මීගමුව පෙරියමුල්ල ප්‍ර දේශයේ නොසන්සුන් තත්ත්වයක් වාර්තා වි තිබේ. මෙහිදි දෙපිරිසක් අතර ගැටුමක්ද හටගෙන තිබේ. ගැටුම හේතුවෙන් කඩසාප්පු හා වාහන කිහිපයක්ද ගිනි තබා විනාශ කර තිබේ.

බ්‍රිතාන්‍ය රැජින පාර්ලිමේන්තුවේ සමාරම්භක උත්සවයට සහභාගී නොවන බව බකිංහැම් මාලිගය නිවේදනයක් නිකුත් කරමින් පවසයි.

සිය ධුරයෙන් ඉල්ලා අස්වූ අග්‍රාමාත්‍ය මහින්ද රාජපක්ෂ මහතා රටින් පලා නොයන බව ඔහුගේ හිටපු අමාත්‍ය නාමල් රාජපක්ෂ මහතා ඒ.එෆ්.පී. පුවත් සේවය වෙත අද (10දා) පවසා තිබේ.

මහජන දේපළ කොල්ලකන හෝ පුද්ගල හානි සිදුකරන සියලු තැනැත්තන්ට වෙඩි තැබීම සඳහා ආරක්ෂක අමාත්‍යාංශය විසින් ත්‍රිවිධ හමුධාව වෙත නියෝග කර ඇතැයි ආරක්ෂක අමාත්‍යාංශය නිවේදනයක් නිකුත් කරමින් සඳහන් කරයි.

මෘදුකාංග ක්ෂේත්‍රයේ ප්‍රවීණයෙකු සහ ලෝක සෞඛ්‍ය සංවිධානයේ ඉහළම පරිත්‍යාගශීලියා පවසන්නේ ඔහුට කොවිඩ්-19 ධනාත්මක බව පරීක්‍ෂා කළ බවයි.

පුරවැසියන්ට එරෙහිව සිදුකරන ප්‍රචණ්ඩත්වය සහ පළිගැනීමේ ක්‍රියා නවත්වා සන්සුන්ව සිටින ලෙස ජනතාවගෙන් ඉල්ලා සිටින බව ජනපති ගෝඨාභය රාජපක්ෂ මහතා පවසයි.

මහ බැංකු අධිපත් ආචාර්ය නන්දලාල් වීරසිංහ මහතා හා මුදල් අමාත්‍යාංශ ලේකම් මහින්ද සිරිවර්ධන මහතා සමග ශ්‍රී ලංකාව සම්බන්ධයෙන් පැය 3කට අධික සාකච්ඡාවක් පැවැත්වූ බව සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා පවසයි.

ආණ්ඩු පක්ෂයට සම්බන්ධ මැරයන් මයිනාගෝගමට හා ගෝඨාගෝගමට එල්ල කළ ප්‍රහාරයත් සමග දිවයින පුරා ඇතිවූ නොසන්සුන් තත්ත්වයත් සමග මේ වන විට පුද්ගලයන් 08ක් ජිවිතක්ෂයට පත්ව තිබේ.

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට පිරිසක් පහරදි ඇති බව වාර්තා වෙයි.

රට තුල වර්ථමානයේ උද්ගතව ඇති නොසන්සුන්කාරී හා අරාජික තත්ත්වය හමුවේ නීතිය හා සාමය නිසි පරිදි ස්ථාපති කරන ලෙස වගකිව යුතු සියලු පාර්ශවයන්ගෙන් ඉල්ලා සිටින බවත් එසේ නොවන්නේ නම් වහාම ක්‍රියාත්මක වන පරිදි රාජකාරි වලින් බැහැරවීමේ ක්‍රියාමාර්ගයකට එලැඹීමට සිදුවන බවත් ශ්‍රී ලංකා ආගමන හා විගමන නිලධාරීන්ගේ සංගමය සඳහන් කරයි.

හිටපු අග්‍රාමාත්‍ය මහින්ද රාජපක්ෂ මහතා ඇතුළු පවුලේ උදවිය ත්‍රිකුණාමලය නාවික හමුදා කඳවුරේ සිටින බවට පළවූ වාර්තා අනුව ත්‍රිකුණාමලය ජනතාව මේ වන විට විශාල වශයෙන් එම ස්ථානයට පැමිණෙමින් සිටියි.

