රජයේ මූල්‍ය පහසුකම් ලැබෙනතුරු ස්වයං මූල්‍යකරණ යාන්ත්‍රණය හරහා නාගරික පුනර්ජීවන ව්‍යාපෘතිය ඉදිරියට ගෙන යන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නිළධාරීන්ට උපදෙස් දෙයි. මේ වනවිට රට මුහුණදී තිබෙන ආර්ථික අර්බුදය හේතුවෙන් නාගරික පුනර්ජීවන ව්‍යාපෘතිය යටතේ සිදු කෙරෙන ඇතැම් නිවාස ව්‍යාපෘතිවල ඉදිකිරීම් කටයුතු තාවකාලික පසුබෑමකට ලක්ව තිබීම ඊට හේතුවයි.

නැගෙනහිර පළාතේ ඇති ගව ඝාතකාගාර හා මස් අලෙවිසැල් සතියක කාලයකට වසා තබන ලෙස නැගෙනහිර පළාත් ආණ්ඩුකාරවරිය උපදෙස් ලබා දී තිබේ.මෙම නියෝගය කුකුළු මස් හැර අනෙකුත් මාංශ සඳහ අදාළ වෙයි.

පේරාදෙණිය විශ්ව විද්‍යාලයේ හිටපු උපකුලපති භූ ගර්භ විද්‍යාව පිළිබඳ ජ්‍යෙෂ්ඨ මහාචාර්ය අතුල සේනාරත්න මහතාටත් ඔහුගේ පුත්‍රයා අතුලු පවුලේ සාමාජිකයන්ට නිවසටත් පහර දීමට සම්බන්ධ වූ බවට හඳුනාගෙන ඇති සිසුන් 12 දෙනෙකුගේ ශිෂ්‍යභාවය වහාම ක්‍රියාත්මක වන පරිදි අත්හිටවූ බව එම විශ්ව විද්‍යාලයේ නියෝජ්‍ය උපකුලපති සහ මාධ්‍ය ප්‍රකාශක ටෙරන්ස් මධුජිත් මහතා පැවසීය.

පළමු ශ්‍රේණියට ළමුන් ඇතුළත් කිරීම, අදාළ පාසල් මඟින් පමණක් සිදු කෙරෙන අතර එම කටයුතු අධ්‍යාපන අමාත්‍යාංශය හරහා සිදු නොවන බව අධ්‍යාපන අමාත්‍යාංශය නිවේදනයක් නිකුත් කරමින් සඳහන් කරයි.

ශ්‍රී ලංකා පොදුජන පෙරමුණේ සහ එක්සත් ජාතික පක්‍ෂයේ ප්‍රතිපත්තිවලට හානියක් නොවන අයුරින් රට වෙනුවෙන් එකතු වීමට හැකිනම් අනිවාර්යයෙන්ම එකතු වන බව ශ්‍රී ලංකා පොදුජන පෙරමුණේ මහ ලේකම්, පාර්ලිමේන්තු මන්ත්‍රී නීතිඥ සාගර කාරියවසම් මහතා පවසයි.

කොල්ලුපිටියේ මාරක රිය අනතුරට සම්බන්ධ සුඛෝපභෝගී ‌බෙන්ස් රථය පැදවූ පුද්ගලයා 24 හැවැරිදි ව්‍යාපාරිකයෙක් බවත් ඔහු මේ වන විට ඩුබායි වෙත පළාගොස් ඇති බවට තොරතුරු හෙළිව ඇති බවත් පොලීසිය පවසයි. අනතුර සිදුවූ පැය කිහිපයක් ඇතුළත ඔහු රටින් පළාගොස් තිබේ. රාත්‍රී සමාජ ශාලාවක් වෙත ගොස් එමින් සිටියදී මෙම බෙන්ස් රථයට ඉදිරියෙන් ගමන් කළ ත්‍රි රෝද රථයක් අනතුරට ලක්කළ අතර ත්‍රි රෝද රථයේ රියදුරු එම ස්ථානයේදීම මිය ගියේය.

ශ්‍රී ලංකාවේ වායු ගුණත්වය සාමාන්‍ය මට්ටමට තවදුරටත් පැමිණෙමින් තිබේ. වායු ගුණාත්මක දර්ශකය අනුව ශ්‍රී ලංකාවේ කිසිම දිස්ත්‍රික්කයක් තුළ මේ වන විට සෞඛ්‍යයට අහිතකර මට්ටමක නොමැත.

දුම්රිය දෙපාර්තමේන්තුව අධිකාරියක් කිරීමේ ආණ්ඩුවේ උත්සාහය පරාජය කරන බව දුම්රිය වෘත්තීය සමිති සන්ධානය ප්‍රවාහන හා මහාමාර්ග අමාත්‍ය බන්දුල ගුණවර්ධන මහතාට ලිපියක් යොමුකරමින් පවසයි.

