දික්ඕවිට ලෙල්ලම ආසන්නයේ තාවකාලික කුටියක ගබඩා කර තිබූ රුපියල් ලක්ෂ 12 ක් වටිනා මාළු දැල් 55 ක් සොරා ගැනීම සම්බන්ධයෙන් සැකකරුවෙක් අත්අඩංගුවට ගත් බව වත්තල පොලීසිය පවසයි.

ඉදිරියේ එළඹෙන සිංහල හින්දු අලුත් අවුරුද්ද ඉලක්ක කරගනිමින් මහනුවර නගරයේ පරිභෝජනයට නුසුදුසු ආහාර ද්‍රව්‍ය අලෙවි කිරීමේ සූදානමක් පිළිබඳව ලද තොරතුරකට අනුව මහනුවර නාගරික සෞඛ්‍ය දෙපාර්තමේන්තුව විසින් සිදුකරන ලද හදිසි පරීක්ෂාවකදී රුපියල් ලක්ෂ 15 ක් වටිනා පරිභෝජනයට නුසුදුසු ආහාර ද්‍රව්‍ය විනාශ කිරීමට පියවර ගෙන තිබේ .

ශ්‍රී ලංකා ආර්ථිකය ප්‍රකෘතිමත් වීමේ මාවතට අවතීර්ණ වී ඇති බවත් 2024දී ආර්ථිකය යථා තත්ත්වයට පත්වීමට පෙර මේ වසරේ දී ආර්ථිකයේ හැකිළීමක් තවදුරටත් දක්නට ලැබෙනු ඇති බවත් ආසියානු සංවර්ධන බැංකුව පවසයි.

රූමත් සම්භාහන සේවිකාවගේ නවාතැන්පොලට ඇතුළු වී උල් පිහියක් පෙන්වා මරණීය තර්ජනය කර ඇයගේ අත් පා ගැට ගසා ලිංගික අතවර කර රන් භාණ්ඩ සහ මුදල් කොල්ලකෑ පුද්ගලයන් දෙදෙනෙක් සහ සැලසුම්කරු වන ඇය සේවය කරන සම්බාහන මධ්‍යස්ථානයේ හිමිකරු අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය කියයි

කදුරට ජනතා බලය නමින් වතුකරයට නව වෘත්තිය සමිතියක් පිහිටුවිමේ සමාරම්භක උත්සවය අද (05දා) දින හැටන් පෞද්ගලික උත්සව ශාලාවකදි සිදු කෙරිණ.

විදෙස් සංචාරකයින්ගේ සහභාගීත්වයෙන් පැවති බක්මහ උළෙලක් අද (5දා)අකුරළ ප්‍රදේශයේදී පැවැත්විණ. රටවල් රැසකම විදෙස් සංචාරකයින් මේ බක්මහ උළෙලට සහභාගිවී සිටියහ.

ඇල්ල බල්ලකෙටුව නාවෙළගම මැතිවරණ නිවාස යෝජනා ක්‍රමය ප්‍රදේශයේ පදිංචි වයෝවෘද්ධ අඹු සැමි යුවලකට මුණුබුරෙකු විසින් 04 දින රාත්‍රි තියුණු ආයුධයකින් පහරදී ඝාතනය කර ඇතැයි පොලීසිය පවසයි.

බත් පාර්සල්, කොත්තු හා ෆ්‍රයිඩ් රයිස් මිල අද මධ්‍යම රාත්‍රි සිට සියයට 20කින් අඩු කරන බව සමස්ත ලංකා ආපනශාලා හිමියන්ගේ සංගමය පවසයි.

ශ්‍රී ලංකා සුරාබදු දෙපාර්තමේන්තු වෘත්තීය සමිති එකමුතුව හෙට (06) ක්‍රියාත්මක කිරීමට නියමිතව තිබූ එක්දින සංකේත වැඩවර්ජනය සිදු නොකරන බව ශ්‍රී ලංකා සුරාබදු දෙපාර්තමේන්තු වෘත්තීය සමිති එකමුතුවේ ලේකම් හා ශ්‍රී ලංකා සුරාබදු නිළධාරීන්ගේ සංගමයේ ලේකම් නිරෝෂ් ජයකොඩි මහතා පැවසීය.

