ඉන්දියානු ණය ආධාර සහ අනෙකුත් ණය ආධාර භාවිතා කර රටේ ඖෂධ හිඟය ඉක්මනින්ම විසඳීමට කටයුතු කරන ලෙස කෝප් කමිටුවේ සභාපති පාර්ලිමේන්තු මන්ත්‍රී මහාචාර්ය චරිත හේරත් මහතා කෝප් කමිටුවේදී නිර්දේශ කළේය.

ශ්‍රී ලංකා සංචිතය - දසුන් ශානක (නායක), පැතුම් නිශ්ශංක, ධනුෂ්ක ගුණතිලක, කුසල් මෙන්ඩිස්, චරිත් අසලංක, භානුක රාජපක්ෂ, නුවිඳු ප්‍රනාන්දු, ළහිරු මධුශංක, වනිඳු හසරංග, චාමික කරුණාරත්න, දුෂ්මන්ත චමීර, කුස්න රාජිත, නුවන් තුෂාර, මතීෂ පතිරණ, රමේෂ් මෙන්ඩිස්, මහීෂ් තික්ෂණ, ප්‍රවීන් ජයවික්‍රම, ලක්ෂාන් සඳකැන්

වගාවට යැයි කියමින් කැබිලිත්ත වනාන්තරයට අයත් ඉඩම් බලහත්කාරයෙන් අත්පත් කර ගැනීමට මොණරාගල ඇතැම් පුද්ගලයින් ඊයේ (31දා) සහ අද (01දා) තුළ උත්සාහ දරමින් සිටින බව වන සංරක්ෂණ අමාත්‍යාංශය පවසයි.

කන්දෙ විහාරයේ භාරකාරිත්වය යටතේ සිටින මුතු රාජා නැමැති හස්තියා මේ වන විට රොගාතුරව සිටින බවත් මෙම හස්තියාට වගකිවයුතු වෛද්‍යවරයෙක් විසින් ප්‍රථිකාර නොකලහොත් හස්තියාගේ තත්වය බරපතල විය හැකි බව පාරසරික හා සංසකෘතික අධ්‍යන මධ්‍යස්ථානයේ කළමනාකරණ අධ්‍යක්ෂ සුජීව ජාසිංහ මහතා පැවසිය.

අත්අඩංගුවට ගැනීම වෙනුවෙන් සොයමින් සිටින හිටපු පාර්ලිමේන්තු මන්ත්‍රී ජයවර්ධන පුර රෝහල වෙත ඇතුළත්ව ඇති බව වාර්තා වෙයි. ඔහුව අත්අඩංගුවට ගැනීම සඳහා අපරාධ පරීක්ෂණ කණ්ඩායමක් මේ වන විට ජයවර්ධනපුර රෝහලට ගමන් කරමින් සිටින බවද වාර්තා වෙයි.

හෝමාගම පිටිපන අති සුඛෝපභෝගී නිවසක සිවිලිමක් තුළ නීති විරෝධී මත්පැන් ජාවාරම සිදුකළ පුද්ගලයන් දෙදෙනෙක් ඊයේ (31දා) රාත්‍රියේ අත්අඩංගුවට ගත් බව හෝමාගම පොලිසිය පවසයි.

HS ඛේත 369ක භාණ්ඩ ආනයන කිරීමට පනවා තිබූ බාධා ඉවත් කිරීමට මුදල් අමාත්‍යාංශය තීරණය කර තිබේ. ඒ අනුව අදාල භාණ්ඩ ජුනි 01 දා සිට ආනයනය කිරීමට අවසර ලැබෙන නමුත් ඒ වෙනුවෙන් පනවා ඇති බදු, රෙගුලාසි හා රීති තවදුරටත් ක්‍රියාත්මක බව මුදල් අමාත්‍යාංශය පවසයි.

රටම අසරණ වී සිටින මෙවන් අවස්ථාවක ඉන්දියාවෙන් දුන් සහනාධාර මල්ල බදාගෙන දේශපාලනය කිරීමට නොයන ලෙස ජීවන් තොණ්ඩමන් මහතාට තරයේ කියා සිටින බව ශ්‍රී ලංකා ග්‍රාම නිලධාරී සංගමයේ ජාතික සංවිධායක නෙවිල් විජේරත්න මහතා පවසයි .

