පේරාදෙණිය විශ්වවිද්‍යාලයේ හිටපු උපකුලපති,ජ්‍යෙෂ්ඨ මහාචාර්ය අතුල සේනාරත්න මහතාට හා ඔහුගේ පවුලේ උදවියට පහර දී නිල නිවසට අලාභහානි සිදු කිරීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටින සිසුන් 14 දෙනා එක් අයෙකුට රුපියල් 15000 බැගින් මුදල් හා රුපියල් ලක්ෂ 05 බැගින් වූ ශරීර ඇප දෙකක් මත මුදා හරින ලෙස මහේස්ත්‍රාත් ශ්‍රීනිත් විජේසේකර මහතා නියෝග කළේය.

කෙසේ වෙතත් ජාත්‍යන්තර මූල්‍ය අරමුදලේ කටයුතු ඉදිරියට පවත්වාගෙන යාමට හැකි වන පරිදි ශ්‍රී ලංකාවේ ණය හිමියන් ශ්‍රී ලංකාව සම්බන්ධයෙන් සාධාරණ ක්‍රියාමාර්ගයකට එකඟවිය යුතුව ඇතැයිද ඇමෙරිකානු තානාපතිවරිය සිය ට්විටර් ගිණුමෙන් පවසයි.

අපේක්ෂකයන් විසින් මැතිවරණය වෙනුවෙන් තැන්පත් කළ ඇප මුදල් මැතිවරණ කොමිෂන් සභාව වෙනත් කටයුතු සඳහා යොදවන්නේදැයි විමර්ශනයක් කරන්නැයි ඉල්ලා කණ්ඩායම් තුනක් අද (1දා) අපරාධ පරීක්ෂණ දෙපාර්තමේන්තුවට, මුදල් අමාත්‍යංශයට සහ මැතිවරණ කොමිසම වෙත ගොස් තිබේ.

ඔස්ට්‍රේලියානු ටෙස්ට් කණ්ඩායමේ නිත්‍ය පිතිකරු උස්මාන් කවාජාට ඔස්ට්‍රේලියානු කණ්ඩායමේ එළඹෙන ඉන්දීය තරග සංචාරය සඳහා වීසා ලැබීම පමා වී ඇති බව වාර්තා වේ.

රනිල් වික්‍රමසිංහ ජනාධිපතිවරයාට හැකියාව ඇත්තේ ගෝඨාභය රාජපක්ෂ ජනාධිපතිවරයා ගේ ජනවරමේ ඉතිරි කොටස ක්‍රියාත්මක කිරීමට බවත්, ගෝඨාභය රාජපක්ෂ ජනාධිපතිවරයා ජනවරම ලබා ගත් සෞභාග්‍යයේ දැක්ම ප්‍රතිපත්ති ප්‍රකාශනයේ නැති කාරණා ක්‍රියාත්මක කිරීමට රනිල් වික්‍රමසිංහ ජනාධිපතිවරයාට ජනවරමක් නොමැති බවත් පිවිතුරු හෙළ උරුමයේ නායක නීතිඥ උදය ගම්මන්පිල මහතා ප්‍රකාශ කරයි.

ඝාතනය කර ඇතැයි කියන කාන්තාවන් දෙදෙනෙකුගේ මළ සිරුරු දෙකක් අද (1දා) පස්වරුවේදී ඇල්පිටිය ඕමත්ත පදේශයේ නිවසක තිබියදී සොයා ගත් බව ඇල්පිටිය පොලීසිය පවසයි.

ශ්‍රී ලංකාවේ නව ප්‍රංශ තානාපති ජොංෆ්‍රැන්සුවා පැක්තෙ මහතා අද (1දා) මහජන ආරක්ෂක ඇමති ටිරාන් අලස් මහතා හමුවීමට මහජන ආරක්ෂක අමාත්‍යාංශයට පැමිණියේය.

දකුණු අප්‍රිකාවේදි පැවැත්වීමට නියමිත කාන්තා විස්සයි20 කුසලානයට සහභාගි වන ශ්‍රී ලංකා කණ්ඩායම එළිදක්වා ඇත.

“ප්‍රධාන ආර්ථික ප්‍රතිසංස්කරණ – ලෝක බැංකුවේ පූර්ව ක්‍රියාමාර්ග” පිළිබඳ පසුවිපරම් සාකච්ඡාවක් ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානි සාගල රත්නායක මහතාගේ ප්‍රධානත්වයෙන් ඊයේ (31) පස්වරුවේ ජනාධිපති කාර්යාලයේ දී පැවැත්විණි.

