සත්ව හුවමාරු වැඩසටහන යටතේ එක්සත් අරාබි එමීර් රාජ්‍යයේ සිට ඉකුත් පෙබරවාරි මස 10 වන දින හිමාලයානු දුඹුරු වලසුන් (Himalayan Brown Bears ) හා මියර් කැටි - Meerkat සතුන් යුවල 3 ක් දෙහිවල සත්වෝද්‍යානයට ද , ස්පොට්ටෙඩ් හයිනා යුවලක් (Spotted Hyena ) හම්බන්තොට රිදියගම සෆාරි උද්‍යානයට ද රැගෙන එනූ ලැබීය.

පුත්තලම දිස්ත්‍රික්කයෙ ගම්මාන වෙත කඩා වැදි ඇති වන අලි නැවත වනාන්තර වෙත පලවා හැරිම් මෙහෙයුමින් වන අලින් 60 කට ආසන්න පිරිසක් මේ වන විට තබ්බෝව අභය භුමිය වෙත පලවා හැරීම් කර ඇති බව පුත්තලම වනජිවි සහකාර අධ්‍යක්ෂ එරන්ද ගමගේ මහතා පවසන්නට විය.

දේශබන්දු තෙන්නකොන් මහතාව පොලිස්පති ධුරයෙන් ඉවත් කිරීමට ආණ්ඩුව ගෙන එනු ලබන යෝජනාව ජයග්‍රහණය කරවීමට විපක්ෂය සහය දෙන බව විපක්ෂනායක සජිත් ප්‍රේමදාස මහතා පැවසීය.

ඉන්දීය ප්‍රිමියර් ලීග් ක්‍රිකට් තරගාවලියේ පස්වන තරගය අද (25දා) පැවැත්වීමට නියමිතව තිබේ.

ගන්දර පොලිස් වසමේද‍‍‍ි‍ යතුරුපැදියකින් ගමන් කරමින් සිටි පුද්ගලයන් දෙදෙනෙකුට වෑන් රථයකින් පැමිණි පිරිසක් සිදුකළ වෙඩි තැබිම සම්බන්ධයෙන් තවත් පුද්ගලයෙක් සැකපිට අත්අඩංගුවට ගෙන තිබේ.

සේවය අත්හිටුවා ඇති පොලිස්පති දේශබන්දු තෙන්නකොන්ව ධුරයෙන් ඉවත් කිරීමේ ​යෝජනාවක් අද(25දා) කථානායක වෛද්‍ය ජගත් වික්‍රමරත්න මහතා වෙත භාර දී තිබේ.

බස්නාහිර, සබරගමුව, දකුණු හා වයඹ පළාත්වල ප.ව. 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍ය දෙපාර්තමේන්තුව කියයි.

තැනින් තැන සිදු කරනු ලබන වෙඩි තැබීම් වලින් ජාතික ආරක්ෂාවට මහා බලපෑමක් නොවන බවත්, මහජන ආරක්ෂාව දැනටම තහවුරු කර ඇති බවත් ආරක්ෂක නියෝජ්‍ය අමාත්‍ය අරුණ ජයසේකර මහතා පැවසීය.

කූඨ ලෙස සකස් කළ කැනඩා වීසා බලපත්‍ර භාවිතා කරමින් කැනඩාවට පළා යාමට තැත් කළ ශ්‍රී ලාංකිකයන් 11 දෙනෙකු සහ ඔවුන් ගුවන් තොටුපොළ වෙත රැගෙන ආ තැරැව්කරුවෙකු , කටුනායක ගුවන් තොටුපොළ පිටත්වීමේ පර්යන්තයේ දී ආගමන විගමන දෙපාර්තමේන්තු නිලධාරීන් පිරිසක් විසින් 03/24 දින පස්වරුවේ අත් අඩංගුවට ගෙන තිබේ.

සේවය අත්හිටුවා ඇති පොලිස්පති දේශබන්දු තෙන්නකොන්ට එරෙහිව විශ්වාසභංග යෝජනාවක් අද(25දා) කථානායක වෛද්‍ය ජගත් වික්‍රමරත්න මහතා වෙත භාර දීමට නියමිතව තිබේ.

නවසීලන්තයට අයත් දූපතක අද(25දා) රික්ටර් මාපක 6.7ක ප්‍රබල භූකම්පනයක් හට ගෙන තිබේ.

