පසුගිය වසරේ මත්තල රාජපක්ෂ ගුවන්තොටුපළේ ගුවන් මගී මෙහෙයුම් 32,957ක් සිදුව තිබේ. හසුරුවා ඇති ගුවන්යානා මෙහෙයුම් සංඛ්‍යාව 722කි. ඉන් 584ක්ම ජාත්‍යන්තර ගුවන් යානා මෙහෙයුම් වීම විශේෂත්වයකි. මත්තල රාජපක්ෂ ගුවන්තොටුපළේ පසුගිය වසරක කාලය තුළ අභ්‍යන්තර ගුවන් මෙහෙයුම් 138ක්ද සිදුව ඇතැයි ප්‍රසන්න රණතුංග මහතා පැවසීය. මෙම වසරේ ජනවාරි 01වැනිදා සිට පෙබරවාරි මස 03වැනිදා දක්වා සංචාරකයන් 2,919ක් මත්තල ගුවන්තොටුපළින් මෙරටට පැමිණ ඇතැයිද මත්තල ගුවන්තොටුපළ වාර්තා සඳහන

අගමැති ජසින්ඩා ආර්ඩර්න් විරෝධතාකරුවන්ට පැවසුවේ ’’කරුණාකර ඉවත්වෙන්න’’ කියාය. එසේම, ’’මෙම පෙලපාලිය මගින් නවසීලන්තයේ ඉදිරි ගමන කොතැනකද යන්න පිළිබිඹු නොවන’’ බවද ඇය අවධාරණය කළාය.

අද විශේෂයෙන්ම සමාජ මාධ්‍ය ජාල මගින් කරනු ලබන සංස්කෘතික, ජාතික හා සමාජ ව්‍යසන පිළිබඳමීට වඩා අපි සැලකිල්ලක් දක්වන්න ඕන.අද සමාජ මාධ්‍යයේ ටික් ටොක් කියලා එකක් තිබෙනවා. මේ විදියට අද සමාජ මාධ්‍ය ජාලා තුළින් ඇති වෙලා තිබෙන මේ ව්‍යසනය පිළිබඳ, මම කියන්නේ නෑ සමාජ මාධ්‍ය තහනම් කරන්න ඕනී කියලා නමුත් මෙය නියාමනය කිරීම සඳහා වැඩපිළිවෙලක් සකස් කිරීම සඳහා කාලය පැමිණ තිබෙනවා.

ලෙටිෂියා රැජින සහ යුවළගේ බාල දියණිය සොෆියා රෝග ලක්ෂණ නොපෙන්වන අතර, ඔවුන්ගේ ක්‍රියාකාරකම් සාමාන්‍ය පරිදි කරගෙන යනු ඇති බව ස්පාඤ්ඤයේ රාජකීය මාලිගාව නිවේදනය කරයි.

මොරටුව රාවතාවත්ත ප්‍රදේශයේ සුපිරි වෙළද සැලක තිබු පිං කැටයක් කඩා රුපියල් 1408ක මුදලක් සොරාගත් පොලිස් කොස්තාපල්වරයකු, මොරටුව පොලිසිය විසින් ඊයේ (08දා) අත්අඩංගුවට ගනු ලැබුහ.

ඇයට සඳුදා උගුරේ අමාරුවක් තිබූ අතර, අඟහරුවාදා වෛරසය සඳහා ධනාත්මක බව පරීක්‍ෂා කළාය. ඇය දැන් ඉම්පීරියල් මාලිගාව තුළම පිහිටි රෝහලක ප්‍රතිකාර ලබන බව කියයි.

ආඩිගම කීරියන්කල්ලිය මාර්ගයේ ප්‍රදේශයේදී අද (09දා) ලොරි රථයක් පාපැදියක ගැටීමෙන් සිදු වූ අනතුරකින් බරපතල තුවාල ලැබූ කාන්තාවක් මුන්දලම රෝහලට ඇතුලත් කිරීමෙන් අනතුරුව මරණයට පත්ව ඇතිබව මුන්දලම පොලීසිය පවසයි.

