කරුවලගස්වැව සියඹලෑව ගම්මානයේ 15 හැවිරිදි දැරියක් ඊයේ (29දා) අලුයම නිවස අසළ ළිඳකට පැන සිය දිවි නසාගෙන තිබියදි සොයා ගත් බව කරුවලගස්වැව පොලීසිය පවසයි.

මහින්ද මහත්තයා මේකේ ඉන්න ඕන. මහින්ද මහත්තයෝ ඔබතුමා යමිකිසි වෙලාවක කිසියම් හෝ තීන්දුවක් අරගෙන තියනවානම් වහාම ඒක අත්හරින්න. ගෝඨාභය ජනපතිතුමනි කේවට්ටයෝ ටික ඈත් කරන්න. සංශෝධනයක් කළොත් ඉලක්කය කරා ගමන් කරන්න පුළුවන්කම තිබෙනවා. හණමිටි බදාගෙන ගියොත් ඔබතුමාගේ ඉලක්කයත් අසාර්ථකයි. අපිත් විනාශයි. රටත් විනාශයි

ජනවාරි 03 දා සිට සියලුම රාජ්‍ය සේවකයන් සේවයට කැඳවීමට රාජ්‍ය සේවා, පළාත් සභා හා පළාත් පාලන අමාත්‍යාංශය තීරණය කර ඇති බව වාර්තා වෙයි.

වසංගතයේ උග්‍ර අවධිය 2022 දී අවසන් විය හැකි බව ලෝක සෞඛ්‍ය සංවිධානය පිළිගන්නා මුත්, එය රඳා පවතින්නේ එන්නත් සම්බන්ධයෙන් වැරදි තොරතුරු පැතිරීමට එරෙහිව සටන් කිරීම සහ ලබන වසරේ මැද භාගය වනවිට සියලුම ජාතීන් තුළ 70%ක එන්නත් අනුපාතයක් ලබා ගැනීමෙන් එන්නත් අසමානතාව අවසන් කිරීම මත පමණක් බව අවධාරණය කරයි.

ශ්‍රී ලංකාවට නැගෙනහිර මුහුදේ කිලෝමිටර් 300ක පමණ දුරකින් භූ කම්පනයක් ඇතිව තිබෙන බව භූ විද්‍යා හා පතල් කැනීම් කාර්යාංශය පවසයි. රික්ටර් මාපාංකයේ 4.3ක පමණ ප්‍රභලත්වයකින් යුතුව මෙම භූමිකම්පාව ඇතිව තිබේ. කෙසේ වෙතත් මෙම භූමිකම්පාව හේතුවෙන් සුනාමි අවදානමක් නොමැත.

අවම බස් ගාස්තු රුපියල් තුනකින් ඉහළ දැමීමට රජය තීරණය කර තිබේ. පෞද්ගලික බස් සංගම් හා පැවැති සාකච්ඡාවකින් අනතුරුව මෙම තිරණය ගෙන තිබේ.

2020 දී ඩොලර් බිලියන 100ක් ඉක්මවූ චීනයේ ආහාර ආනයන වෙළෙඳ පොළ වේගයෙන් වර්ධනය වෙමින් පවතී. මෙම වසරේ එය 20%කින් ඉහළ යනු ඇතැයි අපේක්ෂා කරන ලදී.

අපිත් ජනාධිපතිතුමන්ට නැවත නැවතත් කියා තිබෙන්නේ අපි එතුමාව දාලා කවදාවත් යන්න අදහසක් නෑ කියලා. අපි එතුමා සමඟ මේ ගමන යන්නයි අදහස. අපිට පේන කොට අපේ රටේ අනාගතයට මහා හානි දායක බලපෑමක් ඇති කරන කරුණක් අපි ඒක මතු කරගන්නවා.

බ්‍රිතාන්‍ය සෞඛ්‍ය ලේකම් සජිඩ් ජාවිඩ් පැවසුවේ, ’’මෙය ජාතික මෙහෙවරක් වන අතර, අප සැමට ඉටු කිරීමට කාර්යභාරයක් තිබෙනවා. එබැවින් ඔබේ කමිස අත් උඩට අකුළාගෙන, හැකි ඉක්මනින් ඔබේ ආරක්ෂාව ලබා ගන්න.’’ යනුවෙනි.