මහ බැංකු අධිපති ආචාර්ය නන්දලාල් විරසිංහ මහතා, මුදල් අමාත්‍යාංශ ලේකම් මහින්ද සිරිවර්ධන යන මහත්වරුන් විපක්ෂනායක සජිත් ප්‍රේමදාස මහතා ඇතුළු සමගි ජන බලවේගයේ මන්ත්‍රිවරු පිරිසක් හමුවි තිබේ.

මයිනාගෝගම සහ ගෝඨාගෝගම අරගල භූමි වෙත එල්ල කල ප්‍රහාරය සැලසුම් කල හිටපු අග්‍රාමාත්‍ය මහින්ද රාජපක්ෂ වහා අත්අඩංගුවට ගෙන නීතිය ක්‍රියාත්මක කරන ලෙස නීතිීඥවරුන් පොලිස්පතිවරයාගෙන් ඉල්ලා තිබේ.

හමුදා පාලනයක් ඇතිකිරිම වෙනුවෙන් වූ මාර්ග අවහිර කිරීමට කටයුතු කරන ලෙස හිටප ජනපතිනී චන්ද්‍රිකා බණ්ඩාරනාක කුමාරතුංග මහත්මිය පවසයි.

අද පෙරවරුවේ ගුවන් හමුදාවට අයත් හෙලිකොප්ටර් යානාවක් මගින් කොළඹ ක්ෂේත්‍ර බලකා මූලස්ථානයේ සිට සිට පිරිසක් ත්‍රිකුණාමලය වෙත රැගෙන ගොස් ඇති බව වාර්තා වෙයි.

අනුරාධපුරයේ සිටින ඥානක්කා නම් කාන්තාවට අයත් බව කියන හෝටලකට ප්‍ර දේශවාසීන් විසින් පහරදී අලාභහානී සිදුකර ඇති බව වාර්තා වෙයි.

රට මේ වන විට පත්ව ඇති අරාජික තත්ත්වයට විසඳුම් සෙවීම වෙනුවෙන් වහාම පාර්ලිමේන්තුව කැඳවිමට පියවර ගන්නැයි කථානායක මහින්ද යාපා අබේවර්ධන මහතා ජනපති ගෝඨාභය රාජපක්ෂ මහතාගෙන් ඉල්ලීමක් කර තිබේ. පාර්ලිමේන්තුව නැවතත් කැඳවීමට නියමිතව ඇත්තේ ලබන මස 17 වැනිදායි.

කොළඹ අරලිය ගහ මන්දිරය අසළ පැවැති නොසන්සුන්කාරි තත්ත්වය පාලනය කිරීම සඳහා කඳුුු ගෑස් ප්‍රහාර ඒල්ල කරමින් සිටි උප පොලිස් පරීක්ෂකවරයෙක් ජිවිතක්ෂයට පත්ව තිබේ. කඳුුුලු ගෑස් ප්‍රහාර එල්ලකිරී‌මේදී ඇතිවූ පිපිරීමකින් පසුව මෙම මරණය සිදුව තිබේ.

තමන් දේශපාලනයෙන් හම්බකරගත් රුපියලක්වත් නොමැති බවත් උපකාරක පංති පැවැත්වීමෙන් උපයාගත් සියලුම දේපළ ගිනි තබා විනාශ කර ඇති බවත් පාර්ලිමේන්තු මන්ත්‍රී ගුණපාල රත්නසේකර මහතා පවසයි. එසේම තමන් දිවි ඇතිතෙක් යළි දේශපාලනයට නොඑන බවත් ඔහු වැඩිදුරටත් සිය ෆේස්බුක් ගිණුමෙන් පවසයි.

තමන් දේශපාලනයෙන් හම්බකරගත් රුපියලක්වත් නොමැති බවත් උපකාරක පංති පැවැත්වීමෙන් උපයාගත් සියලුම දේපළ ගිනි තබා විනාශ කර ඇති බවත් පාර්ලිමේන්තු මන්ත්‍රී ගුණපාල රත්නසේකර මහතා පවසයි. එසේම තමන් දිවි ඇතිතෙක් යළි දේශපාලනයට නොඑන බවත් ඔහු වැඩිදුරටත් සිය ෆේස්බුක් ගිණුමෙන් පවසයි.

