විදුලිබල හා බලශක්ති අමාත්‍යවරයාගේ නිර්දේශ මත පත්කළ කමිටුවක් විසින් ලංකා විදුලි බල මණ්ඩල පනත අහෝසි කර එහි සම්පත් 2007 අංක 7 දරන සමාගම් ආඥා පනත යටතේ ස්ථාපිත සමාගම් 14කට පැවරීම සඳහා යෝජනාවලි‍යක් සහ පනත් කෙටුම්පතක් සකස් කර තිබෙන බවද ඊයේ (02දා) මාධ්‍ය නිවේදනයක් නිකුත් කරමින් මහජන උපයෝගිතා කොමිසමේසභාපති ජනක රත්නායක මහතා සඳහන් කරයි.

වෙසක් උත්සවය වෙනුවෙන් දන්සැල් පැවැත්වීමේදී අදාළ සංවිධායකවරුන්විසින්තම බල ප්‍රදේශයේ පිහිටි සෞඛ්‍ යවෛද්‍ය නිලධාරී කාර්යාලවල ලියාපදිංචිය ලබාගතයුතු බව ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමය පවසයි.

පාසල් දෙකක් අතර පැවැත්වෙන ක්‍රිකට් තරගවලදී විනයක් සහිතව එය පවත්වාගෙන යෑමට විදුහල්පතිවරුන්, ආචාර්ය මණ්ඩලය හා ආදිශිෂ්‍ය සංගම් එකබද්ධ වී පොලීසිය සමග සාකච්ඡා කර වැඩපිළිවෙළක් සකස් කරගත යුතු බව පොලිස් මූලස්ථානය සඳහන් කරයි.

මැතිවරණ කොමිෂන් සභාව ඇතුළු ස්වාධීන කොමිෂන් සභා සඳහා නව සාමාජිකයන් මෙම සතිය තුළ පත් කිරීමට කටයුතු කරන බව කථානායක මහින්ද යාපා අබේවර්ධන මහතා අද පුවත්පතට පැවසීය.

දිවයින පුරා දැනට පවතින වැසි තත්ත්වය ඉදිරි දින කිහිපයේදීත් බලාපොරොත්තුවන බව කාලගුණ විද්‍යා දෙපාර්තමේන්තුව සඳහන් කරයි.

ඩෙංගු හා පූර්ණ රුධිර පරීක්ෂණ සඳහා ගැසට් කරන ලද නියමිත ගාස්තුවට වඩා වැඩි මුදලක් අය කළ පෞද්ගලික රෝහල් සහ රසායනාගාර දොළහක් සඳහා පසුගිය මාස හතර තුළ රුපියල් ලක්ෂ 94ක දඩ මුදලක් අධිකරණ මගින් නියම කර ඇතැයි පාරිභෝගික කටයුතු අධිකාරියේ ජේෂ්ඨ විමර්ශන නිලධාරී ඒ . යු. රංජන මහතා පැවසීය.

අද දිනයේදී කොවිඩ් ආසාදිතයන් 06ක් වාර්තා වූ බව රජයේ ප්‍රවෘත්ති දෙපාර්තමේන්තුව පවසයි. ඒ අනුව මේ දක්වා ‍ශ්‍රී ලංකාවෙන් වාර්තා වී ඇති සමස්ත ආසාදිතයන් සං‍ඛ්‍යාව 672183ක් බවට පත්ව තිබේ. මේ අතර ඊයේ දිනයේදී කොවිඩ් මර‍ණයක්ද වාර්තා වී තිබේ.

ලිට්‍රෝ කිලෝ ග්‍ර‍ැම් 12.5 ග‍ෘහස්ත ග‍ැස් සිලින්ඩරයක මිල රුපියල් 100කින් පම‍‍ණ හෙට ම‍ධ‍්‍යම රාත්‍රියේ සිට ප‍හ‍‍ළ දමන බව ලිට්‍රෝ ස‍භාපති මුදිත ප‍ිරිස් මහතා අද කො‍ළ‍ඹද‍ි පැවැති මාධ්‍ය හමුවකද‍ි ‍පැවැස‍ිය.

ලෝක කම්කරු දිනය සැමරීම සඳහා පැවැත්වූ පෙළපාලි හා මැයි දින රැලි ඉතාමත්ම සාමකාමීව පැවැත්වීම ,නීතිය හා සාමය නිසි පරිදි පවත්වාගෙන යෑම හා රාජකාරියෙහි නියුතු පොලිස් නිලධාරීන්ට සිය රාජකාරී කටයුතුවලට බාධා නොකර සහයෝගය දැක්වීම පිළිබඳව සියලුම දේශපාලන පක්ෂවලට හා සංවිධානවලට සිය ස්තුතිය පිරිනමන බව මහජන ආරක්ෂක අමාත්‍ය ටිරාන් අලස් මහතා පවසයි.

