දිවයින අශ්‍රිතව පහළ වායුගෝලයේ පවතින කැළඹිලි තත්ත්වය හේතුවෙන් උතුරු, උතුරු-මැද, නැගෙනහිර හා ඌව පළාත්වල පවතින වැසි තත්ත්වයේ වැඩිවිමක් අද දින සිට ඉදිරි දින කිහිපයේදී බලාපෙරොත්තුවන බව කාලගුණ විද්‍යා දෙපාර්තමේන්තුව පවසයි. එසේම දිවයිනේ බොහෝ ප්‍ර දේශවල අහස වළාකුළින් බරව පවතිනු ඇති බවද එම දෙපාර්තමේන්තුව අද පෙරවරුවේ නිකුත් කළ නිවේදනයේ දැක්වෙයි.

පවතින වර්ෂාව සමඟ ඊයේ 24 රාත්‍රී ගල් පර්වත සහ පස් කඳු කඩා වැටී හල්දුම්මුල්ලෙන් අවහිර වූ කොළඹ බදුල්ල ප්‍රධාන මාර්ගය එම ස්ථානයෙන් එක් මන්තීරුවක් ගමනාගමනය සඳහා විවෘත කළ බව හල්දුම්මුල්ල පොලිසිය පැවසීය.

පවතින වර්ෂාව සමඟ අද 24 සවස කොළඹ බදුල්ල ප්‍රධාන මාර්ගයට හල්දුම්මුල්ල නගරයට නුදුරු කදිරියේෂන් ඇල්ල ආසන්නයේදී විශාල ගල්කුළු සමග පස් කන්දක් කඩා වැටී එම මාර්ගය මුළුමනින්ම අවහිර වී ඇතැයි හල්දුම්මුල්ල ප්‍රාදේශීය ලේකම් කේ ඒ ජී පියංගිකා මහත්මිය පැවසුවාය.

ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශයේ සහ නාගරික සංවර්ධන, ඉදිකිරීම් සහ නිවාස අමාත්‍යාංශයේ වැය ශීර්ෂ සම්මතයි.

2011 වසරේදී ඇඹිලිපිටිය, මුල්ලගස්යාය ප්‍රදේශයේදී පුද්ගලයෙකු කපා කොටා ඝාතනය කිරීමේ සිද්ධියක් සම්බන්ධයෙන් ඇඹිලිපිටිය මහාධිකරණය අද (24) තීන්දුව ප්‍රකාශයට පත් කර ඇත.

’’නුගේගොඩ නොවැම්බර් 21 වෙනිදා ඉතිහාසයේ හැරවුම් ලක්ෂයක් බවට පත් කිරිමට අපට හැකි වුනා ආණ්ඩුවේ බලාපොරොත්තු සුන් කරමින් නුගේගොඩ මහා හිස් ගොඩක් බවට ඒදා පත් වුනා. මහ වැසි මැද ආණ්ඩුවේ අනේක විධ බාධක අපහාස මැද දුන් පොරොන්දු ඉටු කරනු කියලා ආණ්ඩුවට බල කරන්න නොවැම්බර් 21 දා නුගේගොඩට පැමිණි මහා ජන ගංගාවට මහජන හඬ වෙනුවෙන් ප්‍රණාමය පුද කරනවා.’’ යැ

විද්‍යුත් කාඩ්පත් හරහා බස් ගාස්තු ගෙවීම අද ( 24 ) මාකුඹුර බහුවිධ මධ්‍යස්ථානයේ දී අමාත්‍ය බිමල් රත්නායකගේ ප්‍රධානත්වයෙන් ආරම්භ විය. ප්‍රවාහන සේවය තවත් ශක්තිමත් කිරීම, මගීන් සහ කොන්දොස්තර මහත්වරුන් අතර විනිවිදභාවය තවදුරටත් තහවුරු කිරීමටත් මෙම සේවාව ආරම්භ විය.

ජාතික ජන බලවේගයට බලය හිමි කන්දකැටිය ප්‍රාදේශීය සභාවේ 2026 අයවැය ලේඛනය දෙවන වරටත් අද (24 ) උදෑසන වැඩි ඡන්ද හතරකින් (04) පරාජයට පත් විය.

පහළ කඩුගන්නාව ප්‍රදේශයේ මාර්ගය ගිලා බැසීම හේතුවෙන් වසා දැමු මහනුවර කොළඹ මාර්ගයේ ගණේතැන්න හා කඩුගන්නාව මාර්ගය අද දිනයේත් වසා දමා ඇත.

