තංගල්ල - විරකැටිය ප්‍රදේශයේ පාසල් ගුරුවරියකට කොවිඩ් ආසාදිත බවට හදුනා ගැනිමත් සමඟ එම ප්‍රදේශයේ පාසල් 4ක් අද සහ හෙට දෙදින වසා දැමිමට සෞඛ්‍ය අංශය පවසයි.

කොවිඩ් -19 වෛරසය ආසාදනය වූ තවත් 163 දෙනෙකු අද (25) දිනයේ හඳුනාගෙන තිබේ.

හිටපු මුදල් අමාත්‍ය රවි කරුණානායක මහතා ඇතුළු විත්තිකරුවන්ට චෝදනා පත්‍ර භාරදීමෙන් පසුව ඔවුන් හෙට (26) දින දක්වා රක්ෂිත බන්ධනාගාරගත කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ල අද (25) නඩුව කැඳවූ අවස්ථාවේදී නියමකර තිබේ.

මස්කෙළිය, ගාඩ්මෝර් තේ වතුයායේ, ෆෝග්මෝර් කොටසේ පාසල් ළමයින් පිරිසකට අද (25) එල්ල වූ බඹර ප්‍රහාරයක් හේතුවෙන් සිසු සිසුවියන් 12 දෙනෙක් තුවාල ලබා මස්කෙළිය ප්‍රාදේශිය රෝහල වෙත ඇතලත් කරනු ලැබූහ.

වැලිකඩ බන්ධනාගාරයේ නියාමකවරයෙකු ගංජා සමඟ බොරැල්ල ටි 20 වත්ත ප්‍රදේශයේ දී ඊයේ (24) අත්අඩංගුවට ගත් බව කොළඹ දකුණ කොට්ඨාස දූෂණ මර්දන ඒකකය කියයි

මහෙස්ත්‍රාත්වරුන් සහ විනිසුරුවරුන් 72ක් සඳහා ස්ථාන මාරුවීම් ලබාදීමට අධිකරණ සේවා කොමිසන් සභාව පියවරගෙන තිබේ.

පාර්ලිමේන්තුවට පිළිගන්වන වාර්ෂික වාර්තා, කාර්ය සාධන වාර්තා සහ අනෙකුත් වාර්තා වල මුද්‍රිත පිටපත් භාෂාත්‍රයෙන්ම ලබා දීමේදී එක් එක් අමාත්‍යාංශය විසින් දැරිය යුතු අධික පිරිවැය සම්බන්ධයෙන් පසුගිය මාර්තු 17 වැනි දින පැවති පාර්ලිමේන්තු කටයුතු පිළිබඳ කාරක සභාවේදී විශේෂ අවධානය යොමු වී තිබේ.

පස්සර 13 කණුව ප්‍රදේශයේදී සිදුවූ මාරක බස්රථ අනතුර සම්බන්ධයෙන් මහේස්ත්‍රාත් නියෝගය මත අද (25දා) දක්වා රක්ෂිත බන්ධනාගාරගත කර සිටි අනතුරට පත් බස් රථයේ රියදුරු හා ඒ සම්බන්ධව සැකපිට අත්අඩංගුවට පත්ව සිටි ටිපර් රථ රියදුරු අප්‍රේල් මස 01 වැනිදා තෙක් යළි රක්ෂිත බන්ධනාගාරගත කරන ලෙස බදුල්ල මහේස්ත්‍රාත් චමින්ද කරුණාදාස මහතා අද (25) පස්සර සංචාරක අධිකරණයේදී නියෝග කළේය.

වැල්ලවාය ඇල්ල මාර්ගයේ හුණුකැටිය හන්දිය ප්‍රදේශයේදි අද (25) සිදුවු රිය අනතුරකින් පෙර පාසල් දරුවෙකු ජිවිතක්ෂයට පත් වි ඇත.

එක්දහස් නවසිය අනූහතේ සිට පවතින තම වැටුප් විෂමතාවයට විසඳුමක් ලබා දෙන ලෙස ඉල්ලමින් ගුරු විදුහල්පති එකමුතුව අද (25) පස්වරුවේ කුරුණෑගල නගරයේදී දැවැන්ත විරෝධතාවයක් පැවැත්වූහ.