අපේ රටේ දේශපාලන පක්ෂ වැඩි බවත් තියෙන පක්ෂ නිසාම රට කර ගෙන යාමට නොහැකිවී ඇති බවත් ප්‍රතිතස්ත පනතේ යම් යම් සංශෝ‍ධන ක‍ළ යුතු බව තමාද පිලිගන්නා බව සංචාරක රාජ‍්‍ය ඇමතිනී ඩයනා ගමගේ මහත්මිය අද (2දා) හික්කඩුවේ සංචාරක වයාපාරය පිළිබදව සොයා බැලීමේ නිරීක්ෂණ චාරිකාවකට එක්වෙමින් පසුව පැවති මාධ‍්‍ය හමුවකදී කීවාය.

අද (02) දිනයේ දී කොළඹ කොටස් වෙළෙඳපොළ මිල දර්ශකවල දැවැන්ත කඩා වැටීමක් වාර්තා විය.

තියුණු ආයුධ රැගෙන ගල්කිස්ස පීරිස් පාරේ වෙළඳසලකට පෙරේදා (1) මහා දවාලේ කඩා වැදුණු පුද්ගලයන් දෙදෙනෙක් ව්‍යාපාරිකයා පැළඳ සිටි පවුම් 28 ක් බර රුපියල් ලක්ෂ 60කට ආසන්න රන් භාණ්ඩ තොගයක් සහ ලක්ෂ දෙකක පම‍ණ මුදලක් කොල්ලකා පලාගොස් ඇතැයි ගල්කිස්ස පොලිසිය කියයි.

පුරාවිද්‍යා භූමියක කැනීමක් සිදු කර ලබා ගත් පෞරාණික වටිනා කමකින් යුතු රන් කාසි බව පවසමින් සත්ව රූප සහිත රන් පැහැ කාසි තොගයක් රුපියල් එක්කෝටි හැත්තෑ ලක්ෂයකට කොළඹ ප්‍රදේශයේ කෝටිපති ව්‍යාපාරිකයෙකුට විකිණීමට යාමේදී චීවරධාරියෙකු, ශිෂ්‍ය භට බලකායට අනුයුක්ත සාමාජිකයෙකු ඇතුළු පුද්ගලයන් තිදෙනකු ඊයේ (1දා) අත්අඩංගුවට ගත් බව අනුරාධපුර කොට්ඨාශ අපරාධ විමර්ශන අංශය පවසයි.

නුවරඑළිය දිස්ත්‍රික්කය තුළ මහල් හතරකට වැඩි නව ගොඩනැගිලි ඉදිකිරීම ඊයේ (1) සිට සීමා කර කරයි.

සමාජ මාධ්‍ය ඔස්සේ මෑතකදී පැවති සම්මුඛ සාකච්ඡාවකදී සන්නද්ධ හමුදාවේ පිවිතුරුභාවය පිළිබඳ ප්‍රශ්න කරන, යුද හමුදාව වෙතින් නෙරපා දමන ලද අපකිර්තිමත් හමුදා සේවා කාලයක් ඇති හිටපු නිලධාරියෙකු විසින් ආරක්‍ෂක අමාත්‍යාංශයට එල්ල කරන පදනම් විරහිත චෝදනා තරයේ හෙළා දකින ආරක්‍ෂක අමාත්‍යාංශය, එම චෝදනා අසත්‍ය සහ නොමඟ යවන සුළු යැයි ප්‍රතික්ෂේප කරයි.

මෙරටින් තුරන්ව පැවති ලාදුරු රෝගය යළි ව්‍යාප්ත වන තත්ත්වයක් පවතින බවත් මෙම වසරේ මුල් මාස තුන තුළ ගම්පහ දිස්ත්‍රික්කයෙන් ලාදුරු රෝගීන් 42 දෙනෙකු වාර්තාවී ඇති බැවින් ජනතා අවධානය යොමු වියයුතු බවත් ගම්පහ දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

උඩරට දුම්රිය මාර්ගයේ කොළඹ බදුල්ල අතර දුම්රිය මාර්ගයේ දි හමුවන මුහුදු මට්ටමේ සිට අඩි 6000ක් උසින් පිහිටි ලංකාවේ එකම තනිකෙලින් පිහිටි දිගම (අඩි 895) දුම්රිය බිංගෙය වූ ඔහිය පට්ටිපොළ දුම්රිය ස්ථාන අතර පිහිටි අංක 20 දරන දුම්රිය බිංගෙය තුළ තිබූ දිරාපත් වී ගිය ලී සිල්පර කොටන් ඉවත් කර කොන්ක්‍රීට් සිල්පර දමා දුම්රිය මාර්ගය නවීකරණය කල බව දුම්රිය දෙපාර්තමේන්තුව පවසයි.

