දෙමළ ජාතික සන්ධානයේ ප්‍රධාන පක්ෂය වූ ඉලංගෙයි තමිල් අරුසකච්චි පක්ෂය මෙවර ජනාධිපතිවරණයේදී සජිත් ප්‍රේමදාස මහතාට සහාය දැක්වීමට තීරණය කිරීමත් සමගම එම පක්ෂයේ මන්ත්‍රීවරු උතුරේ ජනතාව දැනුවත් කිරිමේ වැඩසටහන් මේ දිනවල ආරම්භ කොට තිබේ.

මිලේනියම් චැලේන්ජ් කෝපරේෂන් ගිවිසුම අත්සන් කිරීමට ගෙන තිබෙන තීරණය අහෝසි කරන ලෙස ඉල්ලා නිදහස් චතුරශ්‍රය තුළ උපවාසයක් ආරම්භ කළ පූජ්‍ය උඩුදුම්බර කාශ්‍යප හිමියෝ දහවල් දානය ප්‍රතික්ෂේප කළ බව පරිසර සංවිධාන සඳහන් කරයි.

ගාල්ල දිස්ත්‍රික් මැතිවරණ පැමිණිලි කළමණාකරණ මධ්‍යස්ථානය වෙත ජනාධිපතිවරණය සම්බන්ධව ඊයේ (04) පස්වරු 4.00 දක්වා ලැබු මැතිවරණ පැමිණිලි අතුරින් 24ක් අසත්‍ය පැමිණිලි බවට පරික්ෂණවලදි අනාවරණය වි ඇති බැව් එම මධ්‍යස්ථානය පවසයි.

වවුනියාව ආච්චිපුරම් ප්‍රදේශයේදී විදුලිබල මණ්ඩලයේ සේවකයින්ට හා විදුලි අධිකාරිවරයාට පහරදුන් සැකකරුවන් තිදෙනෙකු අත්අඩංගුවට ගෙන අද (05) දින අධිකරණයට ඉදිරිපත් කිරීමට පියවර ගෙන ඇති බවට වන්නි දිසාව භාර නියෝජ්‍ය පොලිස්පති අනුර අබේවික්‍රම මහතා පැවසීය.

රට දරුණු තැනකට මේ පාලකයන් ගෙනත් ඇති බවත් එය 16 වනදා වෙනස් වන බවත් මාතර දිස්ති‍්‍රක් පාර්ලිමේන්තු මන්ති‍්‍ර මහින්ද යාපා අබේවර්ධන මහතා පැවසිය.

තමන් කොන්දේසි වලට යටත් වී සිටින බවට අසතය ප්‍රචාර ගෙන යන ඇතැම් මාධ්‍ය ආයතන සහ කණ්ඩායම් තමන්ට එරෙහිව මඩ ප්‍රචාර එල්ල කරන බවත්, ඡන්ද ලබා ගැනීම සඳහා කොන්දේසි පසුපස ගොස් රට, ජාතිය, ආගම තම ඡන්මය නොවිකුණන බවත් නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා අවධාරණය කරයි.

ඇමෙරිකාවේ මිලේනියම් චැලේන්ජ් කෝපරේෂන් ආයතනය හා අත්සන් කිරීමට නියමිතව තිබූ ගිවිසුම අද දිනයේදී අත්සන් කිරීමේ සූදානමක් ඇති බවට තම සංගමය ඉතා විශ්වාස කටයුතු ආරංචි මාර්ග වලින් දැන ගැනීමට ලැබුණ බව ශ්‍රී ලංකා නීතිඥ සංගමය සඳහන් කරයි.

ආණමඩුව නගරයේ ඊයේ (4) දින සවස පැවති ගෝඨාභය රාජපක්ෂ මහතාගේ රැළියකට ගොස් ආපසු කරුවලගස්වැව බලා එමින් සිටි පිරිසක් රැගත් බස් රථයකට ලී කදන් දමා හරස් කර එහි සිටි පිරිසට පහර දී ඇති බව කරුවලගස්වැව පොලීසිය පවසයි.

එක්සත් ජාතික පක්ෂ මාතර දිස්ත්‍රික් පාර්ලිමේන්තු මන්ත්‍රී, මුදල් අමාත්‍ය මංගල සමරවීර මහතා සංවිධානය කළ මාතර දිස්ත්‍රික් තරුණ සමුළුවට අන්තර් විශ්වවිද්‍යාල ශිෂ්‍ය බල මණ්ඩලයේ හිටපු සභාපති මහීල් බණ්ඩාර මහතා එක්ව තිබේ.