ජාත්‍යන්තර ක්‍රිකට් කවුන්සිලය විසින් පිරිනම ජගත් ක්‍රිකට් සම්මාන උළෙලේ වසරේ විස්සයි20 හිමි ක්‍රීඩකයාට හිමි සම්මානය සඳහා ශ්‍රී ලංකාවේ සුපිරි දඟ පන්දු යවන ක්‍රිඩක වනිඳු හසරංග නිර්දේශ වී තිබේ.

දින දෙකක නිල සංචාරයක් සඳහා චීන විදේශ අමාත්‍ය වැංග් යී මහතා ශ්‍රී ලංකාවට පැමිණිමට නියමිතය. ඒ අනුව ජනවාරි 08 දා ඔහු දිවයිනට පැමිණෙනු ඇත.

ප්‍රංශ රජය විසින් ජනවාරි අවසානය දක්වා සුපිරි වෙළඳසැල්වල ඇන්ටිජන් කට්ටල විකිණීමට අවසර ලබාදෙන ලදී. ප්‍රංශ අගමැතිවරයා සියලුම දැඩි සත්කාර වෛද්‍ය කාර්ය මණ්ඩලයට මාසිකව යුරෝ 100ක ප්‍රසාද දීමනාවක් ප්‍රකාශයට පත් කළේය.

පිලියන්දල ප්‍රදේශයේදී කාන්තාවක් විසින් පැදවූ ජීප් රථයක් වේගය පාලනය කර ගැනීමට නොහැකිව සිදුවූ අනතුරින් පුද්ගලයෙකු මියගොස් ඇත.

එක්සත් ජනපදයේ නව ඔමික්‍රෝන් ප්‍රභේදයේ වේගවත් පැතිරීම නිසා සඳුදා වනවිට දෛනික කොවිඩ්-19 ආසාදිතයන් 510,000කට වඩා වාර්තාගත ඉහළ මට්ටමකට ගෙන ගොස් ඇති අතර, එය රට තුළ වසංගතය ආරම්භ වූ දින සිට ඉහළම දෛනික ඉහළ යෑමයි.

GN 125 H වර්ගයේ යතුරු පැදි 10ක් මෙසේ ශ්‍රී ලංකාවේ චීන තානාපති චී ෂෙන්හොන් මහතා විසින් මහජන ආරක්ෂක අමාත්‍යාංශයේ ලේකම් විශ්‍රාමික මේජර් ජනරාල් ජගත් අල්විස් මහතා හා පොලිස්පති සී.ඩී. වික්‍රමරත්න මහතා වෙත පරිත්‍යාග කළේය.

හඟුරන්කෙත කලාප අධ්‍යාපන කාර්යාලයේ 2012 වසරේ සිට සිදුවූ ඇතැයි කියන මහා පරිමාණ මුදල් වංචාවක් සම්බන්ධයෙන් විගණන අංශ විමර්ශන ආරම්භ කර තිබේ .

ශ්‍රී ලංකාවේ කොවිඩ් ප්‍රතිශක්තීකරණ වැඩසටහන යටතේ චීනයෙන් ලබාගත් සිනෝෆාම් එන්නත් සඳහා වැය වූ මුදල් ප්‍රතිපූර්ණය කිරීමට ආසියානු සංවර්ධන බැංකුව එකඟ වී තිබේ.

රබර්,පොල් සහ කුරුඳු අපනයනය කිරීමෙන් මෙම වසරේදී ඇමරිකානු ඩොලර් බිලියන 4 ක අපනයන ආදායමක් ලබා තිබෙන බව වැවිලි අමාත්‍ය වෛද්‍ය රමේෂ් පතිරණ මහතා පැවසීය.

කිලිනොච්චිය ධර්මපුරම් පොලිස් වසමේ කුමාරසාමිපුරම් ප්‍රදේශයේ එල්.ටී.ටී.ඊ. සංවිධානය විසින් වළදමන ලද ආයුධ රැසක් ගොඩ ගෙන අද (29) දිනයේදී නිශ්ක්‍රීය කිරීමට පියවර ගන්නා බව කිලිනොච්චිය පොලිස් විශේෂ කාර්ය බලකාය පවසයි.

දිගන නව නගරයේ ඉදි කොට ඇති බුදු කුටියට කිසියම් පුද්ගලයකු විසින් ගල් ප්‍රහාරයක් එල්ල කොට ඇති බව පවසන තෙල්දෙණිය පොලිසිය එම ගල් ප්‍රහාරය හේතුවෙන් එම බුදු කුටිය ආවරණය වීම සඳහා යොදා තිබූ වීදුරුවට අලාභානි සිදු වී ඇති අයුරු දක්නට ඇත.

