය පවසයි.

මෙහිදි මාන්නප්පෙරුම මහතා සඳහන් කළේ පාර්ලිමේන්තුව් මාසික විදුලි බිල ලක්ෂ 60ක් වන බවත් ඒ අනුව එය අවම කර ගැනීම වෙනුවෙන් සූර්ය ‌කෝෂ මගින් විදුලිය ලබා ගැනීමේ ක්‍රමයක් සකස් කරන ලෙසයි. එයට පිළිතුරු ‌‌දෙමින් අමාත්‍ය කංචන විජේසේකර මහතා සඳහන් කළේ පාර්ලිමේන්තුවේ විදුලි බිල සඳහා රුපියල් ලක්ෂ 60ක් ගෙවනවා වෙනුවට ඒ සඳහා ගෙවීමේ ක්‍රමයට හෝ සූර්ය විදුලි පද්ධතියක් ස්ථාපිත කිරීම වැදගත් බවයි.