යාපනය දිස්ත්‍රික්කයේ බලය මැතිවරණ ගණනාවක් පුරා උතුරේ පක්ෂ විසින් ලබාගෙන තිබූ පසුබිමක එම සියලු පක්ෂ පරාජය කරමින් මෙවර යාපනය දිස්ත්‍රික්කයේ බලය ලබා ගැනීමට ජාතික ජන බලවේගය සමත්විය.

නව ප්‍රජාතන්ත්‍රවාදී පෙරමුණ නියෝනය කරමින් කෑගල්ල දිස්ත්‍රික්කයට තරග කළ හිටපු රාජ්‍ය අමාත්‍ය රංජිත් සියඹලාපිටිය මහතාටද මෙවර පාර්ලිමේන්තුවට පිවිසීමේ අවස්ථාව අහිමි වී තිබේ. ඒ එම පක්ෂයට කෑගල්ලෙන් එකඳු ආසනයක් හෝ දිනා ගැනීමට නොහැකි වීමත් සමගිනි. මන්ත්‍රීආසන 10න් 8ක් ජාතික ජන බලවේගය දිනා ගත් අතර සමගි ජන බලවේගයට හිමිවූයේ ආසන දෙකකි.

නව ප්‍රජාතන්ත්‍රවාදී පෙරමුණ නියෝනය කරමින් රත්නපුර දිස්ත්‍රික්කයට තරග කළ හිටපු අමාත්‍ය පවිත්‍රා වන්නිආරච්චි මහත්මියටද මෙවර පාර්ලිමේන්තුවට පිවිසීමේ අවස්ථාව අහිමි වී තිබේ. ඒ එම පක්ෂයට රත්නපුරයෙන් එකඳු ආසනයක් හෝ දිනා ගැනීමට නොහැකි වීමත් සමගිනි. රත්නපුර මන්ත්‍රීආසන 11න් 8ක් ජාතික ජන බලවේගය දිනා ගත් අතර සමගි ජන බලවේගයට හිමිවූයේ ආසන තුනකි.

කුරණෑගල දිස්ත්‍රික්කය නියෝජනය කරමින් පාර්ලිමේන්තුව නියෝජනය කළ හිටපු අමාත්‍යවරයෙක් වන ජොන්ස්ටන් ප්‍රනාන්දු මහතාට මෙවර පාර්ලිමේන්තුවට පිවිසීමේ අවස්ථාව අහමිව තිබේ. ඒ ඔහු තරග කළ ශ්‍රී ලංකා පොදුජන පෙරමුණට කුරුණෑගලින් එක් මන්ත්‍රීධුරයක් හෝ හිමි නොවීම හේතුවෙන්. කුරුණෑගල මන්ත්‍රී ධුර 15න් 12ක් ජාතික ජන බලවේගය දිනා ගත් අතර සමගි ජන බලවේගයට මන්ත්‍රීධුර තුනක් හිමිවිය.

කළුතර දිස්ත්‍රික්කයේ සමස්ත ප්‍රථිඵලය මේ වන විට නිකුත් කර තිබේ. ඒ අනුව ජාතික ජන බලවේගය එම දිස්ත්‍රික්කය ජයග්‍රහණය කර ඇති අතර ඔවුන් ආසන 8ක් දිනාගෙන තිබේ. සමගි ජන බලවේගයට ආසන දෙකක් හා නව ප්‍රජාතන්ත්‍රවාදී පෙරමුණට ආසනයක් හිමිව තිබේ.

නුවරඑළිය දිස්ත්‍රික්කයේ සමස්ත ප්‍රථිපළය නිකුත් කර තිබේ. මේ අනුව ජාතික ජන බලවේගයට ආසන 5ක්, සමගි ජන බලවේගයට ආසන දෙකක් හා එක්සත් ජාතික පක්ෂයට එක් ආසනයක් හිමිව තිබේ.