මෙරට දරිද්‍රතාව ඉහළ ගොස් ඇති බවත්, උද්ධමනය ඇතුළු විවිධ කාරණා හේතුවෙන් ස්ථාර සේවයේ නියුතු වන රාජ්‍ය සහ පෞද්ගලික අංශ සේවකයන්ගෙන් සැලකිය යුතු ප්‍රමාණයක් දරිද්‍රතා රේඛාවට පැමිණ ඇති බවත් රජයේ මුදල් පිළිබඳ කාරක සභාවේදී අනාවරණය විය.

යුරෝපයට පළා යාමේ අදහසින් මෙරටට පැමිණ නීතිවිරෝධී ලෙස රැදී සිටි බංගලදේශ ජාතිකයන් 10 දෙනෙකුගෙන් සමන්විත පිරිසක් 03/24 දින පස්වරුවේ කටුනායක ආඩිඅම්බලම ප්‍රදේශයේදි ආගමන විගමන දෙපාර්තමේන්තු විමර්ශන අංශයේ නිලධාරීන් විසින් අත් අඩංගුවට ගෙන තිබේ .

ශ්‍රි ලංකාවේ පැවැති යුදමය කාලසිමාව තුළදි මානව හිමිකම් උල්ලංඝනය කිරීම සම්බන්ධයෙන් වගකිව යුතු බවට සඳහන් කරමින් හිටපු ආරක්ෂක මාණ්ඩලික ප්‍රධානී ජනරාල් ශවේන්ද්‍ර සිල්වා මහතා ඇතුළු සිව්දෙනෙකුට එක්සත් රාජධානිය විසින් සම්බාධක පනවා තිබේ.

වෙළෙඳ පොළේ පවතින නාඩු, සම්බා හා කීරි සම්බා වී මිලට අනුව රජය විසින් ප්‍රකාශයට පත්කර තිබෙන සහල් මිලට වෙළෙඳ පොළට සහල් නිකුත් කළ නොහැකි බව කුඩා හා මධ්‍ය පරිමාණ මෝල් හිමියෝ සඳහන් කරති.

පාර්ලිමේන්තුවේ කාරක සභා සඳහා විපක්ෂයෙන් පත් කිරීමට නියමිත මන්ත්‍රීවරුන්ගේ නම් කථානායක වෛද්‍ය ජගත් වික්‍රමරත්න මහතා වෙත යොමු කළ බව විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ගයන්ත කරුණාතිලක මහතා ‘අද’ පුවත්පතට පැවසීය.

ඉන්දිය ප්‍රිමියර් ලීග් ක්‍රිකට් තරගාවලියේ 04 වැනි තරගෙයන් එක් කඩුල්ලක ජයක් වාර්තා කිරීමට දිල්ලි කැපිටල්ස් කණ්ඩායම ඊයේ(24දා) සමත් විය.

පසුගිය වසරේදී HIV පරීක්ෂණ සඳහා යොමු කෙරුණ ක්ෂය රෝගීන් 8787 දෙනෙකුගෙන්, 68 දෙනෙකුට HIV ආසාදනයවී ඇති බවට අනාවරණය වී ඇතැයි ජාතික ලිංගාශ්‍රිත රෝග හා ඒඩ්ස් මර්දන වැඩසටහන සඳහන් කරයි.

ත්‍රස්ත මර්ධන විමර්ශන කොට්ඨාශය විසින් සැකපිට අත්අඩංගුවට ගෙන අධිකරණයට ඉදිරිපත් කළ බත්තරමුල්ලේ අමාර් ශාබිර් හුසේන් අම්බාස් නමැත්තා මෙලෙස රක්ෂිත බන්ධනගාර ගත කළේය.

ඊශ්‍රායල් රාජ්‍යයේ ඉදිකිරීම් ක්ෂේත්‍රය යටතේ ක්‍රියාත්මක ප්‍රතිසංස්කරණ ආශ්‍රිත රැකියා (Renovation General Workers) සඳහා තෝරා ගත් 2 කණ්ඩායම අද දින (2025.03.24) දිවයිනෙන් පිටත් වන බව ශ්‍රී ලංකා විදේශ සේවා නියුක්ති කාර්යාංශය සදහන් කරයි.

මහපොළ ශිෂ්‍යාධාරලාභීන් වෙත එම දීමනාව ප්‍රමාදයකින් තොරව ලබා දීමට ගත හැකි ඉදිරි පියවර සම්බන්ධයෙන් සාකච්ඡාවක් අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න මහතාගේ ප්‍රධානත්වයෙන් අද (24) ඉසුරුපාය අධ්‍යාපන අමාත්‍යාංශ පරිශ්‍රයේ දී පැවැත්විණි.

