රැකියාව සදහා දෙවිනුවර පුරාණ වැල්ල ධීවර වරායෙන් මුහුදු ගිය “කේෂාන් පුතා” බහු දින යාත්‍රාව ධීවරයින් හය දෙනෙකු සමග මහ මුහුද මැදදී අතුරුදන් වී ඇතැයි ඔවුන්ගේ පවුලේ ඥාතීන් ගන්දර පොලීසිය වෙත කරන ලද පැමිණිල්ලට අනුව පරික්ෂණ ආරම්භ කර ඇත.

සංචාරක ඉන්දීය කණ්ඩායම සහ ඔස්ට්‍රේලියානු කණ්ඩායම අතර පළමු එක්දින ක්‍රිකට් තරගය මේ වන විට ඔස්ට්‍රේලියා​වේ පර්ත් හීදී පැවැත්වේ.

’’ඡන්දේ කාලේ මොකක්ද කිව්වේ, එක පෑන් පාරෙන් ප්‍රශ්න විසඳනවා කිව්වා.දැන් ඡන්දය දුන්න ජනතාවට ඒ පෑන හොයා ගන්න බැරිව ඉන්නේ.එක පෑන් පාරෙන් ප්‍රශ්න විසඳන ඒ පෑන අද අතුරුදහන් වෙලා.ජනතාව රකිනවා කියපු ආණ්ඩුව දැන් අයි.එම්.එෆ් එක කියන තාලයට නටනවා.’’

ඉන්දියාවේ රාජතාන්ත්‍රික නිල සංචාරයක නිරත වී සිටි අග්‍රාමාත්‍ය හරිනි අමරසූරිය මහත්මිය සිය සංචාරය නිමා කර 10/18 දින රාත්‍රී කටුනායක ගුවන් තොටුපොළ ඔස්සේ මෙරටට පැමිණි බව ගුවන් තොටුපොළ කාර්යය භාර නිලධාරීවරයා ද සනාථ කළේය .

ඇගිලි සලකුණු යන්ත්‍ර මගින් සනාථ කරගැනිමකින් තොරව සෞඛ්‍ය අමාත්‍යංශය විසින් එහි සේවකයින් සදහා ඉකුත් වර්ෂයේ දි (2024) අතිකාල සහ නිවාඩු දින වැටුප් ලෙස රුපියල් තුන්දහස්නමසිය හැත්තෑඑක්කෝටි, හැත්තැහයලක්ෂ ,විසිහයදහස්, හයසියපහළොවක මුදලක් (39,717,626,615) ගෙවා ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක් මගින් අනාවරණය වි ඇත..

රුපියල් මිලියන 50 කට අධික වටිනාකමක් ඇති පර්චස් 31.5ක වපසරියක් සහිත බලපිටිය කන්දෙගොඩ පිහිටි සිය තෙමහල් නිවස බලපිටිය මුහන්දිරම් ඩී.එෆ්.පෙරේරා අභයසිරිවර්ධන වැඩිහිටි නිවාසයට පරිතයාග කිරීමට බලපිටිය සරත්චන්ද්‍ර ද සිල්වා මහතා පියවර ගත්තේය.

තද වැසි පිළිබඳව කාලගුණ විද්‍යා දෙපාර්තමේන්තුව විසින් අනතුරු ඇඟවීමේ නිවේදනයක් නිකුත් කර තිබේ. අද පෙරවරු 8.30ට නිකුත් කළ මෙම නිවේදනය හෙට දින පෙරවරු 8.30 තෙක් වලංගු වෙයි.

බස්නාහිර, සබරගමුව හා දකුණු පළාත්වලත් නුවරඑළිය දිස්ත්‍රික්කයෙත් අද දිනයේදී විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

වරකාපොල, මාහේන ප්‍ර දේශයේදී අනවසරයෙන් ඉන්ධන රැස්කළ පුද්ගලයෙක් අත්අඩංගුවට ගත් බව කෑගල්ල කොට්ඨාස අපරාධ විමර්ශන ඒ්කකය සමත්ව තිබේ.

ගනේමුල්ල සංජීව ඝාතනයේ ප්‍රධාන සැකකාරියක් වන ඉෂාරා සෙව්වන්දි නැමැත්තියට සැඟව සිටීමට ආධාර අනුබල දුන් තවත් සැකකරුවෙක් හා සැකකාරියක් අත්අඩංගුවට ගෙන තිබේ.

සත් අන්ත දීර්ඝ නිවාඩුවට විවිධ මත්ද්‍රව්‍ය රැගෙන නුවරඑලියට පැමිණි 18 දෙනෙකු සැක පිට (18) දින අත්අඩංගුවට ගත් බව නුවරඑලිය මූලස්ථාන පොලිසියේ ප්‍රධාන පොලිස් පරික්ෂක පී.එස්.සී. සංජීව මහතා පැවසීය.