මේ සම්බන්ධයෙන් විභාග දෙපාර්තමේන්තුවෙන් ලබාගත් තොරතුරු මත මෙම ශාලාව, විභාග ශාලාවක් ලෙස තෝරාගැනීමත් වැසි සහිත අවස්ථාවක ක්ෂණික පියවර ගෙන ශාලාව වෙනස් නොකිරීමත් පිළිබඳව විභාග දෙපාර්තමේන්තුවට පරීක්ෂණයක් කරන ලෙස අධ්‍යාපන අමාත්‍යාංශය දිනැම් දී තිබේ.

යුද හමුදාපති ලුතිතන් ජෙනරල් විකුම් ලියනගේ මහතා අද (01දා) උදෑසන එම ධූරයේ වැඩභාරගත්තේය.ඔහු 24වන යුද හමුදාපතිවරයා වෙයි.

පාර්ලිමේන්තු මන්ත්‍රීවරුන්ට පාර්ලිමේන්තුවෙන් ලබාදෙන ආහාර වේල පිළිබඳව හෙට දිනයේදී තින්දුවක් ගැනීමට නියමිතව තිබේ.

අයහපත් කාලගුණ තත්ත්වයෙන් පීඩාවට පත්වූවන්ට සහන සැලසීමට කටයුතු කරන ලෙස අග්‍රාමාත්‍ය රනිල් වික්‍රමසිංහ මහතා උපදෙස් දී තිබේ.

මෙම වසරේ ගත වූ මාස පහ තුල පමණක් අනුරාධපුර දිස්ත්‍රික්කයෙන් HIV-ඒඩ්ස් වෛරසය ශරීරයට ඇතුළු වී එච්.අයි.වී. ආසාධිත වූවන් 13 දෙනෙකු හඳුනාගෙන ඇතැයි ලිංගික සෞඛ්‍ය සේවා පිළිබඳ අනුරාධපුර මධ්‍යස්ථානයේ වෛද්‍ය නිලධාරී හේමා වීරකෝන් මහත්මිය සඳහන් කරයි.

පවතින ධාරානිපාත වර්ෂාව නිසා ගිංගඟ පිටාර ගැලීමෙන් හිනිදුම ප්‍රදේශයේ මාර්ග සහ නිවාස ජලයෙන්යටවී ප්‍රදේශවාසීහු දැඩිපීඩාවට පත්වී සිටිති.

කුරුවිට ගොකරඇල ප්‍රධාන මාර්ගයේ ගෝනපිටිය ප්‍රදේශයේ ගංවතුරට යටවි තිබූ මාර්ගයේ වතුරේ ගමන් කළ දෙදරු පියෙක් මීගහමුල්ල ඇලේ සැඩ පහරට ගසායාමෙන් මියගොස් ඇති බව අද (01දා) කුරුවිට පොලිසිය පැවසුවේය.

අධික ලෙස මත්පැන් හා මත්ද්‍රව්‍ය භාවිත කිරීම හේතුවෙන් පුද්ගලයන් දෙදෙනෙකු මිය ගය පුවතක් මන්නාරමින් වාර්ත වී තිබේ.

තීරු බදු නොගෙවා නීති විරෝධී ලෙස මෙරටට ආනයනය කල රුපියල් ලක්ෂ 65ක් පමණ වටිනා රන් මාලයක් සමග කාන්තාවන් දෙදෙනකු සහ පුද්ගලයකු දෙහිවල, සමගි මාවතේදී අත්අඩංගුවට ගත් බව පොලිස් විශේෂ කාර්ය බලකාය පැවසීය.

ආණ්ඩු පක්ෂයේ ඉහළ පෙළේ දේශපාලනඥයකුට අයත් මත්පැන් කම්හල් දෙකකින් හානිකර සහ ප්‍රමිතියෙන් තොර මත් පැන් තොගයක් රජයේ රස පරීක්ෂක වාර්තාවකින් තොරව වෙළෙඳපොළට නිකුත් කිරීමේ සිදුවීමක් ඩේලිමිරර් වාර්තා කරයි.

විපක්ෂ නායක සජිත් ප්‍රේමදාස මහතා ඉස්සරහ දොරෙන් ගොස් ජනතාවට විවිධ දේ ප්‍රකාශ කළද ඔහු පිටුපස දොරෙන් ඇතුළු වී බැසිල් රාජපක්ෂගේ කොන්ත්‍රාත්තුවක් ඉටුකරමින් සිටින බව එක්සත් ජාතික පක්ෂ මහලේකම් පාලිත රංගේබණ්ඩාර මහතා පවසයි.