නොවැම්බර් මාසයේදී එන්නතෙහි තුන්වැනි මාත්‍රාව ලබාගත් 81 හැවිරිදි රැජින අඟහරුවාදා සවස ධනාත්මක බව පරීක්‍ෂා කළ අතර, ඇය මෘදු රෝග ලක්ෂණ පමණක් පෙන්නුම් කරන බව එරට රාජකීය මාලිගාව නිවේදන කරයි.

ගොවි ජනතාව වෙනුවෙන් තමන් අවශ්‍ය ඕනෑම දෙයක් සිදුකරන බව ජනාධිපති ගෝඨාභය රාජපක්ෂ මහතා සඳහන් කරයි.අනුරාධපුර සල්ගාදු ක්‍රීඩාංගනයේ අද (09දා) පැවැති පොදුජන පෙරමුණ විසින් සංවිධානය කල පොදුජන රැලිය අමතමින් ඔහු මේ බව පැවසීය.

’’ වසර දෙකක් තුළ ගොවියා පාරට කවුද ගෙනාවේ. ගුරුවරයා පාරට කවුද ගෙනාවේ. ඉදිරි වසර තුනත් අවුල් කරන්න හදන්නේ. අපිටත් වැල්ලේ ඇවිදලා පුරුදුයි. අපිටත් පාද යාත්‍රා හුරුයි. අපිත් ජනතාව අතරට යනවා. අපිත් ගොවියා අතරට යනවා. අපි ඒ අභියොගයට සූදානම්’’

ජාත්‍යන්තර මූල්‍ය අරමුදල ශ්‍රී ලංකාව සම්බන්ධයෙන් ඉදිරියේදී නිකුත් කිරීමට නියමිත වාර්තාව පිළිබඳ මාර්තු මාසයේදී විවාදයක් ලබා දෙන ලෙස ආණ්ඩුවෙන් ඉල්ලීමක් කරන බව එක්සත් ජාතික පක්ෂයේ නායක පාර්ලිමේන්තු මන්ත්‍රී රනිල් වික්‍රමසිංහ මහතා පැවසීය.

අනුරාධපුර සල්ගාදු ක්‍රීඩාංගණයේ පැවැත්වෙන ශ්‍රී ලංකා පොදුජන පෙරමුණේ ජන රැළිය පැවැත්වෙන අනුරාධපුර සල්ගාදු ක්‍රීඩාංගණයට ජනපති ගෝඨාභය රාජපක්ෂ මහතාත් අග්‍රාමාත්‍ය මහින්ද රාජපක්ෂ මහතාත් මීට සුළු මොහොතකට පෙර එක්වූහ.

පාර්ලිමේන්තු මන්ත්‍රී රිෂාඩ් බදියුදීන් මහතාගේ සහ ඔහුගේ බිරිඳගේ විදෙස් ගමන් තහනම ලබන මැයි මස 24 වැනිදා තෙක් තාවකාලිකව ඉවත් කළ කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය ඔවුන් දෙදෙනාට විදෙස් ගතවීමට අද (09දා) අවසර ලබාදුන්නාය.

බොරැල්ලල සියළු ශාන්තුවරුන්ගේ දේවස්ථානය තුළ තිබී ජීව අත්බෝම්බයක් සොයා ගැනීමේ සිද්ධිය සම්බන්ධයෙන් ත‍්‍රස්තවාදය වැළැක්වීමේ පනත යටතේ සැකපිට අත්අඩංගුවට ගෙන රඳවාගෙන ප‍්‍රශ්න කළ දේවස්ථාන සේවකයා මුදාහැරීමට කොළඹ අතිරේක මහේස්ත්‍රාත් රාජින්ද්‍රා් ජයසූරිය මහත්මිය අද (09දා) නියම කළාය.

අ.පො.ස. (උසස් පෙළ) විභාගයෙහි අද (9දා) පැවති චිත්‍ර විෂයෙහි දෙවන කොටස ප්‍රශ්න පත්‍රය ලබා නොදුන් බවට විභාගයට පෙනී සිටි සිසුන් දෙදෙනෙකු විසින් ගම්පහ කලාප අධ්‍යාපන කාර්යාලයට පැමිණිලි කොට තිබේ.

