මැතිවරණ සමයේදී එම්.සී.සී. ගිවිසුම රටට හොඳ නැති බවට ජනතාව බියවැද්දූ වර්තමාන ආණ්ඩුව මේ වනවිට එම්.සී.සී ගිවිසුම හොඳ බව පවසමින් දෙබිඩි පිළිවෙතක් අනුගමනය කරන බව ජනතා විමුක්ති පෙරමුණ සඳහන් කරයි.

තිරිඟු ආනයනය වෙනුවෙන් කිලෝවක් සඳහා පනවා තිබූ රුපියල් 36ක බදු රුපියල් 8ක් දක්වා පහළ දැමීමට මුදල් අමාත්‍යාංශය තීරණය කර තිබේ.

හබරණ ,කැකිරාව ,දිගම්පතහ , සිගිරිය, මරදන්කඩවල ,ආදී ප්‍රදේශවල යතුරුපැදි සොරකමේ නිරතව සිටි බව කියන සංවිධානාත්මක අපරාධ කණ්ඩායමක තිදෙනකු අද (16) දින අලුයම සැකපිට අත්අඩංගුවට ගත් බව හබරණ පොලීසිය කියයි.

මෙවර ශ්‍රීපාද වන්දනා සමයේ නල්ලතන්නිය නගරයේ හා නල්ලතන්නිය-ශ්‍රීපාද මාර්ගයේ කිසිදු වෙළඳ සලක දුම්වැටි, බීඩි, සුරුට්ටු, දුම්කොළ, පොලිතීන්, ප්ලාස්ටික් විකිණීම හා පරිහරණය සපුරා තහනම් බව නුවරඑළිය දිස්ත්‍රික් පරිපාලන මහජන සෞඛ්‍ය පරීක්ෂක ගාමිණී පෙරේරා මහතා පැවසීය.

දඹුල්ල ආර්ථික මධ්‍යස්ථානයට මේ දිනවල ලැබෙන එළවලු ප්‍රමාණය විශාල වශයෙන් පහත වැටීම හේතුවෙන් සියලුම එළවලු වර්ග වල මිල ශ්‍රීඝ්‍රයෙන් ඉහළ ගොස් ඇතැයි ව්‍යාපාරිකයෝ පවසති.

ශ්‍රී ලන්කන් ගුවන් සේවයේ නව සභාපති ලෙස ශ්‍රී ලංකාවේ ප්‍රමුඛ පෙළේ ව්‍යාපාරිකයෙක් වන අශෝක් පතිරගේ මහතා පත්කර තිබේ.

ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුවට කැඳවූ ස්විට්සර්ලන්ත තානාපති කාර්යාලයේ සේවිකාව කොළඹ අධිකරණ වෛද්‍ය නිලධාරි හමුවට ඉදිරිපත් කර තිබේ.

පැහැර ගැනීමට ලක්වූ බව කියන ස්විට්සර්ලන්ත තානාපති කාර්යාලයේ සේවිකාවගෙන් සිවුවැනි දිනයටත් මේ වන විට අපරාධ පරීක්ෂණ දෙපාර්තමේන්තුව ප්‍රකාශයක් සටහන් කරගනිමින් පවතී.

ආණ්ඩුවේ රාජ්‍ය අමාත්‍යවරුන් සඳහා කැබිනට් අමාත්‍යවරුන් යටතේ ඇති ඇතැම් කාර්යය භාරයන් සහ කර්තව්‍යයන් මෙන්ම අදාල ආයතන වෙන් කිරීම මේ සතියේ සිදුවනු ඇතැයි රාජ්‍ය අමාත්‍යවරුන් බොහෝ දෙනෙකු බලාපොරොත්තුවෙන් පසුවන බව අද පුවත්පතට වාර්තා වේ.

පක්ෂ නායකයා වීම මහ මැතිවරණය ජය ගැනීමට අවශ්‍ය කරුණක් නොවෙයි

මහා මැතිවරණයේ අගමැති අපේක්ෂකත්වය සජිත්ට දීමට යෝජනාවක්

ලෝක කම්කරු සංවිධානයේ නේවාසික අධ්‍යක්ෂක ms simrin sinsh country director ILO ඇතුළු නියොජිත පිරිසක් නිපුණතා සංවර්ධන, රැකිරක්ෂා සහ කම්කරු සබදතා අමාත්‍ය දිනේෂ් ගුණවර්ධන මහතා හමුවිය.