බහරේන් රාජ්‍යයට පැමිණෙන විදේශිය ශ්‍රමිකයන්ට මෙනින්ගොකොකල් රෝගය ඇතිවිම වලක්වීම සඳහා භාවිතා කරන Meningococcal vaccine එන්නත්කරණය අනිවාර්යය කර ඇති බව එරට සෞඛ්‍ය අමාත්‍යාංශය විසින් නිවේදනය කරයි.

එන්ජින් ධාරිතාවය 201 සිට 450 කාණ්ඩයේ යතුරු පැදි 296ක් සඳහා අය කළ යුතු නියමිත ගාස්තු අය නොකර ලියාපදිංචි කර තිබීම හේතුවෙන් රජයට රුපියල් මිලියන 78.15ක අලාභයක් - කෝපා කමිටුවේදී අනාවරණය වෙයි.

කියුබා ජනරජයේ නව ශ්‍රී ලංකා තානාපතිවරයා ලෙස ආර්.එම්. මහින්ද දාස රත්නායක මහතා පත්කිරීමටත්, ජපානයේ නව ශ්‍රී ලංකා තානාපතිවරයා ලෙස මහාචාර්ය පිවිතුරු ජනක් කුමාරසිංහ මහතා පත් කිරීමටත් උසස් නිලතල පිළිබඳ කාරක සභාව අනුමැතිය ලබා දුන්නේය. එක්සත් රාජධානියට අයත් මහා බ්‍රිතාන්‍යයේ සහ උතුරු අයර්ලන්තයේ නව ශ්‍රී ලංකා මහ කොමසාරිස්වරයා ලෙස එස්. ඩී. නිමල් උපාලි සේනාධීර මහතා පත් කිරීම සඳහා වන නාමයෝජනාව ද උසස් නිලතල පිළිබඳ කාරක සභාව අනුමත කළේය.

ඉන්දීය ප්‍රිමියර් ලීග් ක්‍රිකට් තරගාවලියේ 04වැනි තරගය අද (24දා) පැවැත්වීමට නියමිතව තිබේ.

හෙරොයින් මත්කුඩු පැකට් ස්ථානගත කරමින් (ලොකේෂන්) ත්‍රී රෝද රථයකින් ගමන් කරමින් සිටියදී හෙරොයින් මත්කුඩු ග්‍රෑම් 90ක් සමග නැන්දම්මා සමග යේළිය අත්අඩංගුවට ගත් බව මහනුවර කොට්ඨාස අපරාධ විමර්ශන කාර්යංශය කියයි.

බෙල්ලන්විල රාජමහා විහාරාධිපති සිංගප්පූරුවේ ප්‍රධාන සංඝනායක ආචාර්ය බෙල්ලන්විල ධම්මරතන හිමියන්ගේ අනුශාසකත්වයෙන් හා මුල්‍යමය ආධාරයෙන් ඉකුත් 23 වැනිදින විහාර පරිශ්‍රයේ පොල් දන්සැලක් පැවැත්වූහ. මෙහිදී විහාරස්ථානයට වන්දනාමාන පිණිස පැමිණි පිරිසට පොල්ගෙඩි 2000 ක් පමණ පරිත්‍යාග කෙරිණි.

ව්‍යාජ ඇටර්නි බලපත්‍රයක් සකස් කර ඔස්ට්‍රේලියානු ජාතික ව්‍යාපාරිකයකුට අයත් සමාගම් කොටස් විකුණා දැමීමේ සිද්ධියේ චෝදනාවලින් හිටපු පාර්ලිමේන්තු මන්ත්‍රී උදය ගම්මන්පිල මහතා නිදොස් කොට නිදහස් කරන ලෙස කොළඹ මහාධිකරණය අද (24දා)නියෝග කළේ.

ජාත්‍යන්තර මත්ද්‍රව්‍ය ජාලය හරහා ලැබුණු මත්ද්‍රව්‍ය තොගයක් සොරකම් කිරිමේ ප්‍රතිඵලයක් ලෙස දෙවිනුවර ද්විත්ව මනුෂ්‍ය ඝාතනය සිදු කර ඇති බව ගන්දර පොලීසිය ඊයේ (23) මාතර වැඩබලන මහේස්ත්‍රාත් හා නීතිඥ උපාලි රණසිංහ මහතා හමුවේ වැඩිදුර වාර්තාවක් මගින් කරුණු දක්වමින් කියා සිටියේය.