මැතිවරණ නීති රීති උල්ලංඝනය කරමින් වයඹ පළාත් සභාවේ ප්‍රධාන ලේකම්වරයාගේ නියෝගයකට අනුව හලාවත ප්‍රාදේශීය සභාවේ ලේකම් ශ්‍රියානී ජයසිංහ මහත්මියට ලබාදී තිබෙන ස්ථාන මාරුව තාවකාලිකව අත්හිටුවමින් කුරුණෑගල මහාධිකරණ විනිසුරු නිශාන්ත පීරිස් මහතා තහනම් නියෝගයක් කළේය.

සත්කාරක දකුණු අප්‍රිකාව සමගින් පැවති දෙවැනි එක්දින තරගයේදී අන්තර්ජාතික ක්‍රිකට් කවුන්සිල (අයි.සී.සී.) නීතිරිති කඩකිරීමේ වරදට එංගලන්ත වේගපන්දු යවන ක්‍රීඩක සෑම් කරන්ට දඩ පනවා ඇත.

විදුලිය නිපදවීම වෙනුවෙන් වැඩිපුර ජලය මුදාහැරීමට අද (01දා) සිට හැකියාවක් නොමැති බව මහවැලි අධිකාරිය පවසයි.

නීතිවිරෝධී ආකාරයෙන් සිදුකරන ජංගම දුරකතන ආනයනය වැළැක්වීම වෙනුවෙන් කඩිනමින් ක්‍රියාමාර්ග ගන්නා බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි. ජංගම දුරකතන ආනයනකරුවන් සමග මුදල් අමාත්‍යාංශයේ පැවැති හමුවකදී අමාත්‍යවරයා මේ බව පැවැසීය.

පුද්ගලයන් දෙදෙනෙකු ඝාතනය කිරීමේ චේතනාවෙන් පැදවූ ලොරිය යතුරුපැදියක හප්පා බරපතළ තුවාල සිදුකර පලාගොස් සැඟවී සිටි ව්‍යාපාරිකයෙකු දින පහකට පසු හොරණ වගවත්ත ප්‍රදේශයේ දී අත්අඩංගුවට ගත් බව හොරණ මූලස්ථාන පොලීසිය පවසයි.

“කෙනෙක් සමාව ඉල්ලන්න ඕනේ වරදක් කළ ඒක පිළිගෙනනේ. හිටපු ජනපති සිරිසේන මහතා වරදක් කළා කියලා පිළිගන්නේ නෑ. ඔහු කියන්නේ තමන් පත්කළ නිලධාරීන් වරදක් කළ නිසා තමන්ට වන්දි ගෙවනන්නට සිදුව ඇති බවයි. එහෙම තත්ත්වයක් යටතේ ඔහුට සමාව ඉල්ලන්න සදාචාර නෑ. සමාව ඉල්ලීම හිස් වචන පමණයි. ඔහුගේ සමාව ඉල්ලීම අපට අදාළ වෙන්නේ නෑ.”

අන්තර් විශ්වවිද්‍යාලයේ ශිෂ්‍ය බල මණ්ඩලයේ කැඳවුම්කරු වසන්ත මුදලිගේ මහතාට එරෙහිව කොළඹ කොටුව මහේස්ත්‍රාත් අධිකරණයේ පවරා තිබූ නඩු තුනකට අදාළව ඔහුට අද (01දා) ඇප නියම කෙරිණි.

75 වැනි නිදහස සැමරීමේදී කළ යුතුව තිබුණේ පසුගිය වසර 75ක කාලය තුළ මේ රට කාබාසිනියා කරපු දේශපලාන පක්ෂ නායකයන් රටේ ජනතාවගෙන් සමාව ඉල්ලීමයි. අපි මේ නිදහස් උත්සවය උත්සවාකරයෙන් සැමරීම ප්‍රතික්ෂේප කරනවා. කතෝලික සභාව නියෝජනය කරන කිසිම කෙනෙක් එයට සහභාගී වෙන්නේ නෑ.

කටුනායක ඇවරිවත්ත නගරයේ පවත්වා ගෙන යනු ලබන ජංගම දුරකථන අලෙවි සැල් දෙකක් සහ නේවාසිකාගාරයක් බිඳ රුපියල් ලක්ෂ පහළොවක් වටිනා ජංගම දුරකථන සහ දේපළ සොරා ගත් පුද්ගලයන් දෙදෙනෙකු කටුනායක මාදුව ප්‍රදේශයේ නේවාසිකාගාරයක සිටියදී ඊයේ (31දා) රාත්‍රී කටුනායක පොලීසිය විසින් අත් අඩංගුවට ගෙන තිබේ .

ශ්‍රී ලංකාවේ නිල සංචාරයකට පැමිණි දේශපාලන කටයුුතු පිළිබඳ ඇමෙරිකානු සහකාර රාජ්‍ය ලේකම් වික්ටෝරියා නූලන්ඩ් මහත්මිය හා ජනපති රනිල් වික්‍රමසිංහ මහතා අතර හමුව ජනපති ලේකම් කාර්යාලයේදී පැවැත්වීය.

