ජාත්‍යන්තර අභ්‍යාවකාශ මධ්‍යස්ථානයේ රඳවා තිබූ රාවණ -1 නැනෝ චන්ද්‍රිකාව අද (17දා) ශ්‍රී ලංකාවේ වේලාවෙන් ප.ව. 3.45 ට පෘථිවියට කිලෝමීටර 400 ක දුරින් පිහිටි කක්ෂයකට මුදාහැරීම සිදුවිය.

පොසොන් උත්සවය වාර්ෂික ජාතික උත්සවයක් සේ සැලකීම සහ මිහින්තලාවේ වාර්ෂික පොසොන් පෙරහැර සඳහා රාජ්‍ය අනුග්‍රහය ලබා දීම සඳහා අවශ්‍ය නෛතික කටයුතු කඩිනමින් සම්පාදනය කිරීමට අග්‍රාමාත්‍ය රනිල් වික්‍රමසිංහ මහතා තීරණය කර ඇත.

ශ්‍රී ලංකා යුද්ධ හමුදාවේ සියලු සාමාජිකයන්ගේ මූල්‍ය දායකත්වයෙන් රුපියල් කෝටියක් වැයකර මිලදී ගත් ඩයග්නොස්ටික් එල්ට්‍රා සවුන්ඩ් ස්කෑන් යන්ත්‍ර දෙකක් යුද්ධ හමුදාපති ලුතිනන් ජෙනරාල් මහේෂ් සේනානායක මහතා විසින් මහරගම අපේක්ෂා රෝහලට අද (17) පෙරවරුවේ භාර දෙනු ලැබීය.

බලන්ගොඩ බෙලිහුල ප්‍රදේශයේදි ෆේස්බුක් සාදයකදි අත්අඩංගුවට ගත් සැකකරුවන් 51දෙනා විවිධ මත්ද්‍රව්‍ය සමඟ අත්අඩංගුවට අද (17) ගෙන බලන්ගොඩ මහේස්ත්‍රාත් රුවන් දිසානායක මහතා හමුවට ඉදිරිපත් කිරීමෙන් පසුව සියලු දෙනාට දඩ නියම කළේය.

පාස්කු ඉරිදා ප්‍රහාරය පිළිබඳ සිදුකරන පරික්ෂණ නිසි ක්‍රමවේදයකට අනුව සාධාරණව සිදු නොවුණහොත් ආණ්ඩුවේ පැවැත්ම පිළිබඳ ගැටලු ඇතිවිය හැකි බව ජාතික ප්‍රතිපත්ති සහ ආර්ථික කටයුතු රාජ්‍ය අමාත්‍ය නිරෝෂන් පෙරේරා මහතා පවසයි.

චීන , ශ්‍රී ලංකා මිත්‍රත්ව ජාතික වෘක්කවේද විශේෂිත රෝහලේ ඉදිකිරීම අද (17) පෙරවරුවේ ජනාධිපති මෛත්‍රීපාල සිරිසේන මහතාගේ නිරික්ෂණයට ලක් විය.

අද මේ රටේ රජයේ, පෞද්ගලික හා ජාත්‍යන්තර පාසල්වල ඉගෙනුම ලබන සෑම දරුවෙකුටම සුරක්ෂා රක්ෂණාවරණය රජය විසින් නොමිලේ ලබා දෙන බවත්, ඒ යටතේ රජයේ රෝහලක ප්‍රතිකාර ලබා ගැනීමේ දී දිනකට රුපියල් තුන්දහසක් ඇතුලුව ලක්ෂ දෙකක රක්ෂණාවරණයක් හිමිවන බවත් අධ්‍යාපන අමාත්‍ය අකිල විරාජ් කාරියවසම් මහතා පැවසීය.

රාජ්‍ය පාලනය සඳහා එදා ලිච්ඡවී රජ දරුවන් දුන් උපදේශයන්ට අනුව වත්මන් ආණ්ඩුව හා ඇමැති මණ්ඩලය ක්‍රියා කරමින් සිටින බව අග්‍රාමාත්‍ය රනිල් වික්‍රමසිංහ මහතා සඳහන් කළේය.

අනුරාධපුර මහනගර සභාවේ නගරාධිපතිවරයා තලාව ප්‍රාදේශිය සභාවේ සභාපතිවරයා ඇතුළු සැකකරුවන් හත්දෙනෙකු මේ මස (24දා) දක්වා රක්ෂිත බන්ධනාගාරගත කරන ලෙස තඹුත්තේගම වැඩ බලන මහේස්ත්‍රාත් පුෂ්පානී වික්‍රමරත්න මහත්මිය නියෝග කළාය.

