මීගොඩ ගැමුණු මාවත ප්‍රදේශයේදී බත්තරමුල්ල සමුපාකාර රක්ෂණ සමාගමේ උප සභාපතිවරයාට වෙඩි තබා තුවාල සිදු කිරීමේ සිද්ධිය සම්බන්ධයෙන් මාතර සමුපාකාර රක්ෂණ සමාගමේ සභාපතිවරයා ඇතුළු පුද්ගලයන් සිවුදෙනකු අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය කියයි.

ඉන්දීය කණ්ඩායම පරාජය කරමින් ලෝක ටෙස්ට් ශූරතාව ජයග්‍රහණය කිරීමට ඔස්ට්‍රේලියා කණ්ඩායම සමත්විය. එංගලන්තයේ ඕවල් පිටියේ පැවැති තරගයේ ලකුණු 444ක ඉලක්කයක් හඹා ගිය ඉන්දීය කණ්ඩායමට සියලු දෙනා දැවී රැස්කර ගත හැකිවූයේ ලකුණු 234ක් පමණි.

අනාරක්ෂිත ලෙස ක්‍රියාත්මක කළ තණකොළ කපන මැෂිමේ තලය කුඩා දරුවකුගේ උදර ප්‍රදේශයේ ගැටී මිය යාමේ සිද්ධිය සම්බන්ධයෙන් දරුවාගේ සීයා ඊයේ (10දා) රාත්‍රී අත්අඩංගුවට ගත් බව මුල්ලේරියාව පොලිසිය කියයි.

පේරාදෙණිය විශ්ව විද්‍යාලයේ කළමනාකරණ පීඨයේ නවක සිසුන් පිරිසකට නවක වදය දීමේ සිද්ධියක් සම්බන්ධයෙන්එම පීඨයේ දෙවන වසරේ සිසුන් 11 දෙනෙකුගේ පන්ති තහනම් කළ බව එම විශ්ව විද්‍යාලයේ නියෝජ්‍ය උපකුලපති සහ මාධ්‍ය ප්‍රකාශක මහාචාර්ය ටෙරන්ස් මධුජිත් මහතා පැවසීය.

ජනාධිපති රනිල් වික්‍රමසිංහ මහතා ලබන 17 වැනිදා ලන්ඩනයේ සහ ප්‍රංශයේ නිල සංචාරයක් සඳහා පිටත්ව යාමට නියමිතය.

පේරාදෙණිය විශ්ව විද්‍යාලයට වසර 80 ක් සපිරීම නිමිත්තෙන් ජූලි මස 01 වැනි දින පෙරවරු 10.00 සිට මහජනතාවට විවෘත දිනයක් ලෙස එහි පාලන අධිකාරිය ප්‍රකාශයට පත් කොට තිබේ .

මම එනවා ඕනෑම රටකට මට පිට රට තියෙන බැංකුවල මුදල් ආණ්ඩුවට දෙන්න කියලා දිවුරුම් ප්‍රකාශ දෙන්න. නාමල් රාජපක්ෂලා මහින්ද රාජපක්ෂ කවදාවත්ම මේ රටේ මුදල් හොරකම් කරලා නැහැ. එය අපේ මව් බිමේ යතාර්ථය දන්නවා. බොරුවට අපිට මඩ ගහනවා හොරු හොරු කියලා.

ආකර්ෂණීය පොලියක් ලබා දෙන බව පවසා ගනුදෙනුකරුවන් රවටා එක් කෝටි දාහත් ලක්ෂයක මුදලක් වංචා කළ බව පැවසෙන කැස්බෑව නගර සභාවේ සමගි ජන බලවේගයේ හිටපු නාගරික මන්ත්‍රීවරිය ලබන 23දා දක්වා රක්ෂිත බන්ධනාගාර ගත කරන ලෙසට කැස්බෑව වැඩබලන මහේස්ත්‍රාත් සුනේත්‍රා පෙරේරා මහත්මිය ඊයේ (10දා) නියෝග කළාය.

ශ්‍රී ලංකා විදුහල්පති සේවයේ නිලධාරීන්ගේ ගැටලු විසඳීම සඳහා අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතාගේ උපදෙස් පරිදි අධ්‍යාපන ලේකම් විසින් පත් කරන ලද කමිටුව අධ්‍යාපන අමාත්‍යාංශයේ දී අධ්‍යාපන අමාත්‍යතුමගේ ප්‍රධානත්වයෙන් විශේෂ සාකච්ඡාවක් පවත්වන ලදි.

බුදුදහමට එරෙහි විග්‍රහයන් කරමින් ව්‍යාපාර ගෙන යන අයගේ කටවල් වැසීම සහ එම ව්‍යාපාර වලට මුදල් ලැබෙන ආකාරය පිළිබඳව සොයා බැලීම රජයේ වගකීමක් බව හිටපු ජනාධිපති මෛත්‍රීපාල සිරිසේන මහතා පැවසීය.

