රිය අනතුරු 6කින් 6ක් මරුට

පුල්මුඩේ පොලිස් වසම - 2025.12.16 වන දින සවස් කාලයේ පුල්මුඩේ පොලිස් වසමේ පුල්මුඩේ බෝගස් හන්දිය මාර්ගයේ කිලෝමීටර් 14 කණුව ආසන්නයේදී පුල්මුඩේ දෙසට ධාවනය වූ යතුරු පැදියක් ප්‍රතිවිරුද්ධ දෙසින්  ධාවනය වූ බහාලුම් ප්‍රවාහන ලොරි රථයක මුහුණට මුහුණ ගැටී අනතුරක් සිදුව ඇත. අනතුරින් බරපතල තුවාල ලැබූ යතුරුපැදිකරු ප්‍රතිකාර සඳහා පුල්මුඩේ රෝහලට ඇතුලත් කිරීමෙන් පසු මියගොස් ඇත.  මරණකරු වයස අවුරුදු 35 ක් වූ මහසෙන්පුර ප්‍රදේශයේ පදිංචිකරුවෙකි. මෘත ශරීරය පුල්මුඩේ රෝහලේ මෘත ශරීරාගාරයේ තැන්පත් කර ඇති අතර, පුල්මුඩේ පොලිසිය වැඩිදුර විමර්ශන සිදු කරනු ලබයි.

මිහින්තලය පොලිස් වසම - 2025.12.16 වන දින සවස් කාලයේ මිහින්තලය පොලිස් වසමේ මාතලේ හන්දිය සිට ගල්කුලම දක්වා ඇති මාර්ගයේ කුරුන්දන්කුලම ප්‍රදේශයේදී ගල්කුලම දෙස සිට මාතලේ හන්දිය දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන පෙරළීමෙන් අනතුරක් සිදුව ඇත. අනතුරින් යතුරුපැදිකරු බරපතල තුවාල ලබා ප්‍රතිකාර සඳහා අනුරාධපුර රෝහලට ඇතුලත් කිරීමෙන් පසු මිය ගොස් ඇත. මරණකරු වයස අවුරුදු 23 ක් වූ අනුරාධපුර ප්‍රදේශයේ පදිංචිකරුවෙකි. මෘත ශරීරය අනුරාධපුර රෝහලේ මෘත ශරීරාගාරයේ තැන්පත් කර ඇත.මිහින්තලය පොලිසිය වැඩිදුර විමර්ශන සිදු කරනු ලබයි.