කාම්බෝජයේ නාවික කඳවුරක් පිළිබඳ වොෂිංටන් පෝස්ට් වාර්තාව සම්පූර්ණයෙන්ම ව්‍යාජ ප්‍රවෘත්තියක් බව අවධාරණය කරන චීනය, නිරන්තරයෙන්ම පාහේ විදේශයන්හි යුද්ධවලට සම්බන්ධ වීම, වෙනත් ජාතීන්ගේ අභ්‍යන්තර කටයුතුවලට මැදිහත් වීම සහ හමුදා ගුවන් යානා සහ යුධ නැව් අනෙකුත් රටවල දොරකඩට ගෙනැවිත් සරඹ කරන්නේ කවුදැයි ප්‍රශ්න කරයි.

සත්කාරක ශ්‍රී ලංකා කණ්ඩායම පරාජය කරමින් දෙරට අතර පැවැත්වෙන් විස්සයි20 තරගාවලිය තවත් එක් තරගයක් ඉතිරිව තිබියදී ජය ගැනීමට සංචාරක ඔස්ට්‍රේලියා කණ්ඩායම අද (08දා) සමත්වූයේය.

ප්‍රහාරයෙන් තුවාල ලැබූ සෙසු බැතිමතුන් 61දෙනා ප්‍රාදේශීය රෝහල්වල ප්‍රතිකාර ලබන බව ආණ්ඩුකාර අරකුන්රින් රොටිමි ඇකෙරෙදොලු ශාන්ත ෆ්‍රැන්සිස් කතෝලික දේවස්ථානය පිහිටි ඔවෝ නගරයේදී මාධ්‍ය වෙත පැවසීය.

දැනට සිර ගතව සිටින පාර්ලිමේන්තු මන්ත්‍රී රන්ජන් රාමනායක මහතාට සමාව ලබාදීම වෙනුවෙන් කටයුතු කරන්නැයි ආණ්ඩු පක්ෂ මන්ත්‍රී ශාන්ත බණ්ඩාර මහතා පාර්ලිමේන්තුවේදී ඉල්ලීමක් කළේය.

මෙක්සිකෝ දේශසීමාවේ උතුරු දෙසට වන්නට කඩා වැටුණු ඇමෙරිකානු යුද ගුවන් යානයේ ගමන් කළ පස් දෙනෙකු ජීවිතක්ෂයට පත්වන්නට ඇති බව සඳහන් වෙයි.

අනෙකුත් රටවල් සහ ජාත්‍යන්තර සංවිධාන සමඟ එක්ව ශ්‍රී ලංකාවට සිය ණය බර සමඟ කටයුතු කිරීමට උපකාර කිරීම සඳහා ක්‍රියාකාරී භූමිකාවක් ඉටු කිරීමට චීනය කැමැත්තෙන් සිටින බව චීන විදේශ අමාත්‍යාංශයේ ප්‍රකාශක ෂාවෝ ලිජින් පැවැසීය.

ස්වාධීන, සාමකාමී, සමෘද්ධිමත් සහ සහයෝගී මධ්‍යම ආසියාවක් ගොඩනැගීම සඳහා අන්‍යෝන්‍ය ගෞරවය, යහපත් අසල්වැසි මිත්‍රත්වය, දුෂ්කර කාලවලදී සහයෝගීතාවය සහ අන්‍යෝන්‍ය ප්‍රතිලාභ යන මූලධර්ම ආරක්ෂා කිරීමට රටවල් හය එකඟ වූ බව චීන විදේශ අමාත්‍යවරයා සඳහන් කළේය.

කිලිනොච්චිය මධ්‍ය මහා විද්‍යාලයේ ඉගෙනුම ලැබූ පාසල් සිසුන් 25 දෙනකු බඹරුන් දෂ්ඨ කිරීම හේතුවෙන් අද (08දා) රෝහල්ගත කළ බව කිලිනොච්චිය පොලීසිය පැවසීය.

විදුලි බල අමාත්‍යවරයා සමග පැවති සාකච්ඡා අසාර්ථක වීම නිසා විදුලි ඉංජිනේරු සේවකයන් ඇතුළු සියලුම සේවකයන් වැඩ වර්ජනයකට එලැඹීමට තීරණය කර තිබේ.

පෑලියගොඩ මත්ස්‍ය වෙළද සංකීර්ණය හා ධීවර වරායන් 22 ක විදුලිබල පද්ධතිවලට සූර්ය කෝෂ පද්ධති සවිකොට ඒ තුලින් විදුලිබලය පිරිමැසීම සදහා අවශ්‍ය පියවර ගන්නා ලෙස ධීවර අමාත්‍ය ඩග්ලස් දේවානන්ද මහතා, ධීවර අමාත්‍යංශ ලේකම් ඉන්දු රත්නායක මහත්මිය ඇතුලු නිලධාරීන්ට අද (08දා) අමාත්‍යංශයේ පැවති සාකච්ඡාවකදි උපදෙස් ලබා දී තිබේ.

