ගෝඨාභය රාජපක්ෂ මහතා ජනපතිධුරයෙන් ඉවත්විමට අදාළ ලිපිය බව සඳහන් කරමින් සමාජ මාධ්‍ය ජාලා තුළ හුවමාරුවන ලිපිය ව්‍යාජ ලිපයක් බව ජනපති මාධ්‍ය අංශය නිවේදනයක් නිකුත් කරමින් පවසයි.

ඉන්දුනීසියානු මුදල් අමාත්‍ය මුල්යානි ඉන්ද්‍රවති ගෝලීය වශයෙන් ආහාර මිල ගණන් ඉහළ යාම සම්බන්ධයෙන් අවධානය යොමු කිරීමේ වැදගත්කම අවධාරණය කර තිබේ.

වැඩබලන ජනපතිවරයා ලෙස රනිල් වික්‍රමසිංහ මහතා හෙට (15දා) පෙරවරුවේ දිවුරුම් දීමට නියමිත බව වාර්තා වෙයි. ජනපති ගෝඨාභය රාජපක්ස මහතා සිය ධුරයෙන් ඉල්ලා අස්වීමත් සමගම රනිල් වික්‍රමසිංහ මහතා මෙසේ හෙට දිනයේදී වැඩබලන අගමැති ලෙස දිවුරුම්දීමට නියමිතය.

බොරිස් ජොන්සන් වෙනුවට අගමැති ධුරය සඳහා වූ දෙවැනි වටයේ තරඟයේ ඡන්ද ප්‍රමාණයෙන් සුනක් ඉහළින්ම සිටින බව කියයි.

ජනාධිපති ගෝඨාභය රාජපක්ෂ මහතා සිය ධුරයෙන් ඉල්ලා අස්වෙන බවට සඳහන් ලිපියක් ශ්‍රී ලංකාවේ සිංගප්පූරු තානාපති කාර්යාලය හරහා කථානයක මහින්ද යාපා අබේවර්ධන මහතා වෙත ලැබී ඇතැයි කථානායක මාධ්‍ය ඒකකය පවසයි.

මේ වන විට සිංගප්පූරුවට ගොස් සිටින ජනපති ගෝඨාභය රාජපක්ෂ මහතා සිංගපප්පූරුවේ සරණාගතභාවය හෝ රැකවරණය ඉල්ලා නොමැති බව සිංග්පූරු රජය ප්‍රකාශ කරයි.

සිය ධුරයෙන් ඉල්ලා අස්වීමට අදාළ ලිපිය ජනපති ගෝඨාභය රාජපක්ෂ මහතා විසින් කථානායක මහින්ද යාපා අබේවර්ධන මහතා වෙත යොමුකර ඇති බව වාර්තා වෙයි.

මේ අනුව මහජන ආරක්‍ෂක ආඥා පනත යටතේ පොලිසියට සහ ත්‍රිවිධ හමුදාවන්ට බලය ලබාදී ඇති අතර, ඒ අනුව පොලිසිය සහ ත්‍රිවිධ හමුදාව එක්ව රටේ නීතිය හා සාමය පවත්වා ගෙන යාම සඳහා ආරක්‍ෂක අමාත්‍යාංශයේ අධික්‍ෂණය යටතේ අවශ්‍ය සියළු කටයුතු සිදුකර ජාතික ආරක්‍ෂාව තහවුරු කිරීමට කටයුතු කරනු ලබන බව මහජනතාව වෙත දැනුම් දෙන බව ආරක්ෂක අමාත්‍යාංශය වැඩිදුරටත් දන්වා සිටියි.

මාලදිවයිනෙන් පසු සිංගප්පූරුවට ගිය ජනපති ගෝඨාභය රාජපක්ෂ මහතා සිංගපූරුවෙන් අනතුරුව සෞදි අරාබියට යනු ඇතැයි විවිධ පාර්ශ්වයන්ගෙන් ලබාගත් තොරතුරු වාර්තා කරමින් ජාත්‍යන්තර මාධ්‍ය තොරතුරු වාර්තා කරයි.

දිවයින පුරා ලිට්‍රෝ ගෑස් බෙදාහැරීම අඛණ්ඩව සිදු කෙරෙන බව එම සමාගම පවසයි. එමෙන්ම ඊයේ (14දා) සිට ගෑස් බෙදා හැරීම තවදුරටත් පුළුල් කෙරෙන බව ද එම සමාගම සඳහන් කරයි.