දිවයිනට බලපා ඇති අයහපත් කාළගුණික තත්වය හමුවේ පීඩාවට පත් ජනතාවට සහන සැලසීම සඳහා බස්නාහිර, සබරගමුව සහ දකුණු පළාතේ ගංවතුර අවදානම සහිත ප්‍රදේශ වෙත නාවික හමුදා සහන කණ්ඩායම් 13ක් ස්ථානගත කිරීමට අද (01දා) උදෑසන වන විට ශ්‍රී ලංකා නාවික හමුදාව විසින් කටයුතු කෙරිණි.

අම්බලන්ගොඩ බටපොළ මාර්ගයේ පොල්වත්ත පදේශයේදී ඊයේ(31දා) ලොරි රථයක් හා යතුරුපැදියක් මුහුණට මුහුණ ගැටී යතුරු පැදියෙන් ගමන් ගත් පියා හා පුතුගෙන් පියා මරුමුවට පත්වි පුතා බරපතල තුවාල ලබා රෝහල් ගත කල බව අම්බලන්ගොඩ පොලීසිය පවසයි.

ජනප්‍රිය බොලිවුඩ් ගායක ක්‍රිෂ්ණකුමාර් කුන්නත් හෙවත් KK අඟහරුවාදා කොල්කටා හි පැවති ප්‍රසංගයකින් පැය කිහිපයකට පසු අභාවප්‍රාප්ත විය.

2019දී හඳුන්වා දුන් දුම්වැටි සඳහා බදු අයකිරීමේ සූත්‍රය ක්‍රියාත්මක නොකිරීම හේතුවෙන් රජයට සිදුව ඇති පාඩුව රුපියල් බිලියන 85ක් පමණ වන බව Public Finance LK පවසයි. මේ අනුව 2020 වසරේදී රුපියල් මිලියන 20000 , 2021 වසරේදී රුපියල් මිලියන 28 768 , 2022 වසරේදී රුපියල් මිලියන 35 527ක ආදායමක් මෙසේ රජයට අහිමි වී ඇතැයි එම ආයතතනය පවසයි.

එඩ් හියුසික් සහ ඈන් අලි ඔස්ට්‍රේලියානු ඉතිහාසයේ ප්‍රථම මුස්ලිම් ජාතික අමාත්‍යවරුන් බවට පත්ව සිටින්නේ, පිළිවෙලින් කර්මාන්තය සහ විද්‍යාව සහ මුල් ළමාවිය අධ්‍යාපනය සහ තරුණ අමාත්‍යාංශ භාර ගනිමිනි.

ඇන්තනී නිහාල් ෆොන්සේකා මහතා 2022 මැයි 26 වැනි දින සිට ක්‍රියාත්මක වන පරිදි ශ්‍රී ලංකා මහ බැංකුවේ මුදල් මණ්ඩල සාමාජිකයෙකු ලෙස යළි පත්කර තිබේ. මීට පෙර, ඔහු 2016 ජූලි මාසයේ සිට 2020 මැයි මාසය දක්වා මුදල් මණ්ඩලයෙහි සේවය කළේය.

ජාත්‍යන්තර මූල්‍ය අරමුදල පවසන්නේ, සාර්ථක එන්නත් කිරීමේ ව්‍යාපාරය සහ විචක්ෂණශීලී සාර්ව ආර්ථික කළමනාකරණය සමග එරට මූල්‍ය හා ජංගම ගිණුමේ හිඟය තියුණු ලෙස අඩුවී ඇති අතර, විදේශ සංචිත ස්ථාවර වී ඇති බවයි.

කොළඹ පාරිභෝගික මිල දර්ශකයෙහි වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය 2022 අප්‍රේල් මාසයේ පැවති 29.8% සිට 2022 මැයි මාසයේදී 39.1%ක් දක්වා ඉහළ ගොස් තිබේ.

කොවිඩ්-19 වසංගතය සහ රුසියානු-යුක්රේන ගැටුම හේතුවෙන් ඇති වූ ඉහළ අවදානමක් මධ්‍යයේ ආර්ථිකය ස්ථාවර කිරීම අරමුණු කරගත් ප්‍රතිපත්ති පැකේජයක් විස්තර කරමින් චීනයේ රාජ්‍ය කවුන්සිලය චක්‍රලේඛයක් නිකුත් කළේය.

පසුගිය මැයි 09දා ගෝල්ෆේස් අරගලය භූමියේදී එහි අරගලකරුවන්ට පහරදිමේ සිදුවිම සම්බන්ධයෙන් අද දිනයේදී සැකකරුවන් 06ක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.