කාසල්රී ජලාශය (Castlereigh Reservoir) ජලතර ගුවන්තොටුපලක් (Water Aerodrome) බවට සහතික කිරීම සඳහාවන පරික්ෂණයක් (18) දින ශ්‍රී ලංකා සිවිල් ගුවන්සේවා අධිකාරියේ සිවිල් ගුවන්සේවා පරික්ෂක්වරුන් විසින් ක්‍රියාමත්මක කරන ලදි.

ප්‍රභල අකුණු පිළිබඳ අනතුරු ඇඟවීමේ නිවේදනයක් කාලගුණ විද්‍යා දෙපර්තමේන්තුව විසින් නිකුත් කර තිබේ. මධ්‍යම, උතුරු මැද, සබරගමුව, ඌව, වයඹ පළාත් හා අම්පාර, මන්නාරම හා වව්නියා දිස්ත්‍රික්වලට අදාළ වන පරිදි නිකුත් කර ඇති මෙම නිවේදනය හෙට දින දහවල් 11 තෙක් වලංගු වෙයි.

ඉකුත් දින කිහිපය තිස්සේ අනුරාධපුරයට සහ ඉහල ජලාධාර ප්‍රදේශ වෙත ඇදහැලෙන අධික වර්ෂාවත් සමග රාජාංගනය සහ අංගමුව ජලාශවල වාන් දොරටු කිහිපයක් විවෘත කර තිබේ., තවදුරටත් වැසි තත්ත්වය වර්ධනය වුව හොත් කලා වැවේ ද වාන් දොරටු විවෘත කිරිමට සිදුවන බව අනුරාධපුර දිස්ත්‍රික් ආපදා සහකාර අධ්‍යක්ෂ නයන් සමරකෝන් මහතා සදහන් කළේය.

‍ඇෆ්ගනිස්තානයේ උර්ගුන් දිස්ත්‍රික්කයේ දේශසීමාවට පාකිස්තානය එල්ල කළ ගුවන් ප්‍රහාරයකින් ඇෆ්ගනිස්තාන දේශීය ක්‍රිකට් ක්‍රීඩකයින් තිදෙනෙකු මිය යාමෙන් පසු ලබන මාසයේ පාකිස්තානයට එරෙහිව පැවැත්වෙන තුන් කොන් තරගාවලියෙන් තරගාවලියෙන් ඉවත් වන බව ඇෆ්ගනිස්ථානය පවසයි.

දිවයිනේ බොහො ප්‍රදේශවලට පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

සංජීව කුමාර සමරරත්න නොහොත් ගණේමුල්ල සංජීව නැමැත්තාගේ ඝාතනයට සම්බන්ධ ඉෂාරා සෙව්වන්දි නැමති සැකකාරියට සැඟව සිටීමට ආධාර අනුබල දුන් සැකකරුවෙකු හා සැකකාරියක් කොළඹ අපරාධ කොට්ඨාසය විසින් අත්අඩංගුවට ගෙන තිබේ.

ලංකා සතොස සමාගම විසින් ඉකුත් වර්ෂයේ දි (2024) රුපියල් මිලියන 1,097ක ශුද්ධ අලාභයක් වාර්තාකොට ඇති බැව් මුදල් ක්‍රමසම්පාදන ආර්ථික සංවර්ධන අමාත්‍යංශය විසින් 2024 වර්ෂයට අදාළව නිකුත්කොට ඇති අවසාන අයවැය තත්ත්වය පිළිබද වාර්තාවේ සදහන් වේ.

වර්තමානයේ මෙරට මුහුණ දී සිටින ජාතික ව්‍යසනයක් වන විෂ මත්ද්‍රව්‍ය උවදුර තුරන් කිරීම ඉලක්ක කර ගත් ජාතික වැඩසටහනක් ක්‍රියාත්මක කිරිම සඳහා ‘රටම එකට’ ජාතික මෙහෙයුම් සභාව ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති ලේකම් කාර්යාලයේදී අද (17) පළමු වරට රැස් විය.

දෙරටේ සංවර්ධන ගමනේදී හවුල්කාරිත්වයෙන් යුතුව කටයුතු කිරීමට ඉන්දීය රජය කැපවී ක්‍රියා කරන බවටත්, ඩිජිටල් හැඳුනුම්පත් ව්‍යාපෘතිය ඉදිරියට ගෙන යාම සහ ඩිජිටල් පාලනය ශක්තිමත් කිරීම සඳහා ශ්‍රී ලංකාවට නිරන්තර සහයෝගය ලබාදෙන බවද ඉන්දීය අග්‍රාමාත්‍ය නරේන්ද්‍ර මෝදි මහතා අවධාරණය කළේය.

