2015 ජනවාරි මස 15 දින සිට 2018 දෙසැම්බර් මස 31 දින දක්වා කාලය තුල රාජ්‍ය සහ ව්‍යවස්ථාපිත මණ්ඩලයන්හි සිදුවූ දූෂණ ක්‍රියා, වංචා, සාපරාධි ලෙස විශ්වාසය කඩ කිරීම, දේපළ සාපරාධී ව්‍යපහරණය, රැවටීම හා බලය හෝ අධිකාරිය, රාජ්‍ය සම්පත් හා වරප්‍රසාද අනිසි ලෙස පාවිච්චි කිරීම හෝ අවභාවිතය සෙවීමේ ජනාධිපති පරික්ෂණ කොමිෂන් සභාවේ අතුරු වාර්තාව ජනාධිපති මෛත්‍රීපාල සිරිසේන මහතා වෙත භාරදීම අද (06) දහවල් ජනාධිපති කාර්යාලයේ දී සිදු විය.

දිළිඳු ජනතාව සඳහා රජය විසින් ලබා දෙන සමෘද්ධි සහනාධාරය, ආර්ථික අපහසුතා නොමැති පොහොසත් එක්සත් ජාතික පාක්ෂිකයින් හට පමණක් ලබාදෙන බවට පොදුජන පෙරමුණේ මන්ත්‍රීවරුන් පැවසීමත් සමඟ අද (06දා) පැවැති හොරොව්පොතාන සමෘද්ධි ප්‍රතිලාභ ලබා දීමේ උත්සවයේදී, හොරොව්පොතාන ප්‍රාදේශිය සභාවේ එක්සත් ජාතික පක්ෂ මන්ත්‍රී වරුන් සහ ශ්‍රී ලංකා පොදුජන පෙරමුණෙ මන්ත්‍රීවරුන් අතර ගුටිබැට හුවමාරුවක් සිදු විය.

පාස්කු ඉරිදා ප්‍රහාරයෙන් පසු ප්‍රථම වතාවට රටේ සියලූ ජන කොටස් එකමුතු වූ නමුත්, පසුව සංවිධානාත්මකව සිදු කළ දේශපාලනික ජාතිවාදී වැඩ කටයුතු ඔස්සේ යම් යම් කොටස් ඒ එකමුතුව බිඳ දමන්නට කටයුතු කරමින් සිටින බව අග්‍රාමාත්‍ය රනිල් වික්‍රමසිංහ මහතා පවසයි.

තක්සේරුකරුවන් සඳහා නව පාඨමාලා සහ ඉඩම් පිළිබඳ ආර්ථික විද්‍යා උපාධි විශ්ව විද්‍යාලවල ආරම්භ කිරීම සඳහා උසස් අධ්‍යාපන අමාත්‍යාංශයේ හා විශ්ව විද්‍යාල ප්‍රතිපාදන කොමිසමේ අවධානය යොමුවිය යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රී ආචාර්ය බන්දුල ගුණවර්ධන මහතා පාර්ලිමේන්තුවේදී අද (06) පැවසීය.

දරුවන්ගේ ආරක්ෂාව තහවුරු කිරීම සඳහා ත්‍රිවිධ හමුදාව, පොලීසිය සහ සිවිල් ආරක්ෂක බළකාය යොදවා ඇති බැවින් ඒ වෙනුවෙන් මවුපියන් කැඳවීම තවදුරටත් අවශ්‍ය නොවන බව අධ්‍යාපන අමාත්‍යාංශය සඳහන් කරයි.

ඉදිරි මැතිවරණ ඉලක්ක කරගනිමින් පුළුල් දේශපාලන සන්ධානයක් ගොඩනැගීමේ කටයුතු මේ වනවිට ශ්‍රී ලංකා පොදුජන පෙරමුණ විසින් ආරම්භ කර තිබේ.

රතන හිමියන් එජාපයට අවශ්‍ය දේ කර තිබෙන බව මාතර දිස්ත්‍රික් පාර්ලිමේන්තු මන්ත්‍රී මහින්ද යාපා අබේවර්ධන මහතා පැවසිය.