මෙවර පාර්ලිමේන්තු මැතිවරණයේදී මාතලේ දිස්ත්‍රික්කයේ පාරම්පරික දේශපාලන පවුලක් වන තෙන්නකෝන් පවුලට පාර්ලිමේන්තුවට පිවිසීමට අවස්ථාව අහිමි වී තිබේ. මෙවර නව ප්‍රජාතන්ත්‍රවාදී පෙරමුණ නියෝජනය කරමින් හිටපු රාජ්‍ය අමාත්‍ය ප්‍රමිත බණ්ඩාර තෙන්නකොන් මහතා තරග කළත් එම පක්ෂයට මාතලේ දිස්ත්‍රික්කයෙන් එක් ආසනයක් හෝ ලබා ගැනීමට නොහැකි විය.

ත්‍රිකුණාමලය දිස්ත්‍රික්කයේ සමස්ත ඡන්ද ප්‍රථිඵලය අනුව ජාතික ජන බලවේගය එම දිස්ත්‍රික්කය ජයග්‍රහණය කිරීමට සමත්ව තිබේ. එහිදී එම පක්ෂයට ආසන දෙකක්, සමගි ජන බලවේගයට ආසනයක් හා අයිටැක් පක්ෂයට එක් ආසනයක් හිමිව තිබේ.

මෙවර මහ මැතිවරණය සඳහා රාජපක්ෂවරුන් නියෝජනය කරමින් තරග කළ ප්‍රධානම අපේක්ෂකයා වූ හිටපු අමාත්‍යවරයෙක් මෙන්ම කථානායකවරයෙක්ද වූ චමල් රාජපක්ෂ මහතාගේ පුත් ශෂීන්ද්‍ර රාජපක්ෂ මහතා පරාජයට පත්ව තිබේ.

මෙවර මහ මැතිවරණය වෙනුවෙන් නව ප්‍රජාතන්ත්‍රවාදී පෙරමුණින් මාතර දිස්ත්‍රික්කයට තරග කළ හිටපු රජයේ ප්‍රභල අමාත්‍යවරයෙක් වන කංචන විජේසේකර මහතාට මෙවර පාර්ලිමේන්තුවට පිවිසීමට නොහැකි වී තබේ. ඒ ඔහු තරග තළ නව ප්‍රජාතන්ත්‍රවාදී පෙරමුණට මාතරින් එක් ආසනයක් හෝ ජය ගැනීමට නොහැකි වීමත් සමගිනි. මාතර දිස්ත්‍රික්කයෙන් ජාතික ජල බලවේගයට ආසන 6ක් හා සමගි ජන බලවේගයට එක් ආසනයක් හිමිවිය.

මෙවර මහ මැතිවරණය සඳහා සර්ව ජන බලය පක්ෂය නියෝජනය කරමින් තරග කළ හිටපු ජනපති මෛත්‍රීපාල සිරිසේන මහතාගේ පුත් දහම් සිරිසේන මහතා පරාජයට පත්ව තිබේ. ඒ පොලොන්නරුවෙන් එම පක්ෂයට එකඳු ආසනයක් හෝ හිමි නොවීම හේතුවෙනි.

මෙවර මහ මැතිවරණයේ පොලොන්නරුව දිස්ත්‍රික්කයේ ප්‍රථිඵලය නිකුත් විය. එහිදී ජාතික ජනලවේගය මන්ත්‍රී ආසන 5ක් හිමිකර ගැනීමට සමත්වන අතර සමගි ජන බලවේගය එක් මන්ත්‍රී ආසනයක් හිමිකර ගැනීමට සමත්ව තිබේ.

මහ මැතිවරණයට ගාල්ල දිස්ත්‍රික්කයෙන් තරග කළ පසුගිය රජයේ හිටපු අමාත්‍යවරුන් දෙදෙනෙක් වන වෛද්‍ය රමේෂි පතිරණ මහතා හා මනූෂ නානායක්කාර මහතාට මෙවර පාර්ලිමේන්තුව අහිමි වී තිබේ. ඒ ඔවුන් තරග කළ නව ප්‍රජාතන්ත්‍රාවාදී පෙරමුණට ගාල්ල දිස්ත්‍රික්කයෙන් එක් ආසනයක් හෝ ලබා ගැනිමට නොහැකි වීමත් සමගිනි.