පැය ගණනාවක් අරලිය ගහ මන්දියර තුළ සිරව සිටි හිටපු අගමැති මහින්ද රාජපක්ෂ ආරක්ෂක අංශයේ දැඩි ආරක්ෂාවක් මැද එයින් පිටතට ගෙන ඇති බව වාර්තාවෙයි.

සාමකාමීව අරගලයක යෙදුන මයිනාගෝගම හා ගෝඨාගෝගම අරගලකරුවන් පහරදීම සඳහා ආණ්ඩුවට සම්බන්ධ පිරිස් විවිධ බන්ධනාගාරවල සිරගතව දඩුවම් ලබන පිරිස්ද ගෙනවිත් තිබේ.

පහර කෑමක් හේතුවෙන් සුළු තුවාල ලැබූ පාර්ලිමේන්තු මන්ත්‍රී කුමාර වෙල්ගම මහතා හොරණ රෝහලට ඇතුළත් කර ඇති බව වාර්ත වෙයි. ඔහුව හඳුනා ගැනීමට නොහැකිවූ පිරිසක් විසින් මෙම පහරදීම සිදුකර ඇති බව වාර්තා වෙයි.

කොළඹ අරලිය ගහ මන්දිරය අසළ වෙඩි ශබ්ද කිහිපයක් ඇසුණු බව ඒ අවට රැස්ව සිටින ජනතාව සඳහන් කරයි. කෙසේ වෙතත් අරලිය ගහ මන්දිරය අසළට රැස්ව සිටින ජනතාව පාලනය කිරීමේ අපේක්ෂාවෙන් පොලීසිය විසින් වෙඩි ප්‍රහාර කිහිපයක් අහසට තබා ඇති බව මේ පිළිබඳව කළ සොයා බැලීමකදී වාර්තා විය.

මහජන ආරක්ෂක ආඥාපනතේ 16 වන වගන්තිය යටතේ වූ නියමයන්ට අනුකූලව අද (09) රාත්‍රී 7.00 සිට හෙට (10) උදෑසන 7.00 දක්වා බල පැවැත්වෙන පරිදි මුළු දිවයිනටමපනවා තිබූ ඇඳිරි නීතිය 2022-05-11 වන බදාදා උදෑසන 7.00 දක්වා දීර්ඝ කෙරේ.

අරලිය ගහ මන්දිරය අසළ ආරක්ෂාව සඳහා ත්‍රිවිධ හමුදාව, පොලීසිය ඇතුව ආරක්ෂක අංශ විශාල පිරිසක් අරලිය ගහ මන්දිරය වෙත පමිණ තිබේ. කෙසේ වෙතත් එම ස්ථානයට ජනතාව සුළු පිරිසක් පැමිණ සිටියි.

වීරකැටිය ප්‍රා දේශීය සභාපතිවරයාගේ නිවාස පරිශ්‍රයේ සිදුවූ වෙඩි තැබීමකින් පුද්ගලයන් දෙදෙනෙක් ජීවිතක්ෂයට පත්ව ඇති බව වාර්තා වෙයි. මෙම සිදුවීමෙන් තවත් පස් දෙනෙක් තුවාල ලබා තිබේ.

මහජන ආරක්ෂක ආඥාපනතේ 16 වන වගන්තිය යටතේ වූ නියමයන්ට අනුකූලව අද (09) රාත්රීර 7.00 සිට හෙට (10) උදෑසන 7.00 දක්වා බල පැවැත්වෙන පරිදි මුළු දිවයිනටම ඇඳිරි නීතිය පනවා තිබේ. බලය දෙනු ලබන නිලධාරියෙකු විසින් ප්රවදානය කරන ලද ලිඛිත අවසර පත්රනයක අධිකාරය යටතේ මිස පොදු මාර්ගයක, දුම්රිය මාර්ගයක, පොදු උද්යා්නයක, පොදූ ක්රී ඩා භූමියක හෝ වෙනත් පොදු භූමියක හෝ එම ප්රසදේශවල මුහුදු වෙරළේ රැඳී සිටීමට කිසිවෙකුට අවසර නැත.

අග්‍රාමාත්‍ය කාර්යාලය වන කොළඹ පිහිටි අරලිය ගහ මන්දිරය වටලා විශාල පිරිසක් විරෝධය දක්වමින් සිටියි. ඔවුන් පළවා හැරීම වෙනුවෙන් පොලීසිය තෙවැනි අවස්ථාවටත් කඳුළු ගෑස් ප්‍රහාරයක් එල්ල කර තිබේ.