අනුරාධපුර තිසා වැව ආසන්නයේ පිහිටා ඇති භාවනා මධ්‍යස්ථානයක නායක හිමි දානමය පින්කමකට වැඩම කර සිටි අවස්ථාවේදී ඊයේ (11දා) ආවාස ගෙය කඩා රුපියල් ලක්ෂ දෙකක මුදලක් සොරකම් කර ඇතැයි අනුරාධපුර පොලිසිය පවසයි.

අන්තර් විශ්ව විද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ යළිත් හෙට (13) දක්වා රක්ෂිත බන්ධනාගාර ගත ගතකිරීමට කොළඹ අතිරේක මහේස්ත්‍රාත් ටී. එන්. එල්. මහවත්ත මහත්මිය අද (12දා) නියෝග කළාය. නීතිපතිවරයාගේ උපදෙස් ලැබෙන තෙක් ඔහු මෙසේ යළි රක්ෂිත බන්ධනාගාර ගත කෙරණි

මාකට් නීතිය අහෝසි කිරීමත් සමග නගර මධ්‍යයේ මහා පරිමාණ එළවඵ වෙළෙඳ සැල් ආරම්භ කිරීම නිසා, දිවයින පුරා ඇති සතිපොළවල් මේ වන විට වැසී යමින් පවතින බව සතිපොළ වෙළෙන්දෝ පවසති. නගර සභා සහ ප්‍රාදේශීය සභාවල ප්‍රධාන ආදායම් මාර්ගයක් වූ සතිපොළ ආදායම මේ වන විට විශාල ලෙස අඩුවෙමින් පවතින බවත්, එම පොළවල්වල ටෙන්ඩර මිලදී ගැනීමට කිසිවෙකු ඉදිරිපත් නොවන බවත් එම වෙ⁣ළෙඳුන් පෙන්වා දෙති.

මැණ්ඩවූස් සුලි කුණාටුව හේතුවෙන් උතුරු මුහුදු තීරයට බලපෑ සුලි සුලඟට හසුවීම හේතුවෙන් උතුරේ ධීවරයින්ගේ ධීවර යාත්‍රා 50 කට ආසන්න දැඩි හානි සිදුව ඇතැයි උතුරු පලාත් ධීවර සංගම් පවසති.

යාපනය හා චෙන්නායි අතර ජාත්‍යන්තර ගුවන් ගමන් යළි ආරම්භ කරමින් චෙන්නායි සිට ඉන්දියාවේ ඇලියාන්ස් එයාර් සමාගමට අයත් ගුවන් යානයක් යාපනය ගුවන් තොටුපොළට පැමිණ තිබේ.

දෙමළ දේශපාලන පක්ෂ කිහිපයක නායකයින් ඇතුලු පාර්ලිමේන්තු මන්ත්‍රීවරුන්ගේ රූප වෙතට ඊයේ (11දා) දින වව්නියාවේදී කුණු තක්කාලි ප්‍රහාරයක් එල්ල කොට විරෝධතාවක නිරත වීමට අතුරුදහන් වූවන්ගේ ඥාතීන් විසින් පියවර ගෙන තිබුණි.

ලංගම බස්රථ දෙකක් අද (12දා) අළුයම එකිනෙක ගැටීමෙන් පුද්ගලයින් පස් දෙනෙකු තුවාල ලබා රෝහල්ගත කළ බව පොල්ගහවෙල පොලීසිය පවසයි.

අසත්‍ය තොරතුරු මත විදේස්ගතවී සිදුවන අකටයුතුකම් සම්බන්ධයෙන් සිය කාර්යංශයට මැදිහත්විය නොහැකි බව විදේශ සේවා නියුක්ති කාර්යංශයේ සභාපති මහේන්ද්‍ර කුමරසිංහ මහතා පවසයි.

ප්‍රධාන දුම්රිය මාර්ගයේ, පොල්ගහවෙල දුම්රිය ස්ථානය අසළ පිහිටි පොල්ගහවෙල - කෑගල්ල, A 19 මාර්ගය හරහා වැටී ඇති පොල්ගහවෙල දුම්රිය හරස් මාර්ගයේ අළුත්වැඩියා කටයුතු සඳහා එළැඹෙන 15දා සිට 18 දා දක්වා සිදුකිරීමට නියමිත බව දුම්රිය දෙපාර්තමේන්තුව පවසයි.

’’මම හිතන්නේ මේක ධනාත්මක අයවැයක් කියලා. (සහන) අනාගතයේදී ලැබෙයි. මැතිවරණයක් ආවොත් ඒකට ලෑස්ති වෙනවා. තාම එහෙම බලාපොරොත්තුවක් නෑ කල් තියෙනවා ඕන තරම්. අපි ජනතාවට කියන්නේ ඉවසීමෙන් කටයුතු කරන්න කියලා’’

අනුරාධපුර දිස්ත්‍රික්කයේ පලුගස්වැව ප්‍රා දේශීය ලේකම් කොට්ඨාසයට අයත් හොරිවිල ප්‍රදේශයේ අක්කර 1500 ක පමණ අති විශාල බඩ ඉරිගු වගාව සේනා දළඹු ප්‍රහාරයක් එල්ලවීම නිසා ගොවීන් දැඩි අසීරුතාවයකට පත්ව ඇතැයි ගොවීහු පවසති.