නිරිත දිග බෙංගාල බොක්ක ආශ්‍රිත පීඩන අවපාතය ඊයේ රාත්‍රියේ ත්‍රිකුණාමලයට කිලෝමීටර් 180 ක් පමණ නැගෙනහිර දෙසින් අක්ෂාංශ 8.4°N සහ දේශාංශ 82.9°E ආසන්නයේ කේන්ද්‍රගතව පවතින බවත් එය ක්‍රමයෙන් බටහිර දෙසට බරව නිරිත දෙසට ගමන් කරමින් 2023 පෙබරවාරි 01 (අද) පෙරවරුවේ දී ශ්‍රී ලංකාවේ නැගෙනහිර වෙරළ තීරය වෙතට ලඟා වෙනු ඇතැයි අපේක්ෂා කරන බව කාලගුණවිද්‍යා දෙපාර්තමේන්තුව නිවේදනය කරයි.

දේශපාලන කටයුතු පිළිබඳ ඇමෙරිකානු සහකාර රාජ්‍ය ලේකම්වරියක් වන වික්ටෝරියා නූලන්ඩ් මහත්මිය ශ්‍රී ලංකාව සංචාරය ආරම්භ කරමින් මෙරටට පැමිණ තිබේ.

පාකිස්ථානු නාවික හමුදාව විසින් “සාමය සහ ආරක්‍ෂාව සඳහා එක්ව” (Together for Peace and security) යන තේමාව පෙරදැරිව අටවැනි වරටත් සංවිධානය කරනු ලබන බහු පාර්ශවික අමාන් - 2023 (AMAN - 2023) සාගරික අභ්‍යාසයට සහභාගීවීම සඳහා ශ්‍රී ලංකා නාවික හමුදාවේ ශ්‍රී ලංකා නාවික නෞකා සමුදුර නෞකාව ඊයේ දින (2023 ජනවාරි 31) කොළඹ වරායෙන් පාකිස්ථානයේ කරච්චි වරාය බලා පිටත් විය.

ජර්මන් ජාතික සංචාරක නියෝජිතයන් 30 දෙනෙකුගෙන් සමන්විත පිරිසක් ශ්‍රී ලංකාවේ දින 07 ක අධ්‍යයන චාරිකාවක් සදහා අද (01දා) අලුයම කටුනායක ගුවන් තොටුපළ වෙත පැමිණ සිටියහ.

2023 ඉදිරි යල කන්නයේ වී වගාව හා බඩඉරිගු වගාව සඳහා අවශ්‍ය යුරියා පොහොර මිල දී ගැනීම සඳහා රුපියල් බිලියන 10ක මුදලක් වෙන් කරන ලෙස කෘෂිකර්ම අමාත්‍ය මහින්ද අමරවීර මහතා ඊයේ (31) අමාත්‍යාංශයේ නිලධාරින්ට උපදෙස් දෙනු ලැබීය.

එංගලන්ත පාපන්දු ඉතිහාසයේ ක්‍රීඩක හුවමාරුවකදි වාර්තා වූ ඉහළම ලංසුවට හිමිකරුවා වීමට ආර්ජන්ටිනාවේ යොවුන් ක්‍රීඩක එන්සො ෆර්නැන්ඩේස් සමත්විය.

පළාත් පාලන මැතිවරණය මාර්තු 9 වනදා පැවැත්වීමට අදාළ අතිවිශේෂ ගැසට් නිවේදනය මේ වන විට නිකුත් කර තිබේ. ඒ ඒ දිස්ත්‍රික්කය භාර තේරීම්භාර නිලධාරීන් විසින් මෙම ගැසට් නිවේදන නිකුත් කර තිබේ.

සෑම රාජ්‍ය අයතනයකම සේවක සංඛ්‍යාව අඩු කිරීම වෙනුවෙන් මේ දිනවල කටයුතු කරමින් පවතින බවත් කාර්ය භාරයක් නොමැති සේවකයන් වෙනුවෙන් ස්වයං විශ්‍රාම යාමේ ක්‍රමයක් සකස් කිරිමට කටයුතු කරමින් තිබෙන බවත් කැබිනට් ප්‍රකාශක අමාත්‍ය බන්දුල ගුණවර්ධන මහතා පැවැසීය.

2022 සැප්තැම්බර් මාසයෙන් පසු කොළඹ පාරිභෝගික මිල දර්ශකයට අනුව උද්ධමනය අඛණ්ඩව පහළ ගිය සිව්වැනි මාසය ලෙස ජනවාරි මාසය සැලකෙයි.

පාසල් පෝෂණ වැඩසටහනේ ආහාර සැපයුම්කරුවන්ට ගෙවීමට තිබූ සියලුම හිඟ මුදල් ගෙවා දැමූ බව අධ්‍යාපන අමාත්‍යාංශය නිවේදනය කරයි.