අසභ්‍ය ප්‍රකාශ තහනම් කිරීමේ පනත් කෙටුම්පතට අදාළ ගැසට් නිවේදනය බල රහිත කිරිමට අධිකරණ අමාත්‍ය අලි සබ්‍රි මහතා උපදෙස් දුන් බව අධිකරණ අමාත්‍යාංශ ලේකම් පී.කේ. මායදුන්නේ මහතා පවසයි.

ඇමෙරිකානු ඩොලර් මිලියන 1.6ක්ව පැවැති ශ්‍රී ලංකාවේ නිල විදෙස් සංචිතය ඇමෙරිකානු ඩොලර් මිලියන 3.1ක් දක්වා ඉහළ නැංවීමට හේතුව වී ඇත්තේ චීනයෙන් ලැබුණ ඩොලර් බිලියන 1.5ක ස්වැප් පහසුකම බවට තොරතුරු වාර්තා වෙයි.

අද (29දා) වන විට ශ්‍රී ලංකාවේ නිල විදේස් සංචිතය ඇමෙරිකානු ඩොලර් බිලියන 3.1ක් දක්වා ඉහළ ගොස් ඇති බව මහ බැංකු අධිපති අජිත් නිවාඩ් කබ්රාල් මහතා පවසයි.‍ෙ

කොවිඩ් වසංගත තත්ත්වය හේතුවෙන් තාවකාලිකව නවතා දැමුණු විශ්වවිද්‍යාල දේශණ යළිත් අද (29දා) සිට ආරම්භ කිරීමට අවසර දී තිබේ.

බංග්ලාදේශයෙන් ලබාගත් ඩොලර් මිලියන 200 මූල්‍ය පහසුකම පියවීම සඳහා ශ්‍රී ලංකාව තවත් අමතර මාස තුනක සහන කාලයක් ඉල්ලා තිබේ. අග්‍රාමාත්‍ය මහින්ද රාජපක්ෂ මහතා කළ ඉල්ලීමට බංග්ලාදේශ අගමැතිනී ෂෙයික් හෂීනා මහත්මිය එකඟ වී ඇතැයි පාර්ලිමේන්තු මන්ත්‍රී හර්ෂද සිල්වා මහතා පවසයි.

මම කවදාවත් එයාපෝට් එකේ ගිහින් වී ගබඩා කරන්නේ නෑ. ඒ සංකල්පය මගේ නෑ. ඒක රනිල් වික්‍රමසිංහ මහත්තයා කළේ මාව විනාශ කරන්න. ඇත්තම කථාව. පැහැදිලිවම ගුවන් තොටුපොළ අපේ ප්‍ර දේශයට ලැබුණ සම්පතක්. රස්සා බිහිකරන ගුවන් තොටුපොළක් බවට අපි පත්කරනවා.

මීට වසර එක හමාරකට පමණ පෙර ඉන්දියාවෙන් ගෙන්වූ දුම්රිය එන්ජින් 10න් තවමත් ධාවනයට එක්කර ඇත්තේ දුම්රිය එන්ජින් 03ක් පමණක් බවත් මාස 6කට පෙර මෙරටට ගෙන්වූ දුම්රිය මැදිරි 80න් එකක්වත් ධාවනයට එක්කර නොමැති බවත් ’අදට; වාර්තා වෙයි.

පළමු වැනි අමෙන්හොටෙප් රජුගේ මමිය මත ඇති එතුම් ඩිජිටල් ආකාරයෙන් ඉවත් කිරීමට පර්යේෂකයන් විසින් උසස් එක්ස් කිරණ තාක්ෂණයක්, පරිගණකගත ටොමොග්‍රැෆි (CT) සහ උසස් පරිගණක මෘදුකාංග වැඩසටහන් භාවිත කර ඇත.

අපි රටට වරදක් කරලා නෑ. රටට ආදරය කිරීම වරදක් කියලා හිතන්නේ නෑ. ඒ වගේම වරදක් නොකළ නිසා ඉල්ලා අස්වීමේ උවමනාවක් අපි දකින්නේ නෑ. අපි වරදක් කළානම් තමයි අපි ඉල්ලා අස්වෙන්න ඕන. හැබැයි කවුරුහරි හිතනවානම් අපි වරදක් කළා කියලා අපිව ඉවත් කිරීම පිළිබඳව ජනපතිතුමා තීරණයක් ගැනීම පිළිබඳව අපිට කිසිම ප්‍රශ්නයක් නෑ.