වරායට බාධාවක් තදබදයක් නොවන විදිහටත් වරායට නියමිත ආදායමක් එන විදිහට ස්කෑනින් කටයුතු කළ යුතු බවත් එලෙස විධිමත්ව ස්කෑන් පරීක්ෂාව සිදු කරන්නෙ කෙසේද යන්න සොයා බැලිමට වරායේ බලධාරීන්ට මා උපදෙස් දුන් බවත් වරාය හා නාවික කටයුතු සහ මාර්ග හා මහාමාර්ග සංවර්ධන අමාත්‍ය ජොන්ස්ටන් ප්‍රනාන්දු මහතා පවසයි.

තලවාකැලේ, ලිඳුල “එන්ෆෝල්ඩ්” තේ වතුයායේ තේ දලු නෙළමින් සිටි වතු කම්කරුවන් පිරිසකට අද (15) දහවල් එල්ල වූ හදිසි බඹර ප්‍රහාරයක් හේතුවෙන් පාසල් දැරියක් ඇතුලු 14 දෙනෙකු තුවාල ලබා ලිඳුල ප්‍රාදේශිය රෝහල වෙත ඇතුලත් කරනු ලැබූහ.

හම්බන්තොට නගර සභාවට අයත් කොම්පොස්ට් අංගණයේ පිහිටි ජාතික ඝන අපද්‍රව්‍ය කළමනාකරණ ව්‍යාපෘතිය අද (15) ජනාධිපති ගෝඨාභය රාජපක්ෂ මහතාගේ නිරීක්ෂණයට ලක් විය.

තම අමාත්‍යාංශ යටතේ පවතින ආයතන 19 අතරින් වැඩි ප්‍රමාණයක් පාඩු ලබන ඒවා බවත් පාඩු ලබන තත්ත්වයේ තිබුණද කිසිදු අවස්ථාවක විදුලිය හෝ ප්‍රවාහන ගාස්තු වැඩි කිරිමේ අදහසක් නොමැති බව ප්‍රවාහන කලමණාකරණ, විදුලිබල හා බල ශක්ති ඇමැති මහින්ද අමරවීර මහතා පවසයි.

මාතලේ, රජ්ජම්මන වනජීවී කලාපය තුළ වනඅලි මෙහෙයුමක් අතරතුරදී වනඅලියෙකුගේ පහරදීමෙන් වනජීවී අඩවි සහකාර නිලධාරියෙකු අද ( 15) දහවල් එම ස්ථානයේදීම ජීවිතක්ෂයට පත්ව ඇත.

රනිල් වික්‍රමසිංහ මහතා සමික්ෂණ වාර්තා අනුව ජනාධිපතිවරණයට ප්‍රථම සජිත් ප්‍රේමදාස මහතා පරාජයට පත් වන දැන සිටියත් , ඒ ජයග්‍රහණය කරා රැගෙන යාමට කිසිදු පියවරක් නොගත් බව ජාතික මහජන සභාවේ කැඳවුම්කරු චමිර පෙරේරා මහතා පැවසිය.

ජාතික නිවාස අධිකාරිය මගින් හම්බන්තොට දිස්ත්‍රික්කයේ සැමට සෙවණ නිවාස තනා දීමේ අනුව වැඩ අනුව නිවාස ගම්මාන 337 ක් ආරම්භ ඇතත් ඉන් වැඩ අවසන් කර ඇත්තේ නිවාස ගම්මාන 84 ක බව අනාවරණය වේ .

උපසේවා පොලිස් නිලධාරීන් වශයෙන් පසුගිය යුද සමයේ පොලිස් දෙපාර්තමේන්තුවට බඳවා ගනු ලැබු නිලධාරීන් 40,000කට ආසන්න පිරිසකට මෙතෙක් කිසිදු උසස් වීමක් ලැබී නොමැති බවත් ඉන්පසු බදවා ගත් සියලු නිලධාරින්ට උසස්විම් ලබා දි වසර ගණනාවක් යුද වැදුණු තමන්ට උසස් විම් ලබා නොදි සිටිම අසාධාරණයක් බව ඔවුහු සඳහන් කරති.

