ඌව පළාතෙන් අද (18දා) කොරෝනා ආදාධිත රෝගීන් 955ක් වාර්තා වූ බවත් ආසාදිතයන් දෙදෙනෙක් මියගොස් ඇති බවත් පළාත් සෞඛ්‍ය සේවා අධ්‍යක්ෂ කාර්යාලය කියයි.

ශ්‍රී ලංකාවේ ප්‍රතිශක්තීකරණ වැඩසටහනට අවශ්‍ය තවත් එන්නත් මාත්‍රා මිලියන 23ක් මිලදී ගැනීමට කැබිනට් අනුමැතිය ලැබී තිබේ.

ශ්‍රී ලංකා ක්‍රිකට් ආරම්භක පිතිකරුවෙකු වන ළහිරු තිරිමාන්න ඔස්ට්‍රේලියානු ක්‍රිකට් සමාජයක් වන මල්ග්‍රේව් ක්‍රිකට් සමාජය (Mulgrave Cricket Club) සමගින් ගිවිසුම් ගතව ඇත.

රට වසා නොදමන්නේ නම් වෘත්තීය ක්‍රියාමාර්ගවලට යොමුවන බවට වෘත්තිය සමිති කර ඇති ප්‍රකාශය දේශපාලනික අරමුණකින් සිදු කරන ප්‍රකාශයක් බව රාජ්‍ය අමාත්‍ය දිලුම් අමුණුගම සඳහන් කර සිටියි.

කොළඹ ජාතික රෝහලේ හෙ හෙදියන් වෛද්‍යවරුන් ඇතුළු 265 දෙනෙකුට කොවිඩ් වෛරසය ආසාදනය වි ඇති බව සඳහන් වෙයි.

වෙළඳපොලේ පවතින සහල් හිඟයට පිළියමක් ලෙස පාකිස්ථාන - ශ්‍රී ලංකා නිදහස් වෙළඳ ගිවිසුම යටතේ කඩිනමින් සහල් මෙට්‍රික්ටොන් 6,000 ක් ආනයනය කිරීම සඳහා අවශ්‍ය මූලික පියවර ගැනීමට කැබිනට් අනුමැතිය හිමිවී තිබේ.

කෙන්යාවේ නයිරෝබිහි නයෝ ක්‍රීඩා සංකීර්ණයේදී අද (18දා) ආරම්භ වූ ලෝක කනිෂ්ඨ (අවු. 20න් පහළ) මලල ක්‍රීඩා ශූරතාවලියේ මීටර 4x400 මිශ්‍ර සහාය ඉසව්වට සහභාගි වූ ශ්‍රී ලංකා කණ්ඩායම එහි අවසන් තරගයට සුදුසුකම් ලබාගැනීමට සමත් විය.

මොහොමඩ් රසීක් මොහොමඩ් තස්ලින් වෙත ශ්‍රී ලංකා පොලීසිය මගින් රුපියල් ලක්ෂ 25ක් මුදලක ප්‍රදානය කර තිබේ.

දැඩි විදේශ විනිමය අර්බුදයකට මුහුණ දී සිටින ශ්‍රී ලංකාවට බංග්ලාදේශය විසින් ලබාදෙන මූල්‍ය පහසුකමේ කොටසක් මේ සතියේදී ලබාදීමට බංග්ලාදේශ කටයුතු කර තිබේ.

ඇෆ්ගනිස්ථාන ක්‍රිකට් කණ්ඩායම ආරක්‍ෂිතව සිටින බවත්, ඔවුන් ලබන සතියේදී බොහෝදුරට ශ්‍රී ලංකාව බලා පිටත්ව යනු ඇති බවත් ඇෆ්ගනිස්ථාන ක්‍රිකට් පාලක මණ්ඩලයේ (ඒ.සී.බී.) ප්‍රධාන විධායක නිලධාරී හමීඩ් ෂින්වාරි පවසයි. තලේබාන් සංවිධානය ඇෆ්ගනිස්ථානයේ පාලනය සියතට ගැනීමෙන් පසු එරට ක්‍රිකට් ක්‍රීඩකයන්ගේ වත්මන් තත්ත්වය පිළිබඳ පැහැදිලි කිරීමක් සිදුකරමින් ඊයේ (17දා) ඔහු මේ බව පවසා සිටියේය.

වයස අවුරුදු 18 ට වැඩි සියලුම පුද්ගලයන් සඳහා සැප්තැම්බර් 30 වන විට එන්නත් ලබාදීමට තීරණය කර තිබේ. ඒ් සඳහා අවශ්‍ය එන්නත් මිලදී ගැනීම සඳහා කැබිනට් අනුමැතිය හිමිවී ඇති බවයි වාර්තා වෙයි. සියිනොෆාම් එන්නත් මාත්‍රා මිලියන 9 ක් සහ ෆයිසර් එන්නත් මාත්‍රා මිලියන 14 ක් මිලදී ගැනීමට මෙලෙස කැබිනට් අනුමැතිය හිමිවී ඇති බවයි අදාළ කැබිනට් තීරණයේ දැක්වෙයි.

කොවිඩ් 19 හේතුවෙන් ජීවිතක්ෂයට පත්වන අය වෙනුවෙන් පාංශුකූලය ලබාදීමට තම සංවිධානය සූදානම් බව හෙළ බොදු සවිය සංවිධායේ සභාපති බුදුගල ජිනවංශ හිමියෝ පවසති.

