මහනුවර පුද්ගලයික් 185 ක් මිය ගොස් 229 ක් අතුරුදහන්

දිවයින පුරා ඇති වූ අධික වැසි සහිත කාලගුණ තත්වය හේතුවෙන් අද 04  වනදා දක්වා ලැබී ඇති වාර්තා අනුව  දිවයිනේ වැඩිම ආපදා මරණ  ගණන අතුරුදහන්වීම් ගණන වාර්තා කරමින්  මහනුවර දිස්ත්‍රික්කයේ පුද්ගලයින්  185 දෙනෙකු මිය ගොස් තවත් පුද්ගලයින් 229  දෙනෙකු අතුරුදහන් වී ඇති බව ආපදා කළමණාකරණ මධ්‍යස්ථානයේ මහනුවර දිස්ත්‍රික්  සහකාර අධ්‍යක්ෂ  ඉන්දික රණවීර මහතා පවසයි

මහනුවර දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂ ඉන්දික රණවීර මහතා තව දුරටත් සඳහන් කරන්නේ අද (04)   මහනුවර දිස්ත්‍රික්කය තුල පවුල් 32,987  කට අයත් පුද්ගලයින්  1,05,427  ක් පීඩාවට පත්ව ඇති බවයි.

මෙයට අමතරව පවුල් 20,000 ක පුද්ගලයින්67,921  ක් අවතැන් වී ඇති බවත් ඔවුන්ගෙන්  පවුල් 8471  ක පුද්ගලයින් 29,257  දෙනෙකු  ආරක්ෂිත  ස්ථාන 319  ක රඳවා ඇති  බවත් සහකාර අධ්‍යක්ෂ ඉන්දික රණවීර මහතා තව දුරටත් පැවසීය. ඉතිරි පවුල් 11,277 ප පුද්ගලයින්  41,017 ක පිරිස ඥාති නිවෙස්වල පදිංචිව සිටින බව්ත් ඒ මහතා කීය.   

මහනුවර දිස්ත්‍රික්කයේ නිවාස 1259  ක් සම්පූර්ණයෙන් විනාශ වී ඇති අතර තවත් නිවාස 10,014  කට අර්ධ හානි සිදුව ඇති බවත් ඒ මහතා තව දුරටක් කිීය. ආපදාවට පත් පුද්ගලයින් සඳහා සහන සැලසීම මහනුවර දිස්ත්‍රික් ලේකම් ඉන්දික උඩවත්ත මහතාගේ උපදෙස් මත ආපදා කළමණාකරණ මධ්‍යස්ථානය සහ අදාළ ප්‍රා දේශීය ලේකම් කාර්යාලවල  සහායෙන් සිදු කරන බවත්  රණවීර මහතා තවදුරටත් කීය

මොහොමඩ් ආසික්