රාගම වෛද්‍ය පීඨයේ සිසුන්ට පහරදීමේ සිදුවීම සම්බන්ධයෙන් පොල් සංවර්ධන මණ්ඩලයේ සභාපති කීර්ති ශ්‍රී වීරසිංහ මහතා සිය ධුරයෙන් ඉල්ලා අස්වී තිබේ.

රටක මහ බැංකුවක් ස්වාධීන විය යුතු බවත් ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා රටේ ඩොලර් ප්‍රශ්නයක් නැතැයි කියමින් දේශපාලකයෙකු මෙන් හැසිරෙමින් ජනතාව ඇන්දවීමට ගන්නා උත්සාහය පිළිකුලෙන් යුතුව හෙළා දකින බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා අවධාරණය කරයි.

ශ්‍රී ලංකා පත්‍රකලා සංගමයේ 67 වැනි සාංවත්තසරික උත්සවය ඊයේ (08දා) ජනමාධ්‍ය අමාතය ඩලස් අලහප්පෙරුම මහතාගේ ප්‍රධානත්වයෙන් ශ්‍රී ලංකා පදනම් ආයතනයේදී පැවැත්විණි. මෙම අවස්ථාව සඳහා යුනෙස්කෝ හී ශ්‍රී ලංකා කොමිසමේ මහ ලේකම් ආචාර්ය පුංචිනිළමේ මීගස්වත්ත මහතා ඇතුළු මාධ්‍යවේදීන් පිරිසක් සහභාගී වූහ.

ශ්‍රී ලංකාවට ඉදිරියේදී ගෙවීමට තිබෙනා සියලු ණය ගෙවා දනමන බව ශ්‍රී ලංකා මහ බැංකුව පවසයි. නිවේදනයක් නිකුත් කරමින් ශ්‍රී ලංකා මහ බැංකුව පැවසුවේ, ශ්‍රී ලංකාව ස්වෛරීත්ව බැඳුම්කර ගෙවීම පැහැර හැරීමක් අබියස සිටින බවට පළ වූ ඇතැම් මාධ්‍ය වාර්තා කෙරෙහි අවධානය යොමු කර ඇති බවයි.

නිවාස අහිමි මධ්‍යම ආදායම්ලාභී පවුල් සඳහා අග්‍රාමාත්‍ය මහින්ද රාජපක්ෂ මහතාගේ උපදෙස් පරිදි ඉදිකෙරෙන නිවාස 5,000 වැඩපිළිවෙළ යටතේ මාලඹේ ඉදිකළ නිවාස 256 කින් යුතු මහල් නිවාස සංකීර්ණයේ ඉදිකිරීම් කටයුතු මේ වන විට අවසන් වෙමින් පවතින බව නාගරික සංවර්ධන හා නිවාස අමාත්‍යාංශය ප්‍රකාශ කරයි.

මෙම 25%ක බද්ද ගසා තිබෙනුයේ වර්ථමාන ආණ්ඩුව බවත් එම ක්‍රියාමාර්ගය පසුගිය යහපාලන රජය සිදු කළ බවට ආණ්ඩු පාර්ශවය චෝදනා කරමින් සිටින බවත් නාමල් රාජපක්ෂ අමාත්‍යවරයාගේ ප්‍රකාශය පිළිබඳ අදහස් පළ කරමින් විපක්ෂනායක සජිත් ප්‍රේමදාස මහතා පැවසීය.

ජා-ඇල ඒකල ප්‍රදේශයේ ඊයේ (08දා) රාත්‍රී සිදු වු රිය අනතුරකින් පුද්ගලයෙකු එම ස්ථානයේ දීම ජීවිතක්ෂයට පත් ව තිබූ බව ජා-ඇල පොලීසිය පවසයි.

