එක්සත් ජාතික පක්ෂ පාර්ලි‍මේන්තු මන්ත්‍රි වසන්ත සේනානායක මහතා නව රජයේ අමාත්‍යධුරයක් ලබා ගැනීම කනගාටුදායක තත්ත්වයක් බව හිටපු අමාත්‍ය සජිත් ප්‍රේමදාස මහතා පැවැසීය.

කෙසේ වෙතත් ඉන් සුළු වේලාවකට පෙර වඩිවේල් සුරේෂ් මහතා නව අග්‍රාමාත්‍ය මහින්ද රාජපක්ෂ මහතාගේ රජයේ වැවිලි කර්මාන්ත රාජ්‍ය අමාත්‍යවරයා ලෙස පත්වීම් ලබාගත්තේය.

එක්සත් ජාතික පක්ෂයේ මන්ත්‍රි වඩිවේල් සුරේෂ් මහතා වැවිලි කර්මාන්ත රාජ්‍ය අමාත්‍යවරයා ලෙස දිවුරුම් දි තිබේ.

වසන්ත සේනානායක මහතා සංචාරක හා වනජීවී අමාත්‍යවරයා ලෙස දිවුරුම් දී තිබේ.

ලංකා කම්කරු කොංග්‍රසයේ නායක ආරුමුගම් තොණ්ඩමන් මහතාට හා ඊ.පී.ඩී.පී. නායක ඩග්ලස් දේවානන්දා මහතාට නව අමාත්‍ය මණ්ඩලයේ අමාත්‍යධුර හිමිව තිබේ.

එක්සත් ජාතික පෙරමුණෙන් පාර්ලිමේන්තුවට පත්වූ ආචාර්ය විජයදාස රාජපක්ෂ මහතා අධ්‍යාපන හා උසස් අධ්‍යාපන අමාත්‍යවරයා ලෙස ජනපති මෛත්‍රීපාල සිරිසේන මහතා ඉදිරියේ දිවුරුම් දුන්නේය.

මුදල් හා ආර්ථික කටයුතු ඇමති ලෙස අග්‍රාමාත්‍ය මහින්ද රාජපක්ෂ මහතා දිවුරුම් දී තිබේ.

ශ්‍රී ලංකාවේ ඇතිවී තිබෙන තත්ත්වය ශ්‍රී ලංකාවේ අභ්‍යන්තර තත්ත්වයක් බවත් එය විසඳා ගැනීමට ශ්‍රී ලංකා රජයට, දේශපාලන පක්ෂවලට හා ශ්‍රී ලංකාවේ ජනතාවට හැකි බව ශ්‍රී ලංකාවේ චීන තානාපති කාර්යාලය සඳහන් කරයි.

ඇමරිකානු නියෝජිත දෙපළ සඳහන් කර ඇත්තේ ශ්‍රි ලංකාවේ උද්ගත වු තත්වය පිළිබඳව තමන් විමතියට පත් වු බවයි.

කොළඹ අලුත්කඩේ මහේස්ත්‍රාත් අධිකරණයට ඉදිරිපත් කළ අර්ජුන රණතුංග මහතා රුපියල් ලක්ෂ 5ක ශරීර ඇපයක් මත මුදා හැරියේය.

ජනපති මෛත්‍රීපාල සිරිසේන මහතා ජාතිය අමතා කරමින් චෝදනා සියල්ල ප්‍රතික්ෂේප කරනවා. යැයි හිටපු අගමැති රනිල් වික්‍රමසිංහ මහතා විශේෂ ප්‍රකාශයක් කරමින් පැවැසීය.

හිටපු අග්‍රාමාත්‍ය රනිල් වික්‍රමසිංහ මහතා වත්මන් දේශපාලන තත්ත්වය පිළිබඳව විශේෂ ප්‍රකාශක් කිරීමට සූදානම් වෙයි.

හිටපු අමාත්‍ය අර්ජුන රණතුංග මහතා අත්අඩංගුවට ගැනීමත් සමගින් ඛනිජ තෙල් සේවකයන් ආරම්භ කර තිබූ වර්ජනය අවසන් කිරීමට තීරණය කර තිබේ.

හිටපු අමාත්‍ය අර්ජුන රණතුංග මහතා අත්අඩංගුවට ගෙන තිබේ.

