මාතර අකුරැස්ස ඌරුමුත්ත ප්‍රදේශයේ නීතිවිරෝධි මත්පැන් තොගයක් ඊයේ (22) පස්වරුවේ වැටලිමට ගිය පොලිස් නිලධාරින්ට එල්ල වු වෙඩි ප්‍රහාරයකින් පොලිස් කොස්තාපල්වරයෙක් ජිවිතක්ෂයට පත්ව ඇති බව අකුරැස්ස පොලීසිය පවසයි.

මැදමුලන ඩී.ඒ රාජපක්ෂ අනුස්මරණ කෞතුකාගාරය ඉදිකිරිමේදි රජයේ මුදල් සාවද්‍ය ලෙස පරිහරණය කළ බවට හිටපු ආරක්ෂක ලේකම් ගෝඨාභය රාජපක්ෂ ඇතුළු 7 දෙනෙකුට ඒරෙහිව ගොනු කළ ඇති නඩුව ජුනි මස 19 වනදා සිට විභාගයට ගැනිමට ත්‍රි පුද්ගල විශේෂ මහාධිකරණය අද දින නියම කළේය.

විශ්වාසභංගය සඳහා දින ලබාදෙන්නේ ආණ්ඩුව බවත් අමාත්‍ය රිෂාඩ් බද්යුදීන් මහතාට එරෙහිව ගෙන ආ විශ්වාසභංගයට වාඩ වැදගත් වන්නේ ආණ්ඩුවට එරෙහිව ගෙනා විශ්වාසභංගයට බවත් අග්‍රාමාත්‍ය රනිල් විකුමසිංහ මහතා පැවැසීය.

අමාත්‍ය රිෂාඩ් බද්යුදීන් මහතාට එරෙහිව ඒකාබද්ධය විසින් ගෙන ආ විශ්වාසභංග යෝජනාව විවාදයට ගන්නා දිනය පිළිබඳව සාකච්ඡා සම්බන්ධයේන කැඳවූ පක්ෂ නායක රැස්වීම අද පෙරවරුවේදී පාර්ලිමේන්තුවේදී විසඳුමකින් තොරව අවසන්ව තිබේ.

හාරිස්පත්තුව ප්‍රාදේශිය සභා මන්ත්‍රීවරුන්ගේ මාසික දුරකථන දීමනාව රුපියල් 3,000 දක්වාත් මාසික ඉන්ධන දීමනාව රුපියල් 5,000 දක්වාත් වැඩි කිරිමට සභාව තීරණය කර තිබේ.

ශ්‍රී ලංකාවේ මේ වන විට පවතින තත්ත්වය යටතේ ශ්‍රී ලංකාව හා පාකිස්තානය අතර පවතින වෙළදාම නැවතී ඇති බවට පාකිස්තානයේ ද් එක්ස්ප්‍රස් ට්‍රිබියුන් පුවත් සේවය පළකළ ප්‍රවෘත්තිය අසත්‍ය බව පාකිස්තානයේ ශ්‍රී ලංකා මහකොමසාරිස් කාර්යාලය සඳහන් කරයි.

ශ්‍රී ලංකා යුද හමුදාවේ ජ්‍යේෂ්ඨ බ්‍රිගේඩ්යර්වරු 10 දෙනෙක් මේජර් ජනරාල් ධුරයට උසස් කිරිමට ජනපති මෛත්‍රීපාල සිරිසේන මහතා කටයුතු කර තිබේ.

රිෂාඩ් බදියුදීන් මහතාට එරෙහිව විපක්‍ෂය විසින් භාරදී ඇති විශ්වාසභංග යෝජනාවට පක්‍ෂව තමන් සිදුකළ ප්‍රකාශ අත්වැරදීමකින් වූවක් යැයි නවීන් දිසානායක අමාත්‍යවරයා ප්‍රකාශ කර ඇත්තේ, තම ස්ථාවරය තේරුම් නොගෙන බව ජාතික ප්‍රතිපත්ති හා ආර්ථික කටයුතු රාජ්‍ය අමාත්‍ය නිරෝෂන් පෙරේරා මහතා ඊයේ (22දා) පාර්ලිමේන්තුවේදී පැවසීය.

හදිසි විදුලි මිලදී ගැනීම් යටතේ මුහුදේ සිට බත්තල මත ඉදිකරන ලද බලාගාර දෙකකින් මෙගා වොට් 400ක් ලබා ගැනීමට කැබිනට් අනුමැතිය හිමිව තිබුණද, එය ලබා ගැනීමේ අර්බුදයක් පවතින බව %අද^ පුවත්පතට වාර්තා වේ.