කටුනායක බණ්ඩාරනායක ජාත්‍යන්තර ගුවන් තොටුපොළ වෙත පැමිණෙන සහ එයින් පිටත්ව යන ගුවන් මගීන්ට කාර්යක්ෂම සේවාවක් ලබා දීම සදහා සීමාසහිත ගුවන් තොටුපොළ සහ ගුවන් සේවා සමාගම ස්වයංක්‍රීය ආගමන විගමන පාලන පද්ධතියක් (Automated Border Control Unit - A.B.C. ) ස්ථාපිත කිරීම සදහා සිංගප්පූරු සමාගම‌ක් සමග ගිවිසුමකට අත්සන් තබා තිබේ.

විදෙස්ගත ශ්‍රමිකයන් පසුගිය මැයි මාසයේදී ශ්‍රී ලංකාවට ඩොලර් මිලියන 480ක ප්‍රේෂණ යොමුකර ඇතැයි විදේශ රැකියා අමාත්‍ය මනූෂ නානායක්කාර මහතා පවසයි.

මෙවර අධ්‍යාපන පොදු සහතික පත්‍ර සාමාන්‍ය පෙළ විභාගය අවසන් වූදා දිඹුලාගල මගුල්දමන මහා විද්‍යාලයේ සිසුන් පිරිසක් එම විද්‍යාලයේ දේපළවලට සිදුකළ අලාභහානිය ඔවුන්ගේ මවුපියන් විසින් පියවීමට විදුහල්පතිවරයා ඉදිරියේ පොරොන්දු කරවා,ගත් බව මනම්පිටිය පොලිසිය කියයි.

’’රනිල් උත්තරය ද? ප්‍රශ්නය ද?’’ යන තේමාව යටතේ දීපව්‍යාප්ත සම්මන්ත්‍රණ මාලාවක් පැවැත්වීමට උත්තර ලංකා සභාගය කටයුතු යොදා තිබේ. එහි පළමුවැන්න අද (11දා) සවස 5:00ට පානදුර, තල්පිටිය ’’වයිට් හෙවන්’’ හෝටලයේ දී පැවැත්වේ.

හබරාදුව පොලිස් වසමේ තල්පේ මුහුදු තීරයේ දිය නාමින් සිටි සිසුන් පිරිසක අතරින් සිසුන් 6ක් මුහුදු රළට හසුවී ගසාගෙන ‌ගොස් ඇති අතර ඉන් සිසුන් 5ක් ප්‍ර දේශවාසින් විසින් බේරා ගෙන ඇති අතර එක් සිසුවෙක් අතුරුදන්ව තිබේ.

රෝයල් පාර්ක් නිවාස සංකීර්ණයේ දී සිය පෙම්වතියගේ සහෝදරිය කුරිරු ලෙස ඝාතනය කිරීමේ චෝදනාවන්ට වරදකරුවි මරණ දඬුවම නියම වූ ජූඩ් ශ්‍රමන්ත ජයමහ නමැත්තාට හිටපු ජනාධිපති මෛත්‍රීපාල සිරිසේන මහතා විශේෂ ජනාධිපති සමාව දී ඇත්තේ පිළිගත් නීතිමය ක්‍රියා පටිපාටියෙන් බැහැරව බව ශ්‍රේෂ්ඨාධිකරණයේ දී එළි විය.

භාණ්ඩ 286ක ආනයන සීමා ඉවත් කරමින් ජනපති රනිල් වික්‍රමසිංහ මහතා විසින් අති විශේෂ ගැසට් නිවේදනයක් නිකුත් කර තිබේ. ඊයේ (09දා) දින මෙම ගැසට් නිවේදනය නිකුත් කර තිබේ.

කොස්ගොඩ අද (10) උදේ සිදු කළ විශේෂ මෙහෙයුමකදී රුපියල් කෝටි හයක පමණ මත් කුඩු තොගයක් ළග තබාගෙන සිටි තරුණයින් දෙදෙනෙකු අත්අඩංගුවට ගැනීමට පොලිස් විශේෂ කාර්ය බලකායේ විශේෂ මෙහෙයුම් ඒකකය සමත්වී තිබේ.

වව්නියාවේ සේවය කරන ලද ප්‍රසව හා නාරි පිළිබඳ විශේෂඥ වෛද්‍ය එම්.එස්. මොහිදීන් මහතාගේ ඝාතනය සමබන්ධයෙන් හිටපු ප්ලොට් නායකයෙකු වූ නෙඩුමාරන් නැමත්තාට වව්නියාව මහාධිකරණ විනිසුරු එම්.ඉලංචේලියන් මහතා විසින් මරණ දණ්ඩණය නියම කරන ලදි.

කාබනික පොහොර වංචාව සහ නැනෝ දියර පොහොර වංචාව හේතුවෙන් රටට අහිමි වූ මුදල් සම්බන්ධයෙන් රජය ගන්නා පියවර සහ ඊට සම්බන්ධ පුද්ගලයන්ට එරෙහිව රජය ගෙන ඇති පියවර කවරේද ? කියා විපක්ෂ නායක සජිත් ප්‍රේමදාස මහතා ඊයේ (9) පාර්ලිමේන්තුවේ දී ප්‍රශ්න කර සිටියේය.