මැතිවරණ නීති උල්ලංගණය කිරීම් පිළිබඳව නිරීක්ෂණය කිරීම සඳහා පොලීසිය මෙවර සියුම් කැමරා භාවිත කිරීමට තීරණය කර තිබේ.

ඇමෙරිකාව හා අත්සන් කිරීමට යෝජිත මිලේනියම් චැලේන්ජ් කෝපරේෂන් ගිවිසුම අත්සන් නොකරන ලෙස රජයට බල කරමින් උඩුදුම්බර කාශ්‍යප හිමියන් කොළඹ නිදහස් චතුරස්‍ර පරිශ්‍රයේදී උපවාසයක් ආරම්භ කළහ.

ටෙලෝ සහ ප්ලොට් සංවිධානවල සහාය නව ප්‍රජාතන්ත්‍රවාදී පෙරමුණේ ජනාධිපති ධුර අපේක්‍ෂක සජිත් ප්‍රේමදාස මහතාට හිමිවීම සම්බන්ධයෙන් ඉදිරි දින කිහිපය තුළ නිල ප්‍රකාශයක් සිදුකරන බව ටෙලෝ නායක පාර්ලිමේන්තු මන්ත්‍රී සෙල්වම් අඩෙක්කලනාදන් මහතා අග්‍රාමාත්‍ය රනිල් වික්‍රමසිංහ මහතාට දැනුම්දී තිබේ.

පොහොට්ටුව සමග අත්සන් කර හොර රහසේ තබාගෙන ඇති ගිවිසුමට අනුව ශ්‍රීලනිපයේ මළගම සහතික කළා

ශ්‍රී ලංකා නිදහස් පක්‍ෂය සුරකීමේ සංවිධානය විසින් අද (05දා) පවත්වන සමුළුවට සහභාගි වන ශ්‍රී ලංකා නිදහස් පාක්‍ෂිකයන්ට විනය ක්‍රියාමාර්ග ගැනීම සඳහා ශ්‍රී ලංකා නිදහස් පක්‍ෂ මධ්‍යම කාරක සභාව අද රාත්‍රියේදී රැස්වීමට නියමිතව තිබේ.

ශ්‍රී ලංකා නිදහස් පක්ෂයේ බලය හිටපු ජනාධිපති චන්ද්‍රිකා පාර්ශ්වයට හිමිකරගනියිද නොඑසේනම් ජනාධිපති මෛත්‍රීපාල සිරිසේන පාර්ශ්වයට හිමිකරගනිදැයි යන්න පිළිබඳ තීරණාත්මක දිනයක් බවට අද (05දා) දිනය පත්ව තිබේ.

මුල්ලේරියාවේදී හෙරොයින් ග්‍රෑම් 7.250ක් සමග මෙසේ අත්අඩංගුවට පත්ව ඇත්තේ අරුණ සමීර නැමැත්තෙකි.

ඉසෙඩ් ස්කොර් ක්‍රමය අහෝසි කරනවා කියන්නේ රතුපස්වල ඝාතනයට වඩා භයානක ක්‍රියාවක් බව කිව යුතුයි. රතුපස්වල ජීවිත ඝාතනයක් සිදු වුණා. මෙමගින් විශ්ව විද්‍යාලවලට ඇතුළත් වීමට සිටින තරුණ තරුණියන්ගේ අනාගතය ඝාතනය කරනවා.

ජාතිවාදී බලවේග වලට යටවුණ ඇමතිවරුන් ඉන්න වත්මන් රජයට ජාතික ආරක්ෂාව තහවුරු කරන්න බැරි වුණ බවත් වත්මන් රජය ජාතික ආරක්ෂාව පිළිබඳව තැකීමක් නොකළ නිසා රටේ නැවතත් බෝම්බ පිපිරෙන්න පටන් ගත් බව ශ්‍රී ලංකා පොදුජන පෙරමුණේ ජනාධිපති අපේක්ෂක, හිටපු ආරක්ෂක ලේකම් ගෝඨාභය රාජපක්ෂ මහතා පවසයි.

ඇමෙරිකාව හා අත්සන් කිරීමට යෝජිත මිලේනියම් චැලේන්ජ් කෝපරේෂන් ගිවිසුම අත්සන් කිරීමේ වළකින ලෙස රජයට බල කිීරීමේ විරෝධතාවක් කොළඹ කොටුව දුම්රිය ස්ථානය ඉදිරිපිට පැවැතියේය.