අත්අඩංගුවට ගෙන රක්ෂිත බන්ධනාගාරගත කර සිටි පාර්ලිමේන්තු මන්ත්‍රී දිලිප් වෙදආරච්චි මහතාගේ පුත්‍රයා හා ලේලිය ඇප මත නිදහස් කරන ලෙස වලස්මුල්ල මහේස්ත්‍රාත් මහේෂිකා විජේතුංග මහත්මිය අද (08දා) නියෝග කළාය. මෙලෙස ඇප මත නිදහස් කෙරුණේ තංගල්ල හිටපු නගරාධිපති රවිඳු වෙදආරච්චි සහ ඔහුගේ බිරිඳයි.

බිත්තර වී වගා කරන ලද කුඹුරු සඳහා අවශ්‍ය රසායනික පොහොර නිකුත් කළ බව කෘෂිකර්ම දෙපාර්තමේන්තුව කෘෂිකර්ම වන වනජීවී සහ වන සම්පත් අමාත්‍ය මහින්ද අමරවීර මහතාට දැනුම් දී තිබේ.

හිටපු මුදල් අමාත්‍ය, ශ්‍රී ලංකා පොදුජන පෙරමුණේ ජාතික ලැයිස්තු පාර්ලිමේන්තු මන්ත්‍රි බැසිල් රාජපක්ෂ මහතා සිය පාර්ලමේන්තු මන්ත්‍රීධුරයෙන් ඉවත්වීමට තීරණය කර ඇති බව වාර්තා වෙයි. ඒ අනුව හෙට දිනයේදී බොහෝ විට ඔහු එම ධුරයෙන් ඉවත් වෙනු ඇතැයි වාර්තා වෙයි.

ජංගම දුරකථනයක් සම්බන්ධයෙන් ඇතිවු බහින් බස් විමක් දුර දිග යාමෙන් ඊයේ (07දා) රාත්‍රියේ ඇතිවු ගැටුමකදි තියුණු ආයුධයකින් පහර කෑ පුද්ගලයෙකු බරපතල තුවාල සහිතව රාගම අරෝහලට ඇතුලත් කිරිමෙන් අනතුරුව මිය ගොස් ඇති බව රාගම පොලිසිය පවසයි.

මැයි 09 දා ගෝඨාගෝගමට හා මයිනාගෝගමට පහරදීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි පාර්ලිමේන්තු මන්ත්‍රී මිලාන් ජයතිලක ඇතුළු 12ක් ඇප මත මුදා හැරීමට කොටුව මහේස්ත්‍රාත් අධිකරණය නියෝග කළේය. එසේම ඒ සම්බන්ධයෙන් අත්අඩංගුවට ගෙන සිටින පාර්ලිමේන්තු මන්ත්‍රී සනත් නිශාන්ත, මොරටුව නගරාධිපති සමන්ලාල් ප්‍රනාන්දු, ඩෑන් ප්‍රියසාද් ඇතුළු පුද්ගලයන් 4ක් යළිත් එළැඹෙන 15දා තෙක් රක්ෂිත බන්ධනාගාර ගත කරනු ලැබීය.

කර්මාන්ත ක්ෂේත්‍රය තුළ ක්‍රියාත්මක වන අධිකාරීවල නියාමන කටයුතු අවම කර කර්මාන්තකරුවන්ට වඩා වැඩි පහසුකම් සැලසීම රජයේ අපේක්ෂාව බව කර්මාන්ත අමාත්‍ය වෛද්‍ය රමේෂ් පතිරණ මහතා පවසයි. අමාත්‍යවරයා මෙසේ පැවසුවේ අබලි ලෝහ කර්මාන්තකරුවන් වෙනුවෙන් නිර්මාණය කළ metals.lk වෙබ් අඩවිය දියත්කිරීමේ අවස්ථාවට සහභාගි වෙමිනි.

මැයි 9දා කොළඹ ගෝල්ෆේස් පිටියේ හා අරලිය ගහ මන්දිරය අසළ සිදුවූ ප්‍රචණ්ඩකාරී තත්ත්වයන්ට අදාළව හිටපු අමාත්‍ය හා පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා වහා අත්අඩංගුවට ගන්නැයි කොළඹ කොටුව මහේස්ත්‍රාත් තිලිණ ගමගේ මහතා වරෙන්තුවක් නිකුත් කළේය.

නාගරික ඉඩම් වගා කිරීමේ රජයේ වැඩපිලිවෙල යටතේ නාගරික සවංර්ධන අධිකාරියට අයත් අක්කර 782 ක් වගා කිරීම සඳහා හඳුනා ගෙන ඇති බව නාගරික සංවර්ධන හා නිවාස ඇමති ප්‍රසන්න රණතුංග මහතා පවසයි.

පොදු ප්‍රවාහන සේවා අඛණ්ඩව පවත්වාගෙන යාමේ අරමුණින් ලංකා ගමනාගමන මණ්ඩලයේ ඩිපෝවලින් ඩීසල් ලබාදීම අද (8දා) නැවතත් ආරම්භ කළේය. පෞද්ගලික බස් රථ, පාසල් සේවා රථ හා ගිලන්රථ යන සේවා සඳහා ලංගම ඩිපෝවලින් ඩීසල් ලබාගැනීමේ හැකියාව ඇත.