ඊනියා අරගලකරුවන් විසින් ගම්පහ නිට්ටඹුවේදී හිටපු පාර්ලිමේන්තු මන්ත්‍රී අමරකීර්ති අතුකෝරල මහතා ඝාතනය කිරීමේ සිද්ධිය සම්බන්ධයෙන් ගම්පහ පුරවැසියකු ලෙස තමන් පොළොන්නරුව ජනතාවගෙන් සමාව අයදින බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

මැදවච්චියේ හෙරෝයින් ජාවාරම් කරුවන් අතර ඇති වූ ගැටුමකින් අනතුරුව ප්‍රථිකාර ලබමින් සිටි තරුණයෙකු පසුගිය (28) වැනිදා අලුයම රෝහල් ඇද තුලම ගෙල හා පාදයක් කපා ඝාතනය කිරිමේ සිදුවීමට සම්බන්ධ යැයි කියන සැකකරුවන් දෙදෙනෙකු ඊයේ (01) සවස අත් අඩංගුවට ගත් බව මැදවච්චිය පොලිසිය කියයි.

ආයුර්වේද සංස්ථාවේ නව සභාපති වරයා ලෙස ආචාර්ය අනුර ඇතුලත්මුදලි මහතා (02) දා දේශීය වෛද්‍ය රාජ්‍ය ඇමති සිසිර ජයකොඩි මහතා ඉදිරියේ මහරගම නාවින්න ආයුර්වේද සංස්ථා පරිශ්‍රයේදි සිය ධූරයේ වැඩ භාර ගත්තේය.

ඌව පළාතේ ප්‍රථම ප්‍රධාන ලේකම්වරිය ලෙස දමයන්ති පරණගම මහත්මිය මේ මස (4) දා වැඩ බාරගැනීමට නියමිතය . දමයන්ති පරණගම මහත්මිය බදුල්ල දිස්ත්‍රික්කයේ ප්‍රථම දිස්ත්‍රික් ලේකම්වරිය ලෙස කටයුතු කළාය.

යාපනය, වඩමාරච්චි නැගෙනහිර, වල්ලිපුර අල්වා කෝවිල මාර්ගයේ පොලිස් විශේෂ කාර්ය බළකා මාර්ග බාධකයකදී පොලිස් විශේෂ කාර්ය බළකා නිළධාරීන් යටකර පළා යාමට උත්සහ කළ ටිපර් රථයක රෝදයකට වෙඩි තබා, ටිපර් රථ රියදුරු 30 වැනිදා රාත්‍රියේ අත්අඩංගුවට ගෙන ඇති බව පේදුරුතුඩව පොලිසිය පැවසීය.

ඇඹිලිපිටිය හා සෙවණගල ප්‍රදේශ දෙක ආශ්‍රිතව දැනට පුළුල් ලෙස කෙසෙල් වගාව සිදුවන බැවින් අපනයනය ඉළක්ක කර ගත් කෙසෙල් සැකසුම් කළාප දෙකක් එම ප්‍රදේශවල ස්ථාපිත කිරීමට කෘෂිකර්ම අමාත්‍යාංශය තීරණය කර තිබේ.

කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2023 මාර්තු මාසයේ වාර්තා වූ සියයට 50.3හි සිට 2023 අප්‍රේල් මාසයේ දී සියයට 35.3 දක්වා පහළ යෑමක් වාර්තා කරන බව ශ්‍රී ලංකා මහ බැංකුව පවසයි.

දිවයිනේ බොහෝ ප්‍ර දේශවල සවස 2න් පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව සඳහන් කරයි.

යාපනය කයිටිස් මාර්ගයේ අල්ලෙයිපිඩ්ඩි ප්‍රදේශයේදී අද (01) සවස යතුරුපැදියක් සහ වෑන්රථයක් මුහුණට මුහණ ගැටීමෙන් කාන්තාවන් දෙදෙනෙකු මියගොස් තවත් දෙදෙනෙකු බරපතල තුවාල ලබා ඇතැයි යාපනය පොලීසිය පවසයි.

කොළඹ වරාය හරහා ඉදිකරමින් පවතින අධිවේගී මාර්ගයේ ගබඩාවක තිබූ දේපළ සොරකම් කිරීම සඳහා එම ගබඩාවට ඇතුළුවීමට උත්සාහ කළ පිරිසක් එම ස්ථානයේ ආරක්ෂාව සඳහා යොදවා සිටි පුද්ගලික ආරක්ෂක අංශයේ නිලධාරීන්ට පහරදී ගිනි අවිය පැහැර ගැනීමට උත්සාහ කිරීමේදි ආරක්ෂක අංශ නිලධාරීන් සිදුකළ වෙඩි තැබීමකින් පුද්ගලයන් 05ක් හා කාන්තාවන් 4ක් තුවාල ලබා කොළඹ ජාතික රෝහලට ඇතුළත් කර ඇතැයි පොලීසිය කියයි.

ඉන්දියානු ඊ-වීසා අයදුම්කරුවන්ට අවධානයෙන් සිටින ලෙස ඉන්දීය මහකොමසාරිස් කාර්යාලය දන්වයි.

ඉන්දීය ගුවන් හමුදා ප්‍රධානී එයාර් චීෆ් මාෂල් විවේක් රාම් චෞද්‍රි මහතා ශ්‍රී ලංකාවේ සිව් දින නිල සංචාරයක් සදහා අද (01දා) දහවල් කටුනායක ජාත්‍යන්තර ගුවන් තොටුපළ වෙත පැමිණියේය.