ආරච්චිකට්ටුව වෛරන්කට්ටුව ප‍්‍රදේශයේ තම බිරිඳගේ සහ තවත් පුද්ගලයෙකුගේ අත් තියුණු ආයුධයකින් කපා දැමීම හේතුවෙන් සැකපිට පුද්ගලයෙක් අද (07දා) අත්අඩංගුවට ගත්බව ආරච්චිකට්ටුව පොලීසිය පවසයි.

අනුර කුමාර දැනටමත් ජනාධිපති ඇඳුම ඇඳගෙන ඉන්නෙ. ෆේස්බුක් එකෙත් ජනාධිපති එයා. ඇවිදින්නෙ, කතා කරන්නෙ තමන් ජනාධිපති කියල හිතාගෙන. හීන දැක්කට කවදාවත් මිනිස්සුන්ගේ හදවතේ ජනාධිපති වෙන්න එයාට බැහැ.ඒක නිසා අනුර කුමාරට දිගටම ඒ හීනයේ ඉන්න කියමු. අපි මහපොළවේ වැඩ ටික කරල මේ රට ගොඩගනිමු.

යල් පැන ගිය ඇතැම් බන්ධනාගාර පනත් වර්තමාන අවශ්‍යතාවලට ගැලපෙන පරිදි වෙනස් කළ යුතු බව අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂ මහතා අද ( 08දා) පැවසීය

තුර්කියට හා සිරියාවට බලපෑ ප්‍රභල භූ කම්පන හේතුවෙන් ජීවිතක්ෂයට පත්ව ඇති සංඛ්‍යාව 10000 සීමාවට ආසන්න වෙමින් පවතී.

වැරදි ගොවි ගිණුම් අංක ලබා දීම නිසා ගොවි ගිණුම්වලට බැර කරන ලද රුපියල් මිලියන 1300ක මුදලක් ආපසු පැමිණ ඇතැයි ගොවි ජන සංවර්ධන දෙපාර්තමේන්තුව පවසයි.

බොල්ගොඩ ගඟ රක්ෂිතයේ එළිපෙහෙළි කිරීම්, ගිනි තැබීම් ගොඩ කිරීම් සහ ඉදිකිරීම් බහුලව සිදු වීම හේතුවෙන් දැඩි පරිසර හානියක් සිදුව ඇතැයි වාර්තා වේ.

රාජ්‍ය ආදායම් තත්ත්වය යහපත් වන තෙක් රාජ්‍ය සේවය පවත්වාගෙන යාමේ අරමුණින් අත්‍යාවශ්‍ය රාජ්‍ය වියදම් සඳහා පමණක් ප්‍රතිපාදන සැපයීමට මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා ලෙස ජනාධිපති රනිල් වික්‍රමසිංහ මහතා මහා භාණ්ඩාගාර ලේකම්වරයාට උපදෙස් දී තිබේ.

සේවා යෝජකයා විසින් තම සේවකයන් වෙනුවෙන් ලබාදෙන මූල්‍ය නොවන දීමනා මත අයකරන උපයන විට ගෙවන බදු සීමා සංශෝධනය කිරීමට දේශීය ආදායම් දෙපාර්තමේන්තුව කටයුතු කර තිබේ.

මහනුවර පල්ලෙකැලේ පළාත් සභා ශ්‍රවණාගාරයේදී පැවති මධ්‍යම පළාත් ක්‍රීඩා නිලධාරීන් සහ පරිපාලන නිලධාරීන් දැනුවත් කිරීම සඳහා ඊයේ (07දා) පැවැති උත්සව සභාවට පැමිණි ක්‍රීඩා හා යෞවන කටයුතු අමාත්‍ය රොෂාන් රණසිංහ සහ ජාතික ක්‍රීඩා සභාවේ සභාපති අර්ජුන රණතුංග යන මහත්වරුන් මහනුවරට පැමිණියේ එදින පෙරවරුවේ කොළඹින් පිටත් වූ පොඩි මැණිකේ දුම්රියෙන් වීම විශේෂ සිදුවීමක් විය

හබරණ තිරිකුණාමළය ප්‍රධානමාර්ගයේ 121 සැතපුම්ක ණුවට ආසන්නව පාරමැද වී බුදින වනඅලි රංචුවක් විදේශීය සංචාරකයන් රැගත් සෆාරි ජීප්රථ කණ්ඩායමකට දැකගැනීමට අවස්ථාවක් ඊයේ (07දා) පස්වරු හයයි තිහට පමණ උදාවී තිබූණි.

නව සංශෝධන වලට අනුව ක්‍රීඩා සංගමයක සභාපතිධූරය වසර දෙකකට සීමා වන අතර එය අවස්ථා දෙකකදි පමණක් හිමි වීම, අවුරුදු 70ට අඩු පුද්ගලයන් සඳහා පමණක් ක්‍රීඩා සංගම් වල නිලතල හිමිවීම, ක්‍රීඩා සංගම් නිලවරණය සඳහා 200 ක් පමණ වන ඡන්ද ප්‍රමාණය 40 ක් දක්වා සීමා කිරීම, නිලතල දරන සියලු නිලධාරීන් අවම වශයෙන් වසර 03 ක හෝ තම වත්කම් බැරකම් ඉදිරිපත් කිරීම, ප්‍රධාන ක්‍රීඩා සංගම් සඳහා වරලත් ගණකාධිකාරී ආයතනයක සහතිකයක් ඉදිරිපත් කිරීම ඇතුළු සංශෝධන රැසක් ඉදිරිපත් කොට ඇතැයි ද අමාත

(UPDATE) කොළඹ කොටුවේදී වෘත්තීය සමිති කිහිපයක් පවත්ව දැවැන්ත විරෝධතාව පාලනය කිරීම වෙනුවෙන් කොළඹ කොටුවට යුද හමුදාව කැඳවා තිබේ.

ශ්‍රී ලංකාවේ 75 වන නිදහස් සැමරුම නිමිත්තෙන් ශ්‍රී ලංකා මහ බැංකුව නිකුත් කළ සමරු කාසිය, අග්‍රාමාත්‍ය දිනේෂ් ගුණවර්ධන මහතා වෙත පිළිගැන්වීම, අද (08දා) පාර්ලිමේන්තුවේ, අග්‍රාමාත්‍ය කාර්යාලයේදී සිදු කෙරිණි.

බර වාහන ධාවනය නවතා දමා තිබු නුවරඑළිය- තලවකැලේ මාර්ගයේ නානුඔය, රදැල්ල කෙටි මාර්ගය කොටසේ බර වාහන ධාවනය කිරීම සඳහා අද (08දා) සිට අවසර ලබාදීමට පියවර ගෙන ඇතැයි නුවරඑළිය දිස්ත්‍රික් ලේකම් නන්දන ගලබොඩ මහතා පැවැසීය.

13 වැනි ව්‍යවස්ථා සංශෝධනය ක්‍රියාත්මක කිරීමට එරෙහිව භික්ෂූන් වහන්සේලා පිරිසක් හා සිවල් සංවිධාන අද පෙරවරුවේ පාර්ලිමේන්තු පිවිසුම් මාර්ගයේ විරෝධතාවක් දැක්වීය.

මාළු කපන මන්නයකින් ගෙල කපා කළුතර පලාතොට ප්‍රදේශයේ 27 හැවිරිදි තරුණයකු ඝාතනය කිරීම සම්බන්ධයෙන් ඔහුගේ බාල සොහොයුරා අත්අඩංගුවට ගත්බව කළුතර දකුණ පොලිසිය පවසයි .

පසුගිය පළාත් පාලන මැතිවරණයේදි ශ්‍රි ලංකා පොදුජන පෙරමුණ යටතේ මැතිවරණයට ඉදිරිපත්ව සභිකයෙකු තේරී පත්ව සිට මෙවර වෙනත් පක්ෂ හා කණ්ඩායම් වලින් නාම යෝජනා භාරදුන් සියලුම දෙනා ඉවත්කිරීමට කටයුතු කර තිබෙන බව ශ්‍රි ලංකා පොදුජන පෙරමුණේ ලේකම් නීතිඥ සාගර කාරියවසම් මහතා පැවසීය.

යුධමය තත්ත්වය හේතුවෙන් කැලෑවට ගිය ඉඩම් පසුව වනාන්තර ලෙස ගැසට් කර ඇති බවත් ‌මේ හේතුවෙන් බො‌හෝ පිරිසක් පීඩාවට ලක්ව ඇති බවත් ජනපති රනිල් වික්‍රමසිංහ මහතා පැවැසීය.

’’අපි දූෂණය මැඩ ලීමේ පනතක් ගෙන එනවා. ලෝක බැංකුව හා එක්සත් ජාතීන්ගේ සංවිධාය සමග එක්ව සොරකම් කළ වත්කම් යළි සොයා ගැනීමේ ප්‍රයත්නයන් මේ පනතට එක් කරනවා. එය ජාත්‍යන්ත මූල්‍ය අරමුදලේ කොන්දේසියක්’’

මේ විදිහට ගියොත් තුන්වැනි හා හතරවැනි කාර්තුවේදී රජයේ සේවකයන්ට අමතර දීමනාවක් ලබාදෙන්න අපිට පුළුවන්. පුද්ගලික අංශට සහන දෙන්න පුළුවන්. බැංකු පොලිය අඩු කරන්න පුළුවන්. තව අවුරුදු තුනක් ගත වෙද්දී අද ලැබෙන ආදායමට වඩා සියයට 75කට වැඩි ආදායමක් ජනතාවට ලබන්න පුළුවන්.

ආර්ථිකය යම් ස්ථාවර තත්ත්වයට පත්ව ඇති බවත් අනතුරුදායක වැල් පාලමෙන් ශ්‍රී ලංකාව සෑහෙන දුරක් ආරක්ෂිතව රැගෙන ඒමට හැකියාව ලැබී ඇති බවත් ජනපති රනිල් වික්‍රමසිංහ මහතා පැවැසීය.

ණය තිරසාරභාවය ප්‍රතිෂ්ඨාපනය කිරීමේ අරමුණින් ශ්‍රී ලංකාව සමඟ ණය ප්‍රතිව්‍යුහගත කිරීමක් සඳහා සාකච්ඡා කිරීමට පැරිස් සමාජයේ සාමාජිකයන් සිය කැපවීම ප්‍රකාශ කර ඇතැයි ජනපති මාධ්‍ය අංශය පවසයි.

නව වන පාර්ලිමේන්තුවේ සිව්වන සභා වාරය අද (08) ආරම්භ කෙරේ. ජනාධිපති රනිල් වික්‍රමසිංහ මහතා විසින් අද පෙරවරු 10ට නව සභාවාරය ආරම්භ කෙරෙන බව පාර්ලිමේන්තුවේ වේත්‍රධාරී නරේන්ද්‍ර ප්‍රනාන්දු මහතා පැවසුවේය.

2023 ජනවාරි මාසය අවසානයේ දී ශ්‍රී ලංකාව සතු නිල සංචිත වත්කම්වල වටිනාකම අමෙරිකානු ඩොලර් මිලියන 2,120 ක් බව ශ්‍රී ලංකා මහ බැංකුව පවසයි.

ජනාධිපති රනිල් වික්‍රමසිංහ මහතා විසින් පාර්ලිමේන්තුවේදී රාජාසන කතාව සිදුකර පළාත් පාලන මැතිවරණය කල් දැමීමට හැකිවනු ඇති බවට ඇතැමුන් සිතා සිටින බවත්, කෙසේ වෙතත් රාජාසන කතාව නීතියක් නොවන බවත් සමගි ජනබලවේගයේ පාර්ලිමේන්තු මන්ත්‍රී, විපක්‍ෂයේ ප්‍රධාන සංවිධායක ලක්‍ෂ්මක් කිරිඇල්ල මහතා පැවසීය.

මේ දිනවල සමාජ මාධ්‍ය ජාලා සහ ඇතැම් වෙබ් අඩවි මඟින් ප්‍රචාරයක් ලබා දී ඇති 2023 - 6 ශ්‍රේණිය සඳහා වන පාසල් කඩඉම් ලකුණු අධ්‍යාපන අමාත්‍යාංශය මඟින් නිකුත් කර ඇතැයි පැවසෙන පුවත සාවද්‍ය බව දන්වා සිටිමු.

අධ්‍යාපන ක්ෂේත්‍රය තුළ මුඛ්‍ය පරමාර්ථය වන්නේ කෙනකුට රැකියාවක් සැපයීම නොව සිසුන්ට සාර්ථක ගුරුවරයකු ලබාදීම වන බවත් ඒ අනුව 2028 වර්ෂයෙන් පසු ව ජාතික අධ්‍යාපන විශ්වවිද්‍යාලයෙන් බිහිවන අධ්‍යාපනවේදී උපාධිධාරීන්ට හැර වෙනත් කිසිවකුට ගුරුපත්වීම් ලබා නොදෙන බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

ආදිවාසීන්ගේ අනන්‍යතාවය තහවුරුවන වෙනම දේශපාලන පක්ෂයක් ඉදිරියේදි ලියාපදිංචිකරන බවත් ගහමරා ගන්නා බෙලිකපාගන්නා, වත්මන් දේශාපලන ක්‍රමය පිටුදැකීම සඳහා මෙම පක්ෂය පූර්වාදර්ශයක් සපයමින් ක්‍රියාත්මක කරන බවත් දඹාන ආදිවාසී නායක වනස්පති උරුවරිගේ වන්නියලැ ඇත්තෝ පැවසූහ .

වත්මන් රජයේ බදු ප්‍රතිපත්තිය පිළිබඳව රජයේ අවධානය යොමු විය යුතු බවත් ඒ සම්බන්ධයෙන් ජාත්‍යන්තර මූල්‍ය අරමුදල සාකච්ඡා කොට සාධාරණ මට්ටමකට රැගෙන ආයුතු බවට තමන් විශ්වාස කරන බව හිටපු කතානායක කරු ජයසූරිය මහතා පවසයි.