පාස්කු ඉරිදා ත්‍රස්ත ප්‍රහරය සම්බන්ධයෙන් යුක්තිය පසිඳලීම සඳහා ශ්‍රී ලංකාවේ කතෝලික සභාව ගෙන යන සටනට ප්‍රැන්සිස් පාප් වහන්සේ සහයෝගය ලබා දෙන බව සිරිල් ගාමිණී ප්‍රනාන්දු පියතුමා පැවැසූහ.

උතුරු මුහුදේ මසුන් අල්ලමින් සිටියදී අත්අඩංගුවට ගෙන පරික්ෂා කිරීමේදී කෝවීඩ් 19 වෛරසය වැළඳීම හේතුවෙන් නිරෝධායන කාලසීමාව අවසන් වූ ඉන්දීය ධීවරයින් 56 දෙනාගෙන් 52 දෙනෙකු නිදහස් වී ඉන්දීය බලධාරීන්ට භාර දීමට පියවර ගෙන ඇත.

එළවළු වගාවන් සඳහා අවශ්‍ය පොහොර හා වෙනත් කෘෂි රසායනික ද්‍රව්‍ය හිඟය හේතුවෙන් තමන් කණකර පවා උකසට තබා සිදුකළ එළවළු වගාවන් විනාශයට පත්වූ බව පෙන්වා දෙන බදුල්ල කැන්දගොල්ල ප්‍රදේශයේ එළවළු වගාකරුවෝ තමනට සිදුවූ අලාභයට රජය වන්දි ගෙවිය යුතු බව පවසති.

ඕස්ට්‍රේලියාවේ විශාලතම ආයෝජන බැංකුව වන Macquarie Group හි ප්‍රධාන විධායක නිලධාරී ලෙස කටයුතු කරන ෂෙමාරා වික්‍රමනායක ඔස්ට්‍රේලියාවේ ඉහළම වැටුපක් ලබන ප්‍රධාන විධායක නිලධාරි බවට පත්ව සිටින්නීය. ශ්‍රී ලාංකික සංක්‍රමණික පවුලක දියණියක් වන ෂෙමාරාගේ සතියක වැටුප ඇමෙරිකානු ඩොලර් 315000ක් වෙයි.

ශ්‍රී ලංකාව තුල කොවිඩ් මැඩලීම වෙනුවෙන් 2021ඔක්තොම්බර මස 31 දක්වා පමණක් මෙරට තුළ PCR පරීක්ෂණ කටයුතු වෙනුවෙන් පමණක් රුපියල් බිලියන එකලොස් දාහකට (11,064,081,000.00) අධික මුදලක් යොදවා තිබෙන බව සෞඛ්‍ය අමාත්‍යාංශය පෙන්වා දෙයි.

වැටුප් පරිපාලක සභාව විසින් වතු කම්කරුවන්ට වැඩි කළ දෛනික වැටුප රුපියල් දහස සහ වතු කම්කරුවන්ගේ සුබ සාධන කටයුතු ලබාදිම සදහා වතු වෘත්තිය සමිති සහ වතු හාම්පුතුන්ගේ සංගමය අතර අවබෝධතා ගිවිසුමක් අත්සන් කිරිමට රජයට මැදිහත් වන ලෙස බලකරමින් අද (09දා) හැටන් කම්කරු කාර්යාලය ඉදිරිපිට වතු කම්කරුවන් පිරිසක් උද්ඝෝෂණයක නිරත විය.

බදුල්ල මහ රෝහලේ වෛද්‍යවරුන් 15ක් ඇතුලු රෝහල් සෞඛ්‍ය කාර්ය මංඩලයේ 55කට කෝවිඩ් ආසාදිත වී ඇතැයි බදුල්ල මහ රෝහලේ හදිසි ප්‍රතිකාර ඒකකයේ ජ්‍යෙෂ්ඨ වෛද්‍ය නිලධාරී , රජයේ වෛද්‍ය නිලධාරී සංගමයේ ඌව පලාත් සම්බන්ධීකාරක වෛද්‍ය පාලිත රාජපක්ෂ මහතා අද (9දා) පැවසීය .