මෙවර මහ මැතිවරණයේ හම්බන්තොට දිස්ත්‍රික්කයේ ප්‍රථිඵලය නිකුත් විය. කෙසේ වෙතත් එහිදී ජාතික ජනලවේගය මන්ත්‍රී ආසන 5ක් හිමිකර ගැනීමට සමත්වන අතර සමගි ජන බලවේගයට හා ශ්‍රී ලංකා පොදුජන පෙරමුනට එක් ආසනය බැගින් හිමිව තිබේ.

මෙවර මහ මැතිවරණයේ පළමු නිල දිස්ත්‍රික් ඡන්ද ප්‍රථිඵලය ලෙස ගාල්ල දිස්ත්‍රික්කයේ ප්‍රථිඵලය නිකුත් විය. කෙසේ වෙතත් එහිදී ජාතික ජනලවේගය මන්ත්‍රී ආසන 7ක් හිමිකර ගැනීමට සමත්වන අතර සමගි ජන බලවේගයට හා ශ්‍රී ලංකා පොදුජන පෙරමුනට එක් ආසනය බැගින් හිමිව තිබේ.

වන්නි මැතිවරණ දිස්ත්‍රික්කයේ තැපැල් ඡන්දය මෙවර ජයග්‍රහණය කිරීමට ජාතික ජන බලවේගය සමත්ව තිබේ. ජාතික ජන බලවේගය නියෝජනය කරමින් පසුගිය ජනපතිවරණයට ඉදිරිපත් වූ අනුර කුමාර දිසානායක මහතා වන්නි මැතිවරණ දිස්ත්‍රික්කයේ තැපැල් ඡන්ද ප්‍රථිඵළ අනුව පසුවූයේ තෙවැනි ස්ථානයටයි.

මාතලේ, ලග්ගල එලවාකන්ද ප්‍රදේශයේදී අද (14දා) සවස බස් රථයක් සහ වැන් රථයක් එකිනෙක ගැටීමෙන් තිදෙනෙක් මියගොස් තිබේ. දඹුල්ල දෙස සිට මහියංගණය දෙසට ධාවනය කළ බස් රථයක් ඊට ප්‍රතිවිරුද්ධ දිශාවෙන් පැමිණි වැන් රථයක ගැටීමෙන් අනතුරුව බස් රථය ප්‍රපාතයකට පෙරළී තිබේ.

මහ මැතිවරණය ඡන්දය ප්‍රකාශ කිරීම සිදු කළ අද දිනයේදී මැතිවරණ නීති උල්ලංඝනය කළ අපේක්ෂකයන් 02ක් ඇතුළුව 51ක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

ජනාධිපතිවරණ ජයග්‍රහණයෙන් පසුව මේ රට තුළ ඇති කළ සාමකාමී ප්‍රජාතන්ත්‍රවාදී නිදහස ඉදිරියේ පැවැත්වෙන සියළු මැතිවරණවලදීත් ජනතාව අපේක්ෂා කරන බවද මැතිවරණ ඉතිහාසයේ සාමකාමී මැතිවරණ ව්‍යාපාරය ජාතික ජන බලවේගය ආණ්ඩුව යටතේ ජනතාව අත්විඳි බව ද පැවසූ ජනාධිපතිවරයා එය මෙරට දේශපාලන සංස්කෘතිය බවට පත්විය යුතු බව ප්‍රකාශ කළේය.

මෙවර මහ මැතිවරණයේදී ගාල්ල දිස්ත්‍රික්කයේ 903 ,163 ක් වූ ලියාපදිංචි ඡන්ද දායකයින්ගෙන් 576,937 ක් ඡන්දය පාවිච්චි කර ඇතැයි ගාල්ල දිස්ත්‍රික් තේරීම් බාර නිලධාරි ඩබ්ලිව් .ඒ.ධර්මසිරි මහතා පැවසීය.

