ඉන්දියාවේ සිට ආනයනය කරන බිත්තර රුපියල් 30ක් වැනි මිලකට ආහාර නිෂ්පාදකයින්ට ලබාදීමට හැකිවුන ඇතැයි මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

ජාතික ජන බලවේගයේ නායක අනුර කුමාර දිසානායක මහතා ඇතුළු‍ පිරිසකට අද පස්වරු 1 සිට රාත්‍රී 8 දක්වා ජනාධිපති මන්දිරය, ජනාධිපති ලේකම් කාර්යාලය, ගාලු මුවදොර ඇතුළු කොළඹ ප්‍ර දේශ රැසකට ඇතුළුවීම වළක්වමින් කොළඹ කොටුව මහේස්ත්‍රාත් අධිකරණය තහනම් නියෝගයක් නිකුත් කර තිබේ.

ග්‍රාමීය ණය සහ සමාජ ආරක්ෂණ දැල සම්බන්ධයෙන් ආර්ථිකය ස්ථායීකරණයට අදාළ කෙටි සහ මධ්‍ය කාලීන වැඩසටහන් හඳුනා ගැනීම සඳහා වන ජාතික සභා අනු කාරක සභාවේදී සාකච්ඡා විය.

දුම්රිය දෙපාර්තුමේන්තුව සතු දැනට භාවිතයට නොගන්නා ඉඩම් සහ ගොඩනැගිලි පෞද්ගලික අංශය සමග එක්ව සංවර්ධනය කිරිමේ ව්‍යාපෘතියක් ආරම්භ කර දුම්රිය දෙපාර්තුමේන්තුවට මගි ආදායමට අමතරව එම ව්‍යාපෘතිය තුලින් ආදායම් ඉපැයිමේ ක්‍රමවේදයක් සකස් කරන බව දුම්රිය සමාන්‍යාධිකාරි ඩබ්ලිව්.ඒ.ඩි.එස්.ගුණසිංහ මහතා පැවසිය.

මිනීමැරුම් 19 ක් සිදු කර ශ්‍රී ලංකාවෙන් ඩුබායි වෙත පළා යෑමට කටුනායක ගුවන් තොටුපළ වෙත පැමිණි පුද්ගලයෙකු කටුනායක ගුවන් තොටුපළ පොලීසිය විසින් අත්අඩංගුවට ගෙන සිටියදී ඊයේ (25දා) අලුයම එයින් මිදී පළා ගොස් ඇති බව පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී, නීතීඥ නිහාල් තල්දූව මහතා පැවසීය.

අධික ලෙස ඉහළ ගොස් ඇති විදුලි බිල තම බේකරි කර්මාන්තයට දැඩිව බල පෑ ඇති බවත් එය පාරිභෝගික ජනතාව මත පැටවිය නොහැකි නිසා බයිසිකලයේ ඩයිනමෝවෙන් විදුලිය ලබාගෙන ජනතාවට සේවය සලසන බවත් දකුණු පළාත් කුඩා හා මධ්‍ය පරිමාන බේකරි හිමියන්ගේ සංගමයේ සභාපති කමල් පෙරේරා මහතා පවසයි.

රජයේ රෝහල් සඳහා ගෙවන වාට්ටු හඳුන්වා දීමටත් පෞද්ගලික රෝහල් සඳහා ගෙවීම් නොකළ යුතු වාට්ටු හඳුන්වා දීමටත් ඇති හැකියාව පිළිබඳව මේ දිනවල අධ්‍යනය කරමින් සිටින බව ද ඒ මහතා සඳහන් කළේය. යුද්ධයට මුහුණ දෙන අතරම 2004 සුනාමි ව්‍යසනයේදීත්, ගංවතුර සමයේදීත්, කොවිඩ් 19 සමයේදීත් හමුදා වෛද්‍ය බලකාය ඉටු කළ සේවය තුළින් ඔවුන්ට හමුදා මෙන්ම සිවිල් ක්ෂේත්‍රයෙහිත් අත්දැකීම් ඇති බව ජනාධිපති රනිල් වික්‍රමසිංහ මහතා වැඩිදුරටත් පැවසීය.

