එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා ලබන සතියේ රුසියානු සහ යුක්රේන නායකයන් හමුවීමට නියමිතය.

වතු යටිතල පහසුකම් රාජ්‍ය අමාත්‍යවරයා ලෙස පසුගියදා වැඩ භාරගත් බදුල්ල දිස්ත්‍රික් පා.ම එස්. අරවින්ද කුමාර් මහතාගේ තලවකැලේ ලිදුල මෙරායා ප්‍රදේශයේ පිහිටි නිවස ඉදිරිපිට අද (23) දින තරුණයන් පිරිසක් උද්ඝෝෂණයක නිරත විය.

සිමෙන්ති මිල ඉහළ නැංවීමට සිමෙන්ති ආනයනකරුවන් සූදානම් වෙයි. ඉන්ධන මිල ඉහළ යාම හා ඇමෙරිකානු ඩොලරයට සාපේක්ෂව රුපියල දිගින් දිගටම බාල්දු වීම හෙතුවන් මෙම තීරණය ගන්නා බව ඔවුන් පවසයි.

ගියපාර මැතිවරණයේදී කිව්වා මූල්‍ය අර්බුදයක් එනවා කියලා. අයි.එම්.එෆ්. යන්න ඕන කිව්වා. තිත්ත ඇත්ත කියපු නිසා අපිට ගෙදර යන්න වුණා. අපේ ජනතාව මේක පිළිගන්න ලෑස්ති වෙන්න ඕන. දේශපාලකයන් ඇත්ත කියන්න ඕන. නැත්නම් මෙකෙන් ගොඩ එන්න බෑ.

රඹුක්කනදී පැහැරගත් බව කී තරුණයා අපරාධ පරීක්ෂණ දෙපාර්තමේන්තුව විසින් සිය භාරයට ගෙන ඇති බව වාර්තා වෙයි.

ඉදිරි තෙවසරේ දී සැමට පිරිසිදු ජලය, සනීපාරක්ෂක සහ ජලය ආශ්‍රිත යටිතලපහසුකම් සැපයීම රජයේ ජාතික ඉලක්කය බව ජනාධිපති ගෝඨාභය රාජපක්ෂ මහතා පවසයි.

මොන අන්තර්පාලනයක්ද? එකාට එකා නැතිව කොහොමද අන්තර්පාලනයක් ගේන්නේ. එක එක්කෙනාගේ ප්‍රතිපත්ති, එකඟතාවන් නැතිව කොහොමද අන්තර්පාලනයක් ගේන්නේ. අන්තර්පාලනයක් ගේනවානම් මගේ ප්‍රධානත්වයෙන් තමයි ගේන්න ඕන. රනිල් වික්‍රමසිංහ හෝ වෙනත් අය දාගෙන මේක කරන්න හදනවනම් මම හිතන්නේ නෑ අනෙක් අය මේකට කැමතිවෙයි කියලා.

පොලිස් වෙඩි ප්‍රහාරයෙන් මියගිය චමින්ද ලක්ෂාන්ට යුක්තිය ඉල්ලා රඹුක්කන නරගයේ සාමකාමී විරෝධතාවක් සංවිධානය කර තිබේ. චමින්ද ලක්ෂාන්ගේ දේහය පිළිබඳ අවසන් කටයුතු අද (23දා) සිදුකිරීමට නියමිතව තිබේ.

අගමැතිවරයා සිය ධුරයෙන් ඉවත්ව නව අගමැතිවරයෙකු පත්කළ යුතුයැයි විශ්වාසකරන පාර්ලිමේන්තු මන්ත්‍රී සංඛ්‍යාව මේ වනවිට 115 ඉක්මවා ගොස් ඇතැයි වාර්තා වේ.

පොලිස් වෙඩි ප්‍රහාරයකින් ජීවිතක්ෂයට පත්වූ රඹුක්කන චමින්ද ලක්ෂාන් මහතාගේ දේහය පිළිබඳ අවසන් කටයුතු අද පස්වරුවේ රඹුක්කන, නාරන්බැද්දේදී සිදුකිරීමට නියමිතය.

