දිවයින පුරා පවතින සක්‍රීය නිරිතදිග මෝසම් තත්ත්වය හේතුවෙන් මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු-මැද හා මධ්‍යම පළාත් මෙන්ම පුත්තලම, ත්‍රිකුණාමලය, හම්බන්තොට දිස්ත්‍රික්කවලත් විටින් විට හමන පැ.කි.මී. (50-55) ක පමණ තද සුළං ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

2025.07.18 වන දින දෙහිවල දුම්රියපොල අසලදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් පුද්ගලයෙකුට වෙඩි තබා තුවාල සිදුකිරීමට සම්බන්ධ ප්‍රධාන සැකකරු 2025.07.25 වන දින අළුයම් කාලයේ කහතුඩුව, පාලගම ප්‍රදේශයේදී පොලිස් විශේෂ කාර්ය බලකා මොරටුව කඳවුරේ නිලධාරීන් කණ්ඩායමක් අත්අඩංගුවට ගැනීමට යාමේදී ඇති වූ වෙඩි හුවමාරුවකදී වෙඩි වැදිමෙන් මියගොස් ඇත.

කොළඹ ශැංග්‍රිලා හෝටලයේ පැවති ශ්‍රී ලාංකික ව්‍යාපාරික කවුන්සිලයන්හි ගෝලීය සම්මේලනයේ (Global Federation of Sri Lankan Business Councils) වාර්ෂික මහා සභා රැස්වීමේ සමාරම්භක අවස්ථාවට ජනාධිපති අනුර කුමාර දිසානායක මහතා සහභාගී විය.

තීරුබදු අඩු කර ගැනීම සම්බන්ධයෙන් ජනපති සහ එක්සත් ජනපද වෙළෙඳ නියෝජිත කාර්යාලයේ තානාපති අතර මාර්ගගත සාකච්ඡාවක්

වනඅලි ජීවිත සුරැකීම මෙන්ම ග්‍රාමීය ජනතාවගේ දෛනික ජනජීවිතය සුරක්ෂිත කිරීම පිළිබඳව ජනාධිපති අනුර කුමාර දිසානායක මහතා සහ අදාළ අමාත්‍යවරු හා නිලධාරීන් අතර සාකච්ඡාවක් ජනාධිපති ලේකම් කාර්යාලයේදී ඊයේ (24) පස්වරුවේ පැවැත්විණි.

ජපන් රජයේ ආර්ථික, වෙළෙඳ සහ කර්මාන්ත අමාත්‍යාංශයේ සහ ජපානයේ වෙළෙඳ ,වාණිජ සහ කර්මාන්ත ක්ෂේත්‍රවල නියෝජිතයින් පිරිසක් සහ ජනාධිපති ලේකම් ආචාර්ය නන්දික සනත් කුමානායක මහතා අතර සාකච්ඡාවක් ජනාධිපති කාර්යාලයේදී ඊයේ (24) පස්වරුවේ පැවැත්විණි.

අලි ඇතුන් ඇතුළු වනජීවීන් ඝාතනය කිරීම සඳහා දඩයක්කරුවන් හා විවිධ පුද්ගලයන් සතුව ඇති නීති විරෝධි ගිනි අවි පිළිබඳව තොරතුර වනජීවී සංරක්ෂණ දෙපාර්තමේන්තුවේ හදිසි දුරකතන අංක 1992ට දැනුම් දෙන ලෙස මෙරට මහජනතාවගෙන් වනජීවී සංරක්ෂණ දෙපාර්තමේන්තුව ඉල්ලා සිටී.

දිවයින වටා පිහිටි සුන්දර වෙරළ තීරය අප රටේ ආර්ථිකයට, සංචාරක කර්මාන්තයට මෙන්ම සමස්ත පාරිසරික සමතුලිතතාවයට ද සෘජුවම බලපාන අතිශය වැදගත් අංගයකි.

මෙම වසරේ ජනවාරි මස සිට ඊයේ (24) දින දක්වා දිවයින පුරා වෙඩිතැබීම් සිදුවීම් 74 ක් වාර්තා වී ඇතැයි පොලිස් මූලස්ථානය කියයි. ඒ අතර සංවිධානාත්මක අපරාධ කල්ලි අතර වෙඩි තැබීම් සිද්ධීන් 56 කි.

රාජ්‍ය සේවා කොමිෂන් සභාවේ සාමාජික ධුරයක ඇතිවී තිබෙන පුරප්පාඩුව පිරවීම සඳහා සුදුසුකම් ලත් තැනැත්තන්ගෙන් අයැදුම්පත් කැඳවීම ආරම්භ කර ඇත.

ජනාධිපති පොදු සමාව යටතේ අනීතිකව අනුරාධපුර බන්ධනාගාරයෙන් මුදාහැරි ඩබ්ලිව්.එම්. අතුල තිලකරත්න නැමැත්තාට බරපතළ වැඩ සහිතව වසර 07ක සිරදඬුවමක් නියම කර තිබේ.

හිටපු අමාත්‍ය පී. දයාරත්න මහතා අද (25දා) පෙරවරුවේ අභාවප්‍රාප්ත විය.

