පොහොට්ටු සම්මේලනයේදී ලොකු පුටුවල වෙනසක් නෑ

ලබන 15 වැනි දින සුගතදාස ගෘහස්ථ ක්‍රීඩාංගණයේ දී පැවැත්වීමට නියමිත ශ්‍රී ලංකා පොදුජන පෙරමුණ (පොහොට්ටුව) දෙවන සම්මේලනයේදී පක්ෂයේ ප්‍රධන පරිපාලන තනතුරුවල වෙනසක් සිදුනොවන බව නාමල් රාජපක්ෂ පවසයි.  

 නිලධාරී මණ්ඩලය වෙත පක්ෂයේ පරිපාලන කටයුතු පැවරෙද්දී, ගම මට්ටමින් පක්ෂය යළි ගොඩනැගීමේ කටයුතු වෙනම පක්ෂ යන්ත්‍රයක් ඔස්සේ ආසන මට්ටමින් ක්‍රියාත්මක කෙරෙනු ඇතැයි ද ඔහු සඳහන් කළේය. තමන් වැඩි අවධානයක් යොමුකර ඇත්තේ ඒ සඳහා යයි ඔහු පැවසිය.  

 ''ලබන වසර මැතිවරණ වර්ෂයක්. එම මැතිවරණවලට මුහුණ දීම සඳහා පක්‍ෂය වඩාත් ශක්තිමත් කිරීමක් අවශ්‍ය වෙනවා. ඒ වගේම ව්‍යවස්ථා සංශෝධන කිහිපයක් හඳුන්වාදීමටත් අපේක්‍ෂා කරනවා.'' යයි නාමල් රාජපක්ෂ මන්ත්‍රීවරයා වැඩි දුරටත් කියා සිටියේය.  

 කෙසේවුවද දැනට පවතින පක්ෂ ව්‍යස්ථාවේ යම් යම් වෙනස්කම් සිදු කිරීමට නියමිත බවත්, පක්ෂයේ විධායක කමිටුවට ද නව සාමාජිකයන් පත් කිරීමට නියමිත බවත්  වාර්තා වේ.