කොළඹ - මීගමුව මාර්ගය අවහිර කරමින් ඉන්ධන ඉල්ලා මහ ජනතාව විරෝධතාවක නිරත වෙමින් සිටියි. මේ අනුව එම මාර්ගයේ දැඩි රථවාහන තද බදයක් නිර්මාණය වී තිබේ.

අතුරුගිරිය ප්‍රදේශයේ ඉන්ධන පිරවුම්හලකින් ඉන්ධන ලබා ගැනීමට පැමිණි 85 හැවැරිදි පුද්ගලයෙක් ජීවිතක්ෂයට පත්ව තිබේ.

“සිංහල අවුරුදු පහුවෙනකොට අපේ තෙල් පෝලිම් අවසන් වෙයි. අපේ තෙල් පිරිපහදුව නැවත ආරම්භ කිරීමට අපි බොරතෙල් ඇණවුම් කරගෙන යනවා. බොරතෙල් මෙට්‍රික් ටොන් 215000ක් අපට ගබඩා වල තියන්න පුළුවන්. ඒක ආවොත් පූර්ණ ධාරිතාවෙන් පිරිපහදුව දුවන්න පුළුවන් වෙනවා. ඒක දිව්වොත් මේ ප්‍රශ්න ඇති වෙන්නේ නෑ තාප බලාගාර ඔක්කොම දුවන්න පුළුවන්.”

ඉන්දීය සහ ශ්‍රී ලංකා ඒකාබද්ධ නාවික අභ්‍යාසයක් 2022 මාර්තු මස 26 වන දින හ්‍රී ලංකාවට බටහිර මුහුදේදී ආරම්භ වූ අතර, මෙම නාවික අභ්‍යාසය 2022 මාර්තු මස 29 වන දින දක්වා පැවැත්වෙයි.

එක්සත් ජනපදයේ මෙතෙක් සිටි නරකම ජනාධිපතිවරුන් පස්දෙනාට වත්මන් ජනපති ජෝ බයිඩන් මාස 15ක් තුළ කළ හානියට වඩා හානියක් කළ නොහැකි වූ බව හිටපු ජනපති ඩොනල්ඩ් ට්‍රම්ප් චෝදනා කරයි.

විදුලිබලාගාරවලට අවශ්‍ය ඉන්ධන තොග නොලැබීම හේතුවෙන් අද (28දා) දිනයේදීත් ඇතැම් ප්‍රදේශවලට පැය පහක කාලයක් විදුලි කප්පාදු කිරීම සිදුකරන මහජන උපයෝගිතා කොමිෂම සඳහන් කරයි.

ශ්‍රී ලංකා කණ්ඩායම හා ඉන්දීය කණ්ඩායම අතර පසුගියදා පැවැති තරගාවලියට ශාරිරික යෝග්‍යතා ගැටලු හේතුවෙන් එක්කර නොගත් ප්‍ර වේගකාරී පිතිකරු භානුක රාජපක්ෂ ඊයේ (27දා) ඉන්දීය ප්‍රිමියර් ලීග තරගාවලියට තම මංගල තරගය ක්‍රීඩා කරමින් ප්‍ර වේගකාරී පිතිකරණයක නිරත විය.

යුක්රේනයේ බටහිර ආධාරකරුවන්ට මෙම යුද්ධය වෙනුවෙන් ධෛර්යයක් නොමැති බවට යුක්රේන ජනපති වොලොඩිමීර් සෙලෙන්ස්කි යෝජනා කරයි.

යම් යම් පාර්ශවයන් ආහාර හිඟයන් සම්බන්ධව මතු කළද මේ දක්වා ආහාර හිඟයක් ඇති ව නොමැති බව කෘෂිකර්ම අධ්‍යක්ෂ ජෙනරාල් අජන්ත ද සිල්වා මහතා පවසයි.

යුක්රේන ගැටුම ගෝලීයකරණයට තර්ජනයක් වන අතර එය ලෝකයේ ප්‍රධාන බෙදීමක් ඇති කළ හැකි බව යුරෝපා සංගමයේ විදේශ ප්‍රතිපත්ති ප්‍රධානී ජෝසෙප් බොරෙල් විශ්වාස කරයි.

ශ්‍රී ලංකාවට මත්ද්‍රව්‍ය එවන ජාත්‍යන්තර ජාවාරම්කරුවන්ගේ බහුතරයක් එක්සත් අරාබි රාජ්‍යයේ ඩුබායි නුවර ආශ්‍රිතව ජීවත්වන බව ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

’’පළමුව සටන් විරාමයක් සාක්ෂාත් කර ගැනීම සහ පසුව රාජ්‍ය තාන්ත්‍රික ක්‍රම මගින් රුසියානු හමුදා සම්පූර්ණයෙන් ඉවත් කර ගැනීම අපේ අරමුණ නම්, එය කිරීමට අවශ්‍ය නම්, අපට ක්‍රියාවෙන් මෙන්ම, වචනයෙන්ද එය උත්සන්න කළ නොහැකියි’’ ප්‍රංශ ජනපති එමානුවෙල් මැක්රෝන් පවසයි.