තණමල්විල පොලිස් වසමට අයත් ගල්වලයාය පාර අසලදී ඉකුත් (04) වෙනිදා කුරියර් සේවකයෙකුට පහරදී බියගන්වා ඔහු ලඟ තිබූ රුපියල් අසූදහසක් වටිනා මුදල් සහ දේපළ මංකොල්ලකෑමේ සිද්ධියක් පිළිබඳව තණමල්විල පොලීසිය පරීක්ෂණ පවත්වයි. පැමිණිලිකරු හඳපානාගල වෙහෙරයාය ප්‍රදේශයේ පදිංචි විසිදෙහැවිරිදි අයෙකු වන අතර ඔහු ඉකුත් 04 වෙනිදා තම සමාගමට ලැබුණු පාර්සල් 38 බෙදාදීමට ගොස් එයින් 33 අයිතිකරුවන්ට ලබාදී ඒ සඳහා මුදල් රුපියල් හැටදහසක්ද ලබාගෙන ඇත.

තණමල්විල මාර්ගයේ නුුු⁣ගේයාය ප්‍රදේශයේදි 04 දින රාත්‍රි 9.30ටපමණ සිදුවු රිය අනතුරකින් එකම පවුලේ තිදෙනෙකු මිගොස් දරුවෙකු තුවාල ලබා ඇති බව පොලිසිය කියයි.

සංචාරක ශ්‍රී ලංකා කණ්ඩායම කඩලු 9කින් පරාජයට පත්කරමින් ‌දෙරට අතර පැවැති දෙවැනි විස්සයි20 තරගයෙන් කඩුලු 9ක පහසු ජයක් ලැබීමට සත්කාරක නවසීලන්තය සමත්විය.

සත්කාරක නවසීලන්ත කණ්ඩායම සමගින් පැවැත්වෙන දෙවැනි විස්සයි20 තරගයේ මුලින්ම පන්දුවට පහරදුන් ශ්‍රි ලංකා කණ්ඩායම පන්දුවාර 19කදී සියලු දෙනා දැවී ලකුණු 141ක් රැස් කළේය.

2023 IPL තරගාවලියේදී ආබාධයකට ලක්වූ කේන් විලියම්සන් වෙනුවට ශ්‍රී ලංකා සීමිත ඕවර නායක දසුන් ශානක බඳවා ගැනීමට ගුජරාට් ටයිටන්ස් කණ්ඩායම තීරණය කර තිබේ.

සිංහල හා දෙමළ අලුත් අවුරුදු චාරිත්‍ර අනුව නැකතට පැළයක් - ජාතික රෝපණ නැකත මෙවරත් සැමරීමට කටයුතු යොදයි.

රුමේනියාවේ ශ්‍රී ලංකා තානාපති කාර්යාලයක් පිහිටුවීමේ හැකියාව පිළිබඳව ජාත්‍යන්තර සබඳතා පිළිබඳ ආංශික අධීක්ෂණ කමිටුවේදී සාකච්ඡා කෙරිණි. එම කාරක සභාව එහි සභාපති පාර්ලිමේන්තු මන්ත්‍රී නාමල් රාජපක්ෂ මහතා ප්‍රධානත්වයෙන් මාර්තු 22 වැනිදා පාර්ලිමේන්තුවේදී රැස්විය.

“රාජ්‍ය වියදම් අඩුකර ගැනීමේ චක්‍ර ලේඛය යටතේ ඉස්සෙල්ලාම විදේශ සංචාරයක යෙදුනේ මම. රුසියාවට ගියේ. පැය 9ක් කොළඹ සිට මොස්කව් වලට ඉකොනොමි ක්ලාස් එකේ තමයි ගියේ.මොකද දැන් ඇමතිවරුන්ට කියලා තියෙන්නේ ආර්ථික පංතියේ යන්න කියලා. ආර්ථික පංතයේ පැය 9ක් ඉදගෙන යන කොට හොඳයි. ඒක ඉතින් හැම කෙනාම කැප කිරීම් කරන්න ඕන. මම ඉතින් යාම් ඊම් දෙකම පැය 9 බැගින් කැප කිරීම් කළා.”

පළාත් පාලන ආයතනවල කටයුතු අධීක්ෂණය කිරීම වෙනුවෙන් සුදුසු වැඩපිළිවෙළක් සකස් කිරීම සඳහා වන කමිටුව අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් 2023.04.03 දින අරලියගහ මන්දිරයේදී රැස්විය.

2023 වර්ෂය සඳහා වෙන් කර ඇති මූල්‍ය ප්‍රතිපාදන සීමාව ඇතුළත කළමනා කරණය කර ගැනීමට යටත් ව සබරගමුව, උතුරු මැද, වයඹ, බස්නාහිර, දකුණ හා උතුරු පළාත් සභාවන්හි පවතින ගුරු පුරප්පාඩු සඳහා අධ්‍යාපන වේදී උපාධිධාරීන් බඳවා ගැනීම සඳහා අනුමැතිය ලබා දී ඇතැයි අධ්‍යාපන අමාත්‍යාංශය කියයි.