ඉදිරි මහාමැතිවරණයට තරඟ කරන සන්ධානය කුමක් වුවත් ලකුණ පොහොට්ටුව විය යුතුම බව කාර්මික අපනයන, ආයෝජන ප්‍රවර්ධන, සංචාරක හා ගුවන්සේවා අමාත්‍ය ප්‍රසන්න රණතුංග මහතා අවධාරණය කරයි.

බන්ධනාගාර නිලධාරින්ගේ ආරක්ෂාව යටතේ කරාපිටිය ශික්ෂණ රෝහලේ ප්‍රතිකාර ලබමින් සිටියදි පැනගිය රැදවියකු මාස 15කට පමණ පසු ඊයේ (14) රාත්‍රි හබරාදුව හැඩිවත්ත ප්‍රදේශයේදි අත්අඩංගුවට ගත්බැව් හබරාදුව පොලීසිය පවසයි.

දික්වැල්ල වැලිහිටිය ප‍්‍රදේශයේදි ඊයේ (14) සවස පස් කන්දකට යටවීමෙන් පුද්ගලයකු මියගිය බව දික්වැල්ල පොලිසිය පවසයි.

නාවික හමුදාධිපති, වයිස් අද්මිරාල් පියල් ද සිල්වාගේ නිර්මාණශීලි සංකල්පයක් මත ගොඩනැගුණු නීල හරිත සංග්‍රාමය යටතේ දිවයින වටා වූ වෙරළ තීරය සුරක්‍ෂිත කර ගැනීමේ තවත් එක් මෙහෙයුමක් ඊයේ (14) දින බටහිර සහ දකුණ වෙරළ තීරයන් කේන්ද්‍ර කර ගනිමින් පවත්වන ලදි.

රු. ලක්ෂ 10ක් පමණ වටිනා ගජමුතු නවයක් අලෙවි කිරිමට සුදානම් කර සිටි සැකකරුවෙකු පුඩලුඔය පොලීසිය විසින් සැකපිට අත්අඩංගුවට ගෙන සැකකරු ඉකුත් 12 දින කොත්මලේ හෙල්බොඩ අධිකරණය වෙත ඉදිරිපත් කිරිමෙන් පසු එම සැකකරු මේ මස 24 දින දක්වා රක්ෂිත බන්ධනාගාර ගත කිරිමට මහේස්ත්‍රාත්වරයා නියෝග කර ඇත.

මත්තල රාජපක්ෂ ජාත්‍යන්තර ගුවන්තොටුපල ක්‍රියාකාරී ගුවන්තොටුපලක් බවට කඩිනමින් පත් කිරීමට වහා පියවර ගන්නැයි කාර්මික අපනයන, ආයෝජන ප්‍රවර්ධන, සංචාරක හා ගුවන්සේවා අමාත්‍ය ප්‍රසන්න රණතුංග මහතා ගුවන්තොටුපල නිලධාරින්ට උපදෙස් දුන්නේය.

විවිධ මත්ද්‍රව්‍ය රැගෙන ශ්‍රිපාදය වන්දනා කිරිමට පැමිණි තරුණයන් 18 දෙනෙකු දියගල ප්‍රදේශයේදි අත්අඩංගුවට ගත් බව හැටන් පොලීසියේ නිලධාරියකු පැවසීය.

නොදැවී පන්දුවට පහරදෙමින් සිටින අසාර් අලි ලකුණු 21 ක්හා ආබිඩ් අලි ලකුණු 31 ක් ලබා සිටියි.

මුලතිව් මුහුද ආසන්නයේ වැලි ඡාවාරම් කරුවන් විසින් සිදු කරන වැලි කැනීම් හේතුවෙන් එම ප්‍රදේශයේ ජනතාවට ගැටලු රැසකට මුහුණපෑමට සිදුව ඇති බවට පවසති.