දීපවාලී උත්සවය නිමිත්තෙන් ලබන අගහරුවාදා (21) දින ඌව පළාතේ හා මධ්‍යම සියළුම පළාත් සභා දමිල පාසල් වලට නිවාඩු දිනයක් ප්‍රකාශයට පත් කර තිබේ.

ශ්‍රී ගුවන් සමාගමේ වියදම 2024/2025 වර්ෂයේ දි රුපියල් බිලියන 275.6ක් දක්වා සියයට 15.1කින් අඩුකරගැනිමට හැකිවි ඇති බැව් මුදල් හා ආර්ථික සංවර්ධන අමාත්‍යංශය විසින් නිකුත්කොට ඇති වාර්තාවක සදහන් වේ.

හෙරොයින් ප්‍රවාහනය කරමින් සිටියදි ශ්‍රි ලංකා නාවික හමුදාව විසින් අත් අඩංගුවට ගන්නා ලද බහුදින ධිවර යාත්‍රාව එහි සිටි ධිවරයින් පස් දෙනාද සමග අද (17) දහවල් ගාල්ල වරාය වෙත ගෙන එනලදි.

සුදුසු පරිදි ඉදිකිරීම් සිදු නොකළ ගොඩනැගිලි හිමිකරුවන් 18 දෙනෙකුගෙන් සමාගමට අය විය යුතු මුදල් තවම අයකරගෙන නැහැ - කෝප් කමිටුව පෙන්වා දෙයි.

ඉතා වටිනා ගජ මතු යුගලයක් සන්තකයේ තබාගෙන සිටි බව කියන සංචාරක මඟ පෙන්වන්නන් දෙදෙනෙකු දිගන අඹකොටේ විශේෂ කාර්ය බලකා කඳවුරේ නිලධාරීන් පිරිසක් විසින් අත්අඩංගුවට ගෙන කටුගස්තොට පොලිසියට බාර දී තිබේ.

විදේශ රැකියාවලට පිටත්ව යන විගමනික ශ්‍රමිකයන් වෙනුවෙන් රජයේ නව වැඩපිලිවෙලට අනුව සහනදායි මිලට ගුවන් ටිකට් පත් නිකුත් කිරීමේ කවුලුවක් ඊයේ (10/16) විදේශ කටයුතු හා විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතාගේ ප්‍රධානත්වයෙන් නාවල පාර, නාරාහේන්පිට පිහිටි ශ්‍රී ලංකා විදේශ රැකියා ආයතනයේ දි විවෘත කරන ලදී.

ජාතික ඖෂධ නියාමන අධිකාරිය පනත යටතේ අංක 2446/34 දරන හා 2025.07.21 දිනැති අතිවිශේෂ ගැසට් පත්‍රයේ පළ කර ඇති නියෝග සඳහා සෞඛ්‍ය සහ ජනමාධ්‍ය කටයුතු පිළිබඳ අමාත්‍යාංශයීය උපදේශක කාරක සභාවේ අනුමතිය පසුගියදා හිමිවිය. ගැසට්පත්‍රයේ සඳහන් මෙම නියෝග ලබන 21 වැනිදා පාර්ලිමේන්තුවේ අනුමතිය සඳහා විවාදයට ගැනීමට නියමිතව තිබේ.

අල්ලස් කොමිසම මඟින් අත්අඩංගුවට ගෙන රක්ෂිත බන්ධනාගාරගත කර සිටින හිටපු ජනාධිපති මහින්ද රාජපක්ෂ මහතාගේ ආරක්ෂක ප්‍රධානී යුද හමුදා හිටපු කර්නල් නෙවිල් වන්නිආරච්චි ඔක්තෝබර් මස 31 වනදා දක්වා තවදුරටත් රක්ෂිත බන්ධනාගාර ගත කරන ලෙස කොළඹ මහෙස්ත්‍රාත් අධිකරණය නියම කළේය.

ඉඩම් ගනුදෙනුවකට අදාලව කාන්තාවකගෙන් රුපියල් ලක්ෂ 12ක මුදල් අල්ලසක් ලබා ගැනිමට තැත්තිරිමෙිදී කොස්ලන්ද, දියලුම ගොවිජන සේවා කාර්යාලයට අනුයුක්තව සේවය කරන, දිවුලගස්මුල්ල, කැලිපානාවල ග්‍රාම නිළධාරී වසම භාරව කටයුතු කල කෘෂිකර්ම පර්යේෂණ සහකාර නිළධාරීවරයා ඊයේ ( 16 ) අල්ලස් කොමිසමේ නිළධාරින් විසින් අත්අඩංගුවට ගෙන වැල්ලවාය පොලිසිය වෙත ඉදිරිපත්කර තිබෙි.