ජනතාව පීඩා විඳින ඉතාමත් අපහසු කාල වකවානුවක් මේ වන විට ගත වෙමින් තිබෙන බවත් එම අවස්ථාවේ පවතින පීඩනයට අමතරව තවත් පීඩනයක් ඇති කර ජනතාව තුළ මානසික ආතතියක් ඇති නොකරන ලෙස තමන් මාධ්‍ය ආයතනවලින් ඉල්ලා සිටින බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසයි.

මෙම සාකච්ඡා මාර්තු 28 සිට 30 දක්වා පැවැත්වීමට නියමිත අතර, අර්බුදය විසඳීමට උපකාර කිරීමට ප්‍රමුඛ කාර්යභාරයක් නැවත ලබාදෙනු ඇත.

පාර්ලිමේන්තුව තුළ වත්මන් පොදුජන පෙරමුණු ආණ්ඩුවේ සරළ බහුතරය අහිමි වීම සඳහා තවත් ඇත්තේ මන්ත්‍රී ආසන 3 ක වෙනසක් පමණක් බව පාර්ලිමේන්තු මන්ත්‍රී පාඨලී චම්පික රණවක මහතා පවසයි.

පවතින විදුලිබල, ඉන්ධන හා ගෑස් අර්බුධය හමුවේ සංචාරක කර්මාන්තය බාධාවකින් තොරව පවත්වාගෙන යාම සදහා ඉහළ පෙලේ සාකච්ඡාවක් කැඳවයි.සංචාරක ඇමති ප්‍රසන්න රණතුංග මහතා විසින් මෙම සාකච්ඡාව කැදවා තිබේ. සාකච්ඡාව අගහරුවාදා (29) සංචාරක අමාත්‍යාංශයේදී පැවැත්වේ.

ශ්‍රී ලංකාව සම්බන්ධයෙන් ජාත්‍යන්තර මූල්‍ය අරමුදල නිකුත් කළ වාර්තාව සම්බන්ධයෙන් අප්‍රේල් මස මුල් සතියේ පාර්ලිමේන්තුව රැස්වන අවස්ථාවේදී විවාදයක් පැවැත්වීමට රජය තීරණය කර ඇති බව ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු මහතා පවසයි.

රජය විසින් අසීමිතව මුදල් මුද්‍රණය කරමින් ක්‍රියාත්මක කරන වැරදි ආර්ථික ප්‍රතිපත්ති හේතුවෙන් මෙරට අධි උද්ධමන තත්ත්වයක් නිර්මාණය වී ජනතාවට කෑම බීම පවා සොයා සොයා ගැනීමට නොහැකි තත්ත්වයක් උද්ගත විය හැකි බව පේරාදෙණිය විශ්ව විද්‍විද්‍යාලයේ ආර්ථික විද්‍යාව පිළිබඳ මහාචාර්ය ආනන්ද ජයවික්‍රම මහතා පවසයි.

රුසියාවේ තවත් ජෙනරාල්වරයෙකු වන ලුතිනන් ජෙනරාල් යාකොව් රෙසන්ට්සෙව් දකුණු කෙර්සන් නගරය ආසන්නයේ සිදු කළ ප්‍රහාරයකින් මිය ගිය බව යුක්රේන ආරක්ෂක අමාත්‍යාංශය තහවුරු කරයි.

ජාත්‍යන්තර මූල්‍ය අරමුදල විසින් ශ්‍රී ලංකාව සම්බන්ධයෙන් නිකුත් කළ වාර්තාව පිළිබඳව පාර්ලිමේන්තුව තුළ වහාම විවාදයක් පවත්වන ලෙස හිටපු අග්‍රාමාත්‍ය රනිල් වික්‍රමසිංහ මහතා පවසයි.

විදුලි අර්බුදයට විසඳුමක් ලෙස පුනර්ජනනීය බල ශක්තිය යොදා ගැනීමට පවතින බාධාවන් ඉවත් කිරීමට අවශ්‍ය කඩිනම් ක්‍රියාමාර්ග ගන්නැයි අග්‍රාමාත්‍ය මහින්ද රාජපක්ෂ මහතා ආර්ථික ප්‍රතිපත්ති හා සැළසුම් ක්‍රියාත්මක කිරීමේ අමාත්‍යාංශ ලේකම් අනුෂ පැල්පිට මහතාට පෙරේදා (25දා) උපදෙස් දුන්නේය.