මහනුවර ඓතිහාසික ශ්‍රී දළදා මාළිගාවේ දළදා වහන්සේ වෙනුවෙන් සිදු සිදුකෙරෙන තේවා කටයුතු මල්වතු මහා විහාර පාර්ශ්වයෙන් අස්ගිරි මහා විහාර පාර්ශවයට පැවරීම ඇසළ පුන් පොහෝ දිනට පසු දින අද (14) පස්වරුවේ පුරාණ සම්ප්‍රදානුකූලව සිදුවිය.

බත්තරමුල්ල පොල්දූව මංසන්ධියේ පැවති විරෝධතාවය අතරතුර දී හමුදා සෙබළුන් තිදෙනෙකුගේ ටී 56 ගිනි අවි හා මැගසින් 6 ක් විරෝධතාකරුවන් පැහැර ගෙන ගොස් ඇති බවට පොලිස් ආරංචි මාර්ග සඳහන් කරයි.

කොළඹ සහ බත්තරමුල්ල පොල්දූව මංසන්ධිය අසල වූ විරෝධතා වලින් තුවාල ලැබූවන් 84 දෙනෙකු මේ වන විට කොළඹ ජාතික රෝහල වෙත ඇතුළත් කර ඇතැයි එහි ජ්‍යෙෂ්ඨ ප්‍රකාශකයෙක් පැවසීය.

කොළඹ ජනපති මන්දිරය තුළදී ගංජා සහිත කුඩා පර්සලයක් සමග අවුරුදු 24ක මීරිගම පදිංචිකරුවෙක් අත්අඩංගුවට ගත් බව පොලිස් විශේෂ කාර්ය බළකාය කියයි.

ආරක්‍ෂක හමුදාවන්ට හෝ මහජන දේපළවලට හානි කිරිම උදෙසා ප්‍රචණ්ඩත්වය වැඩිකරමින් කටයුතු කරන සියලුදෙනාම වහාම එම ප්‍රචණ්ඩ ක්‍රියාවලින් වැළකී සිටිය යුතු බවත් නොඑසේනම් පවතින තත්ත්වයන්ට අනුකූලව හා සරිලන පරිදි ආරක්‍ෂක හමුදාවෝ සතු සියලු බලතල පාවිච්චි කිරීමට ඉදිරියේදී සිදුවන අතර මහජන දේපල මෙන්ම සියලු මර්මස්ථාන සහ මහජන ජීවිත සුරැකීමේ අනුලංගනීය වගකීම පැවරී ඇති ආරක්‍ෂක හමුදාවෝ එම බලය පාවිච්චි කිරීමට කිසිසේත්ම මැලි නොවන අතර එවැනි තත්ත්වයකදී උදාවිය හැකි පසු ආදීන පි

හිටපු අග්‍රාමාත්‍ය මහින්ද රාජපක්ෂ හිටපු මුදල් අමාත්‍ය බැසිල් රාජපක්ෂ යන මහත්වරුන් හෙට (14දා) දක්වා විදේශගත නො වන බවත් හිටපු මහබැංකු අධිපති අජිත් නිවාඩ් කබ්රාල් අධිකරණයේ අවසරයකින් තොරව විදේශගත නො වන බවත් සිය නීතිඥවරුන් මාර්ගයෙන් ඊයේ ශ්‍රේෂ්ඨාධිකරණයට දැනුම් දුන්හ.

ජනපති ගෝඨාභය රාජපක්ෂ මහතා මාලදිවයිනේ සිට සිංගප්පූරුව බලා සෞදි ගුවන් සේවයට අයත් ගුවන් යානයකින් ගමන් ආරම්භ කර ඇති බව වාර්තා වෙයි.

මෙම හෝටල් ජාලයෙහි රාත්‍රියක් ගත කිරිම වෙනුවෙන් වැයවන මුදල ඇමෙරිකානු ඩොලර් 5,903 සහ ඇමෙරිකානු ඩොලර් 8,760 අතර මුදලක් වෙයි.

ජනපති මන්දිරය, අරලිය ගහ මන්දිරය, ජනපති ලේකම් කාර්යාලය හා අග්‍රාමාත්‍ය කාර්යාලය යන ආයතනවලින් අරගලකරුවන් ඉවත්වන ගාලුමුවදොර අරගලකරුවෝ පවසති.

පාකිස්තානය සමග පැවැත්වෙන ටෙස්ට් තරගාවලිය සඳහා ශ්‍රී ලංකා ටෙස්ට් සංචිතය නම්කර තිබේ. දිමුත් කරුණාරත්නගේ නායකත්වයෙන් යුත් මෙම සංචිතය සඳහා ක්‍රීඩකයන් 18ක් ඇතුළත් වෙයි.