ශ්‍රී ලංකාවට බටහිර දෙසින් ගැඹුරු මුහු​දේ සිදු කළ විශේෂ මෙහෙයුමකදී මත්ද්‍රව්‍ය සමග බහුදින ධීවර යාත්‍රාවක් නාවික හමුදා භාරයට ගෙන තිබේ.

ඡන්ද පත්‍රිකාවක් ඉරා දැමූ පුද්ගලයෙකු වාද්දූව ​පොතුපිටිය ප්‍රදේශයේදී අත්අඩංගුවට ගෙන තිබේ.

නොවැම්බර් මාසයේ මුල් දින 10 තුළ ශ්‍රි ලංකාවට සංචාරකයන් 61 767ක් පැමිණ තිබේ. ඒ අනුව නොවැම්බරයේ මුල් දින 10 තුළ දිනක සාමාන්‍ය සංචාරක පැමිණීම 6100 ඉක්මවා තිබේ.

මැතිවරණ රාජකාරියේ නිරත පොලිස් නිලධාරියෙක් සහ සිවිල් නිලධාරීන් දෙදෙනෙක් අද(14දා) ජීවිතක්ෂයට පත්ව තිබේ.

ශ්‍රී ලංකාවේ ආරුගම්බේ සංචාරය කිරම සම්බන්ධයෙන් ඊශ්‍රායෙලය පනවා තිබූ සංචාරක සීමාවන් ලිහිල් කිරීමට ඊශ්‍රායලය කටයුතු කර තිබේ.

කැස්බෑව මඩපාත පොල්හේන සිරි සඳහම් භික්‍ෂුණී ආරාමයේ ඡන්ද මධ්‍යස්ථානයේ ස්ථානාධිපතිනිය එම මධ්‍යස්ථානය තුළදී හදිසියේ රෝගී වී ඊයේ (13) රාත්‍රී හදිසියේ මියගිය බව කැස්බෑව පොලිසිය කියයි

මුස්ලිම් ප්‍රජාව බහුතරයක් වෙසෙන බණ්ඩාරගම අටලුගම අල් ගස් සාලි මධ්‍ය මහා විද්‍යාලයේ ඡන්ද මධ්‍යස්ථාන හතරක් පැවැත්විණි.

දේශීය සැපයුම් කරුවන්ගෙන් ලබා ගත් ගෝස් තොගයක් වෛද්‍ය සැපයුම් අංශයේ තිබිය දී ගෝස් මීටරයක් සඳහා රුපියල් 14.54 වැඩියෙන් ගෙවා මීටර් මිලියන 03 ක් මිලදී ගැනීම හේතුවෙන් රජයට රුපියල් මිලියන 43.6 පාඩුවක් සිදු කොට ඇති බැව් ජාතික විගණන කාර්යාලය මගින් නොවැම්බර් මස 12 වැනි දින නිකුත් කර ඇති විගණන වාර්තාවක සඳහන්වේ. ඒ වන විට වෛද්‍ය සැපයුම් අංශයෙහි වැඩි මිලට ගෝස් මිලදී ගැනීමේ අවශ්‍යතාවක් නොතිබූ අතර ව්‍යාජ හිඟයක් පෙන්නුම් කර හදිසි මිලදී ගැනීමක් ලෙස ගෝස් මිල දී

ආගමන විගමන දෙපාර්තමේන්තුව හරහා පාස්පෝට් ලබාගැනීම වෙනුවෙන් දිනයක් වෙන් කරගැනීම ඔන්ලයින් ක්‍රමවේදය යටතේ කිසිදු ගැටලුවකින් තොරව සිදුවෙමින් පවතින බව මහජන ආරක්ෂක අමාත්‍යාංශය පවසයි. අද පුවත්පත කළ විමසීමේ දී එම අමාත්‍යාංශය පැවසුවේ එහි කිසිදු තාක්ෂණික දෝෂයක් ඇති වී නොමැති බවය.