ජාත්‍යන්තර යෝගා දින සැමරුම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් කොළඹ 07, නිදහස් චතුරශ්‍ර පරිශ්‍රයේදී අද (21දා) පැවැත්විණි.

වී අලෙවි මණ්ඩලය විසින් ගොවීන්ගෙන් මිල දී ගන්නා ලද වී සහල් කර වෙළෙඳ පොලට සැපයීමේ වැඩ සටහන වහාම අරඹන ලෙස කෘෂිකර්ම, වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතා වී අලෙවි මණ්ඩලයේ සභාපති නීල් ද අල්විස් මහතාහට උපදෙස් දුන්නේය.

ගෘහ සේවයට විදෙස්ගතවන කාන්තාවන්ගේ අවම වයස් සීමාව අවුරුදු 21ක් දක්වා පහළ දැමීමට කැබිනට් මණ්ඩලයේ අනුමැතිය ලැබී තිබේ.

රජයේ පාලන මිලට සහල් ලබාදෙන දෙන බවට පසුගියදා ප්‍රකට ව්‍යාපාරිකයෙකු වූ ඩඩ්ලි සිරිසේන මහතා අනෙකුත් සහල් මෝල් හිමියන්ට ඇතුළු ව්‍යාපාරිකයන්ට දැනුම්ද දීමත් සමග වෙළඳපොලේ පාලන මිලට සහල් තිබේදැයි සොයා ගිය ගමනමනේදී දඹුල්ල ,නාවුල, ගලේවෙල ,සීගිරිය, ආදී තදාසන්න ප්‍රදේශ වල පාලන මිලට සහල් ඇටයක් හෝ සොයා ගැනීමට නොහැකි බව පාරිභෝගික ජනතාව පවසති.

ජනතා ප්‍රශ්න විසඳා ගැනීම වෙනුවෙන් නිදාගෙන සිටින ආණ්ඩුව ඇහැරවීමට මෙම සතියේදී වගකීම් සහගත භූමිකාවක් ඉටු කිරීම වෙනුවෙන් පාර්ලිමේන්තුවේ රැදී සිටින බව ආණ්ඩුවෙන් ස්වාධීන වූ පක්ෂ 10 එකමුතුවේ නායක විමල් වීරවංශ මහතා පැවැසීය.

ඉන්ධන පෝලිමේ දින එකහමාරක් පමණ පෝලිමේ රැඳි සිටි පුද්ගලයෙකු පපුව රිදෙන බව පවසමින් නිවසට පැමිණ රෝහල් ගත කිරීමෙන් පසු මියගොස් තිබේ.

විපක්ෂයේ සමගි ජන බලවේගය හා ජනතා විමුක්ති පෙරමුණ මෙම සතියේ පාර්ලිමේන්තුව වර්ජනය කිරීමට තීරණය කර තිබේ. රට මුහුණ දෙන අර්බුදය විසදීමට ආණ්ඩුවට නිශ්චිත වැඩ පිළිවෙළක් ආණ්ඩුව මේ දක්වා ඉදිරිපත් නොකිරිමට විරෝධය දක්වමින් ඔවුන් මෙම තීරණය ගෙන තිබේ.

’’බලාපොරොත්තුව අත් නොහරින්න ’’ යන තේමාව යටතේ මේ දිනවල ඉන්ධන පෝලිම් වල සිටින ජනතාව වෙත සිසිල් පැන් සහ කෙටි ආහාර වේලක් ලබා දීමට නාරාහේන්පිට ජනතා දේව සභාවේ ශාන් ජෝෂප් දේවගැතිවරයා අද (21දා) පියවර ගෙන තිබුණි.

විදෙස් ගත ශ්‍රමිකයන් වසරක කාලයක් තුළ අඛණ්ඩව ඩෙලර් 50 බැගින් ඔවුන් විදේශ මුදල් එවන බැංකුවකට මාස් පතා ඒවීම මගින් වසරක් අවසානයේදී ඩොලර් 3000ක පොලී රහිත ණයක් ලබාගැනීමට අවස්ථාව ‌ලබාදීමට කැබිනට් මණ්ඩලය තීරණය කර තිබේ.

මුතුරාජවෙල පිහිටි යුගදනවි බලාගාරයට යාබද අක්කර 10ක ඉඩම් කොටසක් මෙගාවොට් 300ක එල්.එන්.ජී. බලාගාරයක් ඉදිකිරීම වෙනුවෙන් ලංකා විදුලි බල මණ්ඩලය වෙත ලබාදීමට කැබිනට් අනුමැතිය ලැබී තිබේ.