මාර්තු 9 වැනිදා පෙර සැලසුම් කළ පරිදි මැතිවරණය නොපැවැත්වෙන බව මැතිවරණ කොමිෂම සඳහන් කරයි. ඒ අනුව පළාත් පාලන මැතිවරණය පවත්වන නව දිනය කොමිෂම විසින් මාර්තු 3 දා ප්‍රකාශයට පත්කිරීමට නියමිතව තිබේ.

පළාත් පාලන ඡන්ද විමසීම පැවැත්වීමට අවශ්‍ය මුදල් ප්‍රතිපාදන ලබාගැනීම සඳහා මැදිහත් වන ලෙස ඉල්ලමින් කථානායකවරයාට ලිපියක් යොමු කිරීමට මැතිවරණ කොමිෂන් සභාව කටයුතු කර තිබේ

පාර්ලිමේන්තුවේ මුදල් කාරක සභාවේ සභාපති ධුරයෙන් ඉවත්වීමට සමගි ජන බලවේගයේ පාර්ලිමේන්තු මන්ත්‍රී මයන්ත දිසානායක මහතා තීරණය කර තිබේ.

පසුගිය වසරේ මැයි, ජුනි මාසවල සිදු වූ උද්ඝෝෂණවලින් පසු සංචාරකයින් ශ්‍රී ලංකාවෙන් ඈත් වූ බවත් නැවත ඔවුන් මෙරටට ගෙන්වා ගැනීමට නම් ශ්‍රී ලංකාව තුළ නීතිය සහ සාමය ස්ථාවර වී ඇති බව ලෝකයට පෙන්විය යුතු වූ බවත් ජනාධිපතිවරයා පැවසීය.

අධ්‍යාපන අමාත්‍යාංශ පරිශ්‍රය තුළ හතර වන මහලේ ඊයේ සිදු වූ සිද්ධිය සම්බන්ධයෙන් අමාත්‍යාංශ මට්ටමින් කඩිනමින් පරික්ෂාවක් සිදු කර අභ්‍යන්තර ආරක්ෂක ලේකම් වෙත වාර්තාවක් යවා ඒ අනුව ඉදිරි පියවර ගැනීමට තීරණය කළ බව අධ්‍යාපන අමාත්‍යාංශය නිවේදනය කරයි.

හෝමාගම පනාගොඩ යුද හමුදා කදවුර තුළදී සිය ගිනි අවියෙන් නිකට හරහා හිසට වෙඩි තබාගෙන සාමාන්‍ය සෙබළකු අද (24) දා දිවි හානි කරගෙන ඇතැයි හෝමාගම මූලස්ථාන පොලීසිය පවසයි .

ඉන්දියාවේ භූ විද්‍යාඥයන් අනාවැකි පවසා ඇති ආකාරයට එරට හිම්චාල්-උත්තරකාන්ත් ප්‍රදේශ වලට රිච්ටර් මාපකයේ 08 ක තරම් ප්‍රබල භූ කම්පනයක් සිදුවුවහොත් එය අනිවාර්යෙන්ම කොළඹ නගරයට දැනෙන බව පේරාදෙණිය විශ්වවිද්‍යාලයේ භූ විද්‍යා අංශයේ ජේෂ්ඨ මහාචාර්ය අතුල සේනාරත්න මහතා පවසයි .

කුරුණෑගල දිස්ත්‍රික්කයේ ඇහැටු වැව, පෝතානේගම පිහිටා ඇති අඩි 40 පමණ උස් වූ දැකුම්කළු ශෛලමය හිටි බුද්ධ ප්‍රතිමා වහන්සේ වැඩසිටින රැස් වෙහෙර පූජා භූමියක් ලෙස ප්‍රකාශයට පත්කිරිමට පියවර ගෙන තිබේ.