අලුත් අවුරුදු උත්සව සමය වෙනුවෙන් දැනට පවතින ඉන්ධන කෝටාව අද මධ්‍යම රාත්‍රියේ සිට ඉහල දැමූ බව ජනාධිපති කාර්යාලය පවසයි.

ලංකා ධීවර සංස්ථාවේ සභාපති ලෙස දකුණු පළාත් සභාවේ හිටපු අමාත්‍ය ඩී.වී උපුල් මහතා පත් කෙරිණි. එම පත් කිරීමට අදාල ලිපිය අද (04දා) දින ධීවර අමාත්‍යාංශයේදී අමාත්‍ය ඩග්ලස් දේවානන්දා මහතා විසින් ඩී.වී. උපුල් මහතා වෙත ප්‍රදානය කරන ලදි.

සිංහල හා හින්දු අලුත් අවුරුදු උත්සවය සමයට විශේෂ දුම්රිය කිහිපයක් ධාවනයට එක්කිරීමට දුම්රිය දෙපාර්තමේන්තුව කටයුතු කර තිබේ. ඒ අනුව අද සිට ලබන 17 දා තෙක් මෙම දුම්රිය ධාවනය කිරීමට නියමිතය.

අනුප්‍රාප්තික ජනාධිපතිවරයා තෝරා පත්කර ගැනීම සදහා 2022.07.20 දින පවත්වනු ලැබූ රහස් ඡන්දය විමසීමේදී භාවිතයට ගනු ලැබූ ඡන්ද පත්‍රිකා විනාශ කරනු ලැබූ බව කථානායක මහින්ද යාපා අබේවර්ධන අද (04) පාර්ලිමේන්තුවට නිවේදනය කළේය.

ලාෆ් ගෑස් කිලෝග්‍රෑම් 12.5 ගෑස් සිලින්ඩරයක් රුපියල් 1,290 කින් පහළ දැමූ බවත් නව මිල අද (4) මධ්‍යම රාත්‍රියේ සිට ක්‍රියාත්මක වන බවත් ලාෆ් ගෑස් සමාගම අද (4) පස්වරුවේ නිවේදනය කළේය.

නවගමුව පොලිස් වසමේ නාගහවත්ත පාර රණාල ප්‍ර දේශයේ නිවසක මත්ද්‍රව්‍ය සාදයක් පවත්වන බවට ලද තොරතුරක් මත කළ වැටලීමකදී එම සාදයට එක්ව සිටි සැකකරුවන් 7ක් හා සැකකාරියන් 04ක් අත්අඩංගුවට ප ගත් බව පොලීසිය කියයි.

ආසියානු සංවර්ධන බැංකුව, දරිද්‍රතාවය තුරන් කිරීමේ ජපාන් අරමුදල හා ශ්‍රී ලංකා රජයේ ප්‍රති මුල්‍ය දායකත්වය යැටතේ ඇමෙරිකානු ඩොලර් මිලියන 123ක් වටිනාකමක් යටතේ ගිලන් රථ 75ක් මිලදී ගැනිමට කැබිනට් අනුමැතිය ල බා දී තිබේ.

පළාත් පාලන මැතිවරණය සඳහා නාම යෝජනා භාරදුන් රජයේ නිලධාරීන්ගේ මූලික වැටුප ගෙවීමට කැබිනට් මණ්ඩලයේ අනුමැතිය ලැබී තිබේ.

කුරුණෑගල මලිය⁣දේව බාලිකා විද්‍යාලයේ විහඟනා ආරියසිංහ සිසුවිය තම අවයව පරිත්‍යාග කර සතයක කාලයක් ගත වීමටත් පෙර හදිසි අනතුරකට ලක්වීම හේතුවෙන් මොළය මිය ගිය කුරුණෑගල මලිය⁣දේව පිරිමි විද්‍යාලයේ උසස් පෙළ ඉගෙනුම ලබමින් සිටි සිසුවෙකුගේ අවයවද ජීවිත රැසක් බේරා ගැනීම සඳහා පරිත්‍යාග කිරීමේ ශෝචනීය පුවතක් වාර්තාවේ.

දුම්රිය දෙපාර්තමේන්තුව සතු දුම්රිය මැදිරි ව්‍යාපාරික කටයුතු සඳහා ලබාදීමට කටයුතු කරන බව ප්‍රවාහන අමාත්‍ය බන්දුල ගුණවර්ධන මහතා පැවැසීය.