කොළඹ, හුණුපිටිය ගංගාරම විහාරස්ථානයේ නවම් මහා පෙරහර මංගල්‍යයේ පළමු දින පෙරහර ඊයේ(15)පස්වරුවේ වීථි සංචාරය කළේය.

නගරයේ දුම්රිය ගමනාගමන පද්ධතිය හරහා දිනකට දුම්රිය 10,700ක් ධාවනය වන අතර එමඟින් ප්‍රවාහනයේ කාර්යක්ෂමතාව සහතික කෙරේ. මෙට්‍රෝ මාර්ග 10ක දුම්රිය කාර්ය බහුල වේලාවන් හිදී අවම වශයෙන් මිනිත්තු දෙකක පරතරයකින් ධාවනය වේ.

අභිරහස් ලෙස සුළු පිළිස්සිම් තුවාල ලබා මරණයට පත්ව සිටි කාන්තාවගේ මරණය සම්බන්ධව පශ්චාත් මරණය පරික්ෂණය පුත්තලම මුලික රෝහලේ විශේෂඥ අධිකරණ වෛද්‍ය නිළධාරිට පවත්වන ලෙස පුත්තලම වැඩ බලන මහෙස්ත්‍රාත් සම්සු රාෆික් මහතා අද(15දා) පුත්තලම මුලස්ථාන පොලිසියට නියෝග කෙරුණි.

ශ්‍රී ලංකා ක්‍රිකට් කණ්ඩායම ඉදිරියේදී සිදු කිරීමට නියමිත තරග සංචාරය සඳහා දිවා -රාත්‍රී ටෙස්ට් තරගයක්ද ඇතුළත් කර තිබේ. මෙම තරග සංචාරය සඳහා විස්සයි20 තරග තුනක් හා ටෙස්ට් තරග දෙකක් ඇතුළත් වෙයි.

’’නව ප්‍රභේදවලට අදාළ රෝගවල බරපතලකම මෙන්ම දිගු කාලීන බලපෑම් තක්සේරු කිරීම සඳහා ඒ ඒ වයස් කාණ්ඩයන් හා සම්බන්ධ දත්ත රැස් කිරීමේ හදිසි අවශ්‍යතාවයක් පවතිනවා. වසංගතයේ ක්ෂණික බලපෑම් දරුවන්ගේ සෞඛ්‍යයට ඇති බව හඳුනා ගැනීම වැදගත් වෙනවා.’’ නවතම වාර්තාවක් කියයි.

ගී පද රචකයෙකු, කවියෙකු මෙන්ම මාධ්‍යවේදියෙකුද වූ සමන් චන්ද්‍රනාත් වීරසිංහ මහතා අද (15දා) අභාවප්‍රාප්ත වූයේය. මියයන විට 74 වන වියෙහි පසු වූ වීරසිංහ මහතා පසුගිය දිනවල රෝගාතුරව සිටියේය.

’’රුසියාව සැලැස්මට අනුකූලව ක්‍රියා කරනු ඇති අතර, නේටෝවේ ඉදිරි පියවරයන් නවතම යථාර්ථයන් පිළිබිඹු කරනු ඇති. නමුත් තත්ත්වය දිග හැරෙන්නේ කෙසේදැයි කිසිවෙකුට අනාවැකි කිව නොහැකියි. කෙසේ වෙතත්, මොස්කව්, පවතින සියලු ගැටලු රාජ්‍යතාන්ත්‍රික මාර්ගවලින් විසඳීමට උත්සාහ කරනවා.’’ යැයි පූටින් වැඩිදුරටත් පැවසීය.

2016 වසරේ දී කොස්ගම සාලාව යුද හමුදා අවි ගබඩාව පිපිරීමෙන් තැන තැන විසිරුණු අවි ආයුධ කොටස් සන්තකයේ තබාගෙන සිටින පුද්ගලයන් වේනම් ඒවා වහා පොලිසියට භාරදෙන ලෙස දැනුම්වත් කිරීමේ වැඩසටහනක් පොලිසිය සහ හමුදාව එක්ව සිදුකරන බව සීතාවක පොලිස් කොට්ඨාසයේ උසස් පොලිස් නිලධාරියෙක් පැවැසීය.

රෝහල් සහ වෛද්‍ය කාර්ය මණ්ඩලය දැඩි පීඩනයකට ලක්ව සිටියත්, ආසාදන වැඩි ස්ථාන අගුලු දැමීමේ සූදානමක් නොමැති බව හොංකොං ප්‍රධාන විධායක කැරී ලැම් කියා සිටියි.