ඉන්දියාවේ රාජස්ථාන් හී පාසලක ගොඩනැගිල්ලක් කඩා වැටීමෙන් ළමු 04 දෙනෙකු ජීවිතක්ෂයට පත්ව තිබේ.

පාර්ලිමේන්තුව අද(25දා) පෙරවරු 09.30ට රැස්විය.

මේ වසරේ පළමු මාස 06 ක කාලය තුලදි පොලිස් පරික්ෂකවරයෙක් උපපොලිස්පරීක්ෂකවරයෙක් සැරයන්වරුන් 06 ක් කොස්තාපල්වරුන් 02 ක් ඇතුළුව පොලිස් නිලධාරින් 10 ක් අල්ලස් කොමිෂම විසින් අත්අඩංගුවට ගෙන තිබේ

ඉකුත් 22දා උතුරුමැද පළාත් අධ්‍යාපන දෙපාර්තමේන්තුව මගින් පවත්වනු ලැබූ පහ වසර ශිෂ්‍යත්ව පෙරහුරු විභාගයේ අනුරාධපුර අධ්‍යාපන කලාපය තුළ පාසල් දරුවන්ට බෙදා දුන් ප්‍රශ්න පත්තරවල අසභ්‍ය වචන මුද්‍රණය වී ඇති බවට වාර්තා වීම සම්බන්ධයෙන් පළාත් ආණ්ඩුකාරවරයාගේ උපදෙස් මත කඩිනමින් පරීක්ෂණයක් පවත්වන බව උතුරුමැද පළාත් අධ්‍යාපන ලේකම් සමන්ත කුමාර ජයලත් මහතා පැවසීය.

ලියාපදිංචි කිරීමේ රෙගුලාසිය අවභාවිත කරමින් මහා පරිමාණ මත්ද්‍රව්‍ය ජාවාරම්කරුවකු සහ පාතාල කල්ලි සාමාජිකයකු බව කියන දැනට ඩුබායි රටේ සිටින කෙහෙල්බද්දර පද්මේ නමැත්තාට ව්‍යාජ උප්පැන්න සහතිකයක් නිකුත් කළැයි කියන සීතාවක ප්‍රාදේශීය ලේකම් කාර්යාලයේ අතිරේක රෙජිස්ටාර් රුවිනි වාසනා සැකකාරිය ලබන 28 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද (24දා) නියෝග කළාය.

පොලිස්පති දේශබන්දු තෙන්නකෝන් මහතා, 2002 අංක 5 දරන නිලධරයන් ඉවත් කිරීමේ (කාර්ය පටිපාටිය) පනතේ 17 වගන්තිය ප්‍රකාරව එම ධුරයෙන් ඉවත් කිරීම සඳහා වන යෝජනා සම්මතය ලබන අගෝස්තු 5 වැනිදා විවාදයට ගැනීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ.

මෙම වසරේ ජනවාරි 01 වැනිදා සිට ජූනි 30 වැනිදා දක්වා මහරගම අපේක්ෂා රෝහලේ නව රෝගීන් 6,700ක් ලියාපදිංචි වී ඇති බවත්, එමෙන්ම එම කාලය තුළ රෝහලේ වාට්ටු වලට රෝගීන් 36,000ක් ඇතුලත්වී ඇති බවත් සෞඛ්‍ය සහ ජනමාධ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා පැවසීය.

තරග කාලසටහන පහත පරිදි වෙයි සැප්තැම්බර් 15 පළමු විස්සයි 20 තරගය සවුත්හැම්ප්ටන් සැප්තැම්බර් 17 දෙවැනි විස්සයි 20 තරගය කාඩිෆ් සැප්තැම්බර් 19 තෙවැනි විස්සයි 20 තරගය මැන්චෙස්ටර් සැප්තැම්බර් 22 පළමු එක්දින තරගය ඩර්හැම් සැප්තැම්බර් 24 දෙවැනි එක්දින තරගය ලිඩ්ස්‍ සැප්තැම්බර් 27 තෙවැනි තෙවැනි තරගය ලන්ඩන්

ව්‍යාජ දත්ත ඇතුළත්කර ලියාපදිංචි කරන ලද ජීප් රථ ගණුදෙනුවකට අදාළව සිදුකරන විමර්ශනයකට අදාළව අධිකරණයට භාර වූ මන්ත්‍රි ‍රෝහිත අබේගුණවර්ධන මහතාගේ බෑණා වන ධනුෂ්ක වීරක්කොඩි ලබන පළමුවැනිදා දක්වා රිමාන්ඩ් කිරීමට මතුගම මහේස්ත්‍රාත් අධිකරණය නියෝග කළේය.

මහනුවර මහ නගර සභාවේ මහජන නියෝජිතයන් සඳහා ලබා දෙනු ලැබූ දුරකථන ගාස්තු දීමනාව අවලංගු කිරීමට සභාවේ එකඟතාවය ලැබී තිබේ.