කොවිඩ් -19 වෛරසය ආසාදනය වී රෝහල්ගතව ප්‍රතිකාරගෙන පූර්ණ සුවය ලැබූ තවත් 251 දෙනෙකු අද (25) දිනයේ පිටවගොස් තිබේ.

රුහුණුපුර අති වන්දනීය නගරය ලෙස දෙස් විදෙස් සියලු බැතිමතුන්ගේ ගෞරවාදරයට පාත්‍ර වූ සිව් මහා නගරයන්ගෙන් එකක් වූ, හම්බන්තොට වාණිජ නගරයට සම්බන්ධ සහ බුත්තල නගරයට මැදි ව පිහිටි කතරගම පූජා භූමි නගර සංවර්ධන කටයුතු අග්‍රාමාත්‍ය මහින්ද රාජපක්ෂ මහතාගේ උපදෙස් පරිදි නාගරික සංවර්ධන අධිකාරිය මඟින් ක්‍රියාත්මක කරයි.

කෘෂිකර්ම අමාත්‍යංශය විසින් ක්‍රියාත්මක කරන පුරන්කුඹුරු අස්වැද්දීමේ ජාතික සංග්‍රාමය අද (25) ආරම්භ වීමට නියමිතය.

පරිසරය සුරක්ෂිත කිරීම සඳහා වෙනත් කිසිදු රජයකින් ක්‍රියාත්මක නොවුණු වැඩපිළිවෙළක් රජය ක්‍රියාත්මක කර ඇති බව අමාත්‍ය ප්‍රසන්න රණතුංග මහතා පවසයි.

ශ්‍රී ලංකා මුහුදු තීරයට අනවසරයෙන් ඇතුලු වී ධීවර කටයුතු වල නිරතව සිටි ඉන්දීය ධීවර යාත්‍රා 05ක් සමඟ ඉන්දීය ජාතිකයින් 54ක් ඊයේ (24දා) අත්අඩංගුවට ගත් බව නාවික හමුදාව නිවේදනය කරයි.

මොරන්තුඩුව දෙල්දූව ප්‍රදේශයේ දී අද (25) බස් රථයකට යට වීමෙන් වයෝවෘද්ධ කාන්තාවක් මිය ගිය බව මොරොන්තුඩුව පොලීසිය කියයි.

කොළඹ නිදහස් චතුරඝ‍්‍රයේ පිහිටි ආකේඞ් වෙළඳ සංකීර්ණය නාගරික සංවර්ධන අධිකාරිය විසින් ඔඩෙල් පී.එල්.සී ආයතනයට බදු දී ඇත්තේ මසකට රුපියල් මිලියන 10කට බව රාජ්‍ය අමාත්‍ය ආචාර්ය නාලක ගොඩහේවා මහතා පැවැසීය. එම පරිශ්‍රය වසර 10ක් සඳහා ඔඩෙල් සමාගම වෙත බදු දී තිබේ.

විදෙස් රටවල සිදුවන වන සංහාරයන් මෙරට සිදුවන බව හුවා දක්වමින් ව්‍යාජ ඡායාරූප සමාජය මාධ්‍ය ඔස්සේ පතුරුවා හැරි කණ්ඩායමක් අත්අඩංගුවට ගත් බව පරිසර අමාත්‍ය මහින්ද අමරවිර පවසයි.

ශ්‍රී ලංකා ගමනා ගමන මණ්ඩලයේ කොන්ත්‍රාත් පදනම මත සේවය කරන වසර 5ට වැඩි පළපුරුද්ද සහිත සියළු සේවකයන් ස්ථිර කිරීමට පියවර ගන්නා බව ප්‍රවාහන රාජ්‍ය අමාත්‍ය දිලුම් අමුණුගම මහතා පැවසීය.

දේශපාලන රැළියකදී හිටපු යුද හමුදාපති, ෆීල්ඩ් මාෂල් සරත් ෆොන්සේකා මහතා තමා පිළිබඳව අසත්‍ය ප්‍රකාශයක් කිරීමෙන් තම කීර්තිනාමයට හානි සිදු වු බවත් ඒ සඳහා රුපියල් බිලියනක වන්දියක් ඉල්ලමින් හිටපු ශ්‍රී ලංකා ක්‍රිකට් ක්‍රීඩක මුත්තයියා මුරලිදරන් එන්තරවාසියක් යොමුකර තිබේ.

