ග්‍රීන්ලන්තය සිය පාලනයට ගැනීමට තමා කරන ඉල්ලීමට විරුද්ධ වන යුරෝපීය රටවලට අතිරේක තීරුබදු පනවන බව ඇමෙරිකානු ජනපති ඩොනල්ඩ් ට්‍රම්ප් පවසයි.

දකුණු ස්පාඤ්ඤයේ අධිවේගී දුම්රිය දෙකක් ගැටීමෙන් සිදුවූ අනතුරකින් අවම වශයෙන් පුද්ගලයින් 21 දෙනෙකු මිය ගොස් ඇති අතර, මරණ සංඛ්‍යාව තවත් ඉහළ යා හැකි බව බලධාරීන් අනතුරු අඟවයි.

ඉරානයේ මෑත කාලීන විරෝධතා මෙන්ම ඇති වූ ජිවිත හානි සම්බන්ධයෙන් ඇමෙරිකාව හා ඇමෙරිකානු ජනපති ඩොනල්ඩ් ට්‍රම්ප් වගකිව යුතු බව ඉරානයේ උත්තරීතර නායක අයතුල්ලා අලි කමේනි පවසයි.

ඩෙන්මාර්කය හා ඇමෙරිකාව අතර තේරීමක් කිරීමට තමා ජනතාවගෙන් ඉල්ලා සිටියහොත් තම ජනතාව එක්සත් ජනපදය වෙනුවට ඩෙන්මාර්කය තෝරා ගනු ඇතැයි ග්‍රීන්ලන්ත අගමැති පවසයි.

ඉරානය සමඟ වාණිජ සබඳතා ඇති රටවල භාණ්ඩ සඳහා 25% ක තීරු බද්දක් පැනවූ බව ඇමරිකානු ජනාධිපති ඩොනල්ඩ් ට්‍රම්ප් සඳුදා ප්‍රකාශ කළේය. මේ වන විට ඉරාන රජයට ඒරෙහිව එරට ජනතාව නැගී සිටින අතර ඒය පාලනය කිරීම ​සඳහා ඉරාන රජය දැඩි මිල්ටරි ක්‍රියාමාරග ගනිමින් සිටියි.

වෙනිසියුලාවට සම්බන්ධ දෙවන තෙල් ටැංකියද කැරිබියන් මුහුදේදී තමන් විසින් අල්ලා ගත් බව එක්සත් ජනපද හමුදාව පවසයි. ’’රාජ්‍යයක් නොමැති, අනුමත කරන ලද අඳුරු බලඇණියේ මෝටර් ටැංකියක්’’ වන මෙම නෞකාව අලුයම සිදු කරන ලද මෙහෙයුමකදී අත්අඩංගුවට ගත් බව ඇමෙරිකාව තවදුරටත් පවසයි.

එක්සත් ජනපද සම්බාධක උල්ලංඝනය කිරීම හේතුවෙන් M/V Bella 1 සිය භාරයට ගත් බව එක්සත් ජනපද යුරෝපීය විධානය පවසයි.

ඇමෙරිකාව සිය භාරයට ගත් වෙනිසියුලානු ජනපති නිකලොස් මදුරෝ බෘක්ලින්හි මෙට්‍රොපොලිටන් රැඳවුම් මධ්‍යස්ථානයට ගෙන ගොස් තිබේ. ඉහළ පෙළේ සිරකරුවන් රඳවා ගැනීම වෙනුවෙන් මෙම මධ්‍යස්ථානය භාවිත කරනු ලබයි.

වෙනිසියුලා ජනපති නිකලොස් මදුරෝ අත්අඩංගුවට ගැනීම සඳහා ඇමෙරිකානු ආරක්ෂක අංශ කළ මෙහෙයුම තමන් සජීවීව නැරඹූ බවත් එය රූපවාහිනී ජවනිකාවක් මෙන් වූ බවත් ඇමෙරිකානු ජනපති ඩොනල්ඩ් ට්‍රම්ප් පවසයි.

වෙනිසියුලාවට ඇමෙරිකාව විසින් ප්‍රහාරයක් එල්ල කර තිබේ. අගනගරය වන කරකාස් ඉලක්ක කර මෙම ප්‍රහාරය එල්ල ව තිබේ. වෙනිසියුලානු ජනපති නිකලෝස් මදුරෝ හා ඔහුගේ බිරිඳ මේ වන විට ඇමෙරිකානු හමුදා භාරයට ගෙන ඇති බව ඇමෙරිකානු ජනපතිවරයා පවසයි. එසේම මේ වන විට වෙනිසියුලානු ජනපති හා බිරිඳව වෙනිසියුලාවෙන් පිටකරගෙන යමින් සිටින බවද ඇමෙරිකානු ජනපතිවරයා පවසයි.