දේශීය ආදායම් දෙපාර්තමේන්තු ඉතිහාසයේ ලබාගත් වැඩිම ආදායම් ඉලක්කය වන රුපියල් ට්‍රිලියන 02 ඉක්මවූ ආදායමක් ලබාගැනීමට දේශීය ආදායම් දෙපාර්තමේන්තුවට හැකිවූ බව දේශීය ආදායම් කොමසාරිස් ජනරාල් රුක්දේවී ප්‍රනාන්දු මහත්මිය පවසයි.

බෝපෙ පොද්දල ප්‍රා දේශිය සභාව විසින් මාර්ග ආලෝකන කටයුතු සදහා බල්බ මිලදි ගැනිමේ දි රුපියල් 250ක මිලකට මිලදි ගැනිමට තිබු බල්බයක් රුපියල් 1195ක මිලකට මිලදි ගැනිම නිසා සභා අරමුදලට රුපියල් හාරලක්ෂ, හතලිස්පන් දහසක (445,000) පාඩුවක් සිදුවි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

දහමින් සැනසෙන මිනිසුන් එදා සිටියත් අද සිටින්නේ කුඩුවලින් වැනසෙන මිනිසුන් බව අස්ගිරි පාර්ශවයේ අනු නායක අති පූජ්‍ය වෙඩරුවේ උපාලි හිමියන් කීහ.

රුපියල් කෝටි විසි පහක් වටිනා කොකේන් මත්ද්‍රව්‍ය තොගයක් මෙරටට රැගෙන ආ විදේශීය ගුවන් මගියෙකු කටුනායක ගුවන් තොටුපොළ පැමිණීමේ පර්යන්තයේ දී 11/23 දින රාත්‍රී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

පාකිස්තානයේ පේෂාවර් නගරයේ පිහිටි පැරාමිලිටරි හමුදා මූලස්ථානයට මරාගෙන මැරෙන බෝම්බ ප්‍රහාරයක් එල්ල වී තිබේ.

මධ්‍යම කදුකරයේ බටහිර බෑවුම් ප්‍ර දේශවල පිහිටි ජල පෝෂක ප්‍රදේශවලට දිනපතා පස්වරුවේ ඇද හැලෙන අධික වර්ෂාවත් සමග කාසල්රි සහ මාවුස්සාකැලේ ජලාශවල ජල මටට්ම පිටාර මට්ටමට ආසන්න වෙමින් පවතින බව එම ජලාශභාර ඉංජිනේරුවරුන් පැවසීය.

නොවැම්බර් මාසයේ මුල් දින 19ට මෙරටට සංචාරකයන් 132 783ක් පැමිණ ඇති බව ශ්‍රී ලංකා සංචාරක සංවර්ධන අධිකාරිය පවසයි. ඒම සංඛ්‍යාවත් සමගින් මේ වසර් ජනවාරි 01 දා සිට නොවැම්බර් 19දා තෙක් ශ්‍රී ලංකාවට සංචාරකයන් 2 023 470ක් පැමිණ තිබේ.

‍ෙමෙරට ළමා ජනගහන අනුපාතයේ තියුණු හා අඛණ්ඩ අඩුවිමක් දක්නට ඇති බැව් ජන ලේඛන හා සංඛ්‍යාලේඛන දෙපාර්තමේන්තුව මගින් නිකුත්කොට ඇති වාර්තාවක සදහන් වේ.

ත්‍රීරෝද රථයක් මතට ගසක් කඩා වැටීමෙන් පුද්ගලයෙකු මියයාම - මාවනැල්ල පොලිස් වසම.

දිවයින අශ්‍රිතව පවතින පහළ වායුගෝලීය කැළඹිලි තත්ත්වය හෙට (25) දින අඩු පීඩන කාලාපයක් දක්වා වර්ධනය වීමේ හැකියාවක් පවතින බව කාලගුණ විද්‍යා දෙපාර්තමේන්තුව කියයි. ඒ හේතුවෙන් දිවයින පුරා දැනට පවතින වැසි තත්ත්වය ඉදිරි දින කිහිපයේදි තවදුරටත් බලාපොරොත්තුවන බවද එම දෙපාර්තමේන්තුව පවසයි.

හැටන් ප්‍රදේශයට (23) දින පස්වරුවේ ඇදහැලුණු අධීක වර්ෂාවත් සමග හැටන් දුම්රිය ස්ථනාධිපතිවරයාගේ නිළ නිවස අඩි 5ක් ජලයෙන් යට වී ඇත.