මධ්‍යම, බස්නාහිර හා සබරගමුව පළාත්වලත් ගාල්ල හා මාතර දිස්ත්‍රික්කවලත් සවස් කාලයේදි හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

උඩරට මැණිකේ දුම්රියේ ගමන්ගත් විදෙස් කාන්තාවකට සෙරෙප්පුවකින් පහරදුන් බවට සැකකරන පුද්ගලයෙකු අත් අඩංගුවට ගෙන 24 දින බණ්ඩාරවෙළ මහේස්ත්‍රාත් අධිකරණයට ඉදිරිපත් කිරීමෙන් පසු මාර්තු 08 දින දක්වා රක්ෂිත බණ්ධනාගාරගත කිරීමට වැඩ බලන මහේස්ත්‍රාත් කෙනත් ඩී සිල්වා මහතා නියෝග කළාය,

දකුණු කොරියානු රාජ්‍යයේ නිශ්පාදන හා ධීවර ක්ෂේත්‍රවල රැකියා සඳහා ශ්‍රි ලාංකික තරුණ තරුණියන් තෝරා ගැනීම සඳහා 2023 වසරේ පැවැත්වීමට නියමිත 7 වන කොරියානු භාෂා පරීක්ෂණය සඳහා තරුණ තරුණියන් 85072ක පිරිසක් අයදුම් කර ඇත. කොරියානු භාෂා පරීක්ෂණය සඳහා මෙතෙක් වැඩිම අයදුම්කරුවන් සංඛ්‍යාවක් ඉදිරිපත්ව ඇති අවස්ථාව මෙයයි.

ලොව පුරා සිදුවන භූ කම්පන සංඛ්‍යාත්මකව ඉහළ ගොස් ඇත්තේ මිනිසා විසින් ස්වභාවධර්මයේ පැවැත්මට එල්ල කර තිබෙන තර්ජන හේතුවෙන් පරිසරය තුළ අසමතුලිතාවක් නිර්මාණයවීම හේතුවෙන් බව පේරදෙණිය විශ්ව විද්‍යාලයේ භූ භූගර්භ විද්‍යා අධ්‍යයන අංශයයේ ජේෂ්ඨ මහාචාර්ය අතුල සේනාරත්න මහතා පවසයි .

ඇමරිකා එක්සත් ජනපදයේ යූ.එස්.නිවුස් ආයතනයේ විශ්ව විද්‍යාල ශ්‍රේණිගත කිරීම් අනුව පේරාදෙණිය විශ්ව විද්‍යාලය ලෝකයෙන්ම 901 වන ස්ථානයට පත්ව ඇතැයි එහි උපකුලපති මහාචාර්ය එම්.ඩී.ළමාවංශ මහතා පවසයි.

නීතිවිරෝධි මත්ද්‍රව්‍ය සම්බන්ධයෙන් මෙහෙයුම් සහ බුද්ධි ආවේක්ෂණ රාජකාරි පුළුල් කරන ලෙස යුද්ධ හමුදාධිපති ලුතිනන් ජෙනරල් විකුම් ලියනගේ ආරක්ෂක සේනා ආඥාපතිවරුන්ට සහ අදාළ සියලුම පාර්ශවයන්ට උපදෙස් ලබා දී ඇත .

ජනාධිපතිවරයා නන්දොඩවන බවත්,මැතිවරණයක් නැතැයි ප්‍රකාශ කරමින් ඔහු උමතුවෙන් මෙන් හැසිරෙන බවත්, මැතිවරණයක් නැත්නම්, නැති මැතිවරණයකට එක්සත් ජාතික පක්ෂයෙන් නාමයෝජනා දුන්නෙ කෙසේදැයි ප්‍රශ්න කරන බවත් විපක්ෂ නායක සජිත් ප්‍රේමදාස මහතා පැවසීය.