සංතෝසයි මචං. දැන් උඹ (රවී කරුණනායක) ගේම් එක ගනින් අතට. අරගෙන මුන්ට දුවන්න ගහපන්. තේරුණාන් රවී.

ව්‍යවස්ථාවේ තිබෙන ක්‍රමවේදවලට අනුව මිසක් පාර්ලිමේන්තුව නැවත කැඳෙව්වා කියා කවුද අගමැති කියලා තීරණය කරන්න බෑ

කථානායක කරු ජයසූරිය මහතා හෙට දිනයේදි පක්ෂ නායක රැස්වීමක් කැඳවීමට තීරණය කර ඇති බව වාර්තා වෙයි.

අරලිය ගහ මන්දිරයේ පිරිසුදු කරන හා නඩත්තු කරන සේවකයන් ඉවත් කිරීමට නව අගැමැති මහින්ද රාජපක්ෂ මහතා කටයුතු කර ඇති බව හිටපු නියෝජ්‍ය අමාත්‍ය හර්ෂද සිල්වා මහතා පවසයි.

ජනපති මෛත්‍රීපාල සිරිසේන මහතා විසින් තම ආරක්ෂාවද ඉවත් කර ඇති බව හිටපු මුදල් හා ජනමාධ්‍ය අමාත්‍ය මංගල සමරවිර මහතා පවසයි.

අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් ඒකාබද්ධ විපක්ෂයේ පක්ෂ නායක රැස්වීමක් කොළඹ 07 මල්පාරේ පිහිටි අග්‍රමාත්‍ය කාර්යාලයේදී අද (29දා) දහවල් පැවැත්විණි.

කොළඹ කොටස් වෙළඳපොළ අද දිනයේදී ඉහළ ගිය අතර ඒ පිළිබඳව අදහස් දක්වමින් මන්ත්‍රිවරයා මේ බව සඳහන් කළේය.

නව රජය විසින් පත්කිරීමට යන කැබිනට් මණ්ඩලය නීති විරෝධී බව හිටපු මුදල් හා ජනමාධ්‍ය අමාත්‍ය මංගල සමරවීර මහතා පවසයි.

මහනුවර ඇතිවූ නොසන්සුන්කාරි තත්ත්වයන් සම්බන්ධයෙන් අත්අඩංගුවට ගෙන මාස 7ක ට ආසන්න කාලයක් රක්ෂිත බන්ධනාගාර ගත කර සිටි මහසොන් බළකායේ ප්‍රධානී අමිත් වීරසේකරට ඇප නියම වී තිබේ.

නව රජයේ කැබිනට් මණ්ඩලයේ අමාත්‍යවරුන් කිහිප දෙනෙක් පමණක් අද දිනයේදි දිවුරුම් දෙනු ඇති වාර්තා වෙයි.

තමන්ගේ අත්සන සහිත ව්‍යාජ ලිපියක් ‌සමාජ ජාල ඔස්සේ ව්‍යාප්තවන බව හිටපු අග්‍රාාත්‍ය රනිල් වික්‍රමසිිංහ මහතා පවසයි.

තමන් නාගරීකරණය වූ කොළඹ ජීවත්වූ බවත් ජනපති මෛත්‍රීපාල සිරිසේන මහතා ග්‍රාමීය පොලොන්නරුවේ ජීවත් වූ බවත් රනිල් වික්‍රමසිංහ මහතා පැවැසීය.

වහාම පාර්ලිමේන්තුව කැඳවන ලෙසට තමන් ඉල්ලීමක් කරන බව හිටපු අග්‍රාමාත්‍ය රනිල් වික්‍රමසිංහ මහතා විදේශීය මාධ්‍යවේදීන් අමතමින් පැවැසීය.

හිටපු ජනපති මහින්ද රාජපක්ෂ මහතා නව අගමැති ලෙස වැඩ භාර ගැනීමේ උත්සවය මීට සුළු මොහොතකට පෙර ආරම්භ විය.

ජනතා විමුක්ති පෙරමුණේ සියලු මන්ත්‍රීවරුන්ගේ අත්සනින් යුතුව කතනායකට ලිපියක් යොමුකර තිබේ.