ඉදිරි ජනාධිපතිවරණය සඳහා ඉදිරිපත් වන ලෙස ජනාධිපති මෛත්‍රීපාල සිරිසේන මහතාගෙන් ඉල්ලා සිටිමින්, ශ්‍රී ලංකා නිදහස් පක්ෂ මන්ත්‍රී කණ්ඩායම විශේෂ සංදේශයක් ජනාධිපතිතුමා වෙත භාරදෙනු ලැබීය.

ශ්‍රි ලංකා ආයුර්වේද වෛද්‍ය සේවයේ වර්ෂ 2018 පත්වීම්ලාභී නවක වෛද්‍යවරු ස්ථානගත කිරීමට (මාරු කිරීමට) විරෝධය දක්වමින් සමස්ත ලංකා ආයුර්වේද සුව සේවා සංගමය විසින් අද (06දා) උද්ඝෝෂණය සහ පාගමන සංවිධානය කර තිබිණි.

දෙමටගොඩ ශිලරතන පටුමග ආරාම පාර ප්‍රදේශයේදි රුපියල් හය ලක්ෂ පනස් දහසක් පමණ වටිනා අයිස් මත්ද්‍රව්‍ය සමඟ පුද්ගලයෙකු අත්අඩංගුවට ගත් බව පොලිස් විශේෂ කාර්ය බලකා බුද්ධි කොට්ඨාසය පවසයි.

විනිසුරු මඩුල්ලක් සම්බන්ධයෙන් කළ ප්‍රකාශයක් හේතුවෙන් හිටපු අමාත්‍ය A.L.A හිස්බුල්ලා මහතා අධිකරණයට අපහාස කළ බවට සඳහන් කරමින් නීතිඥ ඉන්ද්‍රසිරි සේනාරත්න මහතා ශ්‍රේෂ්ඨාධිකරණය හමුවේ පෙත්සමක් ගොනු කළේය.

මුලතිව් අලම්පිල් මුහුදේ නීතිවිරෝධීව තහනම් දැල් ආම්පන්න යොදා මසුන් අල්ලමින් සිටි ධීවරයින් 16 දෙනෙකු හා යාත්‍රා තුනක් සමඟින් අත්අඩංගුවට ගත් බවට නාවික හමුදාව පවසයි.

පාර්ලිමේන්තු මන්ත්‍රී රවී කරුණානායක මහතාගේ දියණිය ඔනෙලා කරුණානායක අද (6) අපරාධ පරීක්ෂණ දෙපාර්තමේන්තුවට පැමිණියාය.

විදුලි බල මණ්ඩලයේ අලුත්වැඩියා කටයුත්තක් හේතුවෙන් ගම්පහ දිස්ත්‍රික්කයේ ප්‍රදේශ රැසකට ලබන ඉරිදා (09) උදෑසන 8.00 සිට රාත්‍රී 8.00 දක්වා ජල සැපයුම අත්හිටුවීමට සිදුවන බව ජාතික ජලසම්පාදන හා ජලාපවාහන මණ්ඩලය පවසයි.

යාපනය කොට්ඨඩි ප්‍රදේශයේදි අද (06) උදෑසන සිදුවූ රිය අනතුරකින් පාසල් සිසුන් සිවු දෙනෙකු ඇතුළු 05 දෙනෙකු තුවාල ලබා රෝහල්ගත කළ බවට යාපනය පොලීසිය පවසයි.

හිසට සිදුකළ පහරදීමකින් බරපතළ තුවාල ලබා බදුල්ල මහරෝහලේ දැඩි සත්කාර ඒකකයේ ප්‍රතිකාර ලබමින් සිටි කාන්තාවක් ඊයේ (5) දා රාත්‍රියේ මියගොස් ඇතැයි බණ්ඩාරවෙල පොලීසිය පවසයි .

අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා පාස්කු ඉරුදින ත්‍රස්ත ප්‍රහාරය සම්බන්ධයෙන් සොයා බැලීමට පත් කළ පාර්ලිමේන්තු විශේෂ කාරක සභාව හමුවේ සාක්ෂි ඉදිරිපත් කිරීම ආරම්භ කර තිබේ.

ඉන්දීය අග්‍රාමාත්‍ය නරේන්ද්‍ර මෝදි මහතා එළඹෙන 9 දා නිල සංචාරයක් සඳහා ශ්‍රී ලංකාවට පැමිණිමට නියමිතය.

