කල්වේලා ඇතිව ඡන්ද පොළ වෙත යන ලෙසත් ඡන්දය භාවිත කිරීමට අනන්‍යතා පත්‍රයක් අනිවාර්යෙන්ම රැගෙන යන ලෙසත් මැතිවරණ කොමිසමේ සභාපති ආර්.එම්.ඒ.එල්.රත්නායක මහතා සඳහන් කරයි.

අම්පාර දමන පොලිස් බලප්‍රදේශයේ අලහේන ගම්මානයේ පිහිටා තිබෙන වෙඩි බෙහෙත් ගබඩාවක් කඩා එහි තිබූ වෙඩි බෙහෙත් ඇතුළු පුපුරන ද්‍රව්‍ය පැහැරගෙන ගොස් ඇති බව අම්පාර උසස් පොලිස් නිලධාරියෙක් පැවසීය.

ඡන්ද මධ්‍යස්ථාන ආශ්‍රිතව නීති විරෝධී කටයුතු සිදුකරන පිරිස් අත්අඩංගුවට ගෙන නීතිය ක්‍රියාත්මක කරන බව පොලිස් මූලස්ථානය සඳහන් කරයි.

මාතර බන්ධනාගාරයෙහි ඇතිවූ නොසන්සුන්තාව අතරතුරදී එහි ගබඩා කාමරය කඩා රැඳවියන් විසින් සොරා ගත් ජංගම දුරකතන 49 ක් අත් විලංගු 05ක් හා ඒවායෙහි යතුරු 24 ක් එම බන්ධනාගාරයේ තැන තැන ඉතා රහසිගතව සඟවා තිබියදී සොයා ගෙන ඇති බව මාතර පොලීසිය අද (05දා) මාතර මහේස්ත්‍රාත් අධිකරණය වෙත කරුණු වාර්තා කරමින් කියා සිටියේය.

සබරගමුව විශ්වවිද්‍යාලයේ නවකවදය ලබා දිමෙි සිද්ධියට සමිබන්ධ තවත් ජේෂ්ඨ සිසුන් 04 ක් අද (05) දා සවස අත්අඩංගුවට ගෙන ඇතැයි සමනලවැව පොලිසිය පවසයි.

නවක වධය ලබා දීමේ සිද්ධියක් හේතුවෙන් සබරගමුව විශ්වවිද්‍යාලයේ අත්අඩංගුවට ගත් තුන්වැනි වසරේ සිසුන් හතර දෙනා ලබන 16 දක්වා රක්ෂිත බන්ධනාගාර ගත කිරිමට බලන්ගොඩ මහේස්ත්‍රාත් වරිය අද (05දා) නියෝග කළාය.

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා ඊයේ (04) පස්වරුවේ වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වීය.

කිරිබත්ගොඩ නගරයේ ඉදි කිරීමට රජයට පවරා ගෙන තිබු ඉඩමකට කූට ලේඛණ සකස් කිරිමේ නඩුවට අදාළව අධිකරණය දිගින් දිගටම මගහරිමින් සැඟවී සිටින සැකකරුවන් වන හිටපු රාජ්‍ය ඇමැති ප්‍රසන්න රණවීර හා කැළණිය ප්‍රාදේශීය සභාවේ හිටපු මන්ත්‍රී මිල්රෝයි පෙරේරා යන දෙදෙනා වහාම අත්අඩංගුවට අධිකරණයට ඉදිරිපත් කරන ලෙසට මහර අංක 01 අධිකරණයේ මහේස්ත්‍රාත් කාංචනා ද සිල්වා මහත්මිය අද ( 05 වැනිදා ) විවෘත වරෙන්තු නිකුත් කළාය.

වියට්නාමයේ රාජ්‍ය සංචාරයක නිරත වන ජනාධිපති අනුර කුමාර දිසානායක මහතා වියට්නාම් ජනාධිපති ලුඕං කුඕං (Luong Cuong)මහතා විසින් උණුසුම් අයුරින් අද (05) පිළිගනු ලැබීය.

රුපියල් හතලිස් හතර ලක්ෂ හතලිස් පන් දහසක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළෙන් පිටතට ගෙන යාමට තැත් කළ ශ්‍රී ලාංකික ගුවන් මගියෙකු ගුවන් තොටුපොළ රේගු නිලධාරීන් විසින් 05/05 දින උදෑසන අත් අඩංගුවට ගෙන තිබේ .

