ශ්‍රී ලංකාවේ ප්‍රථම වතාවට විජලනය කර නිපදවන ලද පලතුරු සාකච්ඡා මණ්ඩපයක අතුරු පස වශයෙන් ලබා දී තිබේ. ගන්නොරුව පිහිටි කෘෂිකර්ම දෙපාර්තමේන්තුවේ ආහාර පර්යේෂණ ඒකකය විජලනය කළ පලතුරු සකස් කිරීමේ කටයුතු සිදු කරයි.

ශ්‍රී ලංකා මහ බැංකුව අද නිකුත් කළ විනිමය අනුපාතික සටහනට අනුව ඩොලරයක විකුණුම් මිල රුපියල් 162.1162 ක් ලෙස සටහන් විය.

එහි 900කට අධික ඇමෙරිකානු මැරීන් හා නාවික හමුදා භටයින් පිරිසක් සිටින බවද තානාපති කාර්යාලය පවසයි

චෝදනාව එල්ල කළ මහින්දානන්ද අලුත්ගමගේ මන්ත්‍රීවරයාට හිමි මිලියන 10ක විමධ්‍යගත ප්‍රතිපාදනවලින් මිලියන 6.9ක් මේ වන විටත් නිදහස් කර අවසන් අතර, ඔහුට හිමි ඉතිරි මුදලද යෝජනා ඉදිරිපත් කළ පසු මේ වසර අවසන් වීමට පෙර නිදහස් කරන බවත් හෙතෙම වැඩිදුරටත් ප්‍රකාශ කළේය.

උතුරේ ක්‍රියාත්මක ආවා කල්ලිය පිටුපස දේශපාලන හස්තයක් ක්‍රියාත්මක බවට මෙතෙක් කිසිදු තොරතුරක් වාර්තා වී නැතැයි නීතිය හා සාමය,රාජ්‍ය පරිපාලන අමාත්‍ය රංජිත් මද්දුම බණ්ඩාර මහතා පාර්ලිමේන්තුවේදී ඊයේ (23දා) ප්‍රකාශ කළේය.

මම හැමදාම ළමයි ආපුවාම ළමයි ඇතුළට අරගෙන තොපිට එකක්වත් දෙන්නේ නෑ පලයව් යන්න කියලා එලවනවා. අවම බලය පාවිච්කරන්න ඕන. අවම බලය කියන්නේ බැටන් එක කඳුළු ගෑස් හා පොලු පහරවල් හොඳයි.

විනාශ වන උපකරණ අතර දැල්පන්දු 2000ක්, ක්‍රිකට් ඉනි 2500ක්, කැරම් පුවරු 420ක්, විද්‍යුත් කාල ගණක යන්ත්‍ර හා නලා 514ක්

12.5 KG ගෘහස්ත ගෑස් සිලින්ඩරයක මිල රුපියල් 158කින් හෙට මධ්‍යම රාත්‍රියේ සිට වැඩිවීමට නියමිතය.

තාවකාලිකව නවතා දැමූ දුම්රිය වර්ජනය 29දා මධ්‍යම රාත්‍රියේ සිට යළිත් ආරම්භ කිරීමට තීරණය කර තිබේ.

සැකකරුවන් අද අධිකරණය හමුවේ පෙනී සිටි අතර ඔවුන්ට අධිචෝදනා භාරදුන් අතර විදෙස් ගමන් තහනම් කරමින් ඇප නියම කළේය.

අධික ආදායම් ඉපැයූ සමාගම් වෙත රජය විසින් 2016 වසරේදී පැනවූ සුපිරි වාසි බද්ද හේතුවෙන් රජයට රුපියල් බිලියන 50.327ක මුදලක් අය වී ඇතැයි මුදල් රාජ්‍ය ඇමති එරාන් වික්‍රමරත්න මහතා‍ පාර්ලිමේන්තුවේදී ඊයේ (23දා) ප්‍රකාශ කළේය.