රනිල් වික්‍රමසිංහ ද පළපුරුද්ද හා දැක්ම අතින් කිසිවෙකුට සම කළ නොහැකි ඒ වගේ නායකයෙකි. නායකත්වය වඩාත් අවශ්‍ය අවිනිශ්චිත හා අවුල් සහගත කාලවලදී, බාධක බිඳ දමමින් අන් අයට උදව් කිරීම එක්සත් ජාතික පක්ෂයේ නායක රනිල් වික්‍රමසිංහ මැතිතුමාගේ දර්ශනය යි.

යුද හමුදාව අද දිනයේ ද ගම්පහ දිස්ත්‍රික්කයේ ප්‍රදේශ කිහිපයක ජංගම එන්නත්කරණ වැඩසටහන ක්‍රියාත්මක කරනවා.

කොවිඩ් වසංගතය හේතුවෙන් යරට වසා දැමීමක් සිදු නොකරන බව ජනපති ගෝඨාභය රාජපක්ෂ මහතා සඳහන් කර තිබේ.

ගම්පහ දිස්ත්‍රික්කයේ මහර සෞඛ්‍ය වෛද්‍ය නිලධාරී කොට්ඨාසයෙන් අද (18) උදෑසන වනවිට ගතවූ පැය 24 ක කාලය තුල 261 දෙනෙකු වන වැඩිම කොරෝනා ආසාදිතයින් හමුවෙද්දී දිස්ත්‍රික්කයෙන් ආසාදිතයින් 2046 දෙනෙකු වාර්තා ඇත.

විදේශ විනිමය නොමැතිවුවහොත් ඖෂධ ගෙන්වීමට නොහැකි වනු ඇති බවත් ආනයන අපනයන ක්‍රියාවලිය හා පොදු හුවමාරුව නැවතුනහොත් ජනතාවට කන්න නැතිව මැරෙන්න වෙන බව වෙළඳ අමාත්‍ය බන්දුල ගුණවර්ධණ මහතා පවසයි.

හිටපු අමාත්‍ය පාර්ලිමේන්තු මන්ත්‍රී රිෂාඩ් බදියුදීන්ව සැප්තැම්බර් මස 1 වන දා දක්වා රක්ෂිත බන්ධනාගාරගත කිරීමට කොළඹ කොටුව ම​හේස්ත්‍රාත් අධිකරණය විසින් නියෝග කර තිබේ.

රාජ්‍ය ආයතන ප්‍රධානීන්ගෙන් ලැබෙන ඉල්ලීම පරිදි එම ආයතනවල සේවකයින් ප්‍රවාහනය සඳහා ලංගම බස් රථ යෙදවීමට පියවර ගෙන ඇතැයි ප්‍රවාහන රාජ්‍ය අමාත්‍ය දිලුම් අමුණුගම මහතා පවසා සිටියි.

එන්නත්කරණ වැඩසටහන යටතේ ඊයේ පුද්ගලයින් 137,221 කට කොවිඩ් මර්දන එන්නත් ලබා දි ඇති බව වසංගත රෝග විද්‍යා අංශය සදහන් කරයි.

නාවලපිටිය නගර මධ්‍යයේ පිහිටි සුපිරි වෙලද සංකිර්ණය ඉදිරිපිට තිබී නාදුනන පුද්ගල මළ සිරුරක් අද (18දා) දින සොයාගත් බව නාවලපිටිය පොලීසිය පැවසිය.

කොවිඩ් වසංගත තත්ත්වය තුළ අමාත්‍යාංශ මට්ටමින් සෑම අමාත්‍යාංශයක්ම ක්‍රියා කළ යුතු ආකාරය සම්බන්ධයෙන් සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා ඊයේ (17) සියලු අමාත්‍යාංශ ලේකම්වරුන් දැනුවත් කළේය.

වව්නියාවේ සිට යාපනය දක්වා දුම්රිය ධාවනය යළි ආරම්භ කෙරුණා.

ටොසිලිෂුමාබ් නම් ඖෂධය මේ වන විට රටේ දැඩි හිඟයක් පවතින බවත් එය අසාධ්‍ය තත්ත්වයේ සිටින කොවිඩ් රෝගීන්ගේ අත්‍යාවශ්‍ය දිවි රැක දෙන ඖෂධයක් බවත් විපක්ෂනායක සජිත් ප්‍රේමදාස මහතා කියයි.

අමාත්‍ය මණ්ඩලයේ ආවරණ අනුමැතියට යටත්ව ණයවර ලිපි ආරම්භ කර තිබුණත් පසුව අවලංගු කරන ලද ජිප් රථ මිලදී ගැනීම වෙනුවට මෙම යෝජනාව ඉදිරිපත් කර ඇති බව වාර්තා වෙයි.

පවතින කොවිඩ් 19 තත්ත්වය යටතේ තවත් ඔක්සිජන් ලීටර් 360000 අත්‍යාවශ්‍ය බැවින් මෙම යෝජනාව හිටපු සෞඛ්‍ය අමාත්‍යවරිය විසින් කැබිනට් මණ්ඩල අනුමැතියට ඉදිරිපත් කර තිබේ.

වත්තල ඇතුළු ප්‍රදේශ කිහිපයකට අද (18) දිනයේ පැය 12ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය පවසයි.

නිරෝධායන නීති උල්ලංඝනය කිරිම හේතුවෙන් මේ දක්වා පුද්ගලයින් 55,173ක් අත්අඩංගුවට ගෙන තිබේ.

බස්නාහිර සහ සබරගමුව පළාත්වලත්, ගාල්ල, මාතර, මහනුවර සහ නුවරඑළිය දිස්ත්‍රික්කවල විටින් විට වැසි ඇති වේ.