කටුනායක ගුවන් තොටුපොළ රේගු නිලධාරීන්ගේ රාජකාරී කටයුතු වලට බාධා කළ ගුවන් මගියෙකු එළඹෙන 05/09 දින දක්වා රක්ෂිත බන්ධනාගාර ගත කර තිබේ.

පාර්ලිමෙන්තු මන්ත්‍රී චාමර සම්පත් දසනායක මහතා යළි මැයි මස 19 වනදා දක්වා රක්ෂිත බන්ධානාගාර ගත කිරිමට නියෝග කර තිබේ.

පළාත් පාලන ඡන්ද විමසීමෙන් පසු කොට්ඨාස මට්ටමින් ඡන්ද ප්‍රතිඵල ප්‍රකාශයට පත් කරද්දී මෙවර තැපැල් ඡන්ද ප්‍රතිඵල වෙනම නිකුත් කිරීමක් සිදු නොකරන බව ත්‍රිකුණාමලය සහකාර මැතිවරණ කොමසාරිස් එස්.කේ.ඩි. නෙරන්ජන් මහතා පැවැසීය.

ජනාධිපති අනුර කුමාර දිසානායක මහතා සම්බන්ධයෙන් එල්ල කරන ලද අවමන්සහගත සහ අසත්‍ය ප්‍රකාශය සම්බන්ධව ජාතික ලොතරැයි මණ්ඩලයේ හිටපු ක්‍රියාකාරී අධ්‍යක්ෂ සහ හිටපු ජනාධිපති රනිල් වික්‍රමසිංහ මහතාගේ මහජන සම්බන්ධතා අධ්‍යක්ෂ ජනරාල් වශයෙන් කටයුතු කරන ලද තුසිත හල්ඔලුව යන අයට එරෙහිව ඊයේ (04) රාත්‍රියේදී අපරාධ පරීක්ෂණ දෙපාර්තමේන්තුව වෙත පැමිණිල්ලක් ගොනු කරනු ලැබීය.

ජාත්‍යන්තර එක්දින ක්‍රිකට් ශ්‍රේණිගත කිරීම් හී සිව්වන ස්ථානය දක්වා ඉදිරියට පැමිණීමට ශ්‍රී ලංකාව සමත්ව තිබේ.

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා, ඊයේ (04) පස්වරුවේ අග්නිදිග ආසියාවේ විශාලතම බෞද්ධ විහාරස්ථානවලින් එකක් වන බායි ඩිං (Bai Dinh) විහාරස්ථානයට පැමිණ වැඳ පුදා ගනිමින් ආශීර්වාද ලබා ගත්තේය.

අද 05 උදෑසන 6.30 ට පමණ ගල්කිස්ස සිල්වෙස්ටර් පාර මාර්ග පවිත්‍රා රාජකාරියේ යෙදී සිටි දෙහිවල ගල්කිස්ස මහනගර සභාව ඝණ අපද්‍රව්‍ය අංශ කම්කරුවකුට යතුරු පැදියකින් පැමිණි පුද්ගලයින් දෙදෙනකු විසින් මී.මී. 9 වර්ගයේ පිස්තෝලයකින් වෙඩිතබා ඝාතනය කරනු ලැබ ඇතැයි ගල්කිස්ස පොලීසිය පැවසීය.

පාර්ලිමේන්තුවේදී රජයේ ගිණුම් කාරක සභාවේ (කෝපා) සභාපති ධුරය මේ මස අවසානය වන විට විපක්ෂයට ලබා දෙන බවට ආණ්ඩු පක්ෂය සඳහන් කළ බව විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ගයන්ත කරුණාතිලක මහතා අද පුවත්පතට පැවසීය.

ඊටා ඇක්වාරිඩ්ස් උල්කාපාත වර්ෂාව හෙට (06දා) දින එහි උච්චතම අවස්ථාවට ළඟා වනු ඇතැයි නවීන තාක්ෂණය පිළිබඳ ආතර් සී ක්ලාක් ආයතනය ප්‍රකාශ කරයි.