බදුල්ලේ මේ දිනවල පැතිරයන වෛරස් උණක් නිසා ජනතාව දැඩි පීඩනයකට පත්ව සිටිති.

සජිත් ප්‍රේමදාස තම ප්‍රතිපත්ති ප්‍රකාශය එළි දක්වන දා පක්ෂනායක රනිල්ට කතාවක් නොදි ප්‍රතිපත්ති ප්‍රකාශය පළමු සිවිල් පුද්ගලයෙකු ලෙස රනිල්ට දිම තුළ සැඟවුණු රහසක් ඇති බව එස්. බි දිසානායක මහතා පවසයි.

මේ වසරේ ජනවාරි 01 වැනි දින සිට මේ දක්වා කාලය තුළදී නාවික හමුදාව විසින් හෙරොයින් කිලෝ 763ක ප්‍රමාණයක් අත්අඩංගුවට ගෙන තිබෙන බව නාවික හමුදා මාධ්‍ය ප්‍රකාශක ලුතිනන් කොමාන්ඩර් ඉසුරු සූරියබණ්ඩාර මහතා සඳහන් කළේය.

මෙවර ජනාධිපතිවරණය ජයග්‍රහණය කිරිම යනු 1988න් පසුව එක්සත් ජාතික පක්ෂය නොලැබුණු රාජ්‍ය නායකත්වය නැවත හිමිකර ගැනීම බව අධ්‍යාපන අමාත්‍ය නීතිඥ අකිල විරාජ් කාරියවසම් මහතා පවසයි.

ශ්‍රී ලංකා පොදුජන පෙරමුණ සමඟ තවත් දේශපාලන පක්ෂ 14ක් අද අවබෝධතා ගිවිසුම් අත්සන් තැබීය.

මෙරට මුහුදු සීමාවේ පවතින යාපනයට නුදුරින් පිහිටි කච්චතිව් දුපතේ ඉන්දීය ධීවරයින් විසින් ධීවර කටයුතුවල නිරත වීම සම්පූර්ණයෙන්ම නීතිවිරෝධි ක්‍රියාවක් බව ශ්‍රි ලංකා නාවික හමුදාව පවසයි.

ශ‍්‍රී ලංකා නිදහස් පක්ෂය වරිග සභාවක ප‍්‍රාණ ඇපයට හසුව ඇති බවත්, මෙවර ගෝඨාභය රාජපක්ෂ මහතාගේ පරාජයෙන් පසුව ප‍්‍රජාතන්ත‍්‍රවාදය හා නිදහස රටට ලැබෙනවා සේම, ශ‍්‍රී ලංකා නිදහස් පක්ෂයටද ප‍්‍රජාතන්ත‍්‍රවාදී නායකත්වයක් හිමිවන බව මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

රත්නපුර කොටකෙතන ප‍්‍රදේශයේ නිවසකදී පාසල් යන දියණියක හා මවක කපා කොටා අමානුෂික අන්දමින් ඝාතනය කිරීමේ චෝදනාවන්ට ලොකුගම්හේවගේ දර්ශන හෙවත් රාජු නමැත්තා වරදකරු බවට තීරණය කරමින් ඔහුට මරණීය දඬුවම නියම කිරීමට එරෙහිව අභියාචනාධිකරණයට ඇපෑලක් ඉදිරිපත් කළේය.

කොටිනායක ප්‍රභාකරන්ගේ උපන්දිනය හා මහවිරු සැමරුම් දිනයන් යෙදී ඇති නොවැම්බර් මස 26 සහ 27 දිනයන් වෙනුවෙන් මේ දින වල උතුරේ ස්ථාන කිහිපයක පෙර සූදානම් වැඩසටහන් රැසක් සිදු කිරීමට පියවර ගෙන ඇත.

ජනාධිපතිවරණයට ප්‍රථම මෙරට අධ්‍යාපන ක්‍රමය ජාතික ප්‍රතිපත්තියකට අනුව පවත්වාගෙන යන බවට සහතිකයක් ජනාධිපතිවරණය සදහා ඉදිරිපත්වි සිටින ජනාධිපති අපේක්ෂකයන් ප්‍රකාශයට පත් කළ යුතු බව ජාතික ප්‍රජාතන්ත්‍රවාදි ගුරු සංගමය මාධ්‍ය හමුවක් පවත්වමින් අවධාරණය කරයි.