ශ්‍රී ලංකාවේ සියලුම දිස්ත්‍රික්ක හා ඊට යාබද මුහුදු තීරයන්හි මහජන සාමය පවත්වාගෙන යාම සඳහා ත්‍රිවිධ හමුදාව කැඳවමින් ජනපති ගෝඨාභය රාජපක්ෂ මහතා විසින් අතිවිශේෂ ගැසට් නිවේදනයක් නිකුත් කර තිබේ. ජුනි මස 20 දා නිකුත් කර ඇති මෙම නිවේදනය හෙට (22දා) සිට ක්‍රියාත්මක වෙයි.

විදුලි බලය සැපයිම හා සම්බන්ධ සියලු ‌සේවාවන්, ඛනිජ තෙල් නිශ්පාදන හා ඉන්ධන සැපයීම හා බෙදා හැරීම, රෝහල්වල, සාත්තු ‌සේවාවල, බෙහෙත් ශාලා සහ වෙනත් සමාන ස්ථානවල රෝගීන් නඩත්තු කිරීම හා ‌පිළිගැනීම, රැකවරණය, නඩත්තු කිරීම හා පෝෂණය සහ ප්‍රතිකාරී කිරීම සම්බන්ධව කළ යුතු හෝ අවශ්‍ය වැඩ විස්තරයක සියලුම සියලුම සේවා වැඩ හෝ ශ්‍රමය අත්‍යාවශ්‍ය සේවා කරමින් ජනපති ගෝඨාභය රාජපක්ෂ මහතා විසින් අතිවිශේෂ ගැසඩ් නිවේදනයක් නිකුත් කර තිබේ.

ජූනි මාසයේදී බෙල්ජියමේ උද්ධමනය 9%ක් දක්වා ළඟා වූ අතර එය දශක හතරක ඉහළම අගයකි. ජනතාවගේ ක්‍රය ශක්තිය පහත වැටීමත් සමග විරෝධතාකරුවන් ඉල්ලා සිටියේ වැටුප් වැඩිකිරීම් සහ බදු කප්පාදුවකි.

ජාතන්තර මූල්‍ය අරමුදල සමග වන වැඩසටහන ඉක්මනින් අවසන් කිරීමට අපේක්ෂා කරන බව අග්‍රාමාත්‍ය රනිල් වික්‍රමසිංහ මහතා පවසයි.

RMT සියයට හතක වැටුප් වැඩිවීමක් ඉල්ලා සිටින අතර, එය උද්ධමනයට වඩා අඩු නමුත් සේවා යෝජකයන් විසින් පිරිනමනු ලබන ප්‍රමාණයට වඩා වැඩිය.

විසිඑක්වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත පාර්ලිමේන්තුවට ඉදිරිපත් කිරීමට කැබිනට් මණ්ඩලය අද (20) අනුමැතිය දුන්නේය.

කටීබා මසීනා ඉස්ලාමීය කණ්ඩායමේ සාමාජිකයින් සෙනසුරාදා සහ ඉරිදා අතර රාත්‍රියේ මාලි හි මධ්‍යම මොප්ටි කලාපයේ බෑන්කාස් ග්‍රාමයේ, අවම වශයෙන් ගම් තුනකටවත් පහර දී ඇත.

ශ්‍රී ලංකාව මේ වන විට ගෙවමින් තිබෙන අර්බුදකාරී තත්ත්වය යටතේ චීනය ශ්‍රී ලංකාවට ලබදෙන සහාය සම්බන්ධයෙන් ස්තූතිය ප්‍රකාශ කරන බව ජනපති ගෝඨාභය රාජපක්ෂ මහතා පවසයි.

මැක්රොන් පාර්ලිමේන්තුවේ අස්ථාවරත්වය සම්බන්ධයෙන් ප්‍රංශ විරුද්ධ පක්ෂ සමග සාකච්ඡා පැවැත්වීමට සූදානම් වෙයි.

ශ්‍රී ලංකා පොදුජන ‌පෙරමුණේ ජාතික ලැයිස්තු මන්ත්‍රීවරයෙක් ලෙස පත්කළ තමන් හෙට (21) දිනයේදී පාර්ලිමේන්තුවේ දිවුම්රුම් නොදෙන බව ව්‍යාපාරික ධම්මික පෙරේරා මහතා අද (20දා) ශ්‍රේෂ්ඨාධිකරණයට දැනුම් දුන්නේය.