තමා සෞඛ්‍ය ඇමතිවරයා ලෙස ඉන්න තෙක් කිසිදු ආකාරයකින් විදෙස් දුම්වැටි ගෙන්වීමට අවස්ථාවක් ලබා නොදෙන බව සෞඛ්‍ය අමාත්‍ය රාජිත සේනාරත්න මහතා පවසයි.

මන්නාරම, තාරපුරම් ප්‍රදේශයේ ඊයේ (16) දින සිදු කළ වැටලිමකදි නීතිවිරෝධී බීඩි කොළ කිලෝග්‍රෑම් 946ක් සමඟ පුද්ගලයින් තිදෙනෙකු නාවික හමුදාව විසින් අත්අඩංගුවට ගෙන ඇත.

හෙරොයින් ජාවාරම් කිරීමේ චෝදනාවන්ට වරදකරුවු ඩුබායි රටේ සිට ජාත්‍යන්තර මත්කුඩු ජාවාරමේ යෙදෙන කෙසෙල්වත්තේ දිනුක නමැත්තාගේ ගෝලයකුට කොළඹ මහාධිකරණ විනිසුරු ගිහාන් කුලතුංග මහතා ජිවීතාන්තය දක්වා වු බරපතළ වැඩ සහිත සිරදඬුවම් අද (17) නියම කළේය.

දෙවන පෙළක් ඉදිරියට ඒම පිළිබඳව ඉදිරි පෙළ බියට පත් වී තිබෙන නිසා පළාත් සභා මැතිවරණය කල් දමා තිබෙන බව මැතිවරණ කොමිසමේ සභාපති මහින්ද දේශප්‍රිය මහතා ඊයේ (16) කොස්ගොඩ දී ප්‍රකාශ කළේය.

මුස්ලිම් ජනතාව පීඩාවට පත්වන ආකාරයට සමාජයේ ප්‍රචලිත කෙරෙන මතවාද නිවැරදි කිරීම සහ සමස්ත සමාජය සුවපත් කිරීම සඳහා සිය මැදිහත්වීම අවශ්‍ය බව පවසමින් ජාතික නිදහස් පෙරමුණේ ප්‍රචාරක ලේකම් මොහොමඩ් මුසම්මිල් විසින් සමස්ත ලංකා ජමියතුල්ලා උලමා සංවිධානයේ සභාපතිවරයාට ලිපියක් යොමු කර ඇත.

යාපනය, මනියම්තෝට්ටම් ප්‍රදේශයේ මාර්ගයක් ආසන්නයේ කිතුණු දෙව් මැදුරක සුරුවමක් අද (17) අලුයම කිසියම් පිරිසක් විසින් කඩා දමා පළා ගොස් ඇති බවට යාපනය පොලීසිය පවසයි.

මුලතිව් ගුරුකන්ද පුරාණ රජමහා විහාරයේ සිංහල නාම පුවරු ඉවත් කිරීම හා කෝවිලේ නාම පුවරු ඉතිරි කිරිමට එරෙහිව හා දේශපාලනික බලපෑම් වලට විරෝධය පාමින් විරෝධතාවක් ඊයේ (16) දින මුලතිව් ගුරුකන්ද පුරාණ රජමහා විහාරය ඉදිරිපිට පැවත්වුණි.

පැවැත්විය යුත්තේ පළාත් සභා මැතිවරණය හෝ ජනාධිපතිවරණය බව මහානගර හා බස්නාහිර සංවර්ධන අමාත්‍ය පාඨලි චම්පික රණවක මහතා පවසයි.

ජාතික තවුහිද් ජමාත් නායක සහරාන්ගේ හම්බන්තොට පුහුණු කඳවුරකදී සහරාන්ගේ දේශන වලට සහභාගි වී අවි පුහුණුව ලබා ඉස්ලාමීය රාජ්‍යයක් වෙනුවෙන් දිවි හිමියෙන් කැප වන බවට ගිවිසුම් ගත වූ බව කියන 21 හැවිරිදි තරුණයෙක් වැලිමඩ සිල්මියා පුරදි අත්අඩංගුවට ගත් බව වැලිමඩ පොලීසිය පවසයි.