මඩකලපුව ප්‍ර‘දේශයේ ඉදිකරමින් පවතින පෞද්ගලික විශ්වවිද්‍යාලය වහාම අහෝසි කළ යුතු බවත්, එසේ නොකළොත් එය අහෝසි කර ගැනීමට අවශ්‍ය ක්‍රියාමාර්ග ගන්නා බවත් අන්තර් විශ්වවිද්‍යාලයීය ශිෂ්‍ය බලමණ්ඩලය සඳහන් කරයි.

දිවයිනේ බොහෝ ප්‍රදේශවලට අද (23දා) දින වැසි ඇති විය හැකි බවත්, බස්නාහිර, සබරගමුව, මධ්‍යම, දකුණ සහ ඌව යන පළාත්වල ඇතැම් ස්ථානවලට මිලිමීටර් 100ක පමණ තදවැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරයි

බොදුබල සේනාවේ මහාලේකම් පූජ්‍ය ගලගොඩඅත්තේ ඥානසාර හිමිට ජනාධිපති සමාව දීම සඳහා අවශ්‍ය නීතිමය කටයුතු කඩිනමින් සිදුවන බව අදට වාර්තාවේ.මේ සම්බන්ධයෙන් බොදුබල සේනා සංවිධානයේ විධායක අධ්‍යක්ෂක දිලන්ත විතානගේ මහතාගෙන් අද අප කළ විමසීමකදී හෙතෙම සඳහන් කළේ ගලගොඩඅත්තේ ඥානසාර හිමියන් නිදහස් කිරීමට අදාළ ලිපියට ඊයේ (22දා) ජනාධිපති මෛත්‍රීපාල සිරිසේන මහතා අත්සන් කළ බවට වාර්තා වූ බවය.

වැල්ලම්පිටිය තඹ කම්හලට තඹ මෙට්‍රික් ටොන් 500ක් ලබා දෙන ලෙස සිදුකළ ඉල්ලීමට තඹ කිලෝවක් ලබා දී නොමැති බව පාර්ලිමේන්තු මන්ත්‍රී ශාන්ත බණ්ඩාර මහතා සඳහන් කළේය.

අද ජනතාවට දේශපාලනය එපා වි සිටින බව විදුලිබල බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.

මුහුණු පොත හරහා වැරදි ප්‍රචාර ගෙන යන අය ජාතිවාදය අවුස්සාගෙන ගැටුම් ඇති කිරීමට උත්සාහ කරන බවත් ඔවුන්ගේ නාම ලේඛනය මේ වනවිට රහස් පොලීසිය විසින් ලබාගෙන ඇති බවත් එවැනි අය අත්අඩංගුවට ගෙන නීතිය වහා ක්‍රියාත්මක කළ යුතු බවත් පළාත් සභා පළාත් පාලන ස්වදේශ කටයුතු සහ අභ්‍යන්තර කටයුතු ඇමැති වජිර අබේවර්ධන මහතා පැවසීය.

ධීවර රැකියාවේ නිරතව සිටියදී අනතුරට පත්ව විනාශ වන බෝට්ටුව වෙනුවට නව බෝට්ටුවක් සඳහා වැය වන මුදලින් සියයට 50ක් සහනාධාරයක් ලෙස ලබාදීමට තීරණය කල බව ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතා පවසයි.

ශ්‍රි ලංකා විදේශ සේවා නියුක්ති කාර්යාංශයේ ලියාපදිංචි වී විදේශ රැකියා සඳහා ගොස් සේවා ස්ථානයේදී සිදුවන අනතුරක් හේතුවෙන් පූර්ණ ආබාධිත තත්ත්වයට පත්වූ නිවසක් නොමැති ශ්‍රමිකයින් සඳහා නිවසක් සාදා ගැනීමට කාර්යාංශය මගින් “සහන නිවාස” වැඩසටහන යටතේ රුපියල් මිලියනයක මුදලක් ලබා දෙනු ලැබේ.

ඉදිරියේ දී රන් භාණ්ඩ සඳහා ජාතික මැණික් හා ස්වර්ණාභරණ අධිකාරියේ ප‍්‍රමිති සහතික මුද්‍රාව අනිවාර්ය කිරීමටත්, එම මුද්‍රාවෙන් තොරව රන්භාණ්ඩ අලෙවිකරණ ස්වර්ණාභරණ අලෙවිසල් වැටලීමි සිදු කොට නීතිය ක්‍රියාත්මක කිරීම පිළබඳවත් අවධානය යොමු වෙයි.