මහජන බැංකුවේ සාමාන්‍යාධිකාරීවරයා සහ හිටපු සාමාන්‍යාධිකාරීවරයා රුපියල් ලක්ෂ 750ක හිඟ වැටුප් වර්ධකයක් ලබාගෙන ඇතැයි කෝප් කමිටුව හමුවේ අනාවරණය වී තිබේ.

භාණ්ඩාගාර බැඳුම්කර වංචා කරන ලදැයි කියන සිද්ධියට අදාළව තමාට එරෙහිව ඇති චෝදනා පත්‍රය, සාක්ෂි සටහන් සහවරෙන්තුවේ පිටපතක් තමාට ලබාදෙන ලෙස හිටපු මහ බැංකු අධිපති අර්ජුන් මහේන්ද්‍රන් මහතා සිංගප්පූරු ජාත්‍යන්තර පොලීසිය හරහා රහස් පොලීසියෙන් විමසීමක් කොට ඇතැයි අතිරේක සොලිසිටර් ජෙනරාල් හරිප්‍රියා ජයසුන්දර මහත්මිය කොටුව මහේස්ත්‍රාත් ලංකා ජයරත්න මෙනෙවියට ඊයේ (23දා) දැනුම් දුන්නාය

හිතුමතේ ජීවිතේ නමින් ප්‍රකටම සිටින ඩී.වී. සුමතිපාල යළිත් වරක් පොලිස් අත්අඩංගුවට පත්ව තිබේ. ඒ 2006 වසරේදී පොල්ගස්ඕවිට ප්‍රදේශයේ සිදුවී සොරකමක් සම්බන්ධයෙනි.

උතුරේ ඉඩම් නිදහස් සිදුකිරීම ජාතික ආරක්ෂාව ගැන සැලකිලිමත් වෙමින් ත්‍රිවිධ හමුදාපතිවරුන්ගේ අදහස් අනුව සිදුකරන බව ආරක්ෂක රාජ්‍ය අමාත්‍ය රුවන් විජයවර්ධන මහතා පැවසීය.

පළාත් සභා මැතිවරණය කොට්ඨාස ක්‍රමයට පැවැත්වීම වෙනුවෙන් ඉදිරිපත් කෙරෙන සීමානිර්ණ කොමිෂන් සභා වාර්තාව ප්‍රතික්‍ෂේප කරමින් ඊට විරුද්ධව ඡන්දය ප්‍රකාශ කිරීමට එක්සත් ජාතික පෙරමුණ පාර්ලිමේන්තු මන්ත්‍රී කණ්ඩායම ඊයේ (23දා) ඒකමතිකව තීරණය කළේය.

විගණකාධිපති ගාමිණී විජේසිංහ මහතාට ඒස්ඒල් -04 වැටුප් පරිමාණයේ 08 වැනි වැටුප් පියවරේ පිහිටුවා වැටුප් ගෙවීම හා අනෙකුත් දීමනා ලබා දීමට යෝජනාව ඉදිරිපත් කර තිබිණි.

දක්‍ෂිණ අධිවේගී මාර්ගය සම්පූර්ණයෙන්ම ආවරණය වන පරිදි ආරක්‍ෂක කැමරා (සී.සී.ටී.වී.) පද්ධතියක් ක්‍රියාත්මක කිරීමට පියවර ගන්නා බව දක්‍ෂිණ අධිවේගී මාර්ගයේ අධ්‍යක්‍ෂ සමන් ඕපනායක මහතා පැවසීය.

ශ්‍රී ලන්කන් ගුවන් සමාගමේ හිටපු සභාපති නිශාන්ත වික‍්‍රමසිංහ සහ එහි හිටපු ප‍්‍රධාන විධායක නිලධාරී කපිල චන්ද්‍රසේන යන මහත්වරුන්ගෙන් ශ්‍රී ලන්කන් සහ මිහින් ලංකා ආයතන වල සිදුවු බව කියන දුෂණ සිද්ධීන් සම්බන්ධයෙන් විශේෂ ජනාධිපති පරීක්‍ෂණ කොමිසමේ නිලධාරීහු අද (23දා) පැය 08 කට ආසන්න කාලයක් පුරා ප‍්‍රකාශ ලබාගත්හ.