යුරෝපය, ඇමෙරිකානු කලාපය ඇතුළු කලාපයේ රටවල කොවිඩ්-19 ආසාදිත අවස්ථා යළිත් වරක් දැකගත හැකි අතර, විශේෂයෙන්ම ඔමික්‍රොන් නව ප්‍රභේද සමග වෛරසයේ ව්‍යාප්තිය හඳුනාගෙන තිබේ.

ජනාධිපති ලේකම් කාර්යාලයට පිවිසෙන ලෝටස් මාවත (මුදල් අමාත්‍යංශය ඉදිරිපිට මාර්ගය) අවහිර කර විරෝධතා කිරීමේ චෝදනාව සම්බන්ධයෙන් අත්අඩංගුවට ගත් ගාලු මුවදොර අරගලකරුවන් 21 දෙනා එක් අයකුට රුපියල් ලක්ෂය බැගින් වූ ශරිරි ඇපයක් මත මුදා හරින්නැයි කොටුව ප්‍රධාන මහේස්ත්‍රාත් තිළිණ ගමගේ මහතා නියෝග කළේය.

ඇතැම් ඉන්ධන පිරවුම්හල්වලට පාතාල ක්‍රියාකාරීන් සහ දාමරිකයින් රිංගා විවිධ තර්ජන සිදුකරමින් බලහත්කාරයෙන් සිය හිතවතුන්ට ඉන්ධන ලබා දීමට කටයුතු කරමින් සිටින බැවින් ජනතාව දැඩි අපහසුතාවයට පත්ව ඇතැයි වාර්තා වේ.

කාන්තාවක් ගමන් කළ යතුරු පැදිය පෙට්රල් නොමැතිව හුදෙකලා ස්ථානයක නතර වූ අවස්ථාවේදී උදවු කිරීමට යැයි පවසමින් පැමිණි තරුණයන් දෙදෙනකු විසින් එම කාන්තාවගේ ගෙල බැඳි ලක්ෂ දෙකක් පමණ වටිනා රන් මාලය සහ පෙන්ඩනය කොල්ලකා පලා ගොස් ඇති බව තිරප්පනය පොලීසිය පවසයි.

ප්‍රකට ව්‍යාපාරික ධම්මික පෙරේරා මහතා ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයකු ලෙස කතානායක මහින්ද යාපා අබේවර්ධන මහතා ඉදිරියේ පාර්ලිමේන්තුවේදී හෙට (21දා) දිවුරුම් දීමට නියමිතය.

හපුතලේ සිට ගුවන් තොටුපළෙ වෙත යාමට සිටි රුසියානු සංචාරකයෙකුට හපුතලේ ඉන්ධන පිරවුම් හලෙන් ඉන්ධන ලබා ගැනීමට ඉඩ නොදීම නිසා දැඩි අසීරුතාවයට පත් වූ පුවතක් හපුතලෙන් වාර්තා වෙයි.

චීනය සහ ශ්‍රී ලංකාව අතර සිදු කෙරෙන ගුවන් ගමන් වාර සංඛ්‍යාව වැඩි කිරීමට තීරණය කර තිබේ. ඒ අනුව මෙම සතියේ සිට චීනය, ශ්‍රී ලංකාව වෙත ගුවන් ගමන් වාර 03ක් සිදු කරයි. ශ්‍රී ලංකන් ගුවන් සේවයට වැඩි වාර ගණනක් චීනය වෙත පැමිණීමටද අවස්ථාව සැලසේ.

මානව හිමිකම් කවුන්සලයේදී ශ්‍රීලංකාවේ විදේශ අමාත්‍ය ජී.එල්.පීරිස් මහතා විසින් සිදුකල ප්‍රකාශයන්ට එරෙහිව විරෝධය පාමින් ඊයේ (19දා) සවස යාපනයේ දී විරෝධතාවක් පැවැත්විණි.

ජනාධිපති ලේකම් කාර්යාලයට පිවිසෙන ලෝටස් මාවත දෙසින් ඇති දොරටු දෙක අවහිර කළ ගාලු මුවදොර අරගලයේ යෙදී සිටින 21 දෙනකු අත්අඩංගුවට ගත් බව පොලිසිය පවසයි.