කොළඹ පරිපාලන දිස්ත්‍රික්කය වෙත ඇඳිරි නීතිය පැනවිමට වැඩබලන ජනපති රනිල් වික්‍රමසිංහ මහතා කටයුතු කර තිබේ. මේ අනුව අද මධ්‍යාහ්න 12.00 සිට හෙට අලුයම 5.00 දක්වා මෙසේ ඇඳිරි නිතිය පනවා තිබේ.

ශ්‍රී ලංකා ජනාධිපති ගෝඨාභය රාජපක්ෂ මහතා මාලදිවයිනේ වේලාවෙන් පෙරවරු 11.30ට පමණ එරටින් සිංගප්පූරුව බලා පිටත්ව යාමට නියමිත බව මාලදිවයින් මාධ්‍ය වාර්තා කරයි.

බත්තරමුල්ල, පොල්දූව මංසන්ධියේ ඊයේ පැවැති විරෝධතා පාලනය කිරීමට යාමේදි ඇතිවූ නොසන්සුන්කාරි තත්ත්වය මත යුද හමුදා සෙබෙලෙකුගේ ටී56 ගිනි අවියක් විරෝධතාකරුවන් විසින් පැහැරගෙන ඇතැයි සඳහන් කරමින් බොරැල්ල පොලිස් ස්ථානයට පැමිණිල්ලක්ද ඉදිරිපත් කර තිබේ.

ජනපති ගෝඨාභය රාජපක්ෂ මහතා සිය ධුරයෙන් ඉල්ලා අස්විමට අදාළ ලිපිය තවමත් කථානායක මහින්ද යාපා අබේවර්ධන මහතා වෙත යොමුකර නොමැති බව වාර්තා වෙයි.

මේ වන විට මාලදිවයිනේ සිටින ජනපති ගෝඨාභය රාජපක්ෂ මහතා මාලදිවයිනෙන් සිංගප්පූරුව බලා පිටත්ව යාම සඳහා මේ වන විට පෞද්ගලික ජෙට් යානයක් අපේක්ෂාවෙන් සිටින බව ඩේලි මිරර් පුවත් සේවය තොරතුරු වාර්තා කරයි. ජනපතිවරයා, ඔහුගේ බිරිඳ හා ආරක්ෂකයන් දෙදෙනෙක් මාලදිවයිනේ සිට සාමාන්‍ය ගුවන් යානයකින් සිංගප්පූරුව බලා පිටත්ව යාමට නියමිතව සිටියත් ඔහුට එල්ල වූ විරෝධය හමුවේ ඒම ගුවන් ගමනට ආරක්ෂක හේතුන් මත එක්ව නොමැති බව වාර්තා වෙයි.

ශ්‍රී ලංකාවේ ජනපති ගෝඨාභය රාජපක්ෂ මහතා වෙත ශ්‍රී ලංකාවේ සිට ආරක්ෂිතව මාලදිවයිනට පිටත්ව ඒම වෙනුවෙන් ඩොලර් මිලියන 5ක අල්ලසක් ගත්තේදැයි මාලදිවයිනේ ජනපතිගෙන් මාලදිවයිනේ මාධ්‍ය ප්‍රශ්ණ කර තිබේ.

ඉහළ යන ආහාර මිල සහ ඉන්ධන හිඟය සමග මෙම අලුත් ප්‍රචණ්ඩත්වය පැනනැගී ඇති අතර, නගරයේ ආරක්‍ෂක තත්ත්වයේ ඉතා භයානක ලෙස පහතට යෑමෙන් මෙම කල්ලි ඉස්මතු වෙමින් පවතින බව කියයි.

විරෝධතාකරුවන්ට එරෙහිව සජීවී උණ්ඩ භාවිත කිරිම සඳහා අනුමැතිය ලබාදීමට විපක්ෂයේ පක්ෂ නායකයන් එරෙහි වූ බව පාර්ලිමේන්තු මන්ත්‍රී මනෝ ගනේෂන් මහතා පවසයි.

ලෝක සෞඛ්‍ය සංවිධානයේ අධ්‍යක්ෂ ජනරාල් වෛද්‍ය ටෙඩ්‍රොස් අද්නාම් ගෙබ්‍රෙයිසස් පැවසුවේ කොරෝනා වෛරස් වසංගතය තවම කොතැනකවත් අවසන් වී නොමැති බවයි.