උඩරට දුම්රිය මාර්ගයේ විශ්මිත නිර්මාණයක් වන දෙස් විදෙස් සංචාරකයන්ගේ ආකර්ෂණය දිනූ පුරාවිද්‍යා ස්මාරකයක් වන ඇල්ල ආරුක්කු නමය පාලමේ ජලකාන්දුවක් සිදුවෙමින් පවතී.

කෙසේ වුවද ඉකුත් වර්ෂයේ දී අරමුදල සඳහා මුළු දායක මුදල් ලැබීම් රුපියල් බිලියන 234.4 දක්වා සියයට 11.3කින් ඉහළ ගොස් තිබුණි. අර්ථසාධක අරමුදලේ ශුද්ධ වටිනාකම 2024 වර්ෂය අවසානය වනවිට රුපියල් බිලියන 4,375.7 දක්වා සියයට 12.6 කින් සැලකිය යුතු ලෙස වැඩිවී තිබූ බවද මෙම වාර්තාවේ සඳහන් වේ. 2023 වර්ෂයේ දී රුපියල් බිලියන 3,886.7 ක ශුද්ධ වටිනාකමක් වාර්තාකොට තිබුණි.

කළුතර මහ නගර සභා අපේක්ෂක බන්දුල ප්‍රසන්න මහතාට අද (04) රාත්‍රි වෙඩි ප්‍රහාරයක් එල්ලවී ඇති බව කළුතර දකුණ පොලිසිය පවසයි.

ගල්කිස්ස, වෙරළ මාර්ගයේ අද (05) උදෑසන සිදුවු වෙඩිතැබීමකින් තරුණයෙක් තුවාල ලබා ඇතැයි පොලීසිය පවසයි. යතුරු පැදියකින් පැමිණි නාඳුනන පුද්ගලයන් දෙදෙනෙක් මෙම වෙඩි තැබීම සිදුකර තිබේ.

මහත් ආන්දෝලනයට තුඩු දී ඇති සබරගමුව විශ්වවිද්‍යාලයේ නවක වද සිදුවීම සම්බන්ධයෙන් එම විශ්වවිද්‍යාලයේ තාක්ෂණ පීඨයේ තෙවැනි වසර සිසුන් සිවු දෙනෙක් අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය පවසයි.

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා, ඊයේ (04) පස්වරුවේ හනෝයිහි පිහිටි වියට්නාම් කොමියුනිස්ට් පක්ෂයේ (CPV) මධ්‍යම කාරක සභා මූලස්ථානයේදී කොමියුනිස්ට් පක්ෂයේ ප්‍රධාන ලේකම් ටෝ ලාම් ( To Lam) මහතා හමු වී සාකච්ඡා පැවැත්වීය.

ජාත්‍යන්තර මූල්‍ය අරමුදල ඊළඟ වාරිකය ලබා ගැනීම සම්බන්ධයෙන් බරපතල ගැටළුවක් මතුව තිබෙන බව එක්සත් ජනරජ පෙරමුණේ නායක, හිටපු පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

පළාත් පාලන ආයතන ඡන්ද විමසීමට ඉදිරිපත්ව සිටින අපේක්ෂකයන් 46ක් අද (04දා) දිනය වන විට අත්අඩංගුවට ගෙන තිබෙන බව පොලිස් මූලස්ථානය සඳහන් කරයි.

තංගල්ල පැරණි බන්ධනාගාරයේ රඳවා සිටින ප්‍රබල අපරාධකරුවකු වන නදුන් චින්තක වික්‍රමරත්න නොහොත් හරක් කටා නමැත්තාට ජංගම දුරකථනයක් ලබාදීම සම්බන්ධයෙන් පොලිස් කොස්තාපල්වරයෙකු අත්අඩංගුවට ගත් බව අපරාධ පරීක්ෂණ දෙපාර්තමේන්තුව සඳහන් කරයි.

2025 වසරේ මාර්තු මාසයේදී ඇමෙරිකානු ඩොලර් මිලියන 1241.7ක වෙළඳ භාණ්ඩ අපනයන ආදායමක් ලබා තිබේ. මෙය 2024 මාර්තු මාසය හා සැසදීමේදී සියයට 8.1ක වර්ධනයකි. 2024 මාර්තු මාසයේදී ශ්‍රී ලංකාවේ වෙළඳ භාණ්ඩ අපනයනය ඇමෙරිකානු ඩොලර් මිලියන 1 143.5ක් වෙයි.