ශ්‍රී ලංකාව සහ ජාත්‍යන්තර මූල්‍ය අරමුදල (IMF ) අතර විස්තීරණ ණය පහසුකමක් වෙනුවෙන් මූලික එකඟතාවයකට පැමිණ ඇති බවත් මේ පිළිබඳව හෙට දිනයේදී නිවේදනයක් නිකුත් කිරීමට නියමිත බවත් රොයිටර් පුවත් සේවය පවසයි.

’’මා පැහැදිලි කිරීමක් කළ යුතුයි .හිටපු ජනාධිපති වෙනුවෙන් ආණ්ඩුව මිලියන 400ක් තියා රුපියල් හතරක් වත් වියදම් කර නැහැ. ඒත් හිටපු ජනාධිපතිවරුන් වෙනුවෙන් හා ඒ අයගේ වැන්දඹුවන් වෙනුවෙන් ගෙවල් දී ඒ අය බලාගන්න රජයට යුතු කමක් තිබෙනවා’’

පවතින පහල වායුගෝලීය කැලඹිලි සහගත තත්වය හේතුවෙන් ඇති විය හැකි අයහපත් කලගුණික තත්වය හමුවේ දිවයිනේ පලාත් කීපයකට ගංවතුර හා නාය යාමේ අවදානමක් ඇතිවිය හැකි බව ආපදා කළමණාකරන මධ්‍යස්ථානය විසින් දැනුම් දී ඇති අතර ඇතිවිය හැකි අපදා තත්වයන්ට සහන සැලසීම හා මුදවා ගැනිමේ කටයුතු සදහා ගුවන් යානා හා ඊට අදාල භට පිරිස් ස්ථානගත කර සුදානමින් තැබීමට ගුවන් හමුදාධිපති එයාර් මාර්ෂල් සුදර්ශන පතිරණ මහතා විසින් මේ වනවිට උපදෙස් ලබාදී තිබේ

අනුරාධපුර පොදු වෙළඳපල අසල වෙළෙඳසැලකට බිත්තර වැඩි මිලට තොග වශයෙන් නිකුත් කළ ව්‍යාපාරිකයකු සහ එම බිත්තර පාලන මිලට වැඩියෙන් අලෙවි කළ සිල්ලර වෙළෙන්දකු සතුව තිබූ බිත්තර 1000කට අධික ප්‍රමාණයක් තම භාරයට ගත් බව අනුරාධපුර පාරිභෝගික සේවා අධිකාරිය පවසයි.

හැටන් ප්‍රදේශයේ තොග වෙලෙන්දන් සහ ඇතැම් ආහාර ද්‍රව්‍ය බෙදා හරින ආයතන වලින් සිල්ලර කාසි වලට භාණ්ඩ ලබා නොදිම හමුවේ තමන් දැඩි අසිරුතාවයට පත් වි ඇති බව හැටන් නගරයේ කුඩා පරිමාණයේ ව්‍යාපාර කටයුතු සිදු කරන ව්‍යාපාරිකයන් කියා සිටියි.

2021 වසරේ අගෝස්තු මාසය වන විට රුපියල් ලක්ෂයක බැංකු තැන්පතුවක අද වන විට වටිනාකම රුපියල් 30000ක් බවට පත්ව ඇතැයි පාර්ලිමේන්තු මන්ත්‍රී ආචාර්ය හර්ෂද සිල්වා මහතා පැවැසීය.අයවැය විවාදයට ඒක්වෙමින් ඔහු මේ බව පැවැසීය.

කෘෂිකර්ම, වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතාගේ අගුණකොලපැලැස්සේ නිවස පිහිටි ඉඩමේ මේ වන විට කාබනික පොහොර යොදා සිදු කළ වගාව සරු වී තිබේ.

ඉන්ධන බෙදා හැරීමේ අඩුපාඩු නිවැරදි කර ඇති බවත් පසුගිය දින 4 තුළ තවත් තොග නිකුත් කර ඇති බවත් විදුලි බල හා බලශක්ති අමාත්‍ය කංචන විජේසේකර මහතා පැවැසීය.

අයිස් මත්ද්‍රව්‍ය කිලෝ 10.4 ප්‍රවාහනය කරමින් සිටි පුද්ගලයන් දෙදෙනෙක් මන්නාරමේ දී අත්අඩංගුවට ගැනීමට යුද හමුදාව සමත් වූහ.

ජී.එල්. පීරිස් මහතාට අමතරව ඩලස් අලහප්පෙරුම, ඩිලාන් පෙරේරා, ආචාර්ය නාලක ගොඩහේවා, මහාචාර්ය චරිත හේරත්, මහාචාර්ය චන්න ජයසුමන, ජී. කුමාරසිරි, ගුණපාල රත්නසේකර, උදේනි කිරිඳිගොඩ, වසන්ත යාපා බණ්ඩාර, උපුල් ගලප්පත්ති, තිලක් රාජපක්ෂ, ලලිත් එල්ලාවල යන මන්ත්‍රීවරු මෙසේ විපක්ෂයට ගොස් අසුන් ගත්හ.

රාජ්‍ය ආයතනවලට මහජනතාවගෙන් ලැබෙන ලිපි, විද්‍යුත් ලිපි සහ දුරකථන ඇමතුම් සඳහා සතියක් ඇතුළත පිළිතුරු සැපයිය යුතු බව සඳහන් කරමින් රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යාංශය විසින් චක්‍රලේඛයක් නිකුත් කර තිබේ.

භාණ්ඩවර්ග කිහිපයක් නිපදවීම, ආනයනය කිරීම, අලෙවිකිරීම, ගබඩා කිරීම, විකිණීම හා රැස්කිරීම සම්බන්ධයෙන් වූ නියමයන් පළකරමින් පාරිභෝගික කටයුතු පිළිබඳ අධිකාරිය විසින් අතිවිශේෂ ගැසට් නිවේදනයක් නිකුත් ක

තද වැසි පිළිබඳව අවවාදාත්මක නිවේදනයක් කාලගුණ දෙපාර්තමේන්තුව විසින් නිකුත් කර තිබේ. අද පෙරවරු 7.00ට නිකුත් කළ මෙම නිවේදනය හෙට පෙරවරු 7.00 තෙක් වලංගු වෙයි.

රුපියල් පහලොස් කෝටි හැත්තෑ ලක්ෂයක් වටිනා කිලෝ ග්‍රෑම් 06 යි ග්‍රෑම් 995 ක් බරැති රන් බිස්කට් 60 ක් ඉනේ සගවා ගෙන කටුනායක ගුවන් තොටුපළෙන් පිට කිරීමට තැත් කළ තීරු බදු රහිත සාප්පු සංකීර්ණයේ සේවකයෙකු ඊයේ රාත්‍රී අත් අඩංගුවට ගෙන තිබේ. මොහු ජා - ඇල ප්‍රදේශයේ පදිංචි 35 හැවිරිදි තරුණයෙකි.

සීතල යුද්ධය සාමකාමී අවසානයකට ගෙන ආ සෝවියට් දේශයේ අවසන් නායකයා වූ මිහායිල් ගොර්බචෙව් (91) අභාවප්‍රාප්ත විය.

“ජාත්‍යන්තර මූල්‍ය අරමුදල සමඟ පැවති සාකච්ඡාවලදී අපි හොඳ ප්‍රගතියක් ලබා ඇති බව මට ප්‍රකාශ කළ හැකියි. IMF සමඟ කාර්ය මණ්ඩල මට්ටමේ ගිවිසුමක් වන පළමු සන්ධිස්ථානයට ලඟා වීමට අපට හැකි වනු ඇතැයි බලාපොරොත්තු වෙනවා,”

අන්තර් විශ්වවිද්‍යාල ශිෂ්‍ය බලමණ්ඩලය අද (30) සංවිධානය කර තිබූ විරෝධතා අතරතුර විරෝධතාකරුවන් 25 දෙනෙකු පොලිස් අත්අඩංගුවට ගෙන තිබේ.

ඉදිරි වර්ෂය සඳහා අවශ්‍ය පාසල් පෙළපොත් මුද්‍රණය කිරීමට අවශ්‍ය ක්‍රියාමාර්ග අධ්‍යාපන අමාත්‍යාංශය දැනටමත් ගෙන ඇති බව අධ්‍යාපන අමාත්‍යාංශය නිවේදනයක් නිකුත් කරමින් පවසයි.

සතොස සේවකයින් සිය නිල රාජකාරී වලින් ඉවත් කොට දේශපාලන කටයුතු යෙදවීම තුළින් රජයට පාඩු කළ බවට හිටපු වෙළද අමාත්‍ය ජොන්ස්ටන් ප්‍රනාන්දු ඇතුළු තිදෙනෙකුට කොළඹ මහාධිකරණ විනිසුරු ආදිත්‍ය පටබැඳිගේ මහතා හමුවේ අද අධිචෝදනා භාර දුන්නේය.

අන්තර් විශ්වවිද්‍යාලීය ශිෂ්‍ය බලමණ්ඩලය, වෘත්තීය සමිති හා බහුජන සංවිධාන එක්ව පවත්වනු ලබන විරෝධතා පා ගමන මරදාන එල්ෆින්ස්ටන් රඟහල අසලින් ආරම්භ වී තිබේ.

ගාල්ල සිට මාතර බලාධාවනය වෙමින් තිබු පුද්ගලික බස්රථයක් අද (30දා) උදැසන ගාල්ල සමුද්‍ර රමාවතේ දි වෙනත් රථයකට ඉස්සරකිරිමට යාමේ දි ගාල්ල දෙසට ධාවනය වෙමින් තිබු ලොරිරථයක ගැටිමෙන් වු අනතුරකින් බසයේ රියදුරු මියගොස් ලොරිරථයේ රියදුරු හා තවත් අයෙකු බරපතල තුවාල ලබා ගාල්ල කරාපිටිය ශික්ෂණ රෝහලට ඇතුලත්කොට ඇති බැව් ගාල්ල පොලිසිය පවසයි.

සර්ව පාක්ෂික ආණ්ඩුවක් පිහිටුවීම වෙනුවෙන් තමන් නැවත වරක් පාර්ලිමේන්තුවේ සියලු පක්ෂවලින් ආරාධනා කරන බවත් රට ජාතිය ගොඩ නැගීම වෙනුවෙන් සියලු දෙනාගෙන්ම ඉල්ලා සිටින බවත් ජනපති රනිල් වික්‍රමසිංහ මහතා පැවැසීය.

ජාත්‍යන්තර මූල්‍ය අරමුදලේ නියෝජිතයින් පිරිසක් විපක්ෂ නායක සජිත් ප්‍රේමදාස මහතාව අද (30දා) කොළඹ විපක්ෂ නායක කාර්යාලයේ දී හමුවිය.

විදුලියෙන් ක්‍රියාත්මක පාපැදි නිශ්පාදනය කිරීමේදී ඒ් සඳහා අගය ඒකතු කිරිම වෙනුවෙන් ආනයනය කරන අමු ද්‍රව්‍ය සඳහා බදු නිදහස් කරන බව ජනපති රනිල් වික්‍රමසිංහ මහතා පැවැසීය.

දුම්රිය සේවයේ සංවර්ධනය වෙනුවෙන් පෞද්ගලික අංශයේ ආයෝජන ලබා ගන්නා බව ජනපති රනිල් වික්‍රමසිංහ මහතා පැවැසීය. මෙහි නියමු ව්‍යාපෘතිය කැළනි වැලි දුම්රිය මාර්ගයෙන් ආරම්භ කරන බවද ඔහු සඳහන් කළේය. මෙහිදී ආයෝජකයන් තෝරා ගැනීම තරගකාරී ලංසු ක්‍රමයක් අනුව සිදුකරන බවද ඔහු පැවැසීය.

ශ්‍රී ලංකාව තුළ ශාඛා විශ්වවිද්‍යාල ආරම්භ කිරීමට අවස්ථාව දෙන බවත් ඒ සඳහා අවශ්‍ය පහසුකම් ආයෝජන මණ්ඩලය හරහා ලබාදෙන බවත් ජනපතිවරයා ප්‍රකාශ කළේය. කොතලාවල ආරක්ෂක විශ්වවිද්‍යාලයේ ශාඛාවක් කුරුණැගල ආරම්භ කිරීමට යෝජනා කරන බවද ජනපතිවරයා සඳහන් කළේය.

නියමු ව්‍යාපෘතියක් ලෙස හාලි ඇල සිට කොළඹ කොටුව දක්වා භාණ්ඩ එළවළු හා පළතුරු ප්‍රවාහන දුම්රියක් ධාවනය කිරීමට කටයුතු කරන බව ජනපති රනිල් වික්‍රමසිංහ මහතා පැවැසීය.

හෙක්ටයාර් 2ට අඩු ගොවීන් ලබාගත් ණය කපා හැරීමට කටයුතු කරන බව ජනති රනිල් වික්‍රමසිංහ මහතා පැවැසීය. මේ අනුව රාජ්‍ය බැංකුවලින් ලබාගත් ණය මේ අනුව අත්හිටුවන බවත් ප්‍රතිලාභ ලබන ගොවීන් සංඛ්‍යාව 28000ක් බවත් ජනපතිවරයා සඳහන් කළේය.

ගැබිනි මව්වරුන්ට දැනට ලබාදෙන රුපියල් 20000ක දීමනාව වෙනුවට තවත් රුපියල් 2500ක මාසික අතිරේක දීමනාවක් ලබාදීමට යෝජනා කරන බව ජනපති රනිල් වික්‍රමසිංහ මහතා පැවැසීය. ආහාර සුරක්ෂිතතාවක් නොමැති පවුල් 61000ක් වෙනුවෙන් මෙම පවුල් සඳහා වසරේ ඉදිරි කාලසීමාව තුළ මසකට රුපියල් 10000 බැගින් ලබාදීමට කටයුතු කරන බව ජනපතිවරයා පැවැසිය.