තෙල්දෙණිය පොලිස් වසමේ, මහියංගනය - මහනුවර මාර්ගයේ පිහිටි ප්‍රධාන ලංගම බස් නැවතුම්පොළ ඉදිරිපිට ඇති බස් නැවතුම්පොලේ සිටි පුද්ගලයන් පිරිසකගේ ලොරි රථයක් ගැටීමෙන් සිදුවූ අනතුරකින් එම බස් නැවතුම්පොලේ සිටි පුද්ගලයන් 10ක් තුවාල ලබ ාතෙල්දෙණිය රෝහලට ඇතුළත් කර තිබේ.

ශ්‍රී ලංකා ක්‍රිකට් කණ්ඩායමේ නායක හා එල්.පී.එල්. තරගාවලියේ දඹුල්ල ඔ්රා කණ්ඩායමේ නායක දසුන් ශානකට තරග මුදලින් සියයට 40 ක් දඩමුදලක් පැනවීමට ක්‍රියාකොටට ඇත. ඒ් කලම්බු ස්ටාර්ස් සමගින් පසුගියදා (08දා) පැවති තරගය අතරතුරදී පිටියේ විනිසුරු තීරණයකට විරෝධය පෑම හේතුවෙනි.

දසුන් ශානකගේ නායකත්වයෙන් දඹුල්ල අවුරා කණ්ඩායම පරදා ලකුණු 51ක පහසු ජයක් වාර්තා කිරීමට තිසර පෙරේරාගේ නායකත්වයෙන් යුත් ජැෆ්නා කිංග්ස් කණ්ඩායමට හැකි විය.

නිරෝෂන් දික්වැල්ලගේ දක්ෂ පිතිහරඹට අපතේ යවමින් ගෝල් ග්ලැඩියේටර්ස් හමුවේ ලකුනු 25 කින් පරාජයට පත්වීමට ඇන්ජලෝ මැතිව්ස්ගේ නායකත්වයෙන් යුත් කලම්බු ස්ටාර්ස්ට සිදුවිය. තරගාවලියේ 7 වැනි තරගය ලෙසින් මෙය පල්ලෙකැලේදී පැවැත්විණි.

ගුවන් මගීන්ට කටුනායක ගුවන්තොටුපොළේ සිට කොළඹට පැමිණීම සඳහා නව දුම්රිය සේවයක් ක්‍රියාත්මක කිරීමට විෂයභාර අමාත්‍යාංශ එක්ව තීරණය කර තිබේ.

නැගෙනහිර පළාත තුළ පවත්වාගෙන යන ගොවිපළවල්හි සතුන්ට නිදැල්ලේ යාමට ඉඩ සලස්වන ගොවීන්ගෙන් දඩ මුදලක් අය කිරීමට නැගෙනහිර පළාත් ආණ්ඩුකාර කාර්යාලය තීරණය කර තිබේ.

‍2023 වසරේ දී කෘෂිකර්ම අමාත්‍යාංශයට අයත් ආයතන 08ක් සම්බන්ධයෙන් වැදගත් තීන්දුවක් ගන්නා බව කෘෂිකර්ම වන ජීවි හා වන සම්පත් සංරක්ෂණ අමාත්‍ය මහින්ද අමරවීර මහතා තීරණය කර තිබේ.

බ්‍රිතාන්‍යයේ සුවකළ නොහැකි ලියුකේමියා පිළිකා තත්ත්වයකින් පෙලුණු දැරියකට සුවිශේෂී ප්‍රතිකාර ක්‍රමයක් මගින් අගේ ශරීරයේ වූ එම තත්ත්වය සම්පූර්ණයෙන් පහව ගොස් ඇති බව විදෙස් වාර්තා පවසයි.

භෞතික සම්පත් සංවර්ධනය සදහා සිව්මහ නගර ලෙස කොළඹ, හම්බන්තොට, ත්‍රිකුණාමලය සහ යාපනය නගර හදුනා ගැනේ. එම නගර යා කරමින් ආර්ථික කොරිඩෝ 9 ක් ද හදුනා ගෙන ඇතැයි නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි. ඔහු පෙන්වා දෙන්නේ මෙම නගර සංවර්ධන කටයුතු කඩිනම් කිරීම සදහා අවශ්‍ය උපදෙස් අදාළ අංශ වෙත ලබා දී ඇති බවයි.

දුම්රිය ගමනාගමනයේදී ඇතිවන දෛනික ප්‍රමාදයන් පිළිබඳ වගකීම, දුම්රිය පාලකවරුන් වෙත පවරමින් විවිධ මාධ්‍ය ඔස්සේ චෝදනා ඉදිරිපත් කරන නමුත් දුම්රිය ප්‍රමාදවීමට හේතු ගණනාවක් පවතින බව දුම්රිය පාලකවරුන්ගේ සංගමය පවසයි.