උසස්පෙළ උත්තරපත්‍ර පරීක්ෂකවරුන්ට ලබා දෙන දීමනාව වැඩි කිරීම සඳහා අමාත්‍ය මණ්ඩල සන්දේශයක් ඉදිරිපත් කර ඊට අනුමැතිය ලබාගෙන ඇති අතර සඳුදා වන විට එහි චක්‍රලේඛනය නිකුත් කිරීමට කටයුතු කරන බව අධ්‍යාපන අමාත්‍ය සුසිල් ප්‍රේම්ජයන්ත මහතා පවසයි.

මෙවර පාසල් නිල ඇඳුම්වලින් 50%ක් ප්‍රදානයක් වශයෙන් ලබා දීමට මුල දී එකඟතාව පළ කර තිබූ චීන රජය, තමන් අධ්‍යාපන අමාත්‍ය ධුරයට පත් වීමෙන් අනතුරු ව කරනු ලැබූ ඉල්ලීමට සාධනීය ප්‍රතිචාර දක්වමින් එම ප්‍රදානය 70% දක්වා වැඩි කළ බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

දේශීය වෙළෙඳපොල තුළ බිත්තර මිල ඉහළ යෑමට පිළියමක් ලෙස ඉන්දියාවෙන් ආනයනය කරන බිත්තර ලක්‍ෂ 20 ක් රැගත් නෞකාව ලබන සෙනසුරාදා රාත්‍රී ශ්‍රී ලංකාවට ළගාවීමට නියමිතය. එම බිත්තර තොගය මේ වන විට නැව්ගත කර ඇති අතර නෞකාව අද දිනයේ ඉන්දියාවෙන් පිටත් වීමට නියමිතය.

ජපානයේ ප්‍රමුඛතම මෝටර් වාහන නිෂ්පාදන සමාගම් ද්විතයක් වනටොයෝටා සහ හොන්ඩා සමාගම් දශක කිහිපයකට පසුව තම සේවකයන් වෙනුවෙන් විශාලතම වැටුප් වර්ධකය ලබාදීම වෙනුවෙන් සූදානම් බව ජාත්‍යන්තර මාධය තොරතුරු වාර්තා කරයි.

මට ප්‍රශ්නයක් නෑ. මාව පැන්නුවා නම් මම යනවා. රට දැන ගන්න අපි සද්භාවයෙන් මේ වැඩේ කළේ. අපිට මේකෙන් සල්ලි හම්බෙන්නවත්, ඔෆිස් හම්බවෙන්නෙවත් නෑ. මේක රටටහොඳ නම් හොඳයි. මට පුද්ගලිකව කිසිම ප්‍රශ්නයක් නෑ. කැබිිනට් ඇමතිකම් දෙන්නම් කිව්වට ගන්න ගියේ නෑ. ආණ්ඩුවට මේක නම් ඕන, ආණ්ඩුවට අපේ යම්කිසි හෝ රට බේර ගන්න වැඩේට අපේ දායකත්වය එපා නම් කෙලින්ම ඇවිත් කියන්න. මේ වැඩේ කළේ කිසි දෙයක් බලාගෙන නෙමයි.

යුක්රේනය වෙත සිදුවූ ඇමෙරිකානු ජනාධිපති ජෝ බයිඩන්ගේ සංචාරයෙන් දින කිහිපයකට පසුව මෙසේ ස්පාඤ්ඤ අගමැතිවරයාගේ හදිසි සංචාරය සිදුවීමද විශේෂත්වයකි.

2023 ජනවාරි මාසයේ නවතම ශ්‍රී ලංකා මත විමසුම් සමීක්ෂණවේ (SLOTS) ඡන්ද මතය විමසීමට අදාළව මහ මැතිවරණයකදී ජා.ජ.බ/ජ.වි.පෙ සහ ස.ජ.බ සඳහා ඡන්දදායකන් තම මනාපය ප්‍රකාශ කිරීමේ ප්‍රවණතාවය පිළිවෙළින් 32% සහ 31% බැගින් වෙන බව සෞඛය ප්‍රතිපත්ති ආයතනය පවසයි.