ජපානයේ ඔසාකා නුවර කර්මාන්ත ශාලාවක රැකියා ලබාදෙන බව පවසා මුදල් වංචාකළ මිනුවන්ගොඩ ප්‍රදේශයේ පදිංචි 65 හැවිරිදි කාන්තාවක් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් 2023.06.08 දින අත්අඩංගුවට ගෙන තිබේ.

පොලිස් මත්ද්‍රව්‍ය නාශක කාර්යාංශය විසින් හෙරොයින් සමග නාරාහේන්පිටදී මේ මස ජනවාරි 01 දා අත්අඩංගුවට පත් සැකකරුවෙක් මිය යාමට අදාළව එම කාර්යාංශයේ නිලධාරීන 7ක් අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

පාසල් නිවාඩුව අවසන් වී නැවත පාසල් ආරම්භවන්නේ ලබන 12 දා බැවින් පාසල් ළමුන් සඳහා දුම්රිය වාර ප්‍ර වේශපත්‍ර ලබා ගත හැකි කාලය ලබන 16දා තෙක් දීර්ඝ කර ඇති බව දුම්රිය දෙපාර්තමේන්තුව පවසයි. මේ පිළිබඳව සියලුම දුම්රිය ස්ථාන දැනුවත් කර ඇති බවද එම දෙපාර්තමේන්තුව වැඩිදුරටත් පවසයි.

විදුලංකා සමූහයට අයත් හොරණ සූර්ය බල සමාගම විසින් ක්‍රියාත්මක කරන ලද මෙගාවොට් 2 ක සූර්ව බල ව්‍යාපෘතියක් අද පෙරවරුවේ හොරණදී ජාතික විදුලිබල පද්ධතියට සම්බන්ධ කළ බව විදුලි බල හා බලශක්ති අමාත්‍ය කංචන විජේසෛ්කර මහතා පවසයි.

2023 වර්ෂයේ රජයේ පාසල් හා රජයේ අනුමත පෞද්ගලික පාසල්වල පළමු පාසල් වාරයේ තෙවන අදියර 2023.06.12 වන සඳුදා දින ආරම්භ වන බව අධ්‍යාපන අමාත්‍යාංශය නිවේදනය කරයි.

• රථගාල් ගාස්තු අයකිරීමට කොන්ත්‍රාත් ලබාගත් පෞද්ගලික ආයතන 38 කින් 2021 දෙසැම්බර් 31 වන විට ලැබිය යුතු හිග ගාස්තුව රු. මිලියන 265.50 ක් • කොළඹ නගරයේ ගිනි නිවන ඒකකය සහ ගුවන් හමුදාව සමග ඇති සම්බන්ධීකරණය වැඩි කිරීමට අවධානය • විධිමත් පරිදි දැන්වීම් ආදායම ලබානොගැනීම පිළිබඳ අවධානය • ඉඩම් ලේඛන විධිමත්ව පවත්වාගෙන නොයාමේ ගැටලු පිළිබඳ අවධානය • බස්නාහිර මහා නගරසභා කාර්යාලයේ දුර්වල අධීක්ෂණ ක්‍රියාවලිය පිළිබඳ අවධානය

රටේ ලක්ෂ සංඛ්‍යාත ජනතාවක් දුප්පත්කමට පත්ව ඇති බවත් 2019 පසු ලක්ෂ 40කට ආසන්න පිරිසක් එනම් ජනගහනයෙන් සියයට 17ක් දුප්පත්කමට පත්ව ඇති බවත් එය පළාත් 9ම දක්නට ලැබෙන බවත් විපක්ෂ නායක සජිත් ප්‍රේමදාස මහතා (9) අද පාර්ලිමේන්තුවේ දී පැවසීය.

වියළි මිරිස් කිලෝවක් රුපියල් 60 කින් අඩුකර ඇති අතර නව මිල රුපියල් 1,290 කි. මුංඇට කිලෝවක් රුපියල් 325 කින් අඩුකර ඇති අතර නව මිල රුපියල් 1,225 කි. රතු පරිප්පු කිලෝවක් රුපියල් 15 කින් අඩුකර ඇති අතර නව මිල රුපියල් 299 කි. රතු නාඩු කිලෝවක් රුපියල් 15 කින් අඩුකර ඇති අතර නව මිල රුපියල් 200 කි. හාල්මැස්සන් (තායි) කිලෝවක් රුපියල් 10 කින් අඩුකර ඇති අතර නව මිල රුපියල් 1,140 කි. පාන් පිටි කිලෝවක් රුපියල් 10 කින් අඩුකර ඇති අතර නව මිල රුපියල් 2

කිරින්ද විහාරය ආසන්නයේ මුහුදු තීරයේදී තරුණියන් තිදෙනෙකු හා තරුණයෙකු මුහුදු රළ හසුවී ගසාගෙන ගොස් ඇතැයි පොලීසිය පවසයි. මෙහිදී ඔවුන් සමග පැමිණි අයෙකු විසින් තරුණියක් හා තරුණයෙක් බේරාගෙන තිබේ.