මෙම විශේෂ කාරක සභාව වහාම නතර කරන ලෙස කථානායක කරු ජයසූරිය මහතාගෙන් ඉල්ලා සිටීමටත්, ඔහුගේ ප්‍රතිචාරය යහපත් නොවන්නේ නම්, අඛණ්ඩව විරෝධය පළකිරීමටත් ඒකබද්ධ විපක්‍ෂය සැලසුම් කර ඇතැයි වාර්තා වෙයි.

රෝහල් කාර්යමණ්ඩලයේ කිහිපදෙනෙකුට ඩෙංගු රෝගය වැලඳීම හේතුවෙන් අද (17දා) දින සිට කොළඹ අක්‍ෂි රෝහලේ ශල්‍යාගාරය වසා දමා ඇතැයි වාර්තා වේ.

මාර්ග ආරක්‍ෂාව පිළිබඳ ජාතික සභාව, කොමිෂන් සභාවක් බවට පත්කරන බව ප්‍රවාහන සහ සිවිල් ගුවන් සේවා අමාත්‍ය අර්ජුන රණතුංග මහතා පවසයි. ඊට අදාළ කැබිනට් පත්‍රිකාව හෙට (18දා) දිනයේදී පැවැත්වෙන අමාත්‍ය මණ්ඩල රැස්වීමට ඉදිරිපත් කරන බවද අමාත්‍යවරයා සඳහන් කරයි. මාර්ග ආරක්‍ෂාව පිළිබඳ ජාතික සභාවේ කාර්යභාරය පුළුල් කිරීම උදෙසා මෙම පියවරට එළැඹි බවද ඒ මහතා ප්‍රකාශ කරයි.

එක්වරම පැමිනි මුහුදු රළ පහරකට හසුව කාන්තාවක් හා පිරිමි පුද්ගලයෙකු දියේ ගසාගෙන ගොස් ඇති බව පොලීසිය පවසයි.

මුදල් අමාත්‍ය මංගල සමරවීර මහතාට විරුද්ධව කැබිනට් ඇමතිවරුන් වන රාජිත සේනාරත්න හා රවි කරුණනායක යන අය තමන්ගේ අප්‍රසාදය පළකර තිබේ.

විවිධ කට කථා යනවා මම ජනාධිපතිවරණයට ඉදිරිපත් වෙනවා කියලා, අපි ඒ ගැන ඒ වෙලාවට බලමු

ලෝක කුසලාන ක්‍රිකට් තරගාවලියේදී ශ්‍රී ලංකා කණ්ඩායමට ලබා දුන් තණතිලි ගැන සාධාරණ පරීක්ෂණයක් අන්තර්ජාතික ක්‍රිකට් කවුන්සිලයෙන් ඉල්ලා සිටීම වැදගත් යැයි හිටපු ටෙස්ට් ක්‍රිකට් නායක අමාත්‍ය අර්ජුන රණතුංග මහතා අවධාරණය කරයි.

නුදුරු දිනක දී ම ශ‍්‍රී ලංකාවේ සංචාරයක් සඳහා ද ජනාධිපති මෛත්‍රීපාල සිරිසේන මහතා රුසියානු ජනාධිපති ව්ලැඩ්මීර් පුටින් මහතා වෙත ආරාධනා කර තිබේ.

මේවා ඇත්තෙන්ම ‘ව්‍යාජ ගම්මාන’ ලෙස හැඳින්විය හැකියි. මෙතැනදී සිදු වන්නේ නිවාස අහිමි පිරිසකට නිවාස ලබා දීමක් නොවෙයි. ඒකයි මා මේවා ‘ව්‍යාජ ගම්මාන’ ලෙස හැඳින්වූයේ.

පාස්කු ඉරිදා ප්‍රහාරය සම්බන්ධයෙන් ඩුබායි රාජ්‍යයේදී අත්අඩංගුවට ගෙන මෙරටට රැගෙන එන ලද පුද්ගලයන් පස්දෙනා කොළඹ අපරාධ කොට්ඨාසයේ රඳවා තබාගෙන ප්‍රකාශ සටහන් කරගන්නා බව පොලිස් මූලස්ථානය සඳහන් කරයි.

සූර්යබල සංග්‍රාමයේ පළමු අදියර නවතා දැමීමට කිසිදු තීරණයක් ගෙන නොමැති බව විදුලිබල හා බලශක්ති හා ව්‍යාපාර සංවර්ධන අමාත්‍යාංශයේ මාධ්‍ය ප්‍රචාරක සුලක්ෂණ ගුණවර්ධන මහතා පවසයි.