ගෝනවල පුදේශයේ අනවසරයෙන් බවුසරයක ඩීසල් හා පෙට්රල් තබා ගෙන සිටි රියදුරකු එම බවුසරයත් සමග ගෝනහේන විශේෂ කාර්ය බලකායේ නිලධාරීන් විසින් ඊයේ (07දා) පස්වරුවේ අත්අඩංගුවට ගෙන ඇත .

පාර්ලිමේන්තුව තුළ දුරකතන භාවිතය නොකරන ලෙස අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී පැවැසීය. මන්ත්‍රිවරු සභාව තුළ දුරකතන භාවිත කිරීම හේතුවෙන් සවන් ‌දීමක් සිදු නොකරන බවත් ඔහු පැවැසීය.

ශ්‍රී ලංකාවේ විදේශ විනිමය සංචිතය මාස හයකට පමණ පසු ඉතා සුළු ප්‍රමාණයකින් ඉහළ ගොස් තිබේ. බ්ලූම්බර්ගු පුවත් සේවය පෙන්වා දෙන්නේ ආසියාන නිෂ්කාශන සංගමයක් යටතේ ඉන්දියාවට ගෙවිය යුතු ගෙවීම් කල් දැමීම නිසා මෙසේ විනිමය සංචිතය ඉහළ ගොස් ඇති බවයි. මහ බැංකුව විසින් නිකුත් කරන ලද දත්ත වලට අනුව, අප්‍රේල් මාසය අගදී ඩොලර් බිලියන 1.81 සිට මැයි අග වන විට ඩොලර් බිලියන 1.92 දක්වා ඉහළ ගොස් ඇති බවයි.

විදේශ රටවලින් ශ්‍රී ලංකාවට පනවා ඇති සංචාරක තහනම් ඉවත් කිරීමට රජය මැදිහත් වන ලෙස බල කරමින් දෙදහසකට ආසන්න හෝටල් සේවකයන් පිරිසක් මහනුවර නගරයේ දී අද (08දා) මහනුවර නගරයේ දී උද්ඝෝෂණයක් පැවැත්විණි .

ශ්‍රී ලංකාවේ මානව හිමිකම් පිළිබඳව කථා කළ අයුරින්ම බටහිට රටවල් වැඩ කළ යුතුව ඇතැයි ශ්‍රී ලංකාවේ චීන තානාපති චී ෂෙන්හොන් මහතා පැවැසීය.

මහජන සෞඛ්‍ය පරීක්ෂක නිල ඇදුමට සමාන ඇදුමින් නිවෙස් වලට ගොස් ඩෙංගු කීටයින් සිටින බවට නිවැසියන් බියගන්වා මුදල් අල්ලස් ලබාගන්නා වංචනික පිරිසක් පිළිබඳව වාද්දුව ප්‍රදේශයෙන් වාර්තාවේ.

සාමාන්‍ය පරිදි ඖෂධ ලැබීම සිදුවන්නේ අගෝස්තු මාසයේ සිට බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන සඳහන්කරයි.

දකුණු කොරියාව බංකොලොත් තත්වයට පත්වූ අවස්ථාවේදි රට ගොඩ නැගීම වෙනුවෙන් එරට ජනතාව තමන්ගේ රත්රන් මහ බැංකුව දුන් දුන් බව හිටපු මුදල් අමාත්‍ය අලි සබ්‍රි මහතා පාර්ලිමේන්තුවේදී පැවැසීය.

විදුලි වෘත්තීය සමිති හා විදුලි බල හා බලශක්ති අමාත්‍ය කාංචන විජේසේකර මහතා අතර හමුවක් අද පස්වරු 4.00ට පැවැත්වීමට නියමිතව තිබේ. මෙම සාකච්ඡාවේදී අමාත්‍යවරයා යෝජිත විදුලි බල සංශොධන පනත් කෙටුම්පත පාර්ලිමේන්තුවට ඉදිරිපත් නොකිරිමට තීරණය කළ හොත් වෘත්තීය සමිති ක්‍රියාමාර්ගය නොගන්නා බව වෘත්තීය සමිති විසින් අමාත්‍යවරයට ප්‍රකාශ කිරීමට නියමිතය. යම් හෙයකින් හෙට දිනයේදී පනත ඉදිරිපත් කළහොත් අද රාත්‍රී 12 සිට වැඩ වර්ජනයකට යන බව ඔවුන් ප්‍රකාශ කරයි. කාංචන විජේ

නාවික හමුදාව මාරවිල ප්‍රදේශයේ සහ බටහිර මුහුදු ප්‍රදේශයේ ඊයේ (07දා) සිදුකළ විශේෂ සෝදිසි මෙහෙයුම් මඟින්, නීති විරෝධී ලෙස මුහුදු මාර්ග ඔස්සේ මෙරටින් විදෙස් රටකට සංක්‍රමණය වීමට උත්සහ කළ බවට සැකකෙරෙන පුද්ගලයන් 91 දෙනෙකු නාවික හමුදා භාරයට ගැනීමට කටයුතු කෙරිණි.