වසරක් තුළ රුපියල් ලක්ෂ 05 ට අඩු ආදායම් ඉපයු කලාකරුවන් කිසිසේත්ම ආදායම් බදු ගෙවීමට අදාළ නොවන බව මුදල් හා ජනමාධ්‍ය අමාත්‍ය මංගල සමරවීර මහතා අද (23දා) පාර්ලිමෙන්තුවේදී පැවසීය.

වයස අවුරුදු 18ට වැඩි, එහෙත් ස්ථිර ලිපිනයක් නොමැති සියලු දෙනාට ඡන්ද අයිතිය ලබාදීමේ වැඩපිළිවෙලක් සකස් කරන බව මැතිවරණ කොමිෂන් සභාව සඳහන් කරයි.

හැටන් - කොළඹ ප්‍රධාන මාර්ගයේ වටවල, කුයිල්වත්ත ප්‍රදේශයේ මාර්ගයක කොටසක් තවදුරටත් ගිලා බැසීමේ අවදානම හේතුවෙන් එම ගිලා බැසීමට ලක් වන ස්ථානයේ රථවාහන ගමනාගමනය සඳහා එක් මංතීරුකට සීමා කර තිබේ.

පළාත් සභා අලුත් මැතිවරණ ක්‍රමයට මෛත්‍රී පාර්ශ්වය එකඟ බවට පවසන බවත්, එක්සත් ජාතික පක්ෂය පැරණි ක්‍රමයට මැතිවරණය පැවැත්විය යුතු බවට ප්‍රකාශ කරන බවත් එම පක්ෂයේ ප්‍රචාරක ලේකම් විජිත හේරත් මහතා සඳහන් කළේය.

පුත්තලම තරුණ ව්‍යාපාරය ප්‍රදේශයේ ඩෝසර් යන්ත්‍රයකින් කැපු ගැඹුරු වළක දිය නාමින් සිටි 11 හැවිරිදි දරුවකු අද (23දා) දින දහවල් දියේ ගිලී මරණයට පත්ව ඇති බව පුත්තලම පොලීසිය පවසයි.

එම සාකච්ඡාවෙන් පසුව වැඩ වර්ජනය පිළිබඳව අවසන් තීරණයක් ගැනීමට නියමිතය.

ශ්‍රාවස්තිපුර දුම්රිය ස්ථානය ආසන්නයේදී එකම පීල්ලක දුම්රිය දෙකක් මුහුණට මුහුණ ධාවනය කරවීම හරහා ඊයේ (22දා) සිදුවීමට ගිය දුම්රිය අනතුර පිළිබඳ දුම්රිය දෙපාර්තමේන්තුව විසින් විශේෂ පරීක්ෂණයක් ආරම්භ කර තිබේ.

ගැටලු විසඳා ගැනීමට වැඩවර්ජනයක් සිදුකරන බවත් එම සංගම් සඳහන් කරයි. වැඩ වර්ජනය සිදුවන දිනය වෙලාව අද රාත්‍රිය වන විට ප්‍රකාශයට පත්කරන බවද සංගම් නියෝජිතයෝ කියා සිටිති.

ධීවර වරායවලින් නිකුත් කරන ඩීසල් ලීටරයක මිල දින 10ක් තුළ රුපියල් 23කින් පහළ දැමිය යුතු බව සමස්ත ලංකා බහුදින ධීවර යාත්‍රා හිමියන්ගේ සංගමය සඳහන් කරයි.

එල්.ටී.ටී.ඊ. සංවිධානයේ හිටපු නායක වේලුපිල්ලේ ප්‍රභාකරන් ශී ලංකා හමුදාව විසින් ඝාතනය කළත් තමන් සතුටු නොවූ බව ඉන්දීය ලෝක් සභා මන්ත්‍රී රාහුල් ගාන්ධි පවසයි. එසේම තම සහෝදරිය වන ප්‍රියංකා ගාන්ධිද ඒ සම්බන්ධයෙන්සතුටු නොවූ බවද රාහුල් පවසයි.