පාස්කු ඉරිදා ප්‍රහාරයෙන් සිය මුලික අයිතිවාසිකම් උල්ලංඝනය වි ඇති බවට ඉදිරිපත් වි ඇති පෙත්සම් සත්පුද්ගල විනිසුරු මඩුල්ලක් හමුවේ විභාග කිරිමට ශ්‍රේෂ්ඨාධිකරණය තිරණය කළේය.

ලෝක පරිසර දිනය නිමිති කොටගෙන ග්‍රින් කොරිඩෝ තේමාව යටතේ උතුරු ආණ්ඩුකාර කාර්යාලය සහ කිලිනොච්චිය ආරක්ෂක සේනා මූලස්ථානයන් විසින් යාපනය මහනුවර ඒ-9 මාර්ගයේ යාපනය සිට වව්නියාව දක්වා රුක් රෝපණ වැඩසටහනක් සංවිධානය කොට තිබුණී.

අද (6) උදෑසන 5.00ත් 5.30ත් අතර කාලයේ පූගොඩ පොලිස් වසමේ ඔවිටිගම ප්‍රදේශයේදි තියුණු ආයුධයකින් පහර දි මනුෂ්‍ය ඝාතනයක් සිදු කිරිම සම්බන්ධයෙන් පූගොඩ පොලිස් ස්ථානයට ලද තොරතුරක් මත විමර්ශන ආරම්භ කර තිබේ.

අකුරැස්ස, තලහගම ප්‍රදේශයේදි විදුලි සැරවැදීමෙන් පුද්ගලයින් තිදෙනෙකු මියගොස් තිබේ.

මාකලන්දාවේ ආපන ශාලාවක හිමිකරුවකු ඉලක්ක කරගනිමින් ඊයේ (5) දින රාත්‍රියේ අත්බෝම්බ ප්‍රහාරයක් එල්ල කොට ඇති බව මීගහතැන්න පොලීසිය පවසයි.

වෛරී ප්‍රකාශ කිරීම සම්බන්ධයෙන්ද නීතිමය පියවර ගැනීමට හැකිවනු පිණිස දණ්ඩ නීති සංග්‍රහය හා අපරාධ නඩු විධාන සංග්‍රහය සංශෝධනය කිරීමටද කැබිනට් මණ්ඩලයේ අනුමැතිය ලැබි තිබේ.

ලංකා කම්කරු එක්සත් පෙරමුණේ නියෝජිතයින් පිරිසක් අද (05) පෙරවරුවේ විජේරාම නිල නිවසේදී විපක්ෂ නායක මහින්ද රාජපක්ෂ මහතා හමුවී ඉදිරියේදී ශ්‍රි ලංකා පොදුජන පෙරමුණ සමඟ කටයුතු කිරීම සඳහා එකඟතාවය පළ කළේය.

ජනාධිපති ‌මෛත්‍රීපාල සිරිසේන මහතා සහ ශ්‍රි ලංකා නිදහස් රජයේ වෘත්තීය සමිති සම්මේලනය අතර හමුවක් අද (05) දහවල් ජනාධිපති කාර්යාලයේ දී සිදු විය.

රාමසාන් උපවාස ශීලය අවසන් කල ආණමඩුව මුස්ලිම් ජාතිකයින් සංඝට්ටිකුලම මුස්ලිම් දේවස්ථානය ඉදිරිපිටට එක්වි අයි. එස් .අයි.එස් ත්‍රස්තවාදීන්ට විරෝධය දැක්විම අද (5) දහවල් සිදුවිනි.

සිය තනතුරින් ඉවත්වූ මුස්ලිම් මන්ත්‍රීවරුන්ට යළිත් තම අමාත්‍යධුර භාර ගැනීමට කටයුතු කරන්නයි මහ නාහිමිවරුන් මුස්ලිම් අමාත්‍යවරන්ගෙන් ඉල්ලා සිටිති.

ජර්මනියේ එම්. එස් .යුරෝපා නැමති නෞකාවකින් ශ්‍රී ලංකාවට පැමිණි 350 දෙනෙකුගෙන් සමන්විත විදේශීය සංචාරකයන් පිරිසක් හම්බන්තොට වරායෙන් ගොඩබැස ඊයේ දිවයිනේ විවිධ ප්‍රදේශවල සංචාරය කළහ.