පාර්ලිමේන්තු මන්ත්‍රී නසීර් අහමඩ් මහතා සිය පක්ෂයෙන් නෙරපා හැරීම නීත්‍යානුකූලව තහවුරු වුවහොත් ඔහුගේ පාර්ලිමේන්තු මන්ත්‍රී ධුරය අහිමි වනු ඇති බව ශ්‍රී ලංකා මුස්ලිම් කොංග්‍රසය නායක පාර්ලිමේන්තු මන්ත්‍රී රවුෆ් හකීම් මහතා පැවැසීය.

ඉන්දීය රජය විසින් පරිත්‍යාග කරන ලද ඖෂධ වර්ග 101ක් සහ ශල්‍ය උපකරණ ලබන බදාදා දිවයිනට ළඟා වන බව සෞඛ්‍ය අමාත්‍ය මහාචාර්ය චන්න ජයසුමන පැවසීය.

ඒ අනුව අමාත්‍යධුරයේ දිවුරුම් දීමෙන් අනතුරුව දින දෙකකින් පසුව ඔහු මෙසේ සිය ධුරයෙන් ඉල්ලා අස්වීමට තිරණය කර තිබුණේ අන්තර්වාර රජයක් පත්කිරීම වෙනුවෙනි. කෙසේ වෙතත් ඔහුගේ ඉල්ලා අස්වීම ජනපතිවරයා භාරගෙන නොමැති බව වාර්තා වෙයි.

වර්ෂාව හේතුවෙන් ජලය ගලා යාමට කාණුවක් කැපිමේ සිදුවීමක් හේතුවෙන් පුද්ගලයෙකුට උදැල්ලකින් පහරදී ඝාතනය කර ඇතැයි පොලීසිය පවසයි.

ජාත්‍යන්තර මූල්‍ය අරමුදල සමග වැඩසටහනකට යාම තෙක් වූ කාලසීමාව වෙනුවෙන් ශ්‍රී ලංකාවට අවශ්‍ය විදේශ විනිමය සපයා ගැනීම වෙනුවෙන් ලෝක බැංකුව සමග පැවැත්වූ සාකච්ඡා සාර්ථක වූ බව මුදල් අමාත්‍ය අලි සබ්‍රි මහතා පවසයි.

ආණ්ඩු පක්ෂයේ සිටිමින් ස්වාධීන වූ මන්ත්‍රීවරු අතරින් මන්ත්‍රීවරු 07ක් ශ්‍රී ලංකාවේ චීන තානාපති චී ෂෙන්හොන් මහතා හමුවී තිබේ.මෙහිදී එම මන්ත්‍රීවරුන් ශ්‍රී ලංකාවේ වර්තමාන තත්ත්වය පිළිබඳව සිය මතය ඉදිරිපත් කළ බව තානාපති කාර්යාලය සිය ට්විටර් ගිණුමෙන් පවසයි.

දිවයිනේ බොහෝ ප්‍ර දේශවලට අද දිනයේදී වැසි හෝ ගිගුරුම් සහිත වැසි අපේක්ෂා කරන බව කාලගුණ විද්‍යා දෙපාර්තමේන්තුව පවසයි.

ආර්ථික හා සමාජීය සංවර්ධනය සඳහා ශ්‍රී ලංකාවට සහාය දෙන බවට චීන අග්‍රාමාත්‍යවරයා සහතික වෙයි. අග්‍රාමාත්‍ය මහින්ද රාජපක්ෂ මහතා සමඟ පැවති දුරකථන සංවාදයකදී චීන අග්‍රාමාත්‍ය ලී කෙකියෑන්ග් මහතා මෙම සහතිකය ලබා දි තිබේ. මෙහිදි ඔහු ප්‍රකාහ කර ඇත්තේ ආර්ථික හා සමාජීය සංවර්ධනයේ වැඩි ස්ථාවරත්වයක් සඳහා ශ්‍රී ලංකාවට චීනයේ සහාය ලබා දෙන බවයි.

කෝප් කමිටුවට පැමිණිමට නියමිතව තිබියදී තම ඉල්ලා අස්වීම ප්‍රකාශ කළ සීමාසහිත ලංකා ගොඩනැගිලි ද්‍රව්‍ය සංස්ථාවේ සභාපතිවරයා නැවත කෝප් කමිටුවට කැඳවා තිබුණි.