මෙවර අ.පො.ස උසස් පෙළ විභාගයේ ප්‍රතිඵල අප්‍රේල් මාසය අවසානයේදී ලබා දෙන බව අධ්‍යාපන අමාත්‍ය මහාචාර්ය ජී.එල්.පීරිස් මහතා පැවසීය.

මගී ගුවන් යානා 21 ක මෙහෙයුම් කටයුතු සිදු කරමින් , ගුවන් මගීන් 1,577 දෙනෙකුට ගුවන් ගමන් පහසුකම් සලසා දෙමින් ,කිලෝ ග්‍රෑම් 398,000 ක ගුවන් භාණ්ඩ ප්‍රමාණයක් ප්‍රවාහනයට ද කටුනායක බණ්ඩාරනායක ජාත්‍යන්තර ගුවන් තොටුපළ අද දින උදෑසන 8.30 න් අවසන් පැය 24 ක කාලය තුළ පියවර ගෙන තිබූ බව ගුවන් තොටුපළ කාර්යය භාර නිලධාරීවරයා පැවසීය .

ඒ අනුව වැලිගම ජගාබේ රිසෝර්ට්, පැරඩයිස් බීච් සහ නෙප්චූන් රිසෝර්ට්, හික්කඩුව හික්කා එෆ්.එන්.ආර් සහ කොරල් රීෆ් ගෙස්ට්,වාද්දුව බ්ලූ ස්ප්‍රින්ග්, දික්වැල්ල විලා ජයනන්ද,මීගමුව කැටමරාන්,අහංගම ජයන්ති සර්ෆ් සහ තංගල්ල සැන්ටන් රිසෝර්ටි යන හෝටල් සහ නිවාඩු නිකේතන මේ විගමනික ශ්‍රමික නිරෝධායන මධ්‍යස්ථාන සඳහා තෝරාගෙන ඇත.

ඉහළ කොත්මලේ ජලාශයේ පාවෙමින් තිබු නාදුනන කාන්තා මළ සිරුරක් අද (25දා) සොයගත් බව තලවකැලේ පොලීසිය පැවසීය.

කොටගල සෞඛ්‍යය වෛද්‍යය නිලධාරි කාර්යාල බල ප්‍රදේශයෙන් ඊයේ (24දා) ලද පී.සී.ආර්. පරික්ෂණ වාර්තා අනුව කොවිඩ් 19 වෛරසය අසාදනය වු අසාදිතයන් 14 දෙනෙකු හමු වු බවත්, එම අසාදිතයන් අතර පාසල් ළමුන් 09 දෙනෙකු සිටින බවත් කොටගල මහජන සෞඛ්‍යය පරික්ෂක සෞන්දර් රාඝවන් මහතා පැවසිය.

අගරදගුරු පදවි, කතෝලික සභාවේ බස්නාහිර පළාතේ පිහිටි සියලුම පෞද්ගලික සහ ජාත්‍යන්තර පාසල් අප්‍රේල් මස 5වන දා ආරම්භ කිරීමට තීරණය කර තිබේ.

වැල්ලම්පිටිය ප්‍රදේශයේදි අයිස් මත්ද්‍රව්‍ය ග්‍රෑම් 29ක් සහ රුපියල් අට ලක්ෂ 80,000ක මුදලක් සමඟ සැකකරුවෙකු පොලිස් මත්ද්‍රව්‍ය නාශක කාර්යාංශය විසින් අත්අඩංගුවට ගෙන තිබේ.

වසංගතයට එරෙහිව සටන් කිරීමට සහ රට පශ්චාත් කොවිඩ්-19 ආර්ථික ප්‍රකෘතිමත් වීම සහතික කිරීම සඳහා ඇති එකම ක්‍රමය වන්නේ එන්නත් ලබාගැනීමට සිම්බාබ්වේ වැසියන් දිරිමත් කිරීම බව ජනාධිපති එමර්සන් පවසා සිටියේය.

සායනිත තත්ත්වයන් තුළ පමණක් නොව සැබෑ ලෝකයේදීද කොවිඩ්-19 වැළැක්වීම සඳහා එන්නත් ඵලදායී බව තවත් නව පර්යේෂණවලින් පෙනී යන බව එක්සත් ජනපදයේ ආසාත්මික හා බෝවන රෝග පිළිබඳ ජාතික ආයතනයේ අධ්‍යක්ෂ වෛද්‍ය ඇන්තනී ෆවුසි අවධාරණය කරයි.