2026 නුවරඑළිය මහ නගර සභාවේ අයවැය වාර්තාවට ඉදිරිපත් කිරීම සඳහා නගරාධිපතිවරයාට නව නිල රථයක් ලබා ගැනීමේ යෝජනාව සහ ගරාධිපතිවරයා වෙනුවෙන් සියලු පහසුකම් සහිත සුඛෝපභෝගී නිල නිවසක් ඉදිකරවා ගැනීම සඳහා වන යෝජනාවන් සභා සම්මත කර ගැනීම පිළිබඳව විපක්ෂය නියෝජනය කරන එක්සත් ජාතික පක්ෂ කණ්ඩායමේ හා ස්වාධීන කණ්ඩායම් සිය විරෝධය ප්‍රකාශ කරයි .

පැවති අධික වර්ෂාවත් සමඟ අද විසි තුන පස්වරුවේ ඇල්ල කුඹල්වෙල ආඬිගල ප්‍රජාශාලාව ආසන්නයේ නිවසක් මතට පස් කන්දක් කඩා වැටීමෙන් තිදෙනෙකු තුවාල ලබා ඇති අතර එක් අයකු රෝහල්ගත කළ බව බදුල්ල ආපදා කළමනාකරණ මධ්‍යස්ථානය පැවසීය..

ලංකා පිගන් සංස්ථාව රුපියල් හැටහතර කෝටියකට අධික අලාභයක් ඉකුත් වර්ෂය අවසන්වනවිට (2024) ලබා ඇති බැව් ජාතික විගණන කාර්යාලය මගින් නිකුත්කොට ඇති වාර්තාවක සදහන් වේ.

පවතින වැසි සහිත කාලගුණ තත්වය හේතුවෙන් එක් රැස්වන අමතර ජලධාරිතාවය පිට කිරීම සඳහා මේ වනවිට පුත්තලම දිස්ත්‍රීක්කයේ තබ්බෝව සහ ඉගිනිමිටිය මහාවාරි ජලාශවල 23 දින වාන් දොරටු විවෘත කළ බව එම ජලාශ භාර වාරිමාර්ග කාර්යාල සඳහන් කළේය.

දිවංගත හිටපු අමාත්‍ය සහ ලංකා කම්කරු කොංග්‍රසයේ නායක ආරුමුගම් තොන්ඩමන් මහතාගේ එකම පුත්‍රයා වන එම පක්ෂයේ වත්මන් මහ ලේකම් නුවරඑලිය දිස්ත්‍රික් පා.ම. ජීවන් තොන්ඩමන් මහතාගේ විවාහ මංගල උත්සවය ඉන්දියාවේ චෙන්නායි නුවර පෞද්ගිලක උත්සව ශාලාවක (23) දින පැවැත්විණ.

වැසි සහිත කාලගුණික තත්ත්වයත් සමග ඇති වූ ආපදා හේතුවෙන් සිදු වූ මරණ සංඛ්‍යාව 09 දක්වා ඉහළ ගොස් ඇති බව ආපදා කළමනාකරණ මධ්‍යස්ථානය පවසයි.

වයඹ පළාත් කෘෂිකර්ම දෙපාර්තමේන්තුව විසින් කාබනික පොහොර නිෂ්පාදනය කිරිම සදහා රුපියල් හාරකෝටි, අසුනමලක්ෂ, හැත්තැහත්දහස් හයසියයක (48,977,600) මුදලක් වැයකොට Huller යන්ත්‍ර 112 ක් මිලදි ගෙන තිබුනද වර්තමානයේ කාබනික පොහොර නිෂ්පාදනය නොකිරිම නිසා ඒ සදහා වැයකොට ඇති මුදල නිශ්කාර්ය වියදමක් බවට පත්ව ඇති බව ජාතික විගණන කාර්යාලය පවසයි.

දිවයින පුරා දැනට පවතින්‍ වැසි තත්ත්වය ඉදිරි දින්‍ කිහිපයේදීත් බලාපොරොත්තු වන බව කාලගුණ විද්‍යා දෙපාර්තමේන්තුව පවසයි. ඒ අනුව අද දිනයේදී උතුරු හා උතුරු-මැද පළාත්වලත් ත්‍රිකුණාමලය හා මඩකලපුව දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බවද එම දෙපාර්තමේන්තුව පවසයි.

ගලෙන්බිදුණුවැව ප්‍රදේශිය ලේකම් කොට්ඨාසයේ සියඹලෑව පුලියන්කුලම , මයිලගස්වැව,හිඹුටුගොල්ලෑව යන ප්‍රදේශවල බොහෝ ගොවීන් ගොඩ බෝගයක් ලෙස වර්ෂයේ සෑම කන්නකදීම අමු මිරිස් වගාව සිදුකිරීම දක්නට ලැබෙන මේ වන විට වගාවෙහි අස්වනු නෙලීම සිදු කරමින් පවතී.