අමාත්‍ය උදය ගම්මන්පිල මහතා අද කොළඹදී පැවැත්වූ මාධ්‍ය හමුවට මොහොතකරට පෙර ජනපති ගෝඨාභය රාජපක්ෂ මහතා විසින් ගම්මන්පිල මහතාට කෙටි පණිවිඩයක් යොමුකර තිබේ. එම මාධ්‍ය හමුවේදී ගම්මන්පිල මහතා සඳහන් කළේ කෙටි පණිවිඩයක් මගින් ජනපති පැවැසූ දෙය තමන්ට ප්‍රකාශ කළ නොහැකි බවයි.

සූම් තාක්ෂණය ඔස්සේ බන්ධනාගාර රැඳවියන්ට ඔවුන්ගේ ඥාතීන් සමග කතාබහ කිරීම සදහා අවස්ථාව සලසාදී ඇතැයි බන්ධනාගාර කළමනාකරණ හා සිරකරුවන් පුනරුත්තාපන කටයුතු රාජ්‍ය අමාත්‍ය ලොහාන් රතවත්තේ පවසනවා.

තෙල් මිල වැඩි කිරීමට මුදල් අමාත්‍යවරයා ලෙස අග්‍රාමාත්‍ය මහින්ද රාජපක්ෂ මහතා ලිඛිතව අනුමැතිය දුන් බව බලශක්ති අමාත්‍ය උදය ගම්මන්පිල මහතා පැවැසීය.

සංචරණ සීමා පවතින කාලයේදී ආර්ථික මධ්‍යස්ථාන සතියේ දින 02ක් විවෘත කර තැබීමට අවසර ලබාදෙන බව කොවිඩ් 19 පැතිරීම පාලනය කිරීමේ ජාතික ක්‍රියාන්විත මධ්‍යස්ථානය පවසයි.

ගම්පහ දිස්තික්කය තුළ සිදු කරන මධ්‍යම අධිවේගි මාර්ගයේ ඉදිකිරිම් තාවකාලිකව අත්හිටවු බව අමාත්‍ය ප්‍රසන්න රණතුංග පැවසීය.

ශ්‍රී ලංකා පොදුජන පෙරමුණේ නිර්මෘතු මෙන්ම දරිද්‍රතාවය තුරන් කිරීමේ ජනපති කාර්ය සාධක බලකායේ ප්‍රධානී හිටපු අමාත්‍ය බැසිල් රාජපක්ෂ මහතා එළැඹෙන 23 දා නැවතත් ශ්‍රී ලංකාවට පැමිණීමට නියමිත බව පොදුජන පෙරමුණට සම්බන්ධ වාර්තා සඳහන් කරයි.

දිවයිනේ සියලු ගොවීන්ට අවශ්‍ය පොහොරවලින් සියයට 76 ක් මේ වන විටත් ගොවිජන සේවා මධ්‍යස්ථාන හරහා බෙදා හැර ඇතැයි කෘෂිකර්ම අමාත්‍ය මහින්දානන්ද අලුත්ගමගේ මහතා කීය.

ළමයින් ශ්‍රමිකයින් ලෙස යොදා ගැනීමට හැකි වයස් සීමාව අවුරුදු 14 සිට 16 දක්වා ඉහළ නංවා තිබේ.

බියගම ගෝනවල ප්‍රදේශයේ නිවසක එකම පවුලේ තිදෙනෙකු කොවිඩ් ආසාදිතව මිය ගොස් ඇත. බියගම සෞඛ්‍ය වෛද්‍ය නිළධාරි කාර්යාලයේ පරිපාලන මහජන සෞඛ්‍ය පරීක්ෂක සමන් පෙරේරා මහතා පැවැසුවේ ගෝනවල ප්‍රදේශයේ නිවසක ගෘහ මුලිකයා වු පියා (51) ජුනි මස 01 දා කොවිඩ් ආසාදිතව රාගම රෝහලේදී මිය ගිය බවයි.

දෛනිකව ලැබෙන පැමිණිලි සංඛ්‍යාවේ වර්ධනයක් මේ දිනවල පෙන්නුම් කරන බව පාරිභෝගික කටයුතු පිළිබඳ අධිකාරිය පවසයි.

තෙල් මිල වැඩි කිරීම සම්බන්ධයෙන් වගකීම භාරගෙන විෂයභාර අමාත්‍ය උදය ගම්මන්පිල මහතා ඉල්ලා අස්විය යුතු බවට ශ්‍රී ලංකා පොදුජන පෙරමුණේ ලේකම්, පාර්ලිමේන්තු මන්ත්‍රී සාගර කාරියවසම් මහතා සිදුකළ ප්‍රකාශය සම්බන්ධයෙන් සිය ස්ථාවරය පැහැදිලි කිරීම සඳහා අමාත්‍ය උදය ගම්මන්පිල මහතා මාධ්‍ය හමුවක් කැඳවා තිබේ.

මෙරටින් ඊයේ වාර්තා වු කොවිඩ් ආසාදිතයින් 2,354 දෙනා අතරින් වැඩිම සංඛ්‍යාවක් වු 561 දෙනෙකු ගම්පහ දිස්ත්‍රික්කයෙන් හදුනාගෙන තිබේ.

ශ්‍රී ලංකාවේ මුහුදු සීමාවේ ගිනි ගැනීමට ලක්ව මුහුදු බත් වෙමින් පවතින එක්ස්ප්‍රස් පර්ල් නෞකාවට අයත් අපද්‍රව්‍ය මෙට්‍රික් ටොන් 1000කට වැඩි ප්‍රමාණයක් මේ වන විට ඉවත කර ඇති බව රාජ්‍ය අමාත්‍ය ආචාර්ය නාලක ගොඩහේවා මහතා පවසයි.