හිඟයකින් ‍තොරව මෙරටට අවශ්‍ය ඖෂධ ආනයනය කිරීමට පියවර ගැනෙන බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි.

පාස්කු ඉරුදින ත්‍රස්ත ප්‍රහාරයේ කුමන්ත්‍රණකරුවන් නිදැල්ලේ සිටියදී පාස්කු ප්‍රහාරයේ වින්දිතයන් වෙනුවෙන් යුක්තිය ඉල්ලා හඬ නගන පුද්ගලයන් මර්දනය කිරීමට ගනු ලබන උත්සාහයන් පිළිකුල් සහගත ලෙස හෙළාදකින බව කොළඹ අගරදගුරු අති උතුම් මැල්කම් කාදිනල් රංජිත් හිමියෝ පැවසූහ.

ගව ගාලක ගැටගසා සිටි ගවයින් දෙදෙනෙකු කිසියම් පිරිසක් විසින් අද (15දා) අළුයම සොරාගෙන ගොස් ගව ගාලට නුදුරින් වූ වන ලැහැබක් තුලදී මරා මස්කර ඇති බවට මීගහකිවුල 17 කණුව ප්‍රදේශයේ පුද්ගලයෙකු විසින් පැමිණිලි කර ඇතැයි කන්දකැටිය පොලීසිය පවසයි.

ශ්‍රීලංකා රේගුවේ මත් ද්‍රව්‍ය පාලන අංශයේ නිලධාරීන් විසින් සිදු කරනු ලැබු විශේෂ සොදිසියකදී මධ්‍යම තැපැල් හුවමාරුවට ලැබී තිබු පාර්සල් වල තිබී කුස් ගංජා නමැති මත් ද්‍රව්‍ය තොගයක් හා මත් පෙති තොගයක් අද(15දා) අත්අඩංගුවට ගත් බව රේගු මාධ්‍ය ප්‍රකාශක සුදත්ත සිල්වා මහතා සදහන් කළේය.

සංචාරක ශ්‍රීී ලංකා කණ්ඩායම පරාජය කරමින් තරග පහකින් සමන්විත විස්සයිි20 තරගාවලිය තවත් තරග දෙකක් ඉතිරිව තිබියදීම ජයග්‍රහණය කිරීමට සත්කාරක ඔස්ට්‍රේලියා කණ්ඩායම සමත්විය.

අද (15දා) සිට දෛනික විදුලි කප්පාදුවකට යන බවට ශ්‍රී ලංකා මහජන උපයෝගිතා කොමිෂන් සභාව අද පෙරවරුවේ සඳහන් කළද අද සවස ඔවුන් ප්‍රකාශ කළේ නව ක්‍රමවේදය අනුව විදුලි කප්පාදුවක් සිදු නොවන බවයි.

රජය මගින් දිවයින පුරා වතු කම්කරු පවුල් එක් ලක්ෂ පහලොස් දහස් අටසිය හැට හත් දෙනෙකුට විශේෂ සහනාධාර මිලකට තිරිගු පිටි කිලෝවක් රු 80 බැගින් ලබාදිම අද (15දා) සිදු කෙරිණ.

මොරොන්තුඩුව ප්‍රදේශයේදී අද (15දා) සිදුවූ රිය අනතුරකින් මොරොන්තුඩුව රථවාහන අංශ ස්ථානාධිපතිවරයා සහ තවත් කොස්තාපල්වරයෙකු තුවාල ලබා රෝහල් ගතකර ඇතැයි මොරොන්තුඩුව පොලිසිය පවසයි.

සිමෙන්ති තොග සඟවා තබා පාරිභෝගිකයන් හට වැඩි මිලට විකිණීමේ ජාවාරමක නිරත වූ ව්‍යාපාරිකයකු සතු සිමෙන්ති කොට්ට 147ක්, අද (15දා) දහවල් අත්අඩංගුවට ගෙන එම ගබඩාවට මුද්‍රා තබා සැකකාර ව්‍යාපාරිකයාට එරෙහිව නඩු පැවරීමට පියවර ගත් බව අනුරාධපුර දිස්ත්‍රික් පාරිභෝගික අධිකාරිය පවසයි.

විදුහල්පතිනියක දණ ගැස්සූ බවට ඌව හිටපු මහ ඇමති ( වත්මන් පාර්ලිමේන්තු මන්ත්‍රී )චාමර සම්පත් දසනායක මහතා ට එරෙහිව බදුල්ල පොලිසිය විසින් පවරා තිබූ නඩුවෙන් අද (15දා) ඔහු නිදොස්කොට නිදහස් කෙරිණි.