අග්‍රාමාත්‍යවරයා ප්‍රමුඛ කැබිනට් මණ්ඩලය ඉල්ලා අස්වී සර් ව පාක්ෂික නව ආණ්ඩුවක් පිහිටුවීමට පාර් ලිමේන්තුවට අවස්ථාව ලබාදිය යුතු බව හිටපු අමාත්‍ය ඩලස් අලහප්පෙරුම මහතා පවසයි.

ලිට්‍රෝ ගෑස් සමාගම ගෑස් මිල රුපියල් 2500 කින් ඉහළ දැමීමට ගත් තීරණය අවලංගු කිරීමට රජය පියවර ගෙන තිබේ.

ජාත්‍යන්තර මූල්‍ය අරමුදල සම්බන්ධයෙන් පැවැත්වුණු සාකච්ඡා ගැන මුදල් අමාත්‍යවරයා ලබන මස 4 වෙනිදා ප්‍රකාශයක් කිරීමට නියමිත අතර එදින ඒ පිළිබඳ සාකච්ඡාවක් පැවැත්වීමටද පාර්ලිමේන්තු කටයුතු පිළිබඳ කාරක සභාව අද (22දා) තීරණය කළ බව සභානායක දිනේෂ් ගුණවර්ධන මහතා පැවසීය.

ශ්‍රී ජයවර්ධනපුර, කෝට්ටේ පාර්ලිමේන්තු සංකීර්ණය විවෘත කර වසර 40ක් සපිරීම නිමිත්තෙන් මෙම මස 25 හා 26 යන දෙදින පැවැත්වීමට නියමිතව තිබූ පුණ්‍ය කටයුතු රටේ වත්මන් තත්ත්වය සැලකිල්ලට ගෙන කල්දැමීමට කතානායකවරයා තීරණය කර තිබේ.

බලපත්‍රයට අදාළ ප්‍රමාණයට වඩා වැඩියෙන් තේක්ක දැව කැබලි තොගයක් ප්‍රවාහනය කරමින් තිබූ කන්ටේනර් රථයක් සමග පුද්ගලයන් දෙදෙනෙකු සැකපිට අත්අඩංගුවට ගත් බව කරුවලගස්වැව වනජීවී අඩවි ආරක්ෂක කාර්යාලය පැවසීය.

ලිට්‍රෝ ගෘහස්ථ ගෑස් 12.5 සිලින්ඩරයක මිල රුපියල් 5,175 දක්වා ඉහළ දැමීමට තීරණය කර තිබේ. මෙම මිල වැඩිවීම අද (22දා) මධ්‍යම රාත්‍රියේ සිට ක්‍රියාත්මක වේ.

මවුස්සාකැලේ සහ කාසල්රි ජල පෝෂක ප්‍රදේශවලට අද (22දා) තද වැසි ලැබෙමින් පවති.මවුස්සාකැලේ ජල පෝෂක ප්‍රදේශය වන මස්කෙලිය , ශ්‍රි පාද නල්ලතන්නිය , අප්කට් , සාමිමලේ යන ප්‍රදේශවලට මෙම වර්ෂාව පතිත වු බව ප්‍රදේශවාසින් පැවසිය.

රඹුක්කන සිදුවීම සම්බන්ධයෙන් කරුණු දැක්වීම සඳහා පොලිස්පතිවරයා ඇතුළු උසස් පොලිස් නිලධාරීන් පිරිසක් අද (22දා) ශ්‍රි ලංකා මානව හිමිකම් කොමිෂන් සභාව වෙත පැමිණියහ.

ගාලුමුවදොර ජනාධිපති ලේකම් කාර්යාලය ඉදිරිපිට උපවාසයේ නිරත වූ තෙරිපැහැ සිරිධම්ම හිමියන් කොළඹ ජාතික රෝහලට අද (22දා) ඇතුළත් කෙරිණි.

කුමන පැත්තක් 113ක් පෙන්නුවත් වත්මන් ප්‍රශ්න විසඳිය නොහැකි බවත් යථාර්ථය තේරුම් ගෙන සැම දෙනාම එකතු වී ගමනක් යා යුතු බවත් පාර්ලිමේන්තු මන්ත්‍රී රනිල් වික්‍රමසිංහ මහතා අද (22දා) පාර්ලිමේන්තුවේදී පැවසීය.