බස්නාහිර පළාත තුළ ඊයේ (12) විශේෂ මෙහෙයුමක් ක්‍රියාත්මක කර ඇත.

ප්‍රබල ගණයේ තවත් මත්කුඩු ජාවාරම්කරුවන් හය දෙනෙකු බූස්ස බන්ධනාගාරය වෙත මාරු කර තිබෙනවා.

රුපියල් බිලියන දෙකක් පමණ වටිනා හෙරොයින් වර්ගයේ මත්කුඩු කිලෝ 200කට ආසන්න ප්‍රමාණයක් සමග සැකකරුවන් 9ක් අත්අඩංගුවට ගෙන තිබේ.

නිරෝධායන නීති උල්ලංඝනය කිරිම හේතුවෙන් ගතවු පැය 24ක් තුළ පොලීසිය විසින් සැකකරුවන් 1353 දෙනෙකු අත්අඩංගුවට ගෙන තිබේ.

ජුනි 12දා එන්නත් 136677ක් ලබා දෙයි

පළිබෝධ තහනම පිළිබඳ ආධාරකරුවන් පවසන්නේ කෘෂි රසායනික දැවැන්තයන් වන ස්විට්සර්ලන්තයේ සින්ජෙන්ටා සහ ජර්මනියේ බේයර් සහ BASF වැනි නිෂ්පාදන සෞඛ්‍යයට හා පරිසරයට අනතුරක් කරන බවයි. නිෂ්පාදකයින් පවසන්නේ ඔවුන්ගේ පළිබෝධනාශක දැඩි ලෙස පරීක්ෂා කර නියාමනය කර ඇති අතර ඒවා නොමැතිව බෝග අස්වැන්න අඩුවනු ඇති බවයි.

කොවිඩ් ආසාදිත තවත් මරණ 63ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

කොරෝනා මර්දන එන්නත පෞද්ගලික ඔසුසැල්වල සේවකයින් සඳහා ලබාදීමට කටයුතු නොකරන්නේ නම් ඉදිරියේ දී ඔසුසැල් වසා දැමීමට සිදුවන බව සමස්ත ලංකා පෞද්ගලික ඔසුසැල් හිමියන්ගේ සංගමය පවසයි.

ඉන්ධන මිල ඉහළ නැංවීමට ගත් අත්තනෝමතික තීන්දුව ආපසු හැරවීම මිස අණ්ඩුවට ගැලවීමට වෙනත් කිසිදු ක්‍රියාමාර්ගයක් නැතැයි, විපක්ෂ නායක සජිත් ප්‍රේමදාස මහතා අවධාරණය කර සිටී.

සියලුම නිදහස් වෙළඳ කලාපවල සේවක සේවිකාවන් සඳහා ජූලි මස මුල් සතියේ පළමු එන්නත් මාත්‍රාව ලබාදෙන බව තරුණ හා ක්‍රීඩා අමාත්‍ය නාමල් රාජපක්ෂ මහතා අද (12) දින පැවසීය.

දිවුලපිටිය බ්‍රැන්ඩික්ස් කර්මාන්තශාලාවේ කොවිඩ් ආසාදිතයාගෙන් පසුව මේ දක්වා වර්තා වී ඇති ආසාදිතයන් සංඛ්‍යාව 214431කි.

කොවිඩ්-19 වසංගතයේදී සෞඛ්‍ය අංශ විසින් නිර්දේශ කරන ලද මහජන සෞඛ්‍ය පුරුදු අනුව යමින්, මුඛ ආවරණයකින්ද මෙම ’’කොරෝනා දේව මාතා’’ පිළිරුව සැරසී සිටීම සුවිශේෂී අවස්ථාවකි.

ඉන්ධන මිල වැඩි කිරීම සම්බන්ධයෙන් විෂයභාර ඇමතිවරයා ඍජුව වගකිවයුතු බවත් ජනතාව පීඩාවට පත්කිරීමේ වගකීම භාරගෙන ඇමතිවරයා වහාම ඉල්ලා අස්විය යුතු බවත් ශ්‍රී ලංකා පොදුජන පෙරමුණේ ලේකම් සාගර කාරියවසම් මහතා නිවේදනයක් නිකුත් කරමින් කියා සිටියි.

එක්ස්ප්‍රස් පර්ල් නෞකා අනතුරෙන් බලපෑමට ලක්වූ පානදුර සිට මීගමුව දක්වා මුහුදු තීරය නිසි අධ්‍යනයකින් අනතුරුව කඩිනමින් ධීවර කටයුතු සඳහා විවෘත කරන ලෙස අග්‍රාමාත්‍යවරයා නිලධාරීන්ට උපදෙස් දී තිබේ.

කොවිඩ්-19 වසංගත තත්ත්වය හේතුවෙන් වසා දමා තිබෙන පාසල් නැවත ආරම්භ කිරීමේ දී දරුවන් මුහුණපා ඇති ගැටලු හඳුනා ගැනීම සඳහා ළමා රෝග විශේෂඥ වෛද්‍යවරුන්ගේ සහය ලබා ගන්නා ලෙස ඊයේ (11) පස්වරුවේ අධ්‍යාපන බලධාරීන්ට උපදෙස් දුන් බව අග්‍රාමාත්‍ය මහින්ද රාජපක්ෂ මහතා පවසයි.

අද (12) දිනය තුළ කොවිඩ් -19 ආසාදිතයින් 1,633ක් හඳුනාගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.