තම පියා ඩෙංගු රෝගයෙන් පීඩා විඳිමින් සිටියදී සිතට නැඟුණු අදහසක් නව නිපැයුමකට පරිවර්තනය කර ගත් අපූරු පාසල් සිසුවෙකු බණ්ඩාරගම කොතලාවල ප්‍රදේශයේ දී හමුවිය . ඔහු නමින් ඔෂාන් රශ්මිත වික්‍රමසුරිය යි. බණ්ඩාරගම ජාතික පාසලේ දහවන වසරේ ඉගෙනුම ලබන ඔහු 15 හැවිරිදිය.

තලවිල වෙරලින් මුහුදු ගිය ධීවර යාත්‍රාවක් අද (15දා) නාවික හමුදා මුර සංචාරක යාත්‍රාවක ගැටීමෙන් ධීවර යාත්‍රාවට බරපතළ හානි සිදුවී ඇති අතර යාත්‍රාවේ ගමන් ගත් ධීවරයෙකු තුවාල ලබා කල්පිටිය රෝහලට ඇතුලත් කර ඇතැ යි කල්පිටිය පොලිසිය පවසයි.

සෞඛ්‍ය වෘත්තීය සමිති විසින් ක්‍රියාත්මක කළ වැඩ වර්ජනය තාවකාලිිකව අත්හිටුවා තබේ.මේ අනුව තම ඉල්ලිම්වලට විසඳුම් ලබාදිමට සති දෙකක කාලයක් ලබාදමින් ඔවුන් මෙසේ වෘත්තිය සමත ක්‍රියාමාර්ගය අත්හිිටුවා තිිබේ.

දඹගල්ල පොලිස් වසමේ මාරිඅරාව පල්ලේවෙලබැද්ද පදිංචි දාහත් හැවිරිදි පාසල් ශිෂ්‍යයෙකු ඊයේ (14දා) සියදිවිහානි කරගෙන ඇතැයි. දඹගල්ල පොලීසිය පවසයි.

ඉන්දියාව විසින් ශ්‍රි ලංකාවට ඉන්ධන මෙට්‍රික් ටොන් 40000 ලබාදී තබේ. ඉන්දීය තෙල් සමාගම (IOC) විසින් සපයන ලද මෙම ඉන්ධන තොගය ඉන්දය මහකොමසාරිස් විසින් බලශක්ති අමාත්‍ය උදය ගම්මන්පිල මහතා වෙත ලබා දී තිබේ.

වරිපනම් බදු පැහැර හැරීමක් සම්බන්ධයෙන් දැනුවත් කිරීමට මහරගම නගර සභාවේ නිලධාරිනියක් පන්නිපිටිය ප්‍රදේශයේ විහාරස්ථානයකට ගිය අවස්ථාවේ දී ඇති වූ බහින්බස් වීමක් දුරදිග යාමෙන් නිලධාරිනිය ගමන් කල ත්‍රිරෝද රථයේ රියදුරුට එහි චීවරධාරියෙක් පොල්ලකින් කළ පහරදීමේ සිද්ධියක් සම්බන්ධයෙන් විමර්ශනයක් ආරම්භ කළ ඇතැයි මහරගම පොලිසිය පවසයි .

නීතී විරෝධී මත්පැන් බෝතල් දෙසිය හැත්තෑවක් සමග රත්මලානේ “සුදු නෝනා” දුම්රියපොළ අසලදී ඊයේ (14දා) අත්අඩංගුවට ගත් බව පොලිසිය පවසයි.

පසුගිය දවස්වල රුපියල් 28 සහ 30 දක්වා ඉහළගොස් තිබූ බදුල්ලේ බිත්තර මිළ මේ දිනවල පහත බැස තිබේ .බදුල්ලේ බිත්තර වෙළඳසැලකදී අද(15දා) ගත් ඡායාරූපයක් මෙහි දැක්වේ .

ගෝනවල , පමුණුවිල පුදේශයේ එන්නත් දෙකක් ලබා ගෙන සිටි දෙදරු පියෙකු කොරෝනා වයිරසය ආසාදනය වි මිය ගොස් ඇත.මෙසේ මරණයට පත් වූයේ ගෝනවල , පමුණුවිල පුදේශයේ පදිංචිව සිටි 77 හැවිරිදි දෙදරු පියෙකි.

පාර්ලිමේන්තුවේ ධුර කාලය දීර්ඝ කර ගැනිමට කිසිම සූදානමක් නොමැතිි බව ජනමාධ්‍ය අමාත්‍ය ඩලස් අලහප්පෙරුම මහතා පැවැසීය. ප්‍රජාතන්ත්‍රවාදීිව ආණ්ඩුව කටයුතු කරන බවත් ඔහු පැවැසීය.