අපේ පාසල් ක්‍රමය ආගම්, භාෂාව අනුව වෙන් කරන්නේ නැතුව යළිත් පොදු පාසල් ක්‍රමයක් ලංකාවේ ඇති කිරීමේ වගකීම අධඨ්‍යාපන අමාත්‍යාංශයට භාරදී තිබෙනවා.

බන්ධනාගාර ගතව වැඩ සිටින බොදු බල සේනා සංවිධානයේ මහලේකම් පූජ්‍ය ගලගොඩත්තේ ඥානසාර හිමියන් බැහැ දැකීම සඳහා අමාත්‍ය රවී කරුණනායක හා බස්නාහිර ආණ්ඩුකාර අසාත් සාලි යන මහත්වරුන් අද (22දා) පෙරවරුවේ වැලිකඩ බන්ධනාගාරය වෙත පැමිණියහ.

ඩි 50ක් පමණ උස ජල ටැංකියක් මතට නැග, බිමට පැනීමට උත්සහ දැරූ අවස්ථාවේදී, වහා එම ජල ටැංකියට නැග ඇය නිරුපද්‍රිතව බේරා ගැනීමට අනුරාධපුර ගිනි නිවීම් හා ආපදා කළමනාකරණ එ්කකයේ නිලධාරීන් කටයුතු කළේය.

කුලියාපිටිය මුලික රෝහලේ රසායනාගාර ටෙන්ඩරය ලබාදීම සඳහා එම රෝහල ඉදිරිපිට ඇති වෛද්යම රසායනාගාරයේ හිමිකරුගෙන් මාස්පතා අල්ලස් ඉල්ලා ඉන් රුපියල් 75,000/-ක අල්ලසක් ලබාගත් බවට චෝදනා ලැබ සිටින කුලියාපිටිය මහ රෝහලේ හිටපු විශේෂඥ වෛද්‍යවරයාට කොන්දේසි සහිත ඇප මත මුදාහැරීමට දෙවැනි ස්ථිර ත්‍රිපුද්ගල විශේෂ මහාධිකරණය අද (22) නියම කළේය.

ඉදිරියේදී රජය මගින් වී වියළිම සඳහා වී වියළීමේ යන්ත්‍ර ලබාදීම සඳහා අවශ්‍ය කටයුතු මේ වනවිට සකසමින් පවතින බව කෘෂිකර්ම ග්‍රාමීය ආර්ථික කටයුතු පශු සම්පත් සංවර්ධන වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී.හැරිසන් මහතා පවසයි.

‘සිංහල, දමිල, මුස්ලිම් ජන බලයෙන් අන්තවාදය පරදවමු‘ මැයෙන් අත්පත්‍රිකා බෙදීම සම අයිතිය ව්‍යාපාරය මගින් අද (22දා) කොටුව දුම්රියපොළ ඉදිරිපිටදී සිදු කෙරිණි.

ජාතික සමගිය ඇති කිරීම සඳහා රිෂාඩ් බදියුදීන් අමාත්‍යවරයා හා නැගෙනහිර සහ බස්නාහිර ආණ්ඩුකාරවරුන් ඉවත් කරන ලෙස ඉල්ලා ජාතික සංඝ සම්මේලනය අද (22දා) දින සංදේශයක් භාරදීමට කටයුතු කළේය.

ගර්භනී කාලයේ සති 28 න් පසු කුස තුළ මියයන දරුවන් සහ උපතින් දින 07 ක් තුල සිදුවන බිළිදු මරණ අඩුකිරිම අතින් ශ්‍රී ලංකාව විශිෂ්ට තත්ත්වයක් ලබා ඇති බව පවුල් සෞඛ්‍ය කාර්යාංශය ප්‍රකාශයට පත් කළ නවතම වාර්තාවක සදහන් වෙයි.

අතිඋතුම් පාප් වහන්සේගේ වි‌ශේෂ දූතයෙක් වශයෙන් ෆර්නැන්ඩෝ ‌ෆිලෝනි කාදිනල් හිමිපාණන් ශ්‍රී ලංකාවට පැමිණියහ.

ගම්පහ , ඉහළ ඉඹුල්ගොඩ පියරතන මාවතෙහි බෝක්කුවක් දෙපස තිබී ආරක්ෂක අංශ භාවිතා කරනු ලබන ජීව අත්බෝම්බ දෙකක් අද (22) සවස සොයා ගෙන ඇත.

සැකකරුවන් යළිත් අධිකරණයට කැඳවන ලෙස වැල්ලම්පිටිය පොලීසිය මෝසමක් මගින් කළ ඉල්ලීමක් සළකා බලමින් මහේස්ත්‍රාත්වරයා මෙසේ සිතාසි නිකුත් කළේය.