පිළිමතලාව ප්‍රදේශයේ සිපෙට්කෝ ඉන්ධන පිරහුම් හලකට පැමිණ එහි කළමනාකරුට තර්ජනය කොට ව්‍යාපාරිකයන් පිරිසකට ඉන්ධන ලබා දුන් බව කියන කඩුගන්නාව පොලිසියේ රථවාහන අංශ පොලිස් නිලධාරීන් දෙදෙනෙකුට එරෙහිව මධ්‍යම පළාත්නියෝජ්‍ය පොලිස්පති ශ්‍රියන්ත පීරිස් මහතාගේ උපදෙස් පරිදි විශේෂ විමර්ශනයක් ආරම්භ කොට තිබේ.

වසර 54කට පසු කොළඹ ගුවන්තොටුපල ජාත්‍යන්තර තලයට ගෙන යෑමේ සහතිකය පිරිනැමීම සනිටුහන් කරමින් රත්මලාන පිහිටි කොළඹ ජාත්‍යන්තර ගුවන් ගුවන්තොටුපළ හා මාලදිවයින් අතර ගුවන් ගමන් අද (27දා)ආරම්භ කෙරිණි.

ජාත්‍යන්තර මූල්‍ය අරමුදල සමග කටයුතු කිරීම සඳහා ජාත්‍යන්තර නීති ආයතනයක් තෝරා ගැනීම වෙනුවෙන් විශේෂ කමිටුවක් පත්කිරීමට ජනපති ගෝඨාභය රාජපක්ෂ මහතා කටයුතු කර තිබේ.

සිංහල අලුත් අවුරුදු සමය තුළදී නිරතවන ගමන් බිමන් පිළිබඳව තොරතුරු සාමාජ මාධ්‍ය ජාලා වල පළකිරීමෙන් වළකින ලෙස ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

“රටේ වර්තමානයේ පවතින අර්බුද රාශියකටම හේතු වී තිබෙන්නේ කළමනාකරණ දුර්වලතායි. විශේෂයෙන් මෙවැනි විදුලි අර්බුදයක් නිර්මාණය වීම පාලනය කර ගැනීමට හැකියාව තිබුණා. නමුත් විදුලිබල මණ්ඩලයේ ඉහළ කළමනාකාරිත්වයේ දුර්වලතා නිසා ජාතික විදුලි අර්බුදයක් දක්වා මෙම ගැටළුව ඉහළ ගොස් තිබෙනවා. මෙම විදුලි අර්බුදයට හේතුව විදුලි බල මණ්ඩලයේ කළමනාකරණ දුර්වලතා බව ඔවුන් පිළිගත යුතුයි”

මේ වසරේ මාර්තු 24 දින දක්වා සංචාරකයින් 2,63,121 දෙනෙතු මෙරටට පැමිණ ඇතැයි සංචාරක සංවර්ධන අධිකාරිය පවසයි. එම අධිකාරිය නිකුත් කළ අලුත්ම වාර්තාවල සදහන් වන්නේ මාර්තු මාසයේදී මේ දක්වා එනම් මාර්තු 24දා දක්වා සංචාරකයන් 84,287 ක් පැමිණ ඇති බවයි. ජනවාරි මාසයේදී සංචාරකයන් 96,507 දෙනෙකු පැමිණියහ.

එළැඹෙන යල කන්නයේදී රසායනික පොහොර ලබා නොදුනහොත් සහල් පාරිභෝගිකයන්ට අගෝස්තු මාසයේදී මිලට ගැනීමට සිදුවන්නේ කිලෝ පහේ හා දහයේ පැකට් නොව හුන්ඩුවේ සැසේ පැකට් බව එක්සත් සහල් නිෂ්පාදකයින්ගේ සංගමය සභාපති මුදිත් පෙරේරා මහතා පැවසීය.

“මෛත්‍රීපාල සිරිසේන අතිගරු ජනාධිපතිතුමා යෝජනා කළා ඇමතිමණ්ඩලය අඩු කරන්න කියලා. ඇමති මණ්ඩලය අඩු කරන්න ඕන නම් ශ්‍රී ලංකා නිදහස් පක්ෂයට පුළුවන් ආදර්ශයක් වෙලා තමන්ගේ අමාත්‍ය මණ්ඩලයේ ඉන්න අය ඉල්ලා අස්වෙලා මේක අඩු කරන තැනට ගෙනියන්න. එහෙම වුණොත් මමත් ලෑස්තියි ඉල්ලා අස්වෙන්න. මට ප්‍රශ්නයක් නෑ. ශ්‍රී ලංකා නිදහස් පක්ෂයට පුළුවන් ආදර්ශය වෙන්න. අපේ පොහොට්ටුවෙන් මම ආදර්ශය දෙන්නම් එයාලා එනවනම්”