‘එක්ස්ප්‍රස් පර්ල්’ නෞකාව ශ්‍රී ලංකා මුහුදු වෙරළේදී ගිනි ගැනීමෙන් ධීවරයින්ට සහ පරිසරයට සිදු වූ හානිය වෙනුවෙන් ඇමරිකානු ඩොලර් බිලියනයක වන්දි මුදලක් ගෙවීමට එක්ස්ප්‍රස් පර්ල් නෞකාවේ මව් සමාගමට නියෝග කළ පංචපුද්ගල ශ්‍රේෂ්ඨාධිකරණ විනිසුරු මඩුල්ල සිද්ධියෙන් සමුද්‍රිය පරිසර පද්ධතියට හා ධීවර ප්‍රජාවට සිදුවූ හානියට එවකට විෂය භාරව කටයුතු කළ අමාත්‍යවරයා, සමුද්‍රිය පරිසර සංරක්ෂණ අධිකාරියේ හිටපු සභාපතිවරිය සහ නීතිපතිවරයා රටේ ජනතාවගේ මූලික අයිතිවාසිකම් කඩ කර ඇත

වර්තමානය වන විට උපකාරක පංති අලුයම 4ට ආරම්භ කරන තැනට පත්ව ඇති බවත් පාසල් ආරම්භ වන්නේ උපකාරක පංති අවසන් වීමෙන් පසුව බව ජනපති අනුර කුමාර දිසානායක මහතා පාර්ලිමේන්තුවේදී පැවැසීය.

ශ්‍රි ලාංකික ශ්‍රමික ප්‍රජාවට ඉහල වැටුප් හා ගුණාත්මක රැකියා ලබාදීම සඳහා සිදුකරන වැඩපිළිවෙලට එකගතාවය පළකිරීමෙන් දකුණු කොරියාවේ රැකියා අවස්ථා රැසක් මේ වන විට ලැබෙමින් පවතී. ඒ අනුව එරට සෘතුමය රැකියා කාණ්ඩ (E-8) යටතේ රැකියා මෙරටට ලබාගැනීමට කොරියාවේ බෝසොං පළාත් පාලන ආයතනය සමග පැවති සාකච්ඡා සාර්ථක වී ඇති අතර, ඒ සඳහා වන අවබෝධතා ගිවිසුම අත්සන් කිරිමට කැබිනට් අනුමැතිය හිමිවී තිබෙන බව ශ්‍රි ලංකා විදේශ සේවා නියුක්ති කාර්යාංශය සඳහන් කරයි.

පොළොන්නරුව මාදුරුඔය ඉසඩ්.ඩී. ප්‍රධාන ඇළට 24 අලුයම පිඹුරත්තෑව ප්‍රදේශයෙන් වැටි සිටි වන අලියෙකු ජලයේ සැඩ පහරට කිලෝමීටර් 20 පමණ දුරට ගසාගෙන යෑමෙන් අනතුරුව පැය 11 ක මෙහෙයුමකින් පසු පිඹුරත්තෑව වනජීවී නිලධාරීන් විසින් අරලගංවිල මැදගම ප්‍රදේශයෙන් ගොඩට ගෙන එම අලියා වෙහෙරගම රක්ෂිතයට පලවා හැරීමට කටයුතු කළහ.

අමු මිරිස් කිලෝවක් රුපියල් 250 ත් 300 ත් අතර මිළකට පහත වැටී ඇති බවද සෙනෙවිරත්න මහතා පැවසීය. බණ්ඩක්කා කිලෝවක් රුපියල් 50 ත් 60 ත් අතර මිලකටත්, තක්කාලි රුපියල් 70 ත් 80 ත් අතර මිළකටත්, වට්ටක්කා කිලෝවක් රුපියල් 50 ත් 60 ත් අතර මිලකටත්, මෑ කරල් රුපියල් 60 ත් 70 ත් අතර මිළකටත් පහත බැස ඇති බව ආර්ථික මධ්‍යස්ථාන ව්‍යාපාරිකයෝ පවසති. මේ හේතුවෙන් සැලකිය යුතු එලවලු තොගද දෛනිකව ඉවත දැමෙන බව ඔවුහු පෙන්වා දෙති.

2023 වර්ෂයේ පසුගිය රජය සමයේ මිහින්තලේ රජමහා විහාරස්ථානයේ සංවර්ධන කටයුතු වල නිරතව සිටියදී ඉවත් කෙරුණු සිවිල් ආරක්‍ෂක බලකා සාමාජිකයන් අද (24දා) යළි මිහින්තලය රජමහා විහාරස්ථානයේ සංවර්ධන කටයුතු සඳහා කැඳවනු ලැබූහ.

05 ශ්‍රේණිය ශිෂ්‍යත්ව විභාගය ක්‍රමිකව විකාශනය වීමට හැර 2029 වන විට ශිෂ්‍යත්ව විභාගය ගැන තීරණයක් ගැනීමට කටයුතු කරන බව අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න මහතා පැවසීය. යෝජිත අධ්‍යාපන ප්‍රතිසංස්කරණ පිළිබඳ පාර්ලිමේන්තුවේ අද (24දා) පැවති සභාව කල් තැබීමේ විවාදයේදී අදහස් පළ කරමින් හෙතෙම මේ බව සඳහන් කළේය.