චීනයේ BYD, ලොව විශාලතම විදුලි වාහන (EV) අලෙවිකරු ලෙස එලොන් මස්ක්ගේ ටෙස්ලා අභිබවා යාමට නියමිත අතර, එය වාර්ෂික අලෙවිය සඳහා තම ඇමරිකානු ප්‍රතිවාදියා අභිබවා ගිය පළමු අවස්ථාව මෙයයි.

දකුණු ස්විට්සර්ලන්තයේ තානායමක තැබෑරුමක ඇති වූ ගින්නකින් පුද්ගලයින් 40 ක් පමණ මිය ගොස් ඇති බව පොලිසිය පවසයි. තවත් 115 දෙනෙකු තුවාල ලබා ඇති අතර, ඔවුන්ගෙන් බොහෝ දෙනෙකුගේ තත්ත්වය ’’බරපතල’’බව ජාත්‍යන්තර මාධ්‍ය වාර්තා කරයි.

චිනයේ උපත් සංඛ්‍යාව ඉහළ දැමිම වෙනුවෙන් ජනවාරි 1 දා වන සිට ක්‍රියාත්මක වන පරිදි බදු සංශෝධන කිහිපයක් සිදුකර තිබේ. මේ අනුව කොන්ඩම් වැනි උපත් පාලන ක්‍රම සඳහා සියයට 13ක විකුණුම් බද්දක් අය කරන අතර ළමා රක්ෂක සේවා එම බද්දෙන් නිදහස් කර තිබේ.

ඉන්දීය රජයේ වසර අවසාන ආර්ථික සමාලෝචනයේ ගණනය කිරීම් වලට අනුව, ඉන්දියාව ජපානය අභිබවා ලොව සිව්වන විශාලතම ආර්ථිකය බවට පත්ව ඇත.

පසුගිය සතියේ බ්‍රවුන් විශ්ව විද්‍යාලයේ සිදු වූ සමූහ වෙඩි තැබීමකින් පුද්ගලයින් දෙදෙනෙකු මිය යාමත් සමඟ ඇමෙරිකානු ජනාධිපති ඩොනල්ඩ් ට්‍රම්ප් එක්සත් ජනපද හරිත කාඩ්පත් ලොතරැයි ක්‍රමය (green card lottery) අත්හිටුවා තිබේ.

යුදෙව් ජාතිකියන්ගේ සැමරුම් උත්සවයක් අතරතුර ඔස්ට්‍රේලියාවේ නිව් සවුත් වේල්ස්හි බොන්ඩි වෙරළ තීරයේ සිදුවූ වෙඩි තැබිමෙන් මියගිය සංඛ්‍යාව 15ක් බවට පත්ව තිබේ. මෙසේ ජීවිතක්ෂයට පත්වූ පිරිස වයස අවුරුදු 10 සිට 87 අතර පසුවන්නන් අතර අවුරුදු 10ක ගැහැණු දරුවෙක්ද ජීවිතක්ෂයට පත්ව තිබේ.

ඔස්ට්‍රේලයාවේ බොන්ඩි වෙරළේ පැවැති උත්සවයකට එල්ලවූ වෙඩි ප්‍රහාරයක් හේතුවෙන් පුද්ගලයන් 12 ක් මියගොස් ඇති බව ජාත්‍යන්තර මාධ්‍ය වාර්තා කරයි.

තමා අප්‍රේල් මාසයේදී චීනයේ නිල සංචාරයකට එක්වන බවත් ලබන වසර අගදී චීන ජනාධිපති ෂී ජින් පිං ඇමෙරිකාවේ නිල සංචාරයක් සඳහා එක්වන බවත් ඇමෙරිකානු ජනපති ඩොනල්ඩ් ට්‍රම්ප් ප්‍රකාශ කරයි.

චීනය තම පුරවැසියන්ට ජපානයේ සංචාරය නොකරන සඳහන් කරන අතරම බීජින් හි සිටින ජපාන තානාපතිවරයාට කැඳවීමක් කිරිමට චීනය කටයුතු කර තිබේ. ජපානයේ නව අගමැතිනි සානේ ටකයිචි තායිවානය පිළිබඳව කළ අදහස් දැක්වීමට විරෝධය දැක්වීමක් ලෙස චීනය මෙම තීරණය ගෙන තිබේ

පකිස්තානයේ ඉස්ලාමාබාද් අගනුවර අද සිදුවූ පිපිරීමකින් පුද්ගලයන් 12 දෙනෙකු මිය ගොස් තවත් 20 දෙනෙකු තුවාල ලබා ඇති බව පකිස්තාන වෛද්‍ය විද්‍යා ආයතනය පවසයි.

ඉන්දියාවේ නව දිල්ලි නුවර රතු බලකොටුව ආසන්නයේ සිදුවූ මෝටර් රථ පිපිරීමෙන් මිය ගිය ගණන 8ක් දක්වා ඉහළ ගොස් තිබේ. සිදවීමෙන් තවත් 20කට ආසන්න පිරිසක් තුවාල ලබා තිබේ.

ටෙස්ලා ප්‍රධානී එලොන් මස්ක්ගේ ඩොලර් ට්‍රිලියනයක වැටුප් පැකේජයට ටෙස්ටලාහි කොටස් හිමියන් විසින් අනුමතිය ලබා චී තිබේ. මෙම වැටුප් පැකේජය ඳසහා ටෙස්ලා හි 75% ක ඡන්ද ප්‍රතිශතයක් අනුමැතිය ලබාදී තිබේ.

ඇමෙරිකානු රජයේ වසා දැමීම දිගටම පැවතුනහොත්, සිකුරාදා උදෑසන සිට එක්සත් ජනපදයේ ප්‍රධාන ගුවන් තොටුපළ 40 ක ගුවන් ගමන් ධාරිතාව 10% කින් අඩුවනු ඇතැයි ඇමෙරිකානු ප්‍රවාහන ලේකම් ෂෝන් ඩෆි අනතුරු ඇඟවීය.

උතුරු ඇෆ්ගනිස්ථානයේ විශාලතම නගරවලින් එකක් වන මසාර්-ඊ ෂරීෆ් අසල භූමිකම්පාවක් සිදුව ඇති බව ජාත්‍යන්තර මාධ්‍ය වාර්තා කරයි.

එක්සත් ජනපද ජනාධිපති ඩොනල්ඩ් ට්‍රම්ප් සහ චීන ජනපති අතර දකුණු කොරියාවේ පැවැති සාකච්ඡා සාර්ථක වි ඇති බව ජාත්‍යන්තර මාධ්‍ය වාර්තා කරයි. ඩොනල්ඩ් ට්‍රම්ප් හා චීන ජනපති අතර හමුවක් සිදුව ඇත්තේ වසර හයකට පසුව වන අතර මෙම හමුව හරහා ලෝකයේ විශාලතම ආර්ථිකයන් දෙක අතර ආතතීන් අඩු කිරීම සඳහා බලාපොරොත්තු ඇති කරන බව ජාත්‍යන්තර මාධ්‍ය වාර්තා කරයි.

ගාසා තීරයට අඟහරුවාදා රාත්‍රී ඊශ්‍රායෙලය එල්ල කළ ප්‍රහාර රැල්ලකින් අවම වශයෙන් පලස්තීනුවන් 50 දෙනෙකු මිය ගොස් ඇති බව හමාස් පාලනය කරන සිවිල් ආරක්ෂක ඒජන්සිය සහ රෝහල් පවසයි.

විභව වෙළඳ ගිවිසුමක රාමුවට ඇමරිකා එක්සත් ජනපදය සහ චීනය එකඟ වී ඇති බව එක්සත් ජනපද භාණ්ඩාගාර ලේකම්වරයා පවසයි. ඇමෙරිකා ජනපති ඩොනල්ඩ් ට්‍රම්ප් සහ චීන ජනාධිපති ෂී ජින් පිං බ්‍රහස්පතින්දා දකුණු කොරියාවේදී සාකච්ඡා පැවැත්වීමට නියමිතය. එම සාකච්ඡාවලට පෙරාතුව මෙසේ ඇමෙරිකාව හා චීනය වෙළඳ ගිවිසුමක රාමුවට එක ඟ ව තිබේ.

ඔක්තෝබර් 30 වන දින ආසියාවේ පැවැත්වෙන සමුළුවකට සමගාමීව දකුණු කොරියාවේදී ඇමරිකානු ජනාධිපති ඩොනල්ඩ් ට්‍රම්ප් හා චීන ජනපති ෂී ජින්පින් හමුවන බව ධවල මන්දිරය තහවුරු කර තිබේ.

රුසියාවේ විශාලතම තෙල් සමාගම් දෙක වන රොස්නෙෆ්ට් සහ ලුකොයිල් ඉලක්ක කර ගනිමින් එක්සත් ජනපදය නව සම්බාධක ප්‍රකාශයට පත් කර තිබේ. යුක්රේනයේ සාම ගිවිසුමක් සාකච්ඡා කිරීම සඳහා මොස්කව්ට බලපෑම් කිරීමේ උත්සාහයක් ලෙස